(استادرت للجهة ثانية حاقدة عليه ومع ذلك بعض من احمرار برز على وجنيتها وهو منين شاف ردة فعلها المتوقعة نطق بهدوء
ألفا: غيبقاو (نظر ليه لعينيها لكيلوموه خصوصا منين سمع قهقهة بعض الفتيات الخفيفة ووحدة بغرورها وكبرياءها أكيد كلامو غيرجحها): في القصر الثاني
لثواني ظهرات ملامح الخيبة عليهم وحفصة ابتاسمت ابتسامة صغيرة سرعان ماصبحات واسعة ورمات زيفها بغرور خلفها
حفصة: سمعتو اخر مرة نشوف خليقة وحدة فيكم كدور هنا وزيد باغا نتصرف على راحتي في داري برامة عليل جحموم دخوه لعايش معايا بحال ضرتي(نظرات لألفا بفضول): معندكمش شي قانون ولا تزيدو نتا نيت أنه كيوجب عليكم تزوجو الأخ الزعيم ضروري ويخرج من القصر يعتامد على راسو هااا (لاحظت برودو وتجاهلو كعاها وكان كيتحدث مع سكايلر بايطالية): ببفف معامن كندوي نفس السلعة
فاليريا(تقدمات نحوهم وعينيها كيلمعو بسعادة وهما مفيكسين على ألفا مررات لسانها بشهوة ،وجسدها بدا كيرتجاف منين ذكرات ليلتها معاه ليلة امزال مرسخة في عقلها وقلبها وفي منطقتها الحساسة...): ولكن سنيور ألفا انا اصلا غضيفة كنظن الصيف مكيتعاملش بحال اي كان ولا لا
حفصة كانت مصغرة عينيها بتقزز زهي كتلاحظ حركاتها لروعو قلبها ومع ذلك مزحزحاتاش عليها وكانت باغا تعرف فينباغا توصل ومنين لمحات يدها ممدودة نحو يد ألفا بسرعة حفصة مسكات يدو وجراتها عندها وفاليريا سقطات حيث رمات قوتها على يدها باش تمسك ألفا بدلال وتحاول تغريه
حفصة: ولا هيلا زوينة هادي من صباح وانا نمسح في يديه من دم دوم موخسين الكفرة جي نتي المعفونة مسيه باش هو يشد يدي يعع
فاليريا(رمقاتها بغضل ولكن باش تبان انها تضكلت من طرف حفصة وقفات محنثة كتمسح ثوبها الفحمي ببطء وهي مركزة باش تبين ساقها العرية السمراء وحتى صدرها ونهديها لبانو حمالاتها بسبب انحنائها): سينيورا لاداعي انك تغيري على الفا بهاد الطريقة اصلا(عضات على شفايفها ونظرات للألفا بجراة): شكون هادي لمتطيحش فيه غير الحمقة او لعمية
حفصة(صغرات عينيها وهي كتسمع همس شيري لترجمات ليها كلام،): يععع شكتقول هاادي نغير مننك دابا انا نغيير منك واش عمية هاد زمرة نغير من معفونة بحالك ايوه وشهاد الحالة ويلي أستغفر الله العظيم لاحول ولاقوة الا بالله اش هاد الحالة ويلي(وسعات عينيها وهي كتنظر كيفاش صدرها وباين وتعلات باش توضع يدها على عينين الفا لكن مقدراتش تلحق ونطقات بالفرنسية بعصبية): محشمتتيش كتشوف في هاد المنكر ها وهي بسبابها أنا كنت غنموت
فاليريا(اختافت ضحكتها واعتادلت في وقفتها مكانتش كتعرف فرنسية لكن كانت كتعلم فيها مؤخرا لدرجة ان كلام حفصة جاها ساهل باش تفهمو): شكتقولي نتي واش حماقيتي
حفصة (بسخرية): شوفي هاديك وخاومكنفهمش الهدرة شيري ترجمات ليا كلشي داك نهار شنو وقع وباينة فهمتي ديك مرة ديك الصفرة منين قالت ان بنت الفارسي حيث مكاين لوصلها من غيرك خصوصا داك شارف لكان معاك فين مشا ها
فاليريا (وسعات عينيها بصدمة ونظرات لسكايلر لحلل كلام حفصة ونظر لفاليريا بعدم تصديق أما ألفا كان بارد كعادتو): لالا غير كتكذب عليكم انا اصلا مف
قاطع سكايلر منين صفق وجهها بكفو الحارة خلاها تسقط للارض بعنف
سكايلر: وانا رااااسي كان غيتحررق كيفاااش عرفوها عدنننا قول الهدرة خرجات من قلب. القصر رحبت بك وضايفتك احسن ضيافة انا براسي كنكره مها وباغي نقتلها ولكن ماشي نبيع بها عندو عدونا وااش عارفة كيفاش كان باغي يدلنا عااارفة ان بسبابك وداك شارف دعشيقك لقاو السبة باش الحرب تبدا(وضع مسدسو عليها): انا شخصيا فضلتك عليها ولو تسنيتي لو خليتها طلق من خويا ويشوف فيك لكن على اقل هي شرف منك ..
ألفا (وقف سكايلر): متقتلهاش وتصرف
هادي كانت آخر جملة لقاها ألفا وتوجه صاعد للاعلى
حفصة(بتألم): بلااتي وااه ثلا...زعما الفا رجلي كضرني صبر(توقف ونظر ليها ببرود وانتاظرها حتى وصلات حداه): بلاتي رجلي كتحرقني شوف سمطة ديال صنالة طراسات في رجلي
ألفا (نزل عينيه نحو قدمها ولاحظ تورم صغير رجع نقل عينيه في اتجاهها ولمح كيفاش كتستاند على الحائط باش تصعد وبدون ماتترك تذمراتها،تقدم خلفها وهزها بين ذراعيه مقابلة معاه،شهقات لولهة وكانت غضربو باش يتركها،لكن منين لاحظت كيفاش كان كينظر أمامو بهدوء عرفاتو ساعدها ولاحظ تورم قدمها): قولي لخدامة تجيب ليك مرهم
حفصة(تفاوهت بنعاس): عييت هاد النهار الخلعة دات مني النص
ألفا: باش عرفتيها فاليريا
حفصة: شفتك نتا حاكرني ولا دايرني مكلخة
الفا(تذكر محاولاتو منين كان كيتقربب منها يقول ليها بعض الكلمات الجنسية لمكانتش كتفهم مقصدهم): مكلخة كاينة
حفصة : لهلا يحييك وأصلا راه وخا تشوفني هكذا راه ميديروهاش بيا راه دوزت حرب ڤيتنام في صغري
الفا(ابتاسم على كلامها ونظر لعينيها): والديك لباس عليهم فين حرب لعشتي
حفصة (ربعات يديها وقلبات وجهها بغرور للجهة الثانية): صدق ولا متصدقش شغلك هداك
ابتاسم بخفوت وهو كيلاحظ غرورها لبادا كيجذبو صراحة وأي حاجة فيها كتجذبو خصوصا منين كتبدا تقزز من الاخرين كتعجبو تكشيراتها وردات فعلها.وهي كانت غاضبة على انه كذبها وممصدقاش انها شاركت في حرب فيتنام لو صدقها لو حكات ليه كيفاش جمعات بين جوج عائلات كيسكنو في حومتهم وحدين اصلهم من عبدة واخرين من دكالة وبسباب شخصيتها الطفولية الشريرة بدات كتستعمل لطافة وجهها وكتحكي في ظهر كل واحد حتى صدق كل واحد جايب دوارو وقامو حرب زعيمتها ومفكرتها حفصة ال فارسي ولقباتها هي بنفسها بحرب الڤيتنام بعد ما تفرجات في داك وثائي في ناسيونال جيوغرافيك حول حرب فيتنام وبغات تطبقو على ارض واقع ،ونجحات خطتها منين نصف مشا السبيطار ونصف ثاني الحبس وهي انتهى بها المطاف ان باها جا من امريكا ناوي يقطعها من الحالة المدنية
تقدم وهو كينظر للتجهيزات لجهزاتو غيثة كاحتفال بقدومو وخروجو من السجن،لاحظ التفاصيل صغيرة وعرف أنها هي شخصيا وقفات عليهم لذلك منحها ابتاسمة واسعة على الرغم الملل والكسل لكيشعر به
غيثة: ايناس واش كلشي واجد
ايناس: وي مدام ارذوجان باقي غير بعض لمسات صغيرة
غيثة: صافي تبارك الله عليكسيري منشدكش على خدمتك
توجه رياض بدون مايلقي نظرة عليه نحو الصالة فين كانت جالسة نور كتكلم مع قطتها دافني لكانت قالية وجهها بغرور عليها
نور: آه وهكذا رون قدر يصبح هو الملك ويغلب جميع هادوك لوقفو في صفو
دافني: ميو
نور: اه هذا جهدي عليك معرفتش شنو ندير ليك
دافني(جلساتفي حضن نور ومع ذلك رافضة تنظر ليها ): ميو
نور:بفف فهمت احساس ماما منين كتقول عليها مفشة
رياض: هي بنتك ضروري غتكون مفشة
نور: عندك الحق بابا ب(نظرات ليه بتفاجؤ): بابا امتا جيتي واش ماما جات وفين هو مجد واش مخرجش
رياض(غير سمعسميتو وهي تختافي ابتسامتو): جا شوفي نور حسيتي به داير شي تصرف ماشي لائق عليكولا شفتيهباغي يتحكم فيك ولا يدخل فيك حياتك قوليها ليا
نور(عقدات حاجبيهابعدم فهم): علاش غيكون هادشي كامل شنو اصلابيني وبين مجد
رياض(ربت على رأسها):غير وصيتك كاحتياط وصافي
نور همهمات بطاعةومنين سمعات صوت غيثة كيقرب نحوهم وقفات وابتاسمت لباباها ابتسامة صغيرة
نور: خاصني ندير صواب غنمشي نسلم
رياض(شار ليها بيدو باش تغادر وعارفاه أنه كيخطط كيفاش يجري على مجد بدون ماتخاصممعاه غيثة): سيري سيري
تقدمات نور نحو مخرج الصالة وفي يديها كانت ماسكة قطتها لكانت نائمة او كتظاهر بالنوم،
توقفات انفاسها لوهلة صغيرةمنين توضعات زروقتيها على صقريتيه لكانو كيرمقوها بهدوء ،لمحات في اول كيفاش كان كيحرك راسو بملل موافق غيثة على كلماتها ولكن غير عينيه تلقفو كان هز حاجبو فيها وسرعان ما ابتاسم ابتسامة صغيرة عرفات مغزى منها،هي كذلك ترسكات ابتسامة مشرقة على شفايفها
وتقدمات نحوه ونحو والدتها برقي
غيثة(نظرات لنور بسعادة): نور حبيبتي اجي هاهو مجد جا
نور(ابتاسمت ليه بسعادة): مبرووك على صراحتك
غيثة(ربتات على كتف مجد بفخر): قلتها ليكم كنت عارفاه بريئ
نور(حركات رأسها موافقة كلام غيثة): عندك الصح(نظرات لعينين مجد): ماما كانت واثقة انك بريئ طوال مدة سجنك
مجد(ابتاسم ابتسامة جانبية وعينيه كانو كيلمعو بلمعة خفيفة): عارف ونتي
نور(نظرات ليه بعدم الفهم ومزالة محافظة على ابتسامتها): مالي انا
مجد: كنت بريئ ولا مذنب
نور(فتحات فمها دليل على فهمها): آااه صراحة نعرفتش كنت بحال ناس طرف محايد مكنعرفكش مزيان باش نحكم عليك وفي نفس وقت ماما كانت شاكة فيك داكشي علاش كنت خديت طرف محايد
غيثة(نظرات لمجد لكان مبتاسم لنور وحتى نور باين انها مرتاحة معاه): مهم غنمشي نشوف ايناس فين وصلات باش نتغداو مجموعين
غادرت غيثة ولكن اتصال نظراتهم منقاطعش بقا كينظر ليها لمدة طويلة وهي كذلك ونفس ابتسامة مرسومة على ثغرهم،تقدم نحوها بهدوء مقاطع هاد السكون لبيناتهم ولاحظ كيفاش علات عينيها معاه باس تنظر لصقريتيه لكانو كيلمعو بسعادة مثل خاصتها
مجد: عرفتي منين كنت في السجن كنت عايش في ملل عرفتي شنو لكان كيخلني فرحان هكذا
نور(اتاسعت ابتسامتها ورمقاتو بفضول): شنو
مجد (قلص المسافة بيناتهم حتى بقاو انشات قليلة على تلاحم انفاسهم ): عينيك هاد عينين واسرارهم لكيخرجوني من قنطتي
نور: شرف ليا تشوف عيني هكذا على اقل نكون عاونتك بشي حاجة
مجد (ضحك هاد المرة واسنانو لكيف لؤلؤ برزو ولاحظت ان انيابو عن قرب كانو ماضين بحال مصاصي الدماء): قدمتي مساعدة عمر مجد غينساها(حمل خصلة من شعرها الفحمي لكان منسادل عليها وقبل بفمو محافظ على اتصال مقلتيهم)مرحبا بيا عندك انوري
ركز صقريقتيه مع زرقوتيها لكانو كيتفحصوه بهدوء كأنهم كيحاولو يقراو شنو تحت راسو،اصابعو لكانت ماسكة خصلة شعرها زولهم من عليها بعد ماتلقى خدش من طرف دافني لمن ملامحها وتكشيرة مخلابها عليه مكانتش طايقاه
نور: اوبس دافني مبغاتكش يمكن (رمات خصلة شعرها للخلف وربتات على ظهر قطتها): ممرحباش بك هنا
مجد: ماشي غير هي بوحدها حتى باباك خايفني لناخدك ليه في نظرك علاش فكر هكذا
نور(دلات شفايفها على جهلها): معرفتش
مجد: في نظرك يكون عرف أنك كنتي باغا تعتارفي ليا
نور(بابتسامة صغيرة): انا نعتارف ليك امتا
مجد (وضع يديه في جيوبو ومزال محافظ على اتصال بعينيها): مداعيش الجهل نهار علنت على خطوبتي بدينارا
نور: انا مكنتش غنعتارف عليك أمجد مشيت عندك باش نتأكد من الخبر ونتا أولتيها حاجة اخرى
مجد(هز حاجبو فيها منتاظر جوابها): والسبب
نور: غير فضول وصافي حسيت بخيانة أننا كنا صحاب لمدة شهر وكنت آخر من يعلم حسيت بيك أنك خديتي داك قرار متسرع بحالا كنتي كتختابر دينارا على ردة فعلها ولا (صمتات لوهلة قصيرة ونطقات بهدوء مصاحب لهدوء المحيط حولهم) كتختابرني أنا
لاحظت لون عينيه لصبح غامق ودركات أن شخصيتو تغيرات غير من ملامح وجهو واكيد ظهرات شخصية اخرى على شخصيتو لكانت كتكلم معاها قبل قليل ،لكن مقدراتش تعرف شكون معاها حيث مجد هاد المرة كان محتاط عكس مرات سابق خصوصا منين عرفها كتلاحظ ادق التفاصيل.
مجد: شنو في نظرك نتي أ نور
نور: في نظري انا(مسكات يد قطتها لمدات مخالبها نحو مجد ) معرفتش صراحة مفهمتش شنو بغيتي تقصد
مجد استاقم في وقفتو وعرف بجوابها نهات حديثهم خصوصا منين تقدم رياض نحوهم وعينيه كيقذفو الرصاص المتشاير على مجد هاد الأخير لنظر للمشهد الدارمي لأمامو رياض واقف بقرب نور بنتو لاف ذراعو حول كتفها وكيرمق مجد بنوع من التحدي والكره ،ونور نظراتها كالعادة بحال شي شيفرة صعب يحلها ويدها كتمررها على قطتها لكانو تقاسيها مماثلين للرياض بجوج محاملينوش في هاد القصر وماشي بعيد حتى نور تكون كتشاركهم نفس المشاعر تجاهو
رياض: شتك تعطلتي
مجد: نور رحبات بيا جات ناقصة نتنخلها
رياض(زير على قبضتو ونطق بنبرة هادئة وعينيه مفيكسين على الكسول لأمامو): نور واش بصح هادشي
نور(نظرات لرياض بابتسامة صغيرة): اه بابا غير عرفتو شويا على سيستيم ديالنا ولكان محتاج شي حاجة يمشي عند ماما
رياض: حسن خليه عند ماماك
غيثة: اء نتوما باقين هنا يلاه نمشيو نتغداو راه نزار(ولد حسنا) وعائلتو جايين باش يرحبو بمجد
مجد: شكون هادو؟
غيثة: اء هادو ولاد حسنا واش نسيتي عليهم
مجد: عمري شفتهم
نور: حيث هما كيجيو على مصلحتهم
غيثة(بلوم): حشومة راه ولاد جداك
نور: همم جدة براسها مكتحملهمش أصلا علاش مدواوش معانا ولا وقفو في شدة تاعنا على اقل جدة جات ومنين عرفات قضية رخفات رجعات هاواي
غيثة: عندك الصح منكرش ولكن خالتي راه كتبغيهم خصوصا هو وحيد لصدق شويا من دوك ولادها
نور: ممحتاجة حتى واحد فيهم حنا براكة عليها ولا لا دافني(لاحظت قطتها لتجاهلها وفضلات تنام بين يديها)
مجد: وأنا علاش جايين عندي
رياض (طلع حاجبو بعدم رضا من كلامو كأنهم جايين لدارو ، وهو بنفسو غير ضيف ضيف غير مرحب به): باش يديرو صواب،اصلا هادشي لخاصويكون ساعة ساعتين ضيافة وبسلامة ماشي يبركو
مجد(ظهرات ابتسامة مستمتعة على شفايفو ونطق براحة): ايوا مرحبا بهم عدنا
دور رياض راسو للجهة اخى كيسبو تحت انفاسو ومجد اتساعت ابتسامتو كثر ،. نزل عينيه قليلا ولمح نور لكانت كتنظر ليه بابتسامة صغيرة حيث عرفاتو عصب باباها ورياض من ورا الغدا غيمشي يخرج لشركة باش يفكر في مية خطة وخطة باش يلقى ليه السبة باش يخرج..
منحها وحدة من ابتسامتو القاهرة لهلكات دينارا والطبيبة من اول لحظة ومكانش كينتاظر نفس الشيء من نور،حيث فلتات منها قهقهة ونظرات ليه بعدم تصديق من محاولتو الفاشلة طبعا .ولفات رأسها كتنظر أمامها بابتسامة صغيرة
كانت وهي وسطهم بين باباها ومجد وغيثة كانت على يسار هاد الأخير ،رياض واضح عليه انه حاقد وكاره مجد لأسباب مجهولة لكن متأكد ألف في المئة انه عندها علاقة بنور،وغيثة كانت سعيدة من تقاسيم وجهها وكتنقل عينيها نحو مجد ونور بسعادة مخفية،ظنات ان نور تقدر تكون كتبغيه وهادي هي فرصة مناسبة خصوصا منين لاحظت نظارت مجد نحوها ومع ذلك مبغاتش تسرع مبغاش توضع بنتها في مأزق تاني بسببها وتجرح قلبها....
صوت بكاءها وشهيقها كان هو لمستوطن الغرفة، زرقوتيها نشفو بالدموع وحلقها جف وتجرح بالصراخ ،الحرقة والندم والصدمة كلها مخلطة عليها وقابعة في قلبها لكيألمها بقوة ،خصلاتها المجعد كانت منثورة على جسدها لكان ساكن ولول شهقاتها لظنو أنها ميتة كانت ساهية كتنظر بعينيها لتعبانين في نقطة فارعة من الفضاء.
فتح ارتان الباب وخلفو دخلات ايمان لعينيها كانو حمرين بالبكا، غلقات باب بسباب الضجيج لكان التحت وتجمع الناس لكان في بيتهم،وبهدوء تقدمات نحو بنتها رانيا لكانت مزال عايشة في صدمتها وابتاسمة عدنان الاخيرة لمنحها ليها مغادرتش ابدا مخيلتها
ايمان(بصوت مبحوح من البكا): رانيا بنتي عفااك عارفة صعيب تقبلي وتسوعبي ولكن هادي مشيئة الله وربي بغاه منا مانديرو
رانيا: الصمت
ايمان(مدات يدها كتسرح شعر بنتها لغير شعرات بلمستها بداو الدموع كيذرفو منها بصمت): مخاص تبكي عليه كتر راه كيتعذب هكذا في قبرو ، ودعي معاه هو محتاج لدعائك
رانيا(همسات ببحة غير مسموعة): علاش دينا ناس مزيانة هي لكتمشي وناس خايبة كتبقى هئ هئ علاااش
ايمان: حيث ناس مزيانة ربحو في اختبار الدنيا وربي بغاهم،(مسحات دموع رانيا ونطقات بحب): حنا كنبغيو وهو عارفها الله يرحمو خاص ندعيو معاه ونوقفو مع بعضياتنا
رانيا(نظرات لإيمان بفضول) : خالتي نادية واش مزال كتغوت
ايمان نظرات لارتان بتوتر وحون هاد الأخير لربت على كتافها ونظر لرانيا بابتسامة مصطمئنة
ارتان: مديش عليها هي غمعصبة دابا تفش وتعتاذر منك
رانيا(نزلات رأسها واضعة على ركبتيها وكملات في بكاءها بصمت ونطقات بانكسار): بغيت نبقى بوحدي
حاولت ايمان تعتارض لكن ارتان منعها منين شار ليها بعينيها باش يغادرو
ايمان(قبلات رأسها):وحاولي ترتاحي شويا ربي معاك
انغالق الباب من جديد وانغالقت هي في دائرة حزنها وقهرها، معرفااتش واش تبكي على حبيبها وخطيبها لكان زواجهم غيكون بعد 3ايام بالضبط ولا على كلام ام خطيبها الجارح لتاهمتها أمام الناس أن ولدها مات بسبابها،ماتت بسباب ختها الملعونة ومتلبسها الجن، وعلى ذكر أمو،حجرة قوية اختارقت زجاج نافذتها وضربات في مكتبها،صرخات بخوف وذعر خصوصا منين بدات الحجارة كتصب عليها ،وضعات كفوفها على وذنيها غالقاهم بعنف وكتبكي بقهر
رانيا: هئ هئ براااااكاااا عفاااك براااكا 😭😭😭
وبالأسفل كانت أم عدنان برفثة خوتاتها وولادهم كيضربو بالحجر بيت رمزي
ام عدنان(ضربات ركابيها كتندب): اويللي اويلي اعبادد الله (نبدات حناكها بعنف باظارفها): معرفتتتتش واااش ندددب هك ولا هك ولددددي ولددي، كبدتتتي مشااا ليا مشااا هو ضواية عيني اويللللللي اعبااااد الله مشااا ليا ولدي وغواااحد هو لعندددي الله ياخد فيكم الحق الله ياخد فيكم الحق ارباااعة السحاااارة سحرتو ولدي باش يتزووج ببنتكم وتفط على هدرتتتي وهاهي عاااقبة لخفت منهااا قتلوووه جنون بنتكم اخرى لي لصاقتو فيكم وفرطتو ليا في ولدي(ضربات ركبيها كتولول): واعبااااد الله اجيو تشووفو وتسمعوووو هاد تريييكة السحاااارة يارباااعة الشيطااان
خرج ارتان غاضب وخلفو ايمان لكانت كتهدن فيه
ارتان (بنبرة غاضبة نطق ):شوفي اشريفة من بااارح وحنا صااابرين ولكن باش تربطي مشيئة الله ببنتنا وبينا حتى هاادي ولااا، انا عاذرك عدنان ولدك وحيد وصعيب تفقد ولدك وخصوصا لكان راجلك ميت،راه غتبقاي معانا ورانيا ديما غتعتابرك مها لكن متجرحيهاش وهي لفيها كافيها من بارح وهي في بيتها مكلات ماشربات انا دابا دويت معاكم باحترام مرة جاية متخليونيش نتعامل بطريقة خايبة على وجه الجورة والعشرة والطعام لتشاركنا
نادية {ام عدنان} ( شمرات على اكمامها ونظرات ليه بتحدي): يالااااه ورينننني علاااش تقااد هاااا بن للليك وجههكك وبغيتي تحݣر عليااا شفتيني مراة هجالة بلا حبيب ولا قرررريب ولكن ربي رزقني بولاد خوووتي لمغيسمحوش في حق ولد خالتهم
ايمان(وضعات يدها على ارتان مانعاه باش ميخرجش غضبو عليهم وبنبرة مترجية نطقات): عفاااك نادية الله يخليك راه غير كديري شوهة بلافايدة وحنا راه قلبنا طايب وعارفة عافية الكبدة شحال صعيييبة ولكن هادشي راه عيب وحرام مايبغيه لا ربي لا عبدو وعدنان مشا لبلاصة حسن من هاد دنيا خاص ندعيو معاه
نادية(دفعات ايمان بعنف كانت غتسقط لو يد ارتان لحاوطت ظهرها): سكتتتي اللغعة كتسحبيني معااارفس وجهك هاا ديريها بكلشي وضحكي عليها بظرافتك وكلشي يضرررب بك متااال زعما راك مرأة مزيانة ولكن نتي غير بنت. **** لا نتي لا بناتك وزيدي عليها ديك برهوشة ديال بنت خوووك ديك عافية ديك جهنم كحلللة لبسبابها شدني سكااار ديك حفصة ولا رفسة كلكم*****
فدوى(قاطعت ارتان لكان غيتكلم وتقدمات بسرعة نحو نادية): اشريفة ماشي حيث ساكتة ليك من بارح راه خايفين منك راه ساكتين حيث عاذرين حالتك ولكن باش تبداي غتخلطي وتسبينا حتى لهاادي ولا
نطقات اخت نادية لدفعات فدوى وغمزاتها
اخت نادية: زوينة شفتك بديتي كترطاي وحنا هدرة ماشي معااك مع ديك **** دبنتهم
دفعات اسراء اخت رانيا ورمقاتها بعصبية واضحة عليها
اسراااء: واااش مريضةواااش ختتتي بارح كانت غتنتتااحر وغتتتبع عدنان غير بسباب هدرتتك وجاية ليوم كتكممملي في غواااتك شنو بغيتيها ديررر ݣاااع واش هي لقااالت لعدنان يموت واش هي لقالت مول طموبيل يجي سكرااان عيقتتتي وزدتي فيه اصلا نتي ضميرك مأنبك حيث كنتي ديما كتجبدي السخط على ولدك بسباب أنه بغا ختي في حلال وبغا يتزوج بها ونتي لفكرتي تسحري ليهم غير ختي مكتخليش اذكار والقرآن وماما ديما محصنانا ،لكان عدنان كيف كتقولي مات بسباب السحور فغيكون بسبابك نتي
عم الهدوء المكان وغير صوت توشويش وتبركيك الجيران هو لكان برفقة الأجواء المشحونة ايمان مسكات كتفي اسراء كترمقها بصدمة
ايمان(بتلعثم وعدم تصديق): واش ختك ك...كانت غتنتاحر
اسراء (غمضات عينيها بندم ونزلا رأسها)
ايمان(نفضاتها بعنف وصرخات بقوة عليها):كندووووي معاااك جاااوبي
اسراء(هزات عينيها في اتجاه باباها لكان مصدوم وجيران بداو كيألفو اشاعات لحداهم،وفير اخير ركزات مع ايمان): بسباب هاد المراة ختي بارح كانت مزال مصدومةة كانت كتخيل راسها غير كتحلم حيث داكشي داز سريع تخيلي راسك بلاصتها كانت كضحك مع عدنان وفي ثانية مات قدامها ،وكلام هاد (خنزرات في نادية ورجعات كتنظر لايمان) مبغاتش تقبل وتستوعب وكانت غترمي راسها من شرجم وحبصها أنس بزز
ايمان(مسحات وجهها بعدم تصديق وتركات كتفي اسراء وهي كترتاجف):ب..بنتي ..بنتي كانت غتم..موت
نادية(بدات كتبكي بحرقة): حسيتي دابا بحرقتتتي حسيتي بهااا حسيتي كيفااش قلبي شاااعلة فيه عاافية كتستاهلو هادشي ودابا تشووفو من هنا لقدااام شغيوقع في حياتكم (لعقات اصبعها ومرراتو على راحة يدها) هاهي فيكم
يلاه حملات نادية الحجر هي وخوتاتها وهما يوقفو عليهم بوليس فجأة وجروهم نحو صطافيط
نادية: بعددد منننني خاااص هي لديوها هي لقتلات ولدي
ناصر{زوج فدوى لهي أم سمر }(عطا فلوس للضابط): هاك تهلا فيهم ومطلقوهمش حتى دوز شي سيمانة وربيهم مزيان
ضابط: كون هاني الشريف
ناصر(نظر لفدوى ): مالنا على هاد الصداع كامل بوليس يوريهم شواريهم...
ايمان هزات عينيها كتنظر للجيران لكان معظمهم عاجبهم هاد الحال وكيتشفاو فيهم ،خصوصا هي عائلتها كانت حالتها جد ميسورة مقارنة مع سكان الحي،شعرات بذراع حاوطت كتافها وعرفاتو زوجها وتقدمات معاه داخل منزل وصدمة أن رانيا كانت غتنتاحر مزال مغلفة عليهم....
.............
مسكات يدو لكانت ممدودة نحوها وقامت بتأهب باش تكملها تدريبها معاه،
ياسين: بصرك مزيان عكس باقي متدربين وهادي نقطة كنشيد بها لك
مريم(ابتاسمت ونطقات بدون وعي): حيث في الرسم كيطلبني جهد بصري كبير باش نبقى عاقلة على اشكال
ياسين( حرك رأسو بفهم ونظر ليها بجدية): خاص تطوري تقنيات دفاعك حيث ضعيفة مقارنة بالهجوم وحاولي متسرعيش في حركتك حتى درسي الخصم مزيان (وضع يديه محاوط وجهها خلاها توسع عينيهة بصدمة،لكن منين شعرات به كيعدل زاوية رؤيتها ،رمشات بسرعة مسترجعة هدوءها): حاولي راسك يكون ديما مايل يلا للجهة المعاكسة لموقع الخصم باش تقدري درسي جميع نقط ضعفو
مريم:فهمت
ياسين:ويديك(مسك قبضتها وضربها مع راحة يدو بقوة): هادي غتهر واحد فيه وزنو 120 كيلو مكنجمعوووش يدينا هكذااا (عدل موضع اصابعها وحتى زاوية يدها): هكذا ضربة غتكون قوية بالاضافة عرفي فين ضربي
مريم: وخا الشاف
ياسين(مسك شعرها بعنف قليلا وجرها بسرعة نحوه مقلص المسافة بيناتهم ): جا شي حد ومسكك هكذا وحكمك كيفاش غتعاااملي معاه
مريم(عبسات في وجهو خصوصا وكتشعر بأناملو كضغط بقوة على خصلاتها): غنكون جامعاه مغنطلقوش
ياسين(رمقها بعدم رضا وفلق راسها بخفة بصبعو الكبير وصبعو الاوسط): حيد ليك بانضة وشدك هكذا شغديري
مريم(مدات يدها نحو خصرو فين موجودة نقطة ضعف حساسة تم ولكن مسكها بقبضتو الثانية وقربها ليك كثر ): الشاف
ياسين(نطق بهدوء وجدية محاوطاه): حاولي هذا تدريب ونتي لخاصك تعرفي الطريقة باش توريها لاصحابك متنسايش راك القائدة (وجهات رجلها بسرعة ولكن ياسين كان سريع منين حكمها بقدمو وصبحات في اخير معلقة داخل حضنو )
مريم(نطقات بتذمر وهي كتشعر بأن جسدها وقوتو حاصروها ): الشاف كيغندير ونت
ياسين(قاطعها بقوة): فككري يلا فاتت تلاثين ثانية دابا غنقطع شعرك
مريم(وسعات عينيها فيه بخوف)؛شنووو
ياسين: جوج ثواني مشاو
مريم (بدات كتجر في يديها لمحبوسة عند خاصتو،ويد ثانية واضعاها على شعرها كتحاول تحررو من قبضتو فولاذية اما رجليها فراه كان محاصرهم بقوة ونطقات بصعوبة) : كيغندددير هادددشي صعععيل
ياسين: تخيلي راسك في مهمة شخص حكمك هكذا وغيقتلك في لحظتها اناعطيتك هاد ثواني كهدية فقط وحيث اول مرة غندرب معاكم هاد تدريب مبقااش بزااف خمسطاش لثانية
عضات شفايفها بغيل ، وبدات كتبعد جسدها بعنف من قبضتيه ولكن لاحظت أنها كلما قاومت كثر ياسين كان كيزير على حصارو حتى صبح الألم لكيفتك براسها وجسدها مكيستحملش،غلقات عينيها لثواني كتشتم فيه وكتحاول تلقى شي خطة وبعض لحظات فتحات بنفسجها لنظرو ليه بغيض لثواني سرعان ماابتاسمت ليه باتساع خلاتو يعقد حاجبيه بغرابة ولكن المفاجأة هي منين كانت توضعات عينيها على شفايفو، مفهمش حركتها في أول وعلاش شافت في فمو
ولكن منين لمح ثغرها الوردي مقلص المسافة نحو خاصتو ويدها لكانت اسفل يدو لعلى خصلاتها توضعات على رقبتو،حل الجمود على جسدو والصدمة ملآت عينيه....
كان جالس كينظر ليهم بملل خصوصا حديث ريتاج ونزار مكيساليش ،رياض خرج بحجة انه عندو الخدمة ونور طلعات للاعلى لمكتب والدها ،وعلى يسارو كانت قابعة سارة ولا مايعرف شنو سميتها كانت طرحات عليه سؤال علاش ياسين درب في المغرب 35مرة وشكون البنت لضارب معاها 147 مرة لهاد الدرجة،،، كره حديثها وكلامها وصورتها وتريكتها كاملة كان غيكره حسنا لوهلة لكن منين تذكر كيفاش كانت كتعيرهم وتسبهم خرجها من اللائحة
غيثة(لاحظت الضجر لعلى مجد ونطقات): ولدي مجد ماشي بزااف باش خرجتي تقدر طلع ترتاح
ريتاج: اه اولدي مجد طلع باينة عليك عيان
مجد(ابتاسم لغيثة بامتنان): نخليك
سارة(مسكات يدو ونطقات بضجر): جااوبني قول ليا علاش ياسين درب في مغرب
مجد(تنهد من هاد الشعالة لعلى راسو،في أول لاحظ انها بنت زوينة مكلخى،ولكن باش يكون الكلاخ واصل بها لهاد الدرجة ودير ليه صدااع في راسو ميمكنش يستحمل هاد الضغط): سولي غيثة
سارة(ربعات يديها ونطقات بحنق):مقالوس بيا (تقدمات نحوه ): على اقل غير قول ليا علاش ياسين مشاواش على قبل شي. بنت
مجد (بقاصامت كينظر ليها بضج،لكن ابتاسم لوهلة منين لاحظ نظرات الحقد والكره في عينيه سارة): سبب بغيتي تعرفي السبب
سارة(بتهلف): اه قول ليا
مجد (همس بنبرة هادئة لكن كتحمل في طياتها الخبث ): ياسين أسراتو صاحبة البنفسج بعينيها وهو دابا كيحارب نفسو باش ميسقطش في سحرهم
سارة(ويعات عينيها بصدمة ومسكات يدو يعدم تصديق): لالا كتكذب عليامستحيل يوقع ياسينفي الحب لالا
مجد (لمعو عينيه بمكر وهمس بفحيح كالأفعى والسم لنثرو كان قوي بزااف على سارة): علاش ممنوع وهو ابن البكر لرياض ارذوجان من شبه ابيه فما ظلم وهو خرج بحالو
تركات يد مجد بصدمة ونظرات للارض بجمود ،ابتاسم هو منين لاحظ اخير الهدوء والسكون من طرفها وتوجه صاعد للأعلى ماشي لغرفتو وانما لمكتب رياض وعينيه كيلمعو بخباثة من صدمة سارة لوبقات صامتة ومبقاتس كطرطا عليه خصوصا. هو شخص كسول كان باغي ينعس خلال حديثهم باش يوفر الطاقة لصاحبة الشعر الفحمي لكن خسرات ليه خطتو ومع ذلك ليها الفض لباش مورالو يطلع ،مجد مكذبش عليها بتاتا وبالنسبة ليه قصة ياسين وديك البنت لناسي على اسمها طبعا، ياغتنتاهي باحناء ياسين لسحر عينيها ولا غتختم بأن ياسين غيبقى عازب طوال حياااتو..ونفس الفكرة منطابقة عليه وعلى نور يا إما يفضح أسرار لقابعين داخل محطيها بسرعة يإما غتحل حرب العناد بيناتهم وهادشي غيتحدد بعد حوار لغيخوضوه خلف هاد الباب وبالضبط على مكتب والدها ملك ،مكتب اكثر شخص تفوق عدد اعداؤو على عدد شيب شعرو..
وضعها على السرير ولمح عبوسها وغرورها مزالين مرتامسين على ملامحها ،مد يدو لخذها وهي تصفعها ليه
حفصة: متمسنيش مخاصمة معاك
ألفا: مالك تاني
حفصة:مماليش (تنهد من طبيعتها لمبغاتش تفهم ليه وقام باش ينوض وهي تمسكو ): فين غادي ياكمة باغي تمشي عندهم هاا
ألفا: واش كتغيري
حفصة(رمقاتو بعدم تصديق وكانت غتخرج لسانها بتقزز): عرفتي شنو (شارت ليه باش يخرج) سير عندهم سير اويلي فين ماندوي معاك كتبغيني
ألفا: علاش بغاني نبقى
حفصة: زعما بنت ليك عادية حتى حاجة فيا مامبدلة
ألفا: من غيرتك لا
حفصة(هزات يديها باش تخبطهم عليهم وهي تجمع اصابعها عندها واستاندت على كادر سرير لخلفها ظربعة يديها بغضب): سير خرج ازمر غتصدق معصبننني
ألفا (مرر عينيه بهدوء عليهاولمح وجهها لحمر بسباب الغضب،ولمح طبعة حمرا في خذها كان لاحظها سابقا قبل مغادرتهم من القصر لكن مكانش وقت فين يسولها وموضوع مافيا سوفييتية كان مطير لي عقلو لاسابيع...): مال وجهك
حفصة: سبحان الله يلا بان ليك حتى لدابا
الفا(رمقها ببرود قاتل خلاها تشعر بالرعشة كتمر عبر نخاعها واكتافت تقلب عينيها بغرور نحو الشرفة): همف
قبل مايتكلم سمع صوت دقات على الباب
الفا: دخل
.فتح الباب سكايلر لغير شاف وضعيتهم سخط وعض على لسانو وقلبو غيطرطق ومع ذلك معلقش حيث جاي على قبل موضوع مهم
حفصة: شنو كاين مالك جاي لبيتي(ابتاسمة مستمتعة استقرات على شفايفها ): جيتي ترحب بيا ميحتاجش(رمات طرف شالها للخلف بغرور): اصلا انا مولات شي ميحتاجش نرحب راسي في داري وخا بان لي الذبان بدا كيكتر خاص نرش بايغو
سكايلر(ضغط على قبضتو وتجاهلها تماما وركز انظارو على ألفا لكان كيشوف حفصة ببرود قاتل تفاداتو): عندك اتصال مهم بخصوص المعركة لوقعات كلشي كينتاظر مكاملتك
وقف ألفا جبد هاتفو من لافيست ديالو وتوجه نحو الشرفة وهنا فين تقدم سكايلر بخطوات ثقيلة للداخل وخلفو كانت شيري وحتى سانتو
سكايلر: هاديك جاي ندوي معاك
حفصة(بامتعاض): فااااش
سكايلر: شوفي داك فشوش خاوي حيديه راك ماشي في دااار باك واش مكتفهمممميش راك مخطوفة
حفصة(التافتت نحوه موسعة عينيها فيه كتصرخ في وجهو): ونتاااا ماللك ها شغلللك بغيت ندلل في دااار راجلي نتااا مالك واصلا انا مخطوفة ليه ممحاشياهاش ليك سير بحالك
سكايلر (رمقها بحقد ويديه كيغليو عليه باش يخنقهل: وصنطيحححة عندك
حفصة: مشفتيش راسك نتااا لكدخخخل في أمور مزوجين بزاااف معندك مايدااار سير تزوج ليك انا اصلا بخير معاه نتا هو طامتي الكبرى والعود لخارج لي من جنااااب
حمحم سانتو ووجهو انظارهم نحوه وغير شافو اشارتو باتجاه الشرقة،لمحو الفا كيرمقهم بتوعد وتحذير
ابتالع سكايلر كلماتو التالية بعصبية وحفصة ضربات سرير بغضب كتنظر للحائط كتحاول تجنب وجود سكايلر
سكايلر: هاديك سمعي جيت ندير معاك اتفاق
حفصة(بسخرية): مع كافر بحالك خليه عندك
سكايلر: ماشي بخاطرك لسولك خويا على الضرية لفي حنكك ولا ظهرك قولي ليه ضربتي راسك ولا طحتي شغلك هذاك
حفصة: أهااااا ياك سيدي ضربني وسلخني ومنقولهااش ليه هااا وعلاش بسلامة غنواافق
سكايلر: غتوافقي بزز منك ولا قسما برب المعبود حتى نجري على ديك خدامتك وحتى دوك طباخين
حفصة: وانا ماالي لاش كتقولها ليا
شيري(نطقات برجاء): سينورا
حفصة(نقلات عينيها في اتجاه شيري لكانت كتبكي): اصحبتي متخافيش دابا نشوف ليك خدمةحسن منها
سكايلر (بسخرية): بتدخلي أنا غنخليها ترفض ماشي غير في ايطاليا في اي بحتة في أوروبا
نطق رئيس الطباخين لكان واقف وخلفو جميع مساعدينو كيرمقوها بترجي
طباخ: عفاك سينيورا
حفصة(ضربات سرير بعدم رضا وتذمر): مصيبة هادي وشنو انا نسكت على ضربك ليا
.سكايلر: مشفتيش نتي لحيدتي زغبات شعري ودقاااتك ابنت الكلبة مسومة كنتي في صغرك نحلف عليها
حفصة: بعد مني
سكايلر: طلقيني خلاااص
حفصة(بقات كتنقل عينيها بين هو وبين الخدم لفي دخلة الباب كيرتجاوها وفي نطقات نبرة مستسلمة):غير هاد المرة مرة جاية والله حتى نقولها وجري نتا على وزارة كاملة مشغليش
سكايلر(اعتادل في وقفتو وابتاسم بانتصار): لو درتي عقلك هكذا غنتفاهمو مزيان
حفصة(خنزرات فيه وقلبات وجهها لجهة الباب): بعد مني ونتا سانتو (نظرات لسانتو) فين هو شكلاط لكنتي كتجيب ليا
التافت سكايلر باستغراب نحو سانتو وخصوصا بعد كلام لسمعو من طرف حفصة، أما عند المعني بالامر فمنين سمع اسمو خارج من طرفها منع يديه من الارتجاف وحاول مينظرش ليها حيث أكيد ثم أكيد سكايلر غيعيق به
حفصة: كندووي معاك شووف فيا سانتووو
سانتو هز عينيه فيها كيحاول يحافظ على قناع البرود ولا مبالاة لمرتادي ولتعرف به اصلا
حفصة(عبسات بحزن): فين هو داك شكلاط لكنتس جبتي ليا كنتي قلتي ليا من سويسرا عجبني بزاف علاش مجبتيش ليا هاد نهار
نظراتو اختلات وتفضح قليلا عن مشاعرو اتجاهها اكيد حفصة بانو ليها نظرات عاديين او نظرات احترام،هي غير تلميحات ألفا المباشرة مفهماتها بقات غير تفهم شوفاتو،
سانتو(نزل عينيه وحمحم بتوتر): غنعطيها لشيري في طموبيل
حفصة(ابتاسمت ليه برضا)؛مزيان على اقل كاين رجل فيكم مزيان هنا(سمحات حمحمة طباخين لكيرمقوها بغضب طفيف): ونقولو رجال
سانتو هز عينيه بتردد نحو سكايلر وياليته مهزهمش، سكايلر كان جامد في مكانو وكيرمقو بعدم تصديق والصدمة كانت واضحة من عينيه ،ومقاطع خروجو من صدمتو غير ألفا لدخل من الغرفة ونطق بنبرة موبخة
ألفا: شقلت ليكم نتوما
حفصة (نظرات ليه بنص عين ونطقات): والوا بحال ممولفناش كنضاربو
الفا(تقدم نحوها واضع ابهامو على خذها لمبصومة فيه صفعة سكايلر): شكون لدارها
حفصة(زفرات هواء بضيق في اول كانت مشوقة تشوف سكايلر كيتعاقب من كرف ألفا لكن فرصة فاتت عليها حيث جانبها الانساني تغلب عليها ،على اقل فازت بالاجر ولا كتقسم ان شخصيتها الشريرة الطفولية كانت غتخنق راسها ):حتى حد واصلا صافي متسولنيش مكندويش معاك
تنهد ألفا من طبيعتها للمرة الألف مبغاتش تفهم لي ومبغاش يتفهم ليه راسو أشنو جذبو فيها،نقل عينيه نحو الباب ولمح الخدم لكانو كيترقبوه هو وحفصة بنظرات فضولية خصوصا طباخ كان هو قائد التجمع ،غير لمحو نظرات ألفا هربو وتركوه تم
الطباخ(بهمس للاشخاص لفي خلفو):هانتوما يوم غتأكدو وغتشوفو سينيورا كيفاش غتخل
تفاجأ منين لقا الحشد خلفو مختافي لسبب غامض،هز عينيه فجأة نحو ألفا ومنين لمح نظراتو الباردة في اتجاهو،مسك قبعتو قبل ماتسقط بسباب جريو ، وهرب في اتجاه المطبخ ناوي يختاصم نقااط لجميع المتدربين بسباب موقفو المحرج مع الكابو خاصتهم
نقل عينيه نحو سكايلر لكان صامت على غير عادتو وعاطيه بالظهر
الفا: كاين مشكل
سكايلر(بصعوبة باش قدر يخرج الهدرة من فمو ): لا والو غير تفكرت شي خدمة سانتو تبعني
تقدم. للخارج وتبعو سانتو لمجرد ماخرج من غرفة غلقات شيري الباب بتوتر وهي كتنظر للألفا هاد الأخير توجه نحو غرفة ملابس حفصة
حفصة: هداك ها اش كدير في بيتي بففف
الفا: جيبي ليها مرهم رجليها يكون فعال
شيري: وخا سينيور ألفا (توجهات نحو الحمام فين موضوعة علبة اسعافات اولية)
حفصة(زوقفات بصعوبة وتبعات الفا ولمحاتو فاتح خزينة واضعها تم): ديها عندك لاش مخليها هنا
ألفا: الصمت
حفصة: وجاوبني متبقاش تقول ليا بحال هكذا هادشي لابغيتيني نقول ليك ألفا ومنفكرش في سمية اخرى
ألفا: راك حلفتي
حفصة: ايوا هكاك جاوبني(تمات نحوه بفضول):قول ليا بعدا فيهاشي فلوس ولا شي ذهب
ألفا: لا
حفصة(ابتاسمت بخفوت منين لاحظاتو جاوبها في سؤال كانت شاكة واش غيلقي به اهتمام وقفات بقربو كتنظر للخزانة بفضول ولمحات فقط اوراق): اويلي مال هادشي فين الفلوس ليكوكونو في افلام
ألفا: كاينين في افلام
حفصة(رمقاتو بعبوس): نتا كلشي فيك ملل غنمشي بحالي رجلي كضرني
نظرها لطيفها ببرود وبعض من الرضا بحكم ان اوراق لفي يدو حاليا كانو اوراق خاصين بانضمام كازانسوسترا لP7 (منظمات السبع ): وهي بحال بطاقة تعريف ليهم صانع منظمات كان عطاهم هاد اوراق مرفقين ببطاقة سوداء ورمادية اللون عندها دور خاص يلا مشات هاد وثائق لتوضعات في يد الشخص الخاطئ او الأعداء ، فراه منظمتو غمحى من الوجود هذا كان واحد من قوانين غريبة للمنظمات ،هو تعمد أنه يبينهم ليها باش اولا يعرف واش عندها معرفة بهم وطمأن قلبو منين لاحظ اهتمامها فقط بالاموال والسبب الثاني أن غرفتو كانت كتحمل جهاز حماية متطور صعيب الشخص يختارقها...وهو مبغاش يخرج حفصة منها حيث استوطناتها ليه خصوصا بعد ماعجبها منظر بحر سارقوسة لكتصبح عليه كل نهار..
......