أنت ملكي يا عنيدتي (ولسحر عيونك لن انحني )

Sequel part151

مجد(اكتفى فقط بانه يرمقها  بهدوء مخيف ، مهتمش كيفاش انها نقلات عينيها كتنظر لجسدو بنظرات غريبة كأنها ماشي اول مرة تشوفو بسباب ردك فعاها الجد طبيعية، لجميع الاشخاص لشافو جسدو سواء في السحن او في مستشفى ، بعقلهم او كيحملو اوراق المصحة، كينظرو ليه برعب حيث داك الوشم لموشوم بالموس مكانش شي حاجة بسيطة ومعنى ديالو كان مظلم، اش شخص شافو وجهو كان كيشحب بالرعببب لكيتسولب عليه ومستحيل يوضع عينيه على صقريتيه

هي كانت العكس ربعات يديها والغضب كيفور من حيط عينيها كترمقو بكل تحدددي وتهديد،

كانت كتلعب حياتها وبخطر موتها، مجد ماشي طبيعي شخص منفصم كيعاني من اضطربات في عقلو في اي لحظة يقدر يتبعها لخطيبها هي عارفة هادشي ومكانتش غتغامر بهاد الخطوة الا ولمكانتشمالكة بطاقتها الرابحة، وبطاقة حمايتها من اكبر شر يقدر يسقط على الانسان مجد المرجولي

نور: مغندوزهاش ليك ولكن هاد المرة منين غتمس شي حد قريب ليا أ مجــد مغنتسامحش معاك كيف صبررررت ليك لتحت ومقللات والو ، يلا كانت ديك شخصية بسيكوباطية ديالك كتخلي مكتحكمش في تصرفاااتك وكتقتل من هب ودب ،هاني وقفتها على حدها ومستحيل تقدر ضرني ولا تجاوزنني وشخصيتك تانية راك قادر عليها

مجد(نظر لزرقوتيه بهدوء مخيييف وقرب نحوها باغي يفك ديك الشيفرة اللعينة منهم، كشفات هويتو الظلامية لمخفية عن الكل ، وكيفاش عرفاتها بحق المعبود شكون هاد الشخص لواقف خلفهااا، ولا كيشك في نفسو حيث مكاينش شخص اقوى منو في محيطهم، شك انه كاينة شخصية رابعة لعبنك في ذماغو كتقدم ليها هاد المعلومات وحيث ليه انفصام في ذاكرة مخو، حييث مكاينش سبب منطقي لكيجعلها ديما سبقااه بخطوة مكاينننش): كتسحبي مجد لاخور لقتل داك خطيبك

نور(رمقاتو بهدوء حيث بحتو خرجات هادئة وعميقة ونبرة صوتو مكانتش لعوبة ولا مستفزة ولكن جدية، رجولية بزايدة ومع ذلك متأثراتش به وكانت جادة حيث اخيرا زول قناعو كيخاطبها وهو عارف قوتها واكيد بعد هاد اللحظة مستحيل يفكر يهينها): اذن نتا لقتلتيه

مجد(ساط هوااا لخرج سخون من فمو بسباب حرارة جسدو لمرتافعة داخلو من السخط، ماد يدو نحو رقبتها كيمسح على وريدها كيف كيتفحص الجزار وريد فريستو، وعينيه متبثين على خاصتها): هو ادم ايمن اي راجل اخر كيفكر انه يشوف فيك ولا يلمسك كيف هاد اللمسة ولا ينظر ليك نظرة انك ليه غيموت بنفس الطريقة ولا باكثر

نور(بسخرية): هه نتا مريض

مجد(ابتسامة مظلمة خافتة برزات على ثغرو ونطق بلكنتو بريطانية ثقيلة): كلنا مراض

نور(همسات ليه): نتا مهووس

مجد(كان كيمرر ابهامو على شفتها ولمحها كيفاش نافرة من لمستو ومن وقوفو امامها): مهووس بك بسباب فعايلك مقلتش ليك كوني ذكية ، عبقرية ،زوينة،ويكونو عندك هاد عينين(قلص مسافة بيناتهم وهمس امام شفايفها):حذرتك تلعبي مع شياطيني ومعايا بالضبط وماشي حتى دخلتي للحرب وتخرجي منها بهواك فهمتي