تنهدات بتعب وهي كتشعر بذاتها معندها طاقة للوقوف ولا تحضر الجامعة ، منين عبرات طونسيو لقاتو طايح وحاولت تاكل حلاوة باش متشعرش بالسخفة، من يوم ما استيقظات في غرفة معيشة ديال بروفيسورها كتحس براسها ماشي وهي هاديك نظرات لمعصمها فين آثار الإبر مزال مرسخين ورأسها كيألمها برطبقة فظيعة اضطرات تاكل مكملات ومقويات باش تحضر ليوم
هزات عينيها في اتجاه البروف لكيشرح ومفهماتش لاش أمرها ترجع تقرى بعد ماخيرها بين حبها ليه والجامعة، زفرات الهواء بحيرة وعقلها كيتخبط بين فكرة انه قضى حاجتو فيها ورماها وبين أمل الصغير انه يقدر يفتح قلبو الحجري ليها وخا عارفة هاد الفكرة الاخيرة شبه مستحيييل تحقق وهي كتشوف اسلوبو الجارح معاها
تنهدات للمرة الألف وقررات تنفض ذماغها من هاد الافكار الكئيبة وتديها في قرايتها لبسبابها تغربات عن بلادها وحاربت عائلتها باش تكمل في امريكا مغضيعش مستقبلها على احلام زائفة وهو حتى مكالمة مخسرها عليها
صغرات عينيها كتبع باصغاء البروفيسور لكيشرح في داطاشو درس مادتهم، حملات ستيلوها كتنوطي وكيف شي لعنة مسلطة عليها كسر هدوء قاعة رنة هاتفها، شعرات بالاحراج منين جميع الاعين توجهات نحوها رامقاها بامتعاض
اعتذرات ليهم بهمس وحملات هاتفها باش تقطع ولكن ماشي قبل ماتشوف سمية متصل، عينيها وسعاتهم بصدمة وجميع وصايا لوصات بها قلبها وعقلها سقطو امام اسمو
ردات عليه بسرعة بدون ماتأخر عليه بثانية وبدون ماتعير انتباه زملائها ولا استاذ لمصدوم من جرأتها
ايات(وسعات عينيها بصدمة): واش داباااا؟؟؟؟
توماس: جو...ج دق...اي...ق ع...ن.....دك(جوج دقايق عندك)
ايات: ولكن كغندي....(قطع عليها الخط وخلاها غير كتشوف بصدمة من موقف لحطها فيه قبل مايتكلم بروفيسور لكان ناوي يعاقبها وقفات برعب كتجمع اغراضها في حقيبتها ونقزات بفوضوية متوجهة نحو الباب، كلشي كان كيشوف فيها بفضول من حالتها الشاحبة وتوقعو انه وقعات شي حادثة او مشكل باش تكون ردة فعلها قوية هكذا
بدات كتجري في رواق الجامعة بقوة، صدرها كان كيطلع وكينزل وغمضات عينيها كتحمل على نفسها باش تجري حيث سوفل لعندها كمل خرجات من الجامعة ونظرات لساعتها كانت تبقات. عشر ثواني باش توصل سيارتو لكاينة في شارع ثاني بدات كتجري من جديد كضرب في الناس وقطعات حتى اشارة حمراء للراجلين وهادشي كامل باش توصل لسيارة تيسلا لأمامها .
شقات ابتسامة شفايفها منين لمحات ان غير خطوة كتفصلها عليه على الرغم من صراخ ناس خلفها لكينبهوها توقف وحتى السيارات لوقفو بعد ماكانو غيصطادمو بها وكاين لخرج طل من نافذة كيسب في جدها التاسع لنجب منتحرة بحالها تخرج ليهم في طريق
وصلات اخيرا لسيارة ومنين حاولت تفتح باب سيارة لقاتو مقفل قطبات حاجبيها باستغراب وقبل ماتكلم كان وصلها ميساج من هاتفها انها تأخرات بست ثواني. هزات راسها رامقاه بصدمة وقبل ماتكلم كان تحرك من مكانو تاركها كتصرخ باسمو بصدمة مضاعفة
ايمن: ميمكنننش دير ليا هكذا حشومة عليك(عينيها نظرو للارض بحزن ونطقات بانكسار): حشومة عليه
شعرات بذراعها غتكسر بسباب القبضة لمسكاتها التافتت بحيرة من هاد الشخص لتهجم عليها في وضح النهار ، بلعات ريقها منين لمحات الشرطة خلفها كتوضع مينوط على رسغها بعد ماخربقات حركة السير في الشارع العام وبدون ماتعتارض كانو اصطاحبوها في سيارة الشرطة .....
......
دخلات صالة المعيشة ولمحات حسنا كتاكل ايمن بعينيها وواضح غير من نظراتها منحرفة جرداتو من ملابسو في عقلها وتخيلات لبوزيسيون رقم 27 بيناتهم خرجات من فمها تنهيدة أنثوية وزيرات يدها على فخض ايمن لطرطق عينيه فيها بغا يجبد سلاحو ولكن هو في حصن ارذوجان وباسل واقف كيخنزر فيه
نظر لنور لجذبات نظرو عكس مجد لبقى كيشوف في ايمن بحدة
غيثة: خالتي اجي معايا كوزينة بغيتك
حسنا(رمقاتها بعدم تصديق): مكتشوفينيش مشغولة
غيثة(باصرار): واجي خالتي بغيتك وخليهم هما شباب يتعارفو
حسنا(زفرات هواء بحنق ووضعات قبلة على خذ ايمن لكانت يدو غتصرفقها غير منعوه نظرات نور الحارقة هاد الاخيرة جلسات بقربو وابتاسمت ليه بفتنة): عارفاك لعمر متقدرش تصبر على فراقي غنشوف غيثة فاش بغاتني ونجي عندك حبيبة احح عليك ولشديتك
قامت من مكانها بعد ماعدلات فستانها وتوجهات نحو غيثة لمسكات يدها والتاافتت نحو نور غامزاها باش دوي مع صديقها ايمن كيف بغات ومنها علاقة توطد بين تلاثي ويولي صاحبهم حتى مجد علاش لا...!!
لكن لمعارفاش غيثة ان في قصر رياض ارذوجن لعندو اعداء كثر من شيب رأسو، في قلب دارو جالس رئيس منظمة ركانون لمنظمتو من منظمة لمنظمات السبع اللعنة لسقطات على العالم ، مقابل معاه مجد لكيف لمح لأيمن نور انها مخاصش تستاهن به وماشي بعيد تكون عندو هو ايضا منظمة المختل المجنون لكيملك تلاثة شخصيات والرب لوحدو عارف كيفاش خرج من تهمة لي لبقاتها فيه عبقريتنا لجالسة جلسة كيف ملوك مرتاحة بتواجدها بيناتهم ومخايفاش ابدا من جنونهم ولا اوراق لكتصرح انهم مختلين وهي كتملك المفتاح ليمنحها صلاحية تقود الاحداث كيف باغا
مجد(نقل عينيه نحو نور وابتاسم باستفزاز): جبتي شريكك في تمثيل
نور(هزات حاجبها فيه) : شنو كتقصد
مجد: مسرحية ديال انك تخطفتي
نور(ربعات يديها وبقات كترمقو بهدوء قبل ماتنطق): شكون قال ليك هو شريكي في تمثيل
مجد: ماشي شريكك ولكن كلب ديالك(ابتسامتو مستفزة وساعت على صدمة ايمن من لقب لمنحو ليه مجد)
ايمن(وقف بسخط وتوجه نجوه شاهر مسدسو في وجهو): شحال وانا باغي نصفيها ليك ومغنترددش نقتلك في قصر ادرذوجان هو براسو غيتهنى منك
نور: ايمن جلس (نظرات ليه بحدة): متنساش نتا في داري احتارم ماما لجات شافتك شاهر سلاح عليه كتسحبها غتسكت ليك جلس وسكت
أيمن: مسمعتيش كلامممو
نور: قلت ليك جلللس نتا عارفو مستفز وباغي يستفزك
ايمن(عض على شفايفى بغل وقبضتو كان مانعها بصعوبة باش متلتحامش مع فك داك المستفز الأشقر): صبررررررر
نور(بقات كتنظر لأيمن لكيسب مجد تحت انفاسو تنهدات من هاد التشاحن السالب لبيناتهم والتافتت نحو مجد لكان مستمع بالاجواء على الرغم من صقريتيه كانو غامقين وديك لمعة جنون مختافية منهم):وضح كلامك وجيني نيشان شقصدتي منو
مجد(نقل عينيه نحوها بهدوء ونطق باستمتاع):لكيكون مربوط انسة ارذوجان كيكونو آثار الحبال على معصمهم نتي داك نهار ماكان فيك حتى آثار ديال التعذيب وهداك لحداك لخطف شي واحد كيوكلو مكيخليهش بجوع ونتي واضح انك امتانعتي عن الأكل باش تبرعي في مسرحيتك ورياض ميدققش فيك كثر وبالو يبقى غير مع انك فقدتي الوعي
ايمن(هز حاجبيه بصمت ونظر لنور كان منين خطفها كيرغم عليها باش تاكل ولكن كانت كتجنب الاكل بطريقة حيراتو، في الاول ظن من خوفها منو ولكن منين وراتو وجهها الحقيقي معرفش سبب امتناعها عن الاكل حتى وضح ليه عدوه اللدود فعلتها)
مجد: خطتك كانت تمنع زواجي من دينارا وكنتي عارفة دينارا غتغلب غيرتها على عقلها وغدير حركة لمغتعجبنيش ولكن نسيتي انور ارذوجان ان دينارا كذبات عليا منين مسحات ميساج صغير ودغيا جبدتو ليها كظني نتي لدرتي ليا ديك ثغرة في ثواني مغنعيقش بك
ايمن(عقد حاجبيه باستغراب من كلام مجد غير المفهوم)
نور(بهدوء مخيف): لكنتي عارف انني هزيت ليك تليفون علاش مدرتيش حتى حركة
مجد(وضع رجل فوق رجل ونطق بنبرة ثقيلة): حيث عجباتني خطتك وكيفاش كتضبري ليا مكيدة وزيدي كنت كنقلب على شهرين باش نرتاح فيهم وهديتيني هدية لغتخلي انظار تغفل عليا
نور:ايوا علاش منين خرجتي من السجن استجوبتيني بحالا معارفش الخطة وظهرتي بمظهر الملاك
مجد: هه مكاينش لقدك بارع في الاقنعة حبيبتي ، ولكن ديك خطوة كانت غبية من وحدة عبقرية بحالك، تحمستي بزاف ومعريتيش غير على قناعك بل قدرت نعرف حتى هويتك الحقيقة ، الهوبة لكتخليك تلعبي بحقارة معايا
نو(بسخرية)ر: ايوا علاش سكتي ومهددتينيش بها كيف هددتيني بسر الاخر
مجد(وضع اصبعيه على ذقنو وعينيه كيتفحصو عينيها بدقة): كان محيرني امر كيفاش القاضي اجل يوم المحاكمة لشهرين بغيت نعرف السبب علاش قلبك هشيش حتى عرفت ان هاد الحركة كانت من كلب ديالك تاني ادم وغطا على هويتو تحت اسمك نتي
نور(هزات حاجبها فيه من هاد ثقتو المبيرة): وباش غنتيقك انك كتقول حقيقة وهادي ماشي حركة منك باش تجبد لساني
مجد(قهقهة ثقيلة خرجات من شفايفو وعينيه كيلمعو باستمتاع هز يدو اليسرى وشارها لخلفو فين كان واقف باسل): كلبك هذا خودي من عندو تليفون وغيتبين ليك مدى صدقي معاك نوري
نور(منعات ايمن لكان غيبدا يتجابد ثاني مع مجد وهي ماناقصها صداع راس مدات يدها نحو باسل كتلمح ليه ليه باش يتقدم ويعطيها الهاتف وعينيها مزال متبثين على مجد، )
لقى باسل نظرة على مجد مكانش كيظنو غيكون بهاد الخباثة والمكر تقدم نحو نور واضع هاتفو على راحة يدها ووقف بجانبها كيبين للطرف الاخر انه هنا باش يحميها ومعندوش مشكل لكان بيدق ديالها حيث هادي هي مهمتو حماية نور رياض
وعلى ذكرها نزلات عينيها بهدوء نحو هاتف وظهرات شاشة سوداء امامها بعد مادخلات سيت لي لقاتو جاي عبارة عن رسالة، زيرات على فكها واسنانها كانو قريبا من انهم يختارقو شفايفها بكثرة الضغط عليهم، مجد ابتاسم وهو كيلاحظ قبضتها لزيرات على الهاتف وحتى انها غمضات عينيها بعنف
مجد: اللعبة سالات وانا عارف وجهك ووجه هدا لحداك قناع سقط وانا لفزت بهاد المسرحية لصنعتي أنوري
نور(هزات حاجبها فيه ورمقاتو ببرو مخيف): كظن نتا بوحدك لذكي؟
مجد: لا ولكن كنبسط الاحداث بطريقة غتخليك تخافي من حقيقتي
لوليا: ايوا علاش باقي جالس معاها
مجد(نقل عينيه نحو مدخل الصالة ولمح لوليا مربعة يديها كتخنزر فيهم وأميمة دخلات كتنظر للقصر بانبهار): كيفاش خلاوك تجي هنا
لوليا(ربعات يديها بسخرية): عندي اثنين وتلاثين عام مغتجيش تحكم فيا
مجد(غير السؤال وتقدم نحوها ):كيفاش خلاك تجي
لوليا(اختافاو تعابير من على وجهها وطهر فقط السخط تقدمات نحوه رامية عليه بعنف حقيبتها وهميات ليه بدون مايسمعهم شخص اخر وهي كترمقو بنيرات حارقة ): شد هكذا ومتبقاش تجبد ليا حس هداك غنمشي عند ماما غيثة
تقدماات لوليا نحو المطبخ مارة نحو مكان مجلس نور وايمن شافتهم بنص عين وتجاهلاتهم مكملة طريقها بخطوات متحمسة ،
مجد اختفى استمتاع من عينو ومفهمش علاش إدموند سمح بلوليا تجي امريكا ياإما حماق وفقد الذاكرة او مات او..... مبقاش وقت وأنه يترك العالم برتاح بموتو(نقل عينيه نحو ايمن لكان كيخنزر فيه مكرهش يفصل ليه راسو عن جسدو ولكن في اخير كيبقاو خوت كيف خبرهم ادموند في ديك المصحة ممنوع عليهم يقتلو بعضهم ولكن لبغاه يعطبو ويديه سبيطار مرحبا...
نقل عينيه نحو اميمة لكانت واقفة خجولة من تواجدها ربت على راسها واصطحبها باش يفهم سبب مجيئهم
نور نظرات لأيمن بحدة كتنتاظرو يخبرها بنقطة ضعف داك السافل رلكن عارفاه هو بنفسو معارفش من غير هويتوالمخفية ،خاصها تزير السمطة وتوريه ان المسرحية مكتسالي الا بيد كاتبها.....
رجعات راسها للخلف كتشعر بتعب فقرات ظهرها ، وضعات فرشاة وقامت من على كرسيها كتنظر للشرفة لكيل على الحديقة
دلات شفايفها وهي كتشعر بملل فظيع تمنات لو رجعو البندقية محملات حتى حاجة في هاد نابولي التافتت كتنظر ليه بترقب ولمحاتو مزال مستلقي على اريكة ومغمض عينيه وغير من عقدة لبين حاجبيه عرفاتو ماشي ناعس كيفكر في مصايب لطاحو على راسو ومن هاد مصايب هي وختو في دار وحدة تقدمات نحوه بخطوات هادئة وهزات معاها حتى فرشاتها والبالتة وعينيها كيلمعو
جلسات في كرسي لبقربو كتنظر لوجهو وعرفاتو شعر بتواجدها
حفصة:داغر
الفا: الفا
حفصة:عجباني داغر حل عينيك بغيت ندوي
الفا(باقي محافظ على نفس وضعيتو): باغي نرتاح شباغا
حفصة: مالي بنت ليك كنطبل ليك بغيت غير ندوي معاك حل عينيك
الفا(فتح عينيه وشار ليه باش تكلم)
حفصة(ابتاسمت ليه وهمسات ليه برقة): ياك انا عزيزة عليك
الفا: شنو باغا
حفصة(برجاء): يلاه نرجعو لبندقية ولا جيب غير طباخ وخدامة لتم هنا هاد القصر لهنا خايب وحتى ناسو خايبين عفااك
الفا: نساي بندقية من دابا كاينين غير في نابولي
حفصة: ولكن ولكن انا وختك مغنتفاهموش مبغيتش نتشكى ليك عارفاك مضغوط بالخدمة ولكن شحال قدي نصبر راه شيطاني شاداه بزز خليني نمشي لهيه ونتا بقا معاها منحبسكش من الخدمة
الفا: لا
حفصة: ياك منخلني ومنفخ اش باغي بيا هاا انا كنعرف لواحد لكان غاضب من لاخر كيتنخلو ويخليه يمشي بحالو ماشي بحالك نتا. منخلني ومخليني مع ديك مجعورة دختك
الفا: دابا شباغا
حفصة: والوووو مبقيت باغا والو (قلبات وجهها بغضب وهمسات لنفسها):الهضرة مع خوك حسن منك نتا
الفا(نظر ليها بهدوء وجرها من خصرها مجلسها على اريكتو بقربها شعر بها كتحاول تخفي ابتسامتها وغرورها ظانة انه غيحزرها ولكن زير على خصرها حتى تآوهات بألم وجرها مقربها ليه كثر هامس ليه ببرو قاتل): متقارنينيش بشي رجل أ حفصة وخا يكون خويا باك قتل والديا وغتخليني نصفيها لخويا هادشي لكتعرفو الفارسي
حفصة: لهلا يحييك ليكون بابا بحالك بعد مني طللق راك مقصحننني
ياسر(دخل من الباب لكان مفتوح وزول نظراتو كيتكلم بالايطالية): اشهادا اشهادا حفصة طحتي من عيني اش هاد المنظر قليل الادب لشفتو (صغر فيها عينو): ياك مكتسلمي على رجاال ولا منين سمعتي داغر ولا كيبغيك ونتي طيحي على زنافرك انا كتأيدك على قرارك الحكيم ولا بغيتي تعلمي بعض الحركات السريرية الاستاذ ياسر في الخدمة
حفصة (عقدات حاجبيها بانزعاج وبصعوبة باش قدرات تزول يد داغر من على خصرها): طللققق مني رااه(وقفات وتراجعت للخلف ناظرة لياسر باشمئزاز): نتا داك الحمق شكدير هنا منين مبغيتيش تعاوني علاش جااي
ياسر: مجايش عندك الزين جاي عند راجلك عندي معاه شي خدمة
حفصة(بعدات بسرعة منين لمحاتو متقدمها وهاز قرعة ويسكي) : بعد عليا اداك مصيبة وبعد ديك زمرة عليك(نقلات عينيها نحو سمر لكانت مربعة يديها كتخنزر في داغر وبقربها كان ڤاسيلي لمزير قبضتو الصغيرة على رجل سمر خايف من داغر): اء نتا علاش ديك مرة منين فقت ملقيتكش حدايا فين مشيتي
تقدمات نحوه حفصة بلطف وهنا ڤاسيلي صرخ برعب وشار ليها باش تبعد منو
ڤاسيلي: متجييش عندي بقااي عند راجلك داكشي لداز عليا باقي كنحلم به بسباب كنبول في فرااش
حفصة(هزات حاجبيها باستغراب فتاحمة فمها بعدم الفهم): شكتقول نتا مفهمتش
قربات نحوه هو وسمر طلق صرخة انثوية من فمو وهرب نحو ياسر مخبي منها ونظر لألفا برعب
ڤاسيلي: انا انا عطييتها تيساع هي لي لاصقة فيا
حفصة(شارت لنفسها بعدم تصديق): لاصقة فيييك لهلا يحيييك قال ليك لاصقة فيك اصلا هادي دااري لمبغيتكمش تبقاو جالسين مغتجلسوش سمعتييي داك برهوش(نظرات لسمر وتفاجأت من خدوش لفي وجهها): مالك نتي يلاه كنتي بخيرر
سمر(رماديتها تركو جسد داغر بصعوبة مكدهاتش تقتلو خنقا بين يديها لكن مقارنة جسدها بجسدو هي ضعيفة عليه نظرات لحفصة ونطقات بسخرية): عاجبك الحال هنا ورعد تلقايه ميت عليك بالخلعة
حفصة(تذكرات نهار شافت والديها في يونان قراب ليها ولكن مقدراتش تعنقهم شرات بغصة في حلقها وهمسات ليها بحدة): عرفي شكتخرجي من فمك
سمر(تقدمات نحوها وهمسات): ايوا علاش مبديتيش صوني على باك باش يدير خطة ويخرجك من هنا ولا بدا قلبك كيميل ليه
حفصة(وسعات عينيها بصدمة): مرضتتتي لاااا نتيا شكتخربقي
سمر(لقات نظرة على داغر لجلس على اريكة كيطرطق عنقو ونظر ليهم ببرود جرات حفصة من رسغها وتوجهو للخارج ): وعلاش واقفة مدرتي حتى شي حركة خاص تعرفي ان الفا حلم كل مراك وماشي بعيد تأثري حتى نتي بجاذبيتو الباردة
حفصة(زولات بعنف رسغها من على قبضة يمر ووقفو في مشتل الحديقة): انا ماشي هي نتي ولا هاد زمراات لهنا انا حفصة ومكنهليش قلبي يتحكم بعقلي ومستحيل نبغي واحد قتال ومجرم
سمر(فلتات ضحكى ساخرة من شفايفها والتافتت نحو حفصة لكانت غاضبة من اعتراف حفصة): حفصة بنت خالي لكنترف مستحيل تخلي راجل يوضح يدو عليها بقا غير على خصرها خوتي هما لخرين كنتي كتخلي يديهم معلقة بلاما تقولي ليا راه راجلي كيبقى خاطفك وحفصة لكنعرف كانت غتبعد منو وتشمأز منو ماشي متقبلة لمساتو وحتى منين اعتارف ليك سمعتها من داك الحمق ديال ارذوجان حشمتي وهربتي نذكرك بآخر اعتراف سمعتيه ماشي سمعتي داك الرجل خل وذنيه وهو بعدا مرقع على هداك الثلجة لتما
حفصة(بدفاع): انا كنتعامل معاه هكدا غير باش نعيش مرتاحة
سمر: عمرك غتعيشي مرتاحة وختو في القصر واش عارفة اشاعات على ديك حمقة شربات دم ديال مربية ديالها شربااااتو واش عارفة شكنقول تقدري تكوني ناعسة وتصبحي في القبر متقوليش داك الالفا غيدافع عليها كتبقى ختو ودارت مصااايب لدرجة انها تطاولت على واحد بلرماني مشهور في استراليا قتلاتو وشكون قدر يعاقبها راها باقا حداك صوني على رعد وسالي عاد المهز لهنا
حفصة: تليفون معرفتش فينو حتى شيري مغتبغيش تعطيه ليا
سمر: متيقي في حتى شي وحدة كلهم بنات *** تيقي غير في راسك هو لغيخرجك من عاد مصيبة منين غتشدها ماريا وتهددها بحياتها شوفي لمگراتش بك عولي غير على راسك كيل ديما وهاكي(مدات ليها تليفون): كنت عارفاك غتنسايه ولا غتخافي جبت ليك هذا وكارط جديدة حتى من نمرة رعد جبتها من عندك انس
حفصة:اه كيديرين عائلة واش بخير
سمر: بخير بخير مكاين حتى جديد من غير مريم لمع راجلها
حفصة: اه توحشتها(وسعات عينيها باستيعاب): كيفااش راجلها واش مريم تزوجاات
سمر(بسخرية): تزوجات ودارت العرس وانا وياك محبوسين عند هاد زمورة نسيت نتي لمحبوسة ما انا وهاداك درنا اتفاق
حفصة: اشمن اتفاق؟
سمر: غنقضي معاه واحد لافير ويخليني في حالي ونخليه في حالو
حفصة(نظرات لسمر وعرفاتها غترجع عند عائلتها مريم تزوجات ومكانتش معاها وهما بجوج شحال حلمو انهم نهار غيتوزجو خاص ضروري يكون حاضرات في عرس بعضياتهم وكل وحدة توقف في نهار تانية ، ديك الليلة في كانو مفرشين في صالون في دار عمتها مع رانيا واسراء وقمر واضعة راسها على مريم وحداها حفصة كيتخيلو عرس رانيا ومعرفاتش كيفاش الحديث قادهم يتخيلو عرس كل وحدة وعريسها شعرات بالدموع كيملؤو عينيها وهي مشتاقة لداك الدفء): وهي مرتاحة مع راجلها
سمر: من تصاور بانت ليا فرحانة وحتى راجلها كيبغيها
حفصة(بفضول): بعدا شكون هو
سمر(رمقاتها بسخرية): كديري راسك معارفاش ياك قال ليك فوكس غتزوج بخوه
حفصة(وسعات عينيها بصدمة): اويللي واش بصح صحبتو غير كيضحك داك الحمق شكون ليدي على هضرتو سكايري لاخور ولكن مريم كانت كتكرهو وحتى انا كرهاتني فيه كيفاش تزوجو مفهمتش وكيفاش خالي ارتان خلاها تزوج به وحتى بابا!!!!
سمر(بابتسامة صادقة): هه تصالحو وتزوجو وقال ليا انس نهار العرس بقا حال فمو فيها وحتى ارتان وافق على زواج خصوصا منين مات عدنان كان صعيبة عليهم يديرو العرس وهما كانو كيوجدو عرس رانيا
حفصة(نظرات بصياع للارض): واش عدنان ماات حتى هو ؟!!! اربي شحال من حاجة دازت عليا
سمر: راك غادة ست شهور ابنيتي ديري شي حل ورجعي عائلتك نهار العرس قال ليا انس كنا غير انا وياك لمكاينيش وحتى مريم بكات في واحد اللقطة حتى انا لمعنديش معاكم علاقة بكات حيث مكنتش بقا غير نتي
حفصة(مسحات دموعها وديك الغصة كتعصر قلبها بحرقة): عطيني تليفون
سمر: ايوا هكاك شغلي عقلك هذا جهدي عليك حتى من الفوكس ميقدرش يعاونك ويغدر بصاحبو وغامرت غير باش تخرجي قبل ماتوسخي بحالي
حفصة(بقات كتنظر لسمر من جانب وخا مزال نفس غرورهاولكن مبقاتش متكبرة ولا كتقلل من الناس معرفاتش شنو وقع وكيفاش مبقاتش كتشوف الباقي بدونية ولكن في اخير كتبقى بنت عمتها كانت الطف وحدة فيهم واظرف كانو في الصغر ديما الناس كيتمناو طفلة بحال سمر وكيتعوذو من حفصة ولكن منين كبرو صبح العكس ، الآية تقلبات بيناتهم وحتى حياتهم تغيرات تديرجيا على مسار طفولتهم): سمر
سمر: امممم
حفصة: شنو وقع ديك الليلة علاش تفارقتي مع سامي بعد ماكنتي كتبغيه
سمر(رمقاتها بصدمة وجسدها بدا كيرتاعش منين سمعات الاسم وهزات اصبعها بتهديد نحو حفصة): اخرر مررة تنطقي سميتووو داك **** غنسى انك بنت خالي وغتشوفي وجهي لاخور
حفصة(نظرات لحالتها وعرفات انه كاينة شي حاجة لخلاتها تغير اصلا منين عاشراتو وعاشرت ديك جماعة سمر بدات كتبدل خارجيا من المظهر ولكن كانت جوهريا مزال نفسها سمر الجوهري الطفلة المثالية في عائلتهم، شنو هي القشة لهرسات ظهرها وخلاتها تبدل هادشي لحير حاليا حفصة): انا غير سولتك بلاما تعصبي وزيدي انا لخاص نكون معصبة انا ومريم خليتينا ديك الليلة في ظلام تعبونا رجال كانو غيغتاصبو*نا لو مكانش واحد راجل الله يجازيه بخير عتقنا كرهتتك خصوصا منين بعيتينا بالرخيص وتبعتي داك راس الطارو ايوا فين وصلك الحب
سمر(مسحات وجهها لعنف مزال آثار ديك الليلة في روحها ملطخها مستحيل تنسى شوااقع): سدي هاد الموضوع عليا ولابغيتي نجاوبك فين وصلني الحب خسرت أغلى ماكيملك الإنسان ، لخسرت عمرو يقدر يرجع داكشي كنصيحة اخيرة متبعيش الحب حيث مكاينش اصلا الحب كاينة غير مصلحة وبروفيطاج ونتي شفتي اثار على عينيك بقاي هنا ونساي راسك خشي تليفون في صدرك شي حد جاي
خشات هاتف بسرعة اسفل صدريتها وعدلات فولارها على صدرها، بلعات ريقها كتفكر في كلام سمر وحالتها وقبل ماتكلم كانت خرج فاسيلي بسرعة ماسك يد الاخرة
سمر: ازمر طلق مني واش ولدتك ونسيتك ولا شنو بعد لهيه سير عند باك مالك لاصق فيا
ڤاسيلي(بلع ريقو للمرة للمليون وكلام ياسر انه اقتارح على الفا يدير ليه بلاصة في مشروع افلام اباحية ديالو خلاتو قريب يتغوط في حوايجو وخصوصا منين لاحظ داغر موافق على الفكرة وشبع مقتانع خصوصا منين رمقو بديك النظرة لخلات لما يجمد في ركابيه ): بحالي انا موحش نمسك راه لكلب ونعنقو بعدب عليا غير من راجل هادي كيخلعني كتر من جاسبر
التافتت حفصة نحو ياسر لكيقهقه بخب واضع ذراعو على كتف داغر
ياسر: مكانش في راسي كتخلع براهش صغار علم الله شغدير مع ولادك نتا وحفصة خصوصا لكانت بنت خاص ترطب معاهم كيف دايرين لبريهيشة دختي باش ميجيش شي حمار ويبان ليها حسن منك
على ذكرها هز عينيه نحوها كيتخيل نسخة مصغرة من حفصة كتملك نفس العينين والنظرة المغرورة الطفولية شعرها الاصهب غيكون كيتدلى بين ذراعي حفصة لغتكون هازاها في يدها وتكون صغيرة بحالها كيضحكو ليه بحوج غير فكرة وخلاتو يغرق في تفاصيلها، لاحظ طرف شفتاها لارتافع بحزن ولفات وجهها جهة ثانية،
أيّاً من كانت هاد الحركة لكانت ديك اللفعة لن ولا يد في هادشي ولا ان حفصة تبعد عليه غيدفنها هاد المرة في القبر ومع خمسة من الجثث لغيقتل في حربو جاية ويتهنى منها
ياسر: شفتكم واقفين هنا ياكمة كتخططو لشي مصيبة الزعمية لقالت لباها مغتزوج حتى رجل لمكانش زعيم عصابة بحالها هاربي جابو ليك حتى بين يديك
حفصة(رمقات سمر بصدمة كظنها هي لخبراتو ولكن من نظراتها عرفات انها ماشي هي): نتا منين جبتي هاد التخربيق
ياسر(بطنز): هه تخربيق على بوكوصة ديال مها(شار لسمر): غتخربق عليا دعاويك كيصدقو دعي مع خويا يجيب جوج توام حقا راه تزوج ببنت عمتك خسارة مكنتش حاضرة ماكون نشطنا في داك العرس بلاتي نوريك تصاور
حفصة(قربات نحوه كتنظر بفضول الهاتف وغير شافت تصويرك العرس خطفات لبه الهاتف كتنظر الصور بتركيز عينيها رقاقو منين شافت صورة مريم منين قبل ياسين جبينها وواضح عليها السعادة من بنفسجيها، ابتاسمت بدون ماتحس وهي كتقلب التصاور وتمشات مبعدة عليهم وتبعاتها سمر حيث محاملاش تشوف الالفا واكيد فاسيلي لاصق فيهم بحال العلكة
ياسر: مرتك دات ليا تليفون وخلاتني اشريفة حبسي لتمسحي ليا تصويرة بغلاط نعراج ليك هنا ومنصور منك والو
حفصة (بدون شعور تقدمات نحو سمر): ماشي قمر ضعافت بزاف كانت غليضة على هكذا شويا(هزات عينيها بخوف نحو سمر): تقدر تكون عيانة بزاف
سمر: معرفتش اصلا صحتها على قد لحال راك عارفة
حفصة: عرفتي لو وقعات ليها شي حاجة الله يحفظ وانا بعيدة عليها غنحماق ولكن جات زوينة حتى مريم عجباتني جات فنة
سمر: نتي منافقة
حفصة(عقدات حاجبيها بعدم الفهم): علاش
سمر: عمرك مادويتي على مريم بلباسها وحتى ماما حاضياني غير انا
حفصة :ماما بابا مسؤول عليها ومريم حوايجها ممعرينش بزاف هي غدير حجاب قالت ليا كتفكر فيه ولكن ماشي بحالك نتي كتلبسي معري شوفي غير لبسك دابا كيعيف
سمر: ديها في راسك ومتبقايش تعلقي ليسمعك يقول نتي لغدخليني الجنة
حفصة(يلاه غضربها وهو يجي ياسر فكهم): بعدا حسسن منننك بالف منخليش لحمي يشوفو ليسوا ولميسواش ونتي شنو لباقي مبينتيش
ياسر: براكة مضاربوش وانا كنوافق كلام حفوصتي
حفص(بحدة رمقاتو):سميتي حفصة وعلاش وجهك مخشي في كاع تصاور
ياسر: حيث انا فوطوغرافر وضروري منخلي بصمتي
سكايلر: الفا هاني جيت وجبت رجال واش غنبداو
ياسر: مزيان غنبداو دابا مكاين لاش نضيعو وقت حفصة تمشي معانا ولالا
حفصة (خنزرات فيهم كلهم ورمات طرف شالها بغرور للخلف): غنمشي بحالي لبيتي حسن مانبقى نشوف وجهكم وتعصبوني
فلتات صرخة قوية من شفايفها وهي كتشعر الضو ضربها كانت كتعرض لصعقات كهربائية كلما تأخرات في لحظة على مواكبة التمرين، المدربين كانو قاسين معاها في وطبقو وصية ياسين بالحرف وكل واحد وكيعلمها الحركات والحيل لكيجيدها، كانت دابا في تحت اشراف مدرب سميتو صامد كان قاسي كثر من الكل عليها خصوصا كلماتو آذاتها اما صراخو هرس ليها طبلة اذنها
صامد : غتبقااي مشبحة ليا تم نووضي تگعدي فشوش خااوي حيديه عليا انا
ناضت مريم معبسة كتحاول تجري وخا طاقتها فشلات وهاد المحاكاة كانت شبه مستحيل انها تنجر منها، خاصة و ان الاجساد كانت كتحرك بسرعة مكيدركهاش عقلها،
صامد: متعتامديش غير على عينيك خدمي حاسة سمع ديالك وحتى حدس ديالك حلي عقللك مزيااان وركزي عينيك ووذنيك مع اي حاجة شكيتي فيها شاذة على الطبيعي ،
عقدات حاجبيها وحاولت تطبق كلماتو بعد فشل عدة مرات بدات كتنجح ببطء بتفادي ضرباتهم وحتى صعقات كهربائية قلالو
صامذ(وقف خلفها عقد ليها معصميها بمينوط ولف حول عينيها شريط من الثوب وقبل مايخليها تستوعب حركتو دفعها للداخل باش تحارب دوك الاجساد بالدعاء): هكذا حسن
مريم: كيغنددددير انا متفاكيت معاهم حتى وعيني مفتوحين بقا غير انا مربوطة ومكنشوف والو
صامد: فهمتي المغزى هذا المراد ديالي، منين غتكوني في هاد مهمة ديالنا ووقع شي قصف فوقنا كنتي وظلام قاتل كيفاش غتحاربي
مريم: مغاديش نكون مطربوة وغيكون معايا سلاحي واصلا ياسين معايا
صرخات منين شعرات بدقة قوية على ظهرها وعرفات ان حدة الصعقات بدات كترتافع التافتت كتحاول تفلت من الاجساد ولكن غير الظلمة لكتبان ليه وفينما كتحاول تفاداهم كانو صعقات كيألموها كثر
صامد(بحدة)؛ سميتو دوكس سميتو عمري ذكرتها على فمي وخا مرتو خاص تخلي سميتو منين تكونو في فراش منين غتكوني في الحرب مع غتقولي ياسين تلقاي راسك في القبر عتاندي على راسك واصلا هاد شهر غتبقاي تشوفينا غير حنا قادة حتى نصقلوك مزياان عادي غدوزي اختبار اخير تحتو
وسعات فمها بصدمة وقبل ماتجاوب كانت سقطات الارض بألم بسباب الصعقة وجسدها تشنج حيث بقا الضو شحال شاد فيها عاد طلقها وفلتات صرخة قوية من شفايفها ، شعرات بلمس بارد ساقط على صدرها ولكن مقدراتش تزول شريط ولا تقوم بسباب التعب لقضى عليها
صامد: هادة ساروت باش تحلي داك مينوط اه اتبداء من اليوم ماكتلتك غتولي نتي تحصلي عليها في كل فوز صغير كتبداي تكتاسبي اكلك ياتفاحة ياعصير المخيرة تربحي طرف اللحم ولكن لابقيتي ضعيف هكذا عولي غدوزي صوبة باردة معندها طعم ، دابا وقت لغدا طاقتي كلها مشات معاك ونسم عحسك هربتي غتشوفي وجهي ثاني
مريم(سمعات خطاويه لكيبعدو وزولات شريط من على عينيها ، طهر الغضب على تقاسيمها وهي كترمق ظهرو لكيبعد عليها ،مسكات مفتاح باصبعيها ومداتو نحو اسنانها ماسكاه وحاولت تبث راسو مع فتحة لفيي مينوط وبسهولة قذرات تحرر راسها وهي كتشتشم داخلها بالمنظمة وبهاد المدرب وجميع قادة ومعاهم حتى ياسين): اش داني نجي هاد الزمر العذاااي دالوييل واش هذا مريض في راسو مخلا لاخرين مايقولو خاص ناكل وندوز معاه ساعتين ونتسنى لقائد لاخور ياربي يكون فيه ضو على هاد الدحوشة(مسحات عرق لفي وجهها باطراف قميصها وعقدات حاجبيها بتشويش): كيفاش مغنشوفش ياسين شهر واش هادشي كامل كيوجدو غير الخطة(تقدمات نحو الصوبة لجابها ليها داك الحمق كانت في سوبيرة صغيرك غير فتحاتها تروعات عليها كرشها بسباب الريحة): ميمكنش نااكل هادددشي واش بغاني نموت هاد الحمق(وضعات يدها على بطنها لكتغننني بالجوع وبدات كتشعر بظهر كيلصق مع كرشها بسباب الجوع بلعات ريقها وملامحها مشمأزبن من رائحك الصوبة وحتى شكلها مساعفش مريم باش تغامر وتاكلها، شربات لما من القنينة ولكن غير شويك متنساش ليها شمتة مدرب البارح لخلاها حتى شربات لما لفي قرعة كامل وقال ليها هداك هو مخزون النهار بغات تخنقو وتخنق راسها وتخنق حتى ياسين معاهم مبانو ليه غير هاد الوحوش لعراو على وجههم وظنات غيتعاملو معاها مزيان حيث ياسين قائدهم وهي زوجتو خاصهم يعاملوها بلطف باش توصي عليهم ياسين ولكن صدموها بمعاملتهم القاسية وكانو حيادين لابعد حد...
زفرات الهواء بتعب كتحفز نفسها انه بعد المهمة غتخرج من هاد الجحيم وتعيش مع بنتها قمر وحتى ياسين معاهم وولادهم هادشي ميديرو في مصلاحتها والا كانت غتبقى مع خديجة وصحابها مسحات وجهها من جديد بطرف قميصها وقررات تستسلم لأمر الواقع رتناول من ديك صوبة هذا غير اختبار وغيدوز)
غمضات عينيها بقرف وخرجات لسانها رادة ماكلة
مريم: باغي يقتلني هاد الحمق مافيها شك....
...
غيثة(ربتات على يد لوليا وهي كتنظر ليها باشتياق): احسن مفاجأة درتي هي جيتي غتونسيني بزااف
لوليا(رمقاتها بحب صادق): حتى أنا خالتو وحشتيني نتي وعمو رياض مكنقدرش على فراقكم
غيثة(قرص خذها): حبيبة ديالي كيف بقيتي من لكسيدة واش مزل مالقاو لضربك؟
لوليا(قلبات عينيها منين تذكرات ان نور سبابا الحادثة ابتاسمت ابتسامة صفراظ لغيثة ونطقات بنبرة مصطنعة السعادة): لا ولكن قريب صافي واش هادشي طاب نحطو فوق طاولة
غيثة: اه بنتي صافي راه وجد ديه انا غنهز هادو ونجيبهم
حسنا(خنزرات في لوليا وتذكرات نهار مشات مع مجد قصر ال كيميلس وشافت بنتها): ياختي ناس تحفرو من لتحت وخرجو ريوسة وباغين كيتمشاو بحالا مناقصهم خير انا عام وانا كنزحف بسيل (فاتات صحكة ساخرة من شفايفها):متعووودة على لكوا شادة فيه ماستر
لوليا(التافتت نحوها باستغراب ورحعات شافت غيثة لشارت ليها باش تمشي): الله يستر بقات ليا غير ديك الحمقة
حسنا(عبراتها من راسها وساسها ونطقات بلحن): هبيلللك اه انا غير هبيلللة، حيث دايرة كرري فيك وفي داك طويل مقارج، مانفرگع رمانة ونهني كري وأُكْرور الجميع
مجد(دخل كوزينة ونظر لحسنا بنظرة تحضي لسانها ، ابتاسم لغيثة وحمل اطباق مادهم لحسنا باش ديهم وهمس ليها): جدة راك واعدتيني
حسنا: جاني زهامبر نسيت نوري اصل مها شناهيا تقول ليا حمقة
مجد: داك جاسبر جدة واعدتيه لانسيتي
حسنا: لخراا شفتك كتهدد فيا لا؟
مجد: حاسة واش نهدد جدة مهم داكشي مشغلناش وديري راسك مشفتي ماسمعتي والو
حسنا(خنزرات فيه): شفتك كذافع عليها شنو وقع
مجد: يلا عرف فارس غادي يجري عليها ويقدر يقطعها من حالة مدنية مغتبغيش حفيدتك يوصل بها المطاف هاد درجة في اخير هي كتبقى لوليا
حسنا(نظرات لوليا لدخلات كوزينة كتحمل اطباق وكتبتاسم بسعادة لغيثة): مصيبيبة معاك
مجد: اه واهم من هادشي كامل نور متسيقش خبار فهمتي خلّيك بعيدة على مشاكلهم
جسنا: انا ناكل ونمشي نق**ود بحالي بيتي نتفرج في فيلم ديالي فيكم فريع الكر يخخخ
غيثة: مديوش عليها واجي نمشيو ناكلو اميمة وخا تعيطي على نور وصديقها يجيو
لوليا: صديقها واش داك هبيل
غيثة: اء واش كتعرفيه مزيان
لوليا (باشمئزاز): لا الله ينجيني منو
قبل ماتستفسر غيثة على جوابها دخلات نور وايمن هاد الاخيرة كانت غاضبة وهادشي واضح على ملامحها وقبضتها ،ابتاسم مجد على شكلها وجلس مقابل معاها فقط باش يستمتع بغضبها ويتلذذ بتقاسيم الهزيمة لمرسومة على ملامحها
غيثة: واش جيتي غير نتي واميمة علاش لاخرين مجاوش
لوليا: بابا عندو خدمة وعمي عماد حتى هو وماما كيف عارفة خدامة ونجلاء متقدرش تخلي عماد بوحدو
غيثة: اه مزيان منها نيت تخرجي معايا نمشيو نزوزو مطاعم ديالي حقا شفت مطاعم ديالك كيف كل مرة خداو احسن تصنيف
لوليا(ابتاسمت ليها بصدق): بسبابك نتي عشقت الطبخ وخصوصا منين عشت معاك ومع بابا رياض كنت ديما كنتخيل راسي الشاف وهادشي لوقع(نظرات لنور لكتنظر لكأسها بتقطيبة واسعة): وخا ديك مرة كنت طريفة وخليت نور تربح على قبلك
غيثة(قرصات لوليا باش تصمت ودفعات اكل نحو نور باش تاكل): حبيبة ديالي مالك ساهية واش عيانة شفتك مكتاكليش
نور(هزات عينيها في اتجاه مجد لكان كيتناول طعامو وعينيه عليها ،نقلات أنظارها نحو لوليا لكتبتاسم ليها بتشفي ممصدقاش صديع الراس غيجيها حتى هنا): لا ماما غير كنت ساهية كنفكر هادشي بنين
غيثة: دوقي ايمن ياك هادي سميتك
ايمن: اه ماما غيثة
مجد(هز عينيه باتجاهو كيرمقو بملل من اللقب لطلقو عليها باش يتودد ليها ونور حتى هي نفس نظرة لقات عليه ولكن واضح من اصابعها لمزيرين على فورشيط)
لوليا(بتذكر): كاين شي حفل في لخر اسبوع صراحة متحمسة ليه وسمعت عمي رياض معروض ليه ياك غنمشيو
غيثة(باستغراب): حفل مفراسيش كاين شي حفل
لوليا(هزات هاتفها كتفحصو وورات غيثة ليست): بارح تأفيشاو لائحة المدعويين داكشي باش عرفت ان عمي رياض مدعوو وحتى بابا جاتو انڤيطاسيون وجينا غير انا والاخرى(اميمة)
غيثة: ايوا على هاد الحساب يلاه نوجد راسي نور غتجي حتى نتي ولالا
نور: ماشي بزاف باش كنا في حفل راس عام مافيا ليمشي وخاصني كثر من سيمانة باش نوجد
غيثة: على راحتك مجد غتمشي
مجد: ضروري اصلا باغي نحتافل
لوليا:هاهو حفل جا حتى بين يديك
.............
حفصة: شيري وخا تخرجي بغيت نبقى بوحدي
شيري(بقلق): ياكمة عيانة ولا مقلقة مني
حفصة(ابتاسمت ليها بامطئنان):لا انا بخير غير بغيت نبقى بوحدي نرتاح صرني راسي سيري هبطي لتحت اه وجيبي ليا اخر اخباار على ديك مسطية ديال ختو عارفة عزيز عليك تبرگيگ
شيري(ابتاسمت ليها بحماس): وخل سينيورا كوني هانية
اختافت ابتسامة حفصة ونظرات ليدها بشرود ، كلام سمر فيقها على الواقع وخا في داخلها كتشعو بتأنيب الضمير حيث غتخونو ولكن شحال قدها تبقى هنا وغير حالة والديها أثرات فيها شحال قدها تعذبهم وهي عندها مقدرة دابا تواصل معاهم(زفرات هواء بتعب وخرجات هاتف من صدريتها،دخلات حمام باش تجنب ان شي حد يدخل بيت وفتحاتو وارقام وحيدة لمكتوبة هي نمرة انس ورقم رعد ، اصابعها لقابطين العاتف بداو كيرتاجفو بخوف وشوق
غمضات عينيها ووضعات يدها ثانية على صدرها كتهمس لنفسها باطمئنان
حفصة: حتى حاجة مغتوقع صافي حفصة متخافيش
مررات على رقم فين مكتوبة اسم رعد وضعات الهاتف في اذنها ودقات قلبها كيقرعو بصخب داخل طبلة اذنها، في كل ثانية كانت كتسمع صوت اتصال كان نبضاتها كتهرب حلقها، في كل لحظة كانت كتنتاظر الو شكون معايا ومع ذلك تقطع اتصال وحتى حد ماجاوب
زفرات لهواء برعب ونظرات لهاتف من جديد
حفصة: غيكون خدام حتى سبت ونصوني عليه غيكون مسالي ياربي لطف ياربي يسر ياربي راني غير أمتك الضعيفة ياربي يامبدل القلوب ياربي منبغيهش بغيت نكرهو كيف قبل ياربي عاوني
كيف كتشوفو مجد دغيا عرف هوية نور القصة مسالاتش هنا مجد عبقري الشخصية العبقرية نامبر وان في القصة شفتو بغلط بسيط كشف اوراق نور ولكن ماشي كلهم بنت ارذوجان ماشي ساهلة يلاه غداا غتشوفو اجزااء حماسية
هه حفصة لا علاقة لها بحفصة لفي تسريب شنو في نظركم التغيير لغيطرأ؟
متنساوش تعليقاتكم واراءكم