نور: هادي اول مرة ايمن غنتجاوز لشخص آذى واحد من عائلتي
ايمن(حاوط ذراعيه حول بطنها وهمس في اذنها بنبرة مستمتعة): حيث انا مميز
نور: ماشي ديك درجة
ايمن(تبث عينيه مع خاصتيها): ماشي ديك درجة؟؟ ياكمة كتعرفي رئيس منظمة من غيري لحيدنا
باك ارذوجان
نور:مم مايبي شكون عرف
ايمن(خشا يديه في جيوبة وهو مزال حاني رأسو وجذعو لمستوى عينيها ،كان واقف خلفها مغطي على جسدها الضئيل): شحال كتعرفي واحد ولا جوج ولا تلاثة
نور(هزات عينيها في السماء كتصطتنع التفكير): امم خليني نفكر ولا نحسب اه هادشي مكيحتاجش العقل(قربات فمها لفمو وهمسات ليه بمكر مرافق لنبرة مازحة): ممم مايبي(سكتات ونظرات لعينيه بنظرة غريبة): كنعرفهم كاملين
ايمن اختافت تقطيبة من على حاجبو، ونظر ليه بدون مشاعر على ملامحو، كان كينظر لعينيها لكتحمل اسرار دفينة كالمحيط وهي كتنظر لعسليته بمكر بدون مايهتمو برجال اطفاء لكانو كيطفيو نار لافتاعلو في الغابة ولا طائرة لمرات من فوقهم باش تصب لما على حريق وطفيه
نور(عضات على شفايفها منين مستاطعش تملك نفسها وانفاجرت في الضحك تاركة ايمن كيرمقها بتشويش): ههه بلاتي متقولش ليا تيقتيني غير كنضحك معاك
ايمن(قهقه بمجاملة وعقلو مبغاش يخرج صورة نظرة الغريبة لكانت كترمقو بها): هه عرفت اصلا حتى من رؤساء منظمة ومعارفينش هوياتهم غريبة تعرفيها نتي لمعندك حتى علاقة بالمنظمات ولالا
نور(هزات عينيها في طائرات لكيطفيو نار لشاعلة ): اه
ايمن (قطب حاجبيه ونطق بعبوس): كتقوليها بنبرة بحالة كتقولي لا
نور(قهقهات من جديد خارجة من الجو الجدية ونطقات بنبرة صريحة): هه غير كنضحك معاك علاش كتيق دغيا
ايمن: حيث نظراتك كيخوفو
نور: بحال مجد ياك
ايمن(غير سمع سميتو قبض على قبضتو بعنف): مذكريهش ليا
نور(رمقاتو بهدوء): ايمن لابغيتي تزيد براسك قدامك وتولي قوي مخاصش مجد يبقى مشكل ليك عائق انا متأكدة المشكل لطاري بيناتكم نتا لخلقتيه وكبرتيه مجد معكاز على انه يدير اعداء بمجهودو الخاص
ايمن(صرخ بحدة على وجهها وقلبو غيطرطق من لغيظ): علاااش يكون هو اول ديماا بدون اي مجهووود ديما مجد مجد مجددددد وانا لدمرت شهر نهار وليل يجي حسن مني وانا اصلا نرجسي شكتسناي مني نتقبلو
نور: نتا ايمن ماشي نرجسي متبررش اي حاجة غالطة بك انك مريض ونرجسي، لو كنتي نرجسي من اول مكنتيش غتقبل رفضي ليك وخا خطفتيني اه ولكن مجرد عرفتي شخصيتي وانني قوية طلقتيني وهربتيني
ايمن: حيث بغيت نجى بنفسي
نور: ايوا. ودابا قلت ليكم غنكونو اصدقاء يعني ماشي حباب
ايمن: اصدقاء ومن بعد حباب شنو الفرق
نور(رمقاتو بعدم تصديق): ياك قلتي نتا ماشي بحال مجد وان صداقة بين الرجل والمراة كاينة ؟؟
ايمن: اه مع نساء اخرين لكن نتي نور شكون هاد الحمق لغيديرك. صديقتو غير لمكانش راجل
نور: ايوا حتى انا غنتزاد على ياسر ومجد وغنقول ان نوعيتكم تابعة غير شهوتها
ايمن: رجال كلهم عندهم نفس قاعدة مكاينش صداقة من غير لكانت في خدمة ولا قرايا وفي نطاق حدود ولا ضحك مرة مرة هادشي لسامع انا ولكن من غيرو ميمكنش مستحيل لو كان هادشي علاش خوك لمعقد هداك لكيكره يتقرب من نسا علاش عمرو مدار صداقة مع بنت دوي
نور: منعرف ليه هداك معقد مع كلشي
ايمن: من لخر عندي الحق وتذكري كلام خوك شنو كان قال ليك
Flash BACK
نور: كاين
ياسر: مكاينش
نور: كاين علاش متكونش
ياسر: مكاينش هي مكايناااش وسكتتي وتبعي درس انا استاذ هنا
نور: اشمن استاذ واش صبورة خطفتيها من مكتب بابا وجاي تمثل عليا
ياسر (مد عصا رقيقة امام يدها): هاري يدك
نور: وااش منيتك عندي 19عام ونلعب معاك بزز
ياسر(رمقها بحدة مزيفة ومخاطبها بنبرة ديال استاذ): هاري يدك وبراكة من دصارة ولا غنحملك
نور: هادشي في مغرب ماشي في امريكا
ياسر: والدينا مغابرة نوضي تهزي ولا هاري يدك متعصبينيش
نور(زفرات هواء بحنق ومدات ليها يدها): اقسم بالله وتوعتني حتى نمشي نتبوحط على بابا نخليه يمنعك من السفر
ياسر: اها لبرهووشة
نور: وجرب
ياسر (ضربها ضربة خفيفة في يدها وهز عصا امام وجهها): مرة جاية نحيد ليك سروال
نور: كيفااش
ياسر: نسيت انك ختي زمر نحيد ليك صبااط زعما ودابا سكتي وتبعي وجاوبي على اسئلة(وضع عصا على رسمة رسمها بيدو لرجل ورسمة لحداها ديال انثى): هاد جوج لكتشوفي هما كائنان حيان تفكير ديال هذا لا علاقة مع هادي بحال كتقولي مراة كتشرق والرجل كيغرب نتحداااك تلقاي رجل كيشوف أمور كبف كتشوفها مرأة من ناحية عاطفية ولا من ناحية نظرية كل واحد وكيفاش كيشوفها ويقدرو يخرجو بنتيجة وحدة ولكن طريقة تحليل وهاد مخ ديالنا فيه واحد مخيخ وداك مخيخ مكيحللش بنفس تحليل فهمتتتتي من غير عمليات حساب وداكشي ديال سبعة في سبعة سبعة وربعين معدنا مانديرو بها
نور(بغات تكلم وهو يوقفها ياسر لخرج عينيه فيها وشار ليها باش تهز صبعها تطلب اذن،قلبات عينيها ممصدقاش تفاهمتو ومشكل انهم كبار هو في منتصف عشرينات تقريبا من عمرو وهي في قربات تكمل عشرين): أستاذ ارجوك
ياسر(ابتاسم ووضع يد فوق يد خلف ظهرو): تفضلي انسة نور
نور(بنبرة واثقة): سبعة في سبعة تسعود وربعين ماشي سبعة وربعين
ياسر(اختافت ابتسامتو ونطق بتهجم): هادشي لبان ليك
نور: وراه خطأ فادح
ياسر: نساي هاد الخطأ وفكري في مهم من هضرتي واش قتانعتي ان بين مراة ورجل مكاينش صداقة
نور: لا مزال مقتانعش ولكن موافقاك ان عقلنا مكيحللش نفس حاجة وخصوصا كلاخ مرتافع عندكم
ياسر(ضرب طاولة بعصا ونطق بصراحة): نور احتارمي علامات مرور
نور(هزات حاجبها فيه): اش جاب علامات مرور فينا
ياسر(وسع عينيه فيها محمى فيها): شفتتتي ها فرق سكتي ومتحلليش معايا ولا تجابدي مع معلم ديالك هادي كتسمى وقاحة
نور(وضعات يدها على رأسها): راه عندك تلاثة وعشرين عاااام تلاثة وعشرين وغطلع في ربعة وعشرررين
ياسر: لا يهم السن عزيزتي بل طريقة التفكير في الإخاصئيات(مقتبسة من خصيتين وكيقصد بها احصائيات مستوى ياسر في لغة عربية تحت الصفر): افهمتي ياتلميذة ودابا نرجعو لخراء لقدامنا في سبورة هاد جوج لكتشوفي هذا الرجل المبلط غنسميوه فلان وهاديك مرأة مبطبطة بلاتي نرسم ليها فرقة صدر نسيتها(بتركيز شديد وضع شقةصدر في مكانها الملائم نور نقلات عينيها نحو الرسمتين طتقارن فيهم وكانت متوقعة هادشي صراحة مجدديش عليها ،الرجل كان راسم جسدو عبارة عن خط طويل وجوج خطوط خارجين من وسط مشكلين يدين وجوج من اسفل مشكلين رجليه وداير ليه راس كروي قرع، اما الرسمة ديال مرأة فيها غير الصدر والمؤخرة لبارزسن ومنساش كيلوط لتقولو عقلو موسخ وممأدبش اما منطقة صدر دارها بارزة): هاد مراة نقولو حنا بنت ناس كاع غتعامل هاد راجل مزيان راه غير صوت لكان عند مراة حلو وكتعرف دوي كتطيحو بقا غير مفاتين وزين، رجال كيتعاملو بأمور بموضوعية ومنطقية ماشي بحال مراة عاطفية غدير صديق من رجل غتعتابرو صديقها ميمكنش تبغيه الا نادرا لكان عندها جفاف قاحلي قاتل معندي ماندير لكرها، اما رجل لا اغلبية عشرتنا كتكون على مصلحة ودابا مع راسك علاش غندير صديقة بنت شنو فايدة نضحك معاها تصدق باكية ليا ونصرب ضربها تموت ليا لا صاحبي اناو وياه نقتلو حتى بعضياتنا نخسر معاه هضرة ندويو في عرض شي وحدة شنو بنت شغدير لينا تكفت لينا ، شنو غرض انني ندير مراة صديقتي كيف كتقولو بهاد جملة غير خراا معرفتش شكون لضحك عليكم بهاد جملة واي واحد عندو صديقات من غير اطار زمالة ولا عمل راه فيه شي حاجة ماشي تالهيه
نور: هذاك رأيك وانا مقتناعش حيث ماشي كلشي بحال بحال
ياسر(رما عصا في ارض وقبل مايسب كان دخل رياض من خدمة): فين واليد
نور(التافتت للخف زافرة هواء براحة): بابا اخيرا جيتي هاد ولدك شدو حلم مراهقة وبدا كيقري
رياض(نظر لرسمة بنت عارية وهز حاجبو في ياسر): اش كيقري
ياسر(رمق والدو بعدم تصديق من نظررتو): دابا انا واليد غادي نعلم ختي حاجو خايبة كنعلمها هانتا غير شوف كيفاش لبس معرس كيجذب رجاال خايبين ياشفارة يالمكبوتين خاص ديما تلبس كلاص
رياض: الله يعميها ليك
BACK to present time
ايمن (خرجها من شرودها): مجد خطير بعدي منو
نور(هزات عينيها فيه ونطقات):خطير من ناحية شنو
ايمن: كللشي نور نقدر انا نجيك مريض ومكنيواش وخطيير وهو بنفسو كان كيقول ليك ديك هضرة عليها ولكن مجد راه أكثر شخص خاص تحتاكب منو في اي لحظة يقدر يقتلك ويصفيها ليك مكاينش شي حد قريب ليه ولقلبو حتى من ماماك لتجرآت وشي مرة وفاتت حدود لراسمها يقدر يصفيها ليها ، مجد عندو تلاثة شخصيات كل وحدة ومرض من ثانيا وأكثر شخص مريضة ومعقدة هي مجد شخصيتو الاصلية لمكيخرجها غير مرة مرة , لشفتيه دابا كيبتاسم ليك ولا شاد ليك خاطر غير حيث
نور(ابتاسمت ليه ونطقات): شنو كمل علاش سكتي
ايمن(زفر هواء من فمو رامقها بهدوء): حيث كيدوز الوقت بك
نور(هزات حاجبها فيه وهاد الجملة عرفها غتزعجها ماشي حيث كانت كتنتاظر مجد يبغيها ولكن من انه ميكونش خايف منها او داير منها احتياط كبير): كيبان لي العكس
ايمن: مجد يقدر يوصل ليك فكرة انك مريضة برطان وغدا غتموتي وبصح غدا غتموتي ماشي بالمرض ولكن من الفكرة لاستولات على رسك انك غدا كتموتي ، مجد حكم المصحة كاملة وعرفتي شحال كانو الناجين خمسة انا وهو وصحابو وانا عتقت راسي غير بزز غير كنت فايق ليه ، مجد يقدر يخليك تحماقي خصوصا لا لقا نقطة ضعفك ولا بحث عليها في لحظة يقدر يستغلها ضدك ويخليك ياعبدة عندو ياتموتي بسباب انه كلا ليك عقلك
نور(ابتاسمت ليه ووضعات يديها على موطور وابتاسمت ليه): اءن نتا عارف هوبة مجد وشكون
ايمن(هرب عينيه وبقا صامت )
نور: ثمتك علامة على جوابك لكنتي عارف هوية مجد ، اذن حتى مجد غيكون عارف هويتك ونتوما مكان وحيد لكنتو مجموعين فيه هي المصحة اذن هه كلشي بدا من تم من ديك مصحة فين هو كان متفوق عليك ودرتي منظمة اذن حتى مجد غيكون عندو منظمة قوية داكشي علاش خرج منها كشعرة من العجيبة وتحبس ديك شهرين
ايمن(بسخرية): هه كظني انهم سجنوه شهرين هو لبغا شهرين وانا متأكدغيكون لمح عليها غيتحبس شهرين وغادي يخرج
نور(عقدات حاجبيها متذطرة كلام مجد لكان ناول من غرفتو غيقودوه للبوليس لمخفر همس ليها بعد شهرين غيجي عندها ): شنو قصة هاد شهرين
ايمن: مجد كل عام كيختار شهرين كيحبس فيهم راسو يا إما كيدير شي مشكل ولا مشاكل كتلاحقو وخاص تعرفي انه مغيعاقبكش حيث دخلتيه الحبس وحيث لبقتيه في هاد التهمة غتلقايه فرحان وسعيد ان مرة كنت لحتو فجزيرة لقبيلة من الهمج دوك ناس لمكيستقبلوش براني
نور(بتصحيح قاطعاتو): سميتهم ناس ماشي همج
ايمن(رمقها بإستغراب): لي سمعك ميقولش فجرتي مستودع لقدامك
نور: حتى هما ناس ولكن زيد ليهم نعت ووصفهم ناس هماجيين هكذا
ايمن: على اين مشا تما وقلت غيقتلوه وغنتهنى منو ويتهنى منو باه وكلشي حتى خرج ليا في عودي منين لقيتهم قريب يعبدوه وكلا ليهم عقلهم وراه مكيعرف حتى يدوي هدرتهم لقيتو تعلم ليها وكيدوي معاهم وكيآمروهم كانو غيتقلوني وخفت يقتلوني ولكن مجد بقا غير كيضحك وشكرني حيث فاجيت عليه
نور(رمشات بصدمة): هه دابا نتا باغي تقول ليا ان ديك خطة ديالي كلها مشات باطل ديك شهور كاملة وان مجد في داك عام كان كيفكر فشي مبرر باش يسجن راسو
ايمن: تماماً
نور(غمضات عينيها ونطقات بنبرة مصبرة نفسها باش متغضبش): وان هدبطيتو السجن طبق من ذهب وعلى ݣانتو
ايمن: تماماً داكشي علاش قلت ليك مجد ممتاخدكش بجدية وغير كيدوز القوت معاك حيث نشطتيه هو لدارك في راسو وبغا نيت يدمرك غيدمرك نور بدون تردد ميخدعكش منظرو ابدا لعشت معاه وعارفو راه ذيب خبيث في مظهر الكسلان لغنحذرك هو وياك ثم وياك يعرف نقطة ضعفك وانا معاك لفكر يمسك بالخايب وخا نعرف نموت نحامي عليك
نور(صرخاات بعدم صبر): شنو هي هوية قولها ليا علاش مبغيتينيش نعرف
ايمن: منقدرش نور
نور: علاش واش خايف منو
ايمن(وسع عينيه باشمئزاز): نخاف منووو اخر واحد يخاف من داك خرا هو انا وزيد ميقدرش يقتلني
نور: علاش، علاش ميقدرش يقتلك وعلاش متقدرش تقول هويتو
ايمن: حيث هذا قانون خاصني نحتارمو
نور: قانون اشمن قانون ورؤساء كيتبعو غير قانون مؤسس وانا متأكدة مجد يا واحد من رؤساء OFC ، ولا هيدرا ولا لوفيس اشمن واحد فيهم
ايمن: منقدرش حيث هذا قانون مؤسس وخاصني نحتارمو
نور: مؤسس ولكن راه قوانينو واضحة وعمري سمعت قانون متفصحش هوية لاخور
ايمن: قانون مؤسس ماشي في منظمات
نور(بعدم فهم): مفهمتش
ايمن: مصحة لكنا فيها انا وادم كان فيها مؤسس وتما فين تنظمات اول منظمة وفين توضعو اول قواعد ديال المنظمات وعلاش اختار رقم سبعة كلشي كان مكتوب في جدراان وانا وايمن وخا اعداء بالنسبة لمؤسس حنا اخوة وخاصنا نحافظو على هويتنا وحتى حماية آخر وخا مكرهتش نقتلومو ولكن منقدرش قانون خاص يتحتارم
نور(وسعات عينيها بصدمة ونطقات بتلعثم): مؤسس. كان في مصحة لكنتو فيها
ايمن: منين حينا ملقيناهش ولكن تما لقينا كلام كاتبو على منظمات ولمشا حتى ذي حد كون فينا منظمة ولا جوج دارو منظمات خاصهم يحميو بعضهم ويحافظو على هوية اخر هادشي غنفهمو ليك من بعد خاص نمشيو بوليس غيديرو بحث ويقدرو يوصلو حتى مكاننا
نور: خاصني نمشي لدار نشوف وهاد موضوع مزال غندويو فيه(مدات اناملها لخصلات شعرو الرمادية): لون جاك زوين
ايمن: اه بغيت نبدل شويا لوك
......
توماس:سم.سم.عيني
ايات: شنو
توماس:ه..هادشي مزيان لدرتي
ايات(صرخات بحماس وبدات كتصفق): وخا منعستش يومين باس نقرا كتوبة وندير تجارب كاينة نتيجة
توماس:ي.ي.يو..م بليل ب..بغي..تك ت...بق...اي. مع..اي...ا ليل
ايات(وسعات عينيها بدهشة): ش.ش.شنووو واش بصح نبقى معاااك هنااا
توماس(نطق من فوق قلبو): م.م.متوسخيش و.ولا..غن.ن.قت...لك
ايات: كون كاني انا غنجمع هاد روينة ونسيق نتا غير رتاح متعذبش
توماس:س.س.سيري ش.شوف..ي ب..اب.. وا..ش مسد..ود
ايات: ولكن يلاه شفتو مكاملاش ربع ساعة
توماس: س..سيري
زفرات هواء واستسلمات لأمرها ، مقالو مريض بالوساس حتى انه مريض قهريا به، كل لحظة يسيفطها تشوف واش بيان مسدودين وتمشي تشوف طموبيل واش مسدودة ويخليها دخل ثاني ديك الة لصنعها باش تنظف من كثرة تعقيم ولات كتحس بيديها كيتكرمو عليها معندها مادير من غير تصبر ، وياويلها ثم ياويلها تزلق ليها يدها وتكفح شي محلول ولا تمزق خيط بطريقة عشوائية ولا تخربق ليه ترتيب الكتب لواضعهم بطريقتو الخاصة ، هو كبفضل مثالية والمثالية ثم المثالية في حياتو القهرية
على ذكرو هز هاتفو كينظر لرسالة لوصلاتو من مجد بغا يتراجع ماشي حيث بقات فيه وماشي هي ضحيتهم اولى لكن كتنطابق عليها بعض خصلات
مجد: عجل خدمتك ليلة
هادي هي رسالة لتلقاها من عند مجد الامس مع 01:00 ليل حيث عارف توماس خاصو سوايع وسوايع باش يحلل ويوضع مية خطة وخطة وفي اخير يختار الخطة رقم 17 وسبعين حاجة باينة وواضحة على توماس
......
لندن كما معروف عليها بمدينة ضباب كانت مزينة سمائها المظلمة. بغيوم رقيقة مانحة للمدينة طابع خاص من الغموض وكذلك من الجاذبية، نجوم كانت كتلمع بأضوائها البراقة ، كل نجمة وقصتها واسرار الناس لكتحمل سواء المفرحة ولا المبكية، وبصحبة هاد العرض النجمي كان الهلال مرأس الصفحة المظلمة بطلتو المضيئة وهو كان النقطة اللخيرة لفاضت جمالية السماء وجمالية هاد الليلة لكانت مميزة واسفلها متواجدة بناية عريقة شبيهة للمعبد من الخارج لكن كان مقام فيها حدث ضخم ،حتى من الصحافة مقدروش يتوصلو بخبارو وبطاقات الدعوة وصلات غير فئة قليلة من الناس المميزة ولعندها نفوذ وسلطة قوية في مجالهم،
ترجل من سيارتو مرتادب بدلة رمادية انيقة اختاراتها ليه جداه لمعروفة في الطبقة الأرستقراطية بذوقها المميز والمحبوب عند الكل وفي عهدها كانت هي سباقة الموضة وبعض من الفتيات كانو كيقلدو طريقة لباسها لكان متمرد وشيك في آن واحد
عدل من بدلتو ومد يدو لجداه لكانت مرتادية فستان ابيض اللون مع ازرار في منتصفو واصل مابعد ركبتها بقليل وفوق رأسها مزين بقبعة فيها شبكة رقبقة نازلة على جبينها وعينيها وحذائها وحقيبتها طانو من سانت لورين ، تقدمات بقربو كتمشى بغرور لائم سيدة مثلها وعينيها كينظرو بتباث لأمامها على الرغم من انها سمعات اشخاث كتنديها بنسبها الا انها ملتافتتش
مدات بطاقة الدعوة لخادم لغير قر الشخص لتدعات من طرفو هي ومجد ، زول قبعتو وحنا ليهها بنبالة محييها، ابتاسمت على حركتو ومدات يدها لفيها خواتم من الياقوت، مرراتها على شعرها القصير
دخلو للداخل فين غتيقام المزاد وتسوية على الثمن القطع لغادي تعرض سواء كانت عندها قيمة مادية او معنوية ولا روحية ،
مرر صقريتيه وهو كيلاحظ بعض شخصيات بارزة في عالم سياسة او حتى في مافسا كاينين وحتى بعض الناس من تجمع BG واخرين من مافيا الارث وجوج من مافيا نبلاء وشخصين من مافيا صولو كان ذيب ونمر ، هادو ماشي حيوانات ولكن القابهم ووشوم كانت واضحة على رقباتهم، هز حاجبيه ولاحظ انهم هما ايضا مستغربين من وجود اعدائهم ووجود شخصيات متوقعوهاش على بال
مجد: هاد مزاد خلفو شي حاجة غير يسالي على خير وبلاقتيل هذا مطلوب ،كنكره ليخسر ليا نعاسي
الرجل: مدام حسنا ، جذابة عصرنا انا جد جد سعيد حيث حضرتي الحفل ديالي
حسنا نقلات عينيها نحو الرجال لكانو مرتادين بدلات كلاسكية بالون هادئة ولكن كانت كلهم من مصمم خاص وبتصميم فريد عن اخرى وزحزحاتهم نخو النساء لكانو كيتباهاو بمجوهراتهم ولا بسكين لواضعينو في جيب لعلى فخذو وسكين كان مزخرف من موجهرات ، كل وحدة وباش كتباهى
حسنا: خاص تعرف كانو عندي بزاف ليزافيغ مي حيث طلبتيني وحشمتيني مبغيتش نرفض دعوة
مجد هز حاجبو فيها وهي اكثر مراة متاحة طيلة وقت من غير تفراج في اباحيات مرة مرة ولا شوبينغ ماعدها مادير
الرجل(شابك يدو لفيها قفزات بيضاء من الثوب مع يدو ثانية وشار لحسنا ): ميرسي بزااف لالة حسنا عمري نسا وقت لعطيتينا وكوني هانية هذا افضل مزاد غيمر على عينيك انا متأكد
حسنا: ايوا عاالله(مررات يدها على شعرها لخلف اذنها ونطقات بنبرة مغرورة): ايوا مغنطلعوش ميمكنش بيا نبقى لتحت حيث فوق ديال طبقة جد جد راقية وما كاين ما حسن مني
الرجل(بنبرة متأسفة): كنعتاذر لكن الطابق الاول مجاهزش واكتافينا غير بالطبق الثاني
مجد(بدون مايلتافت نطق بهدوؤ): وعلاش شاعلين اضواء في جميع الشرف من غير شرفة وحدة
(لكانو اضواء شاعلين يعني شرف خاوين ومتاحين ، لكانو اضواء طافية على الشرفة يعني كاين شخص جالس واغلبية لكيجلسو تم كيكونو مباغينش وجههم يتعرف ولبغاو يشاركو في مزاد كيسيفطو شخص كيجلس مع حضور لفي أسفل معطف هو لكيبقى يتزايد على قكعة المختارة)
الرجل(نظر لشرفة مظلمة ونقل عينيه نحو مجد ممصدقش انه لاحظها ، قهقه ونطق بنبرة ملطفة): هاديك جالس فيها الشخص لقام بهاد المزاد وجميع القطع ليلة من ممتلكاتو خاصة قرر يبيعها لناس لغتهلا فيها وتحتافظ بها
حسنا: يعني غالين فوق ثمن (قصدات اثمنة خيالية لكيكونو في مزادات)
الرجل: هادي حاجة باينة ولكن غيكون بتدريج خودو بلاصتكم غيبدا مزاد دابا شويا
حسنا(تقدمات وفتحات مروحيتها كترش على عنقها وخا برد ولكن المزاد كان دفائ بسباب النيران لكانت شاعلة بين اسوار ومزينة بطريقة جذابة): جلس جلس هنا وعنداك تصيدني وتربطني بشي خرية حنا غبر غنتفرجو ونقودو بحالنا بقا ليا غير نسري حاجة مستعملة
مجد (ابتاسم ليها بخبث): غتفرجي مزيان حسنا
حسنا(صغرات عينيها فيه بشك): هداك شلاهبي شنو عندك في هاد راس
مجد (سند رأسو على مقعد وابتاسم بخمول): مغندير والو قامو بالمهمة (ربت على ركبة حسنا): لكانو بحال هاد مازات انا مستعد نمشي معاك لآخر دنيا
حسنا: ابوا الله يستر شدك حماقك ثاني سكت سكت ولا نعس حسن ليك
مجد(ابتاسم بشيطانية): مغنعسش هادشي كامل ونعس هههه
....
عبراتو من ساسو راسو مخنزرة فيها ممصدقاش انه هاد يومين متاجهلها وعايش ليها دور الرجل لمقلق من مرتو، خرجات نفس ساخر من نفسها ممستوعباش ايام فين قادتها مع شخص بارد مثلو
حنحنات والتافتت للخلف كتنظر لانعكاسها عبر المرآة وشكلها عاجبها كانت مرتادية فستان شبيه للقفطان ولكن ماشي قفطان كان فستان مطروز بطريقة انيقة مماثلة للحفل وشالها كان بوردي بارد (سومو): ورقيق ، ابتاسمت لشكلها ورسلات قبلة للهواء وهي كتعدل شالها هزات عينيها بنص عين كتنظر ليه لمحاتو كينظر ليها ، ظناتو غيهرب عينيه ولكن لا بقا كيشوف فيها برماديتيه الباردة ، خنزرات فيه منين تذكرات برودو وكيفاش كانت متجاهلها كيف تجاهلاتو ومعبراتوش،تفتح باب المصعد واستادرت رامية طرف شالها بغرور للخلف وتحركات بكل ثقة كتحرك في الرواق ،
فتحات فمها باش تسألو فين غيمشيو ولكن عضات على لسانها لكيزرب وبقات مربعة يديها كتسناها يجي حداها ويجرها من راحة يدها ، ولكن فاجأها من انه تجاوزها وقبل مايتركها خلفو كان وضع يدو خلف كتفها جارها معاه وبسرعة صبحات هي متقدمة وهو مقدمها نحو الشرفة المظلمة
حفصة: اويللي وااش جعرتتي فين غااادين نمشيو لخرين فيهم ضو هادي بولة عندهم محروقة واه
إدموند(مخاطب ليون): وهكذا نجحت عملية
ليون (كان هاز حاجبو فيه ببرود ونبس ): بدلتي عضو فأر زرعتي ليه عضور خروف
إدموند: اه بغيت نشوف بولة واس غتخرج نفسها واش مبدلة ريحة ولا لون صدق ماتو بجوج لا فار لا حولي
ليون(شرب نبيذو ممصدقش انه كيسمع تراهتو مايقارب ساعة بحق الإله علاش جا قبل ربع ساعة ولو غير كان حضر الفا لو يطبخ ليه راسو حسن منو هو)
إدموند(كان جالس على شرفة وشرب من نبيذو الفاخر): هاد المرة غنجرب رجل نخيط ليه جوج زب**بوة ونلصقهم باش واحد يخرج بول واحد يخرج مني غنديروهم في عضو واحد غير تكون فيه جوج ثقبات كل وحدة وش تخرج هكذا مرأة غنحقو ليها مساواه لكطلب
ليون (التافت نحو داغر ونبس ببرود): تعطلتي
الفا(ببرود مماثل): هذا الوقت
ليون(حافظ على وضعيتو): معطل
الفا: عندك مانع؟
ليون: عندي مانع
الفا: عارف فين نديرو
ليون: غنديرو في مقصود
حوارهم كان بارد وبلامبالاة كأنهم كيعرضو حروف هجائية مع بعضهم، حفصة رمقاتهم باشمئزاز وإدموند ممصدقش انه نهار مميز بحال هذا غادي يخسروه هاد المملين علاش دارهم صحابو وعلاش مفجرش بوهم قنبلة هادشي لكيتساءل عليه وخصوصا واحد كيتكلم بايطالية ولاخور بإنجليزية بجوج كيفهمو لغات بعضهم ولكن كل واحد كيتكلم بلغة لكيفضل
حفصة: ياربي كنت واحلة مع ثلاجة، تسلط عليا ثلاجة ولڤريكو ديالها هادشي لبقا وانا حاية نااشطة
إدموند وليون نقول عينيهم عليها وبما انهم كانو واقفي وفي طول الفا لكان واقف بقربهم كان حجمها ضئيل كالارنب مع تلاثة ذياب كل واحد وكيفاش كيشوف فيها، قطبات حاجبيها من إدموند لمبتاسم ابتسامة مختلة خصوصا مع داك انبوب لمار من انفو وكيمد ليه اوكسجين خوفها ورعبها خوصاص منين مرر لسانو على شفتيه وخرج نفس بحالا جائع، نقلات عينيها بسرعة لداك الشخص لي جاه نسخة مطابقة على الفا لا من حيث بشرة او سعر من غير عينيه كانت فحمية ووشم اسد كان على رقبتو، زحزحات عينيها اخير على الفا ونبسات باشمئزاز
حفصة: بقات في انك كابو ومصاحب ليا مع واحد هارب من سبيطار الحماق ولاشي شيطان اعوذ بالله من شيطان رجيم كيفاش كيدير وهذا ثلاجة لقدامك ياكمة هذا(فتحات فمها بادراك وشارت ليون) هذا هو السبع لقلتي ليا خرج من ديك غابو ودار هو ودوك ناس لخرجو منها حديقة حيوانات كيقتلو عباد الله وهذا (شارت لإدموند): وهاد حمق اش دخلو معاكم
إدموند(قهقه بصخب حتى سمعو بعض من الحضور لفي اسفل وجالسين في خلف قهقهتو وبقاو غير كينظرو لبعضهم بصدمة حيث الضحكة بذاتها كانت مرعبة ومخيفة): ععههه هادي هي مرااااتك هههه بنت عدووك شفتها مخايفاااش منك ومن فووق ههه قالت عليك حيوان(شار ليون وهو غيتفركع بااضحك عكس الفا وليون لكيرمقوه بجمود): سيرو تزمرو ولابغيتو تغرقو غير غرقو عندي مرااتك تفوج عليا
حفصة(نظرات الفا ومسكات طرف سترتو وعينيها على ادموند خايفة ليغفلها بشي تسرفيقة وهو تصرفاتو مكتقلس على حماق لكتلقاهم في زنقة):تاشكون هاد الحمق واش ملقيتي غير هذا شي مرة يقتلك ويصفيها ليك نيت
إدموند(عض شفايفو مانع ابتسامتو المختلة من انها تبرز باش متخوفهاش): انا إدموند صاحب راجلك لقلتي عليه ثلاجة (مد يدو باش يصفاحها ونطق بعينين كيلمعو بالجنون): اي حاجة بغيتها على راجلك انا في الخدمة ماكاين لكيعرفو قدي لا هو لا ثلاجة لاخور لمعاه
حفصة(رمقاتو من راسو لاخمس رجليه بازدراء خصوصا شوفاتو لمستحيل تأمن ليهم): مكنسلمش على رجال(رمات طرف شالها للخلف ورمقات الفا ببرود هامسة): بقاو ليك غير حماق همفف نمشي نشرب شي حاجة
إدموند(رمش عدة مرات كينظر ليدو لبقات ممدودة وهي اول مرة غيمد عليها يدو وتخليه بلاكة ، هي ثاني مراة مد يدو ليها بعد حبيبتو فقط حيث هي مراة صاحبو): وااش مسلماتش عليااا هههههه (قهقه بعدم تصديق ونطق بنبرتو المختلة): هه بغاتني نفصلها يمكن ونحيد ليها ديك ليد ونعلمها كيفش تخليني بلاكة كتسحبيني انا هو هاد حيوان لحدايا(مشير لليون)
ألفا (كان حاضيها برماديتيه ،نفث دخان سيجارتو ونطق ببرود قاتل): فكر تجربها
إدموند(نقل عينيه ليه وابتاسم ابتسامة مطابقة ابتسامة لوسيفر ونطق بجرأة وتحدي ): انا مكنفكرش انا كنطبق هه ثلاجة
ليون: غتقول حيوان شوف لمخليتش بنتك متدويكش نهار
إدموند(اختافت ابتسامتو خصوصا منين تذكر ان بنتو انجل كتسمع كلام ليون اكثر منو هو لوالدها بمكن بسباب هدايا لكيجيب ليها او وسامتو ): نتوما راه مغنموت حتى نديكم معايا ونتا داك ثلاجة نخلي مراتك تربح ثورة كاملة لخليتي على ظهرك
حفصة(بسرعة تحركات واقفة امام ادموند وهمسات. ليه): شحال غيكون في هاد الورث سمعت في أوروبا كاين قانون ماشي بحالنا كلشي كيمشي لمراة بصح
إدموند(نظر لعينين حفصة لحماسية وقهقه بصخب): ههه وطماااعة من فوق ياك نتا كتبغي مراة مرزنة وبعقلها وتكون ناضجة وفلوس مكاينش كيفاش تزوجتي بهادي
حفصة: سميتي حفصة قاليك هادي ولكنتي حدوي على هاد مراة راه مشا عندها(خنزرات في الفا وقلبات عينيها بغرور): ايزابيل همفف بقات في ركيب على العود راه راكبة على حمير حتى شبعت عند دار جدي
إدموند (شار لألفا ونطق): شتتي هي ممحتاجااش لليك ابدا محتاجة غير فلووسك
حفصة: هذاك سكتنا لتجبد ليا فتنة معاه شكون لغيعطيني فلوس نتا!!؟؟
إدموند: نشري على قبلك ان هاد قطع كاملة لهنا ونهديها ليك بمناسبة زواجكم وخا متعرضش
حفصة: اشمن زواج حتى عرس مقاد ولا خطبة مكاينا غير سكت سكت كنتفكر داك نهار كنتفقص انا مبغيت بو قطع باغا فلوس وبس
إدموند: ايوا نعطيك فلووس
حفصة(وسعات عينيها وخا حاولت تحكم في ردة فعلها): وهاد فلوس زعنا كافية
إدموند: هه واش كافية ، هاد فلوس تخليك تشوفي باك قدام عينيك وتهربي من راجلك وتقتلي هاد حيوان لحداك غتولي عندك سلطة ونفوذ
حفصة: لالا خويا نتحاسب عليها وزبد نتا هبيل منديش عليك معامن كندوي(هزات عينيا في الفا): نتا لخليتيني هكذا بسبابك ربح بديك اليزابيث وعمري ندوي معاك وخا تجي عندي باي غنمشي ناكل من بوفي لمحطوط
إدموند نظر لألفا لنقل عينيه علبها حتى خرجات وهاد هزهم فيهم، لمح ليون خرج نفس ساخر وهو اكتفى انه يضحك صحكتو المخيفة
ليون: قلت بعقلك ومغطيحش في مصيدة(الحب)
الفا: الصمت
إدموند(بنبرة منتصرة خاطبو): دابا وليتي حاس بيا منين كنضحي بروحي ولا كنفضل لوليا على راسي ، شفت عينيك مبغاتش تحيد عليها وحتى منين عقرات ليون ضحكتي ومنبن مسلماتش عليا ارتاحيتي بحالا لكنتؤ واثق
الفا: هي مرتي من حقي
إدموند: حتى لوليا مرتب ومن حقي
ليون(صرفقو بكلامو البارد): معقلاش عليك
إدموند: لمصلاحتها متعقلش
عم صمت بين تلاثتهم وغير لمح إدموند اخر ضيف لهو مجد مع حسنا لدخل جلس، ابتاسم بخبث ونظر ليهم
إدموند: اروع مزاد غتحضرو ليه ليلة غيكون ممل ليك داغر ولكن معاك مرتك مكاينش ملل وولكن نتا ليون غتشكرني عمرك كامل
الفا(هز حاجبو فيه): داير مصيبة
ليون(ببرود ): مغيهددناش لو مكانش دايرها
إدموند(شرب نبيذو مرة وحدة ورمقهم بحماس): كنقسم ليك دابا يلا شطحتو ليا بمؤخراتكم وخليتوني نصور نعرض ليكم هويات رؤساء المنظمين السبع ومتأكد غتصدمو منهم
هاني برعتكم هاد نهار قراو حتى تشبعو متنساوش اراؤكم