أنت ملكي يا عنيدتي (ولسحر عيونك لن انحني )

part 142

جالسة مربعة يديها وساندة ظهرها مع كرسي سيارة ،
عضات على شفايفها مانعة غضبها من انه يتسرب قدام والدها حيث مغيرحمهاش، وغير منين جابها هاد البلاصة فراه حالف يفقسها ويسكت قلبها

التافتت نحوه ورمقاتو بزرقوتيها بحنق، وخا من جهة ثانية راه لتلقات عينيه بعينيها غتهربهم وتنزلهم بخوف، لطالما والدها كانت عندو هبة مخيفة كتخلي حتى خوتها مساخط يحتارموه

حسنا: انا مبغيتش نجي هنا شوف واحد آخر عفاك راني منقدرش

الحاج(منظرش ليها ويدو على عكازو لمصنوع من العود الفاخر): نتي لغتجي هنا تحملي مسؤولية افعالك

حسنا(وسعات زرقوتيها ونطقات باستنكار): ولكن انا شنو درت مقلتش اصلا ليلى تهرب ونتا عارف انني

الحاج(صرخ بحدة ناظر ليه نظرة قاتلة): سكتـــي

حسنا(بكلمة وحدة ونظرة منو نزلات عينيها بسرعة رجليها): انا هادي ماشي بلاصتي حاول تفهمني مقدرش مقدرتش نولف ولا نتأقلم مع هادشي ، هادي بلاصة(عضاات شفايفها خايفة لتنطق سمية توأمها ويغوت عليها باها ثاني): شوف واحد من خوتي رجال، خويا كبير ياك باغي يكون وريثك ايوا خليه بابا أنا صغري كامل عمري فكرت نكون انا لنمثل عائلتي

الحاج(بنبرة نهائية): اما مختاريتكش ، الشخص المثالي لهاد المنصب راه هرب وهادشي بسبابك قلت ليك حضي ختك وبعديها على هداك واصلا نتي مغتشديش هاد بلاصة ديما غيى غتعوضيها بما تجي وخوتك خارجين من يدي وعارفهم غيخسرو فلوس كاملة في قمر ،نتي بعدا راك كتبعي هضرة

حسنا(وضعات خصلتها الشقرا خلف اذنها ونطقات برجاء): راني عشت معاك ولكن

الحاج(بأمر وغلق نافذة حديث معاها): نزلي تحركي ومرة اخرى تجي عندي غندممك مزياان غير حيث اول مرة ليك

حسنا(عرفاتو مصر على قرارو وزادت عبسات ونطقات بحنق): رجع ليا لكارط بونكير وعمري نهرب

الحاج(هز حاجبو فيها): كتهددي فيا ؟

حسنا(مبغاتش تشوفو وهي غاضبة منو بقات غيى ساكتة)

الحاج عبد الله بقا كيشوف فيها حتى تنهد في اخير وخا كتملك نفس ملامح وجه ليلى الا انها مختالفة عليها كليا ، ليلى شخصيتها كانت قوية وصارمة وهادئة ومعروفة برزانتها عكس حسنا عاطية دنيا بركلة فلوسها كتخسرهم بتوهر غير على لبس ومكياج ممسوقة حتى حاجة وعايشة حياتها وهي اخر واحد كيجيب لخبار في عائلة ، كأنها ماشي من عائلة بيتروف،

حوارهم كان بروسية بحكم ان عبد الله قبل مايسلم ويستقر في المغرب كانت سميتو أرتيم بيتروف وغير سميتو وبقا محافظ على لقبو

الحاج(مد ليها حقيبتها الفاخرة ونطق بهدوء): بطاقات وشيكاات لغيكفيوك لمدة ربع سنين حاولي متخسريهمش