أنت ملكي يا عنيدتي (ولسحر عيونك لن انحني )

Part163

نجلاء: علاش باغي تعرف كنيتها حتى نتا شنو غضيف ليك وبعدا شنو درتي في مشكلتك واش لقيتي شي حاجة

عماد(لقى على لينا نظرة باردة ومسك نجلاء من راحة يدها جارها نحوه وخطاو مبعدين على لينا): متحلش المشكل ولكن على الاقل قريب نشد راس الخيط ديال هاد الويل

نجلاء(ابتاسمت ليه ابتسامة مشجعة):الله يعاونك حبيبي انا عارفاك قادر عليها

نزل عينيه نحو خضروتيها لكانو كيرمقوه بحب ، نزل مستوى شفايفها باش يقبلها ولكن قاطعاتو سكرتيرة لجات خلف نجلاء

سكرتيرة:مــدام نجلاء اجي معايا كاين واحد مشكــل

نجلاء(التافتت نحوها باستغراب):مشكل؟ فاش

سكرتيرة:مع وحدة من مدعووات اجي معابا وغتعرفي

نجلاء(التافتت نحو عماد):حبيبي انا نمشي نشوف شنو كاين هانتا تسناني وخوذ راحتك هنا اصلا ميحتاجش نقولها ليك

عماد(ربت على شعرها بحنان وهمس ليها):فخور بك القطيوطة ديالي سيري غتلقايني في جردة كنتسناك خنقوني هنا اجواء شويا

نجلاء: على راحتك

تحركات خلف السكرتيرة، وفي هاد اللحظة كانت لينا دخلات بغضب لدورة المياه وقبل ماتبدا تلقي الشتائم باسم عماد، وجدات فيونا لكانت كضرب الحنفية بغضب وشرارة الحقد منعاكس داخل بؤبؤيها

ابتاسمت بمكر وشيطانها وجد الفشار باش يشاهد الخطة الخبيثة لغتحيكها من جديد

ظهرات على تقاسيمها الهدوء وتوجهات واقفة بقرب فيونا كتغسل يديها في المغسلة لبجانبها، لاحظت ان الاخرى حفلات من تواجدها كترمقها بنظرات حادة حيث كانت تبعات عماد منين مشا عند مراتو ولكن منين جرها وخلاهم خلفو مقدراتش تمشي عندو تحت انظار الناس لكيشاهدوهم

فيونا:مدام لينا وخا نعرف علاش نتي واقفة في صف ديك خيتي

لينا(مررات رأس غلوز على شفايفها ونطقات ببرود وعينيها على انعكاسها):علاش غنجاوبك

فيونا(عضات على شفايفها بغل حيث نجلاء هكذا تفوقات عليها من جميع النواحي وصبحات كتشعر بالخزي من نفسها ومن جمالها وبنبرة مبحوحة بسباب غصة لفي حلقها نبسات): حيث لو مكنتيش نتي كنت غنجح ندمرها

لينا(نقلات عينيها باتجاه فيونا لكان جسدها كيرتاجف، عارفة هاد الطايشة عقلها في عماد، امام تقتلها ولا تحمقها بشي عقار للمنظمة وتندمها على نهار لفكرات تآذي فيه بنتها ولكن هي الوسيلة لغادي تخلصها من داك المرجولي): لكنتي كتبغيه حاولي تبيني ليه كثر