حلات عينيها بتعب على زرقوتين كتنظر ليها باستغراب
ياسر: بلا كنتي باغا تموتي سيري لبيتك وموتي هاد فراش راه غلا من حياتك زين
سمر(هزات يديها بتثاقل واضعاها على رقبتها): فين أنا
ياسر(استلقى بذراعو وجنبو الايمن على سريرو من حهة اخرى كان مقابل معاها وماسك هاتفو كيتفصح انستغرام): في فراشي اشوحابك ليه وياكمة باغا شي ليلة ها
(قرص انفها بمرح خلاها تزفر بتعب من حركتو مقدراش حتى تعيب فيه)
سمر(بتعب): راسي
ياسر: هاهو طبيب جاي باش تعرفي قلبي بيض راه فلوس طبيب على حسابي متخميش
سمر(صمتات وهي كتذكر طفولتها برفقة بنات خوالها وكيفاش كلنت حياتها مسالمة وهادئة وللأسف دفعات ثمن غالي جدا،متنكرش اشتاقت لصداقتهم التلاثية وحفصة كانت هي رئيسة عصابتهم ولكن دابا كلشي تبدل ،مسحات الدموع لحرقو عينيها بتعب ووضعات يدها على حلقها لتكونات فيه غصة كتألمها)
ياسر: كنتي كتقولي مريم وحفصة واش هادو بنات خالك
سمر: الصمت
ياسر: علاقتك معاهم ممزياناش علاش كنتي كدوي بهم
سمر وقفات بصعوبة ساندة يديها على السرير باش متسقطش ولكن قوى جسدها خوات بها وسقط رأسها على صدر ياسر،لرمقها باستغراب ومع ذلك مد يدو اسفل قميصها من جيهة ظهرها
ياسر: ظهرك سخون بزااف كتحرقي شواقع ليك
سمر(بصوت مبحوح وفارغ بسباب العطش): والو غنمشي بحالي
ياسر(رمق ظهرها باستغراب وهو كيلاحظ مقوامتها باش تمشي لبيتها وفضلات تعذب وتصبر على دوخة وحرارة لا تبقى على فراشو،هز كتفسهبلامبالاة): ضبري راسك
غلقات باب خلفها بهدوء وهو وضع هاتفو على سريرو بقربو وكينظر لطيفها بحيرة ، ظن أنها تقدر تنعاجب به بسباب شخصيتو لكتوقع ليها النساء ولكن سمر كانت حالة استثنائية وخاصة، لعاملتيها بالخايب غتعاملك بالخايب وكثر وحتى لعملتيها بالطيوبة غتعاملك بقسوة لهذا كيف قال ليها قبل خاص ليكويها باش يريحها
ياسر: هاد خونا لدا ليها عذريتها فين كان عقلو بغين نعرف فين
خديجة(جرات خصلة شعر بمريم بمزح): ايهو فين ساهية
مريم(فاقت من شرودها ولمحات باقي فريق لجالس أمامها وهادي أول مرة غتجلس في طاولة برفقة اشخاص من غير خديجة او صهيب لكان برفقة بعض متدربين كيتحدثو بجدية ): والو غير كنفكر
خديجة(بهمس): واش في قضية الشاف
مريم(أماءت ليها رأسها بحيرة): اه منكرش هدرتهم نواتني خصوصا حتى هادو لجالسين معايا راه موافقين هدرتها
خديجة: واه خصوصا منين مشيتو بعدا شنو كانت كدير بانضتك في يدو وعاد شارة أول مرة يعلقها لشي حد سعداتك(همسات بحماس) بعدا شنو قال ليك مسمعتش
مريم(شعرات بقلبها كيرتاجف من جديد ،وعدلات جلوسها بتوتر): والوا غير هدرة عادية
خديجة(ظهرات خيبة الأمل على وجهها): اممم تحمست على الفاضي
مريم(ابتاسمت ليه مريم بتوتر وزولات عينيها من على خاصة خديجة،وبتوتر باش هزاتهم في اتجاه ياسين وغير احتاضنت عينيها جسدو ،بلعات ريقها بخوف حتى يديها بداو كيرتاجفو ،هاد الإحساس كيزيد يوترها كثر لدرجة ولات كتشعر بالردة في حلقها وحتى بطنها كتألمها، نقلات عينيها في روبي لوهلة ولمحاتها كيفاش كترمقها بحقد): خاصني نتأكد من هدرتهم ضروري...
بعد انتهاء حصة الغذاء،توجهات وعقلها مرفوع غير مع كلام دينا واخرين وعزمات تأكد من شكوكهم وكلامهم وكذلك باش توضع حد لهاد الشائعات،وخا جميع كلام لقالو ولكن لظابا مزال منساتش انه غاضب منها المرة الأخيرة وبمكن جملتو اخيرة قالها غير كإعجاب بحلولها فقط ماشي هي كشخص،فراه أول نهار في تدريب عاقبها ب1000 دورة وخا تكون حارقة القنب الهندي ميعاقبهاش داك العقاب كامل
تقدمات بسرعة نحو روبي لي لمحاتها حايرة واش تقدم. نحو. ياسين لكان يلم على عمران متوجه لمكان التدريب
حاولت تصغر مسافةبيناتهم باش تلاحظ شنو غيوقع بيناتهم
روبي:الشاف عفاك وخا ندوي معاك
ياسين(اماء ليها راسو بدون ماينظر ليها): شنو كاين
روبي(نزلات رأسها باحراج وكملات سيرها قربو): الشاف سمح ليا قبيلة على عصبيتي وحيث متحكمتش في ردة فعلي
ياسين: يلا كان شي حد خاص تقدمي ليه اعتذار هو فريق رمزي ورمزي بحد ذاتها
روبي(ابتاسمت ابتاسمة صفراء وىمشات بسرعة محملاتش جوابو): الشاف عفاك كنحس براسي ناقصة واش نقدر ندرب عندك هاد الساعتين عفااك عارفة هو دور ديال رمزي ولكن كنحس براسي ضعيفة بزااف وهي تقدر تاخد مكاني
مريم(عقدات حاجبيها منين سمعات كلامها): شكتخربق هادي وأنا
ياسين: غندرب معاك في ليل وغنتناقشو مزيان حول نقاط ضعفك
روبي(نظرات ليه بتوتر ومع بعد نقلات نظرها نحو يدها وخا كانت تردد سابقها لكن عزمات انها توضع يدها على ذراعو لمحات توقفو عن المشي ولهذا تكلمات بزربة كتحاول تطول معاه الحديث): الشف كنحس بيدي كضرني بزااف ألم غير طبيعي واش يقدر يأثر هادشي على تدريب
ياسين(زول ذراعو من عليها بهدوء وكونات عقدة على حاجبيه لاحظتها روبي، وعرفاتو غاصب من تصرفها غير من نبرتو الجدية): سيري مستوصف
روبي:و
يلاه غتكلم وقاطعتهم يد مريم لتوضعات على مرفقو الآخر ونظرات لياسين بتوتر
مريم: الشاف خاص ندوي معاك
ياسين(عقد حاجبيه باستغراب): فاش
مريم: في واحد موضوع
روبي(قاطعتها ووضعات يدها من جديد على مرفق ياسين كتحاول تجذب انتباهو): ولكن الشاف خايفة لطبيب يمنع عليا تدريب وعاد تما طبيبة مكتعرفش تخدم مزيان ونتا الشاف مجرب قلت غتكون عارف طرق كيفاش نتحملو الألم)
ياسين(زول يدو بهدوء من عليها ): طبيبة غتعرف حسن مني هذاك مجالها
مريم(نطقات بسرعة): الشاف انا يدي تلوات عليا
ياسين (هز حاجبو فيها خصوصا من تغير تصرفاتها): سيري عند طبيبة من بعد
مريم(نزلات عينيها من عليه محاملاش جوابو وكيفاش تصرف معاها بحال روبي): آه واخا
ياسين: فين كضرك
مريم(رجعات نظرها نحوه وحتى روبي كانت كترمقو بصدمة من كلامو): كيفاش
ياسين (نظر ليدها لكانت على يدو ومسكها بين يدو كيتحفصها بعينيه): فين كضرك يدك
مريم(نظرات لروبي لكانت كتوعد ليها بعينيها ورجعات نظرها نحو ياسين لكينتاظرها تكلم):كضرني غير حيث قبيلة شي حد دفعني بسم داكشي علاش ولكن نقدر نتحمل على نفسي
ياسين: منين ندخلو فكريني نشوفها ليك حيث في اخير نتي لغتنقلي الحركات للفريق مخاصش حركاتك يكونو غالطين
مريم (اختافت ابتسامتها): واش على قبل تدريبات
ياسين: اه على شنو غيكون
مريم(زولات يدها من على قبضتو ونظرات ليه بعبوس): والو
ياسين(هز حاجبو فيها من تصرفاتها المغايرة): زيدي قدامي باش ندربو(شار نحو شارة فخرها): فرحتي شويا بها ودابا خاص تحملي مسؤوليتها أجي معايا
توجهات بخطوات سريعة خلفو ومنين انطابقتها سرعة سيرها سيرو التافتت نحو روبي لكانت نزيرة على قنينة مياه في يديها بغضب
ياسين: فين كتشوفي توحشتي تعاقبي
مريم(شارت ليه بالنفي والصدمة متحلة عينيها): لالا الشاف والو غير شفت خديجة وصافي
ياسين: ردي بال راسك غدخلي تاريخ بأول قائدة غتاخد عقاب
مريم(كتدوي تحت نيفها): أصلا ولفت على عقابو
ياسين(ربت على رأسها ونطق وعينيه على طريق أمامو): مزيان باش نفكر في عقاب صعب(فلتات من لمها قهقهة صغيرة جذبات عينيه وحتى حواسو في اتجاهها ولمح للمرة الثانية من جديد ابتاسمتها الصادقة هاد نهار): هاد نهار راشقة ليك
مريم: ياك نتا كتقول لينا خاص نحاولو نشوفو الحياة من جانب ايجابي
ياسين(ابتاسم بجانبية): مزيان منين سمعتي جملتي على اقل
مريم(عقدات حاجبيها ونظرات ليه بابتسامة صغيرة منين لمحاتو كيفاش كيتكلم معاها بلطف): ليسمعك ياسين يقول مكنسمعش هدرتك
توقف لوهلة عن سيرو وهي وسعات عينيها بصدمة من زلة لسانها
مريم(هزات يديها لكيرتاجفو بتوتر وخوف من عقاب جديد بسباب طيراتعا): سمح ليا الشاف مقصدتش غير عيت اول مرة نطلق معاك في هدرة زعما ممولفاش نهدر معاك وسمح ليا بزاافو وو (نزلات رأسها بحرج وهمسات )عفاك متعاقبنيش
بقا كينظر لمدة لراسها وكيفاش كتنجب تنظر ليه وحتى اناملها كانت مشابكاهم باحراج
ياسين(ربت على شعرها): هاد النهار خدمتي مزيان وإلا هاد المرة غنعاقبك(عضات على شفايفها من خلال كلامو الهادئ ) أمريم
ربت على كتفها وغادر تركها موسعة عينيها في ارض ونبضات قلبها كنقسم لو قىبوليها شي شخص يقدر يسمعهم،اسمها اسمها فقط من فمو كان كفيل يخربق مشاعرها واخيرا فهمات هاد الشعور لداخلها شنو كيعني وعلاش،بلعات ريقها واستادرت كتنظر لظهرو العريض بنظرات غريبة
مريم: لالا خاص نسا ميمكنش هو اصلا كيعاملني بحال اي وحدة
توحهات بسرعة باش تشري الما وتغسل وجهها حيث حرارة لصاعدة فيها حاليا راه لا تحتمل، وغفلات عن قبضة. يدو واظافو يدو لكان غارسها في راحة يدو،بلع ريقو كثر من ربعة مرات وهو كيشعر بجفاف كبير في حلقو،اسمها من لسانها العذب كان قادر يقوم بقيامة ارطغل داخل قلبو المتحجر حرفيا...
.
ألفا: نزلي
حفصة(بلعات ريقها من امشهد المهيب لأمام سيارة ونظرات لألفا بلوم ): معمري نسمح ليك
نزل من. جهة اخرى سكايلر لاختافت ملامح الصدمة والسخرية من وجهو ورمق اعداؤو بنظرة باردة مثل ألفا ولكن عينيه كانو كيقذفو الكره اتجاه هاد العصابة
مكانش غير حضور احد اعضاء مافيا سوفييتية لمتواجد بل اغلب رؤساء المافيا المتحالفة مع كلا طرفين كانو متواجدين في حالة ماندالعت الحرب بين هاد القوى لمتحكمة في عالم المافيا خاصتهم
منين ترجلا حفصة وخلفها ألفا عم صمت لوهلة وعينين الكل مقنصة على حفصة لمرتاحاتش ابدا للمشهد خصوصوا اشكال الرجال المتواجدة،كانت كتأمل توجد فتاة واحدة وخا تكون من عصابتهم على اقل تشعر بالأمان قليلا ،ولكن المكان كان كيصرخ بكل ماهو ذكوري حتى من النسمة الهواء كان رجولية بسباب اختلاط رائحتهم مع رائحة الويكسي والسجائر
بلعات ريقها وحاولت تبين قوتها وملقات علامن تحمي نفسها من غير ألفا لكان واقف خلفها وشعرات بظلو عليها لذلك زيرات على قبضتها وحاولت تنتاظر مصيرها فين غيقودها لبين يدين الجلاد البارد لخلفها
ألفا وجودو كانت ليه هالة كبيرة ومكانة عظمى بين العصابات سبقت وشرت على أنهم متخاذينو قدوة وحتى حد ماكان ند ليه من غير الاشقر الروسي لكان متقابل أمامو عينيه الزرقاء الميتة كانت كترمقو ببرود مماثل لبرود ألفا ، هاد الاثنان كانو نسخة طبق الاصل عن. بعضهم من غير ان
Apha honest & vero vulgar
الألفا منين كيعطي كلمتو كيوفي بها مع الكل وكان شخص كيحتاىم مبادئ المافيا وحتى عادات والمعتدقات الخاصة لكل مافيا وألفا كان شخص عقلاني وخا المافيا معروفة بالدم والقتل لكن هو كان كيدخل في معارك فقط يلا اضطر الأمر كيحل أمور بسلم مناقص بطبيعة عملو ماشي خوفا وانما حرصا على جميع رجالو،هادشي لكان كيعجبهم فيهم أنه منين كيواعدك غيحمي حياتك فكلمتو كتنفذ إلا لدخلات قوى طبيعة فهنا مايقدرش يدخل.....
الڤيرو كان العكس تماما رغم تحالفك معاه يقدر يسرق مصلحتو الشخصية على الكل،رجل خائن مع عصابات غير متحالفة معاه،وماكر وخبيث ، كيقضي اجازة عطلتو في صناعة برك و مسابح مع دماء اعداؤو ومعروف ان طريقة قتلة وحشية مثل طىيقة ابن دراكولا لهو سكايلر على ذكرو كان واقف بقرب خوه مرتادي قميص اسود اكمامو مجموعة حتى لمرفقو والوشوم بارزة مع عروق يدو وحتى خواتمو العشرة لفي يديه كانت كتحمل جملة
Son dracula
وخصلاتو السوداء المائلة للبني كانت ساقطة على جبينو بطريقة خطيرة وكينظر لاعداؤو بطريقة مميتة
كان هو وألفا نقيض تماما للڤيرو واخيه الروسي
سكايلر وألفا كانت بشرتهم سمراء وشعرهم اسود اللون بحال لون الغراب،اما الفيرو وخوه كان شعرهم كيلمع وكيبري بلون خصلاتهم ذهبية اللون حتى برشتهم كانت بيضاء كثلج نقيضهك تماما،
ألفا وسكايلر مظهرهم الخارجي كيبانو كأبناء الشيطان
وفيرو وشقيقو مظهرهم بحال أبناء ملائكة
هو وخوه ترباو في نابولي بين احياء الاجرام والسرقة عاشو،رغم انهم كانو اغنياء الا ان الخياندرو والدهم حتم عليهم يتحككو مع المجرمين ويتعلمو كيفاش يكونو رجال ويجيبوها من فم السبع بهاد المصطلح وهكذا كيفاش كبرو الرجال ألفا أصلو غير معروف وسكايلر فهو تولد من عشيقة فدمو فمكانتو مكانتش كتليق انه بتولى الزعامة
اما الروسيين لأمامنا فكانو نبلاء ابا عن جد جدهم الثامن الاكبر كان كينتامي للعائلة القيصرية وبعد سقوط النظام القيصري ظلو كيتزوجو غير من عائلتهم الضخمة باش يحافظو على سلالتهم ودمهم النبيل،فنعم هم نبلاء ومنين كانو كيرضعو حليب أمهاتهم لأول مرة تقامت اكبر حفلات مبذرة في تاريخ روسيا من أجل استقبلاهم وفي لحظة لتم تعميدهم من طرف القسيس،همس في اذنهم انهم خاصو يكونو ممتنين بزيادتهم بمعالق من ذهب
وميغركمش ماضيهم وتحكموا عليهم من خلال دمهم فبوص كازانسوسترا كان شريف وبوص الروسي كان خسيس ومكاين ما أنذل منو
بحق الرب جميع هاد التناقضات المذكورة وميكونش بيناتهم عداوة ؟؟مستحيل
وفي اخير الشرف او النذالة لكنتكلمو عليهم كانت مقبولة في عالم الاجرامي أما في عالم الطبيعي فراه كانو بجوج يستحقوا الموت والانقراض في نظر القانون والشخص ليستحق فعلا يتم تلقيبو ونعتو بالطاهر هي المحجبة لكانت ضيفة الشرف وعلى رأسها تقام هاد التجمع.
كانت انظار الجميع كتنتاقل بين ألفا والففيرو وحفصة لكانت عاقدة حاجبيها بغضب كتنتاظر واحد من هاد ثلاجةلخلفها او فريݣو لقدامها يختمو هاد المهزلة لبادية حولهم
لVor(نفث الدخان من فمو ونطق ببرود): سلمنا البنت
ألفا (بنبرة مماثلة ): قدامكم
لVor(عبر حفصة بزرقوتيه بدون مبالاة ورجع نظر للألفا): باش غنتأكدو أنها هي
ألفا: لجاب ليك خبار جاب تصويرة
لvor)كان بلله غيرجع سيجارة لفمو وهو يوقف يدو في هو ونظر للألفا بنظرة ثاقبة ): بغيت دليل أمام الكل
ألفا شار لسانتو لتقدم نحو رئيس مافيا محايدة للرطفين وعطان وثائق حفصة لكتبين أنها بنت رعد
رئيمافيا محايدة (رمق حفصة بامتعاض ونطق بصوت جوهري): هادي هي بنت الفارسي
لvor(ابتاسم بخباثة وشار لمساعد رئيس مافيا محايدة باش يجيبها): كتعجبني أنك كتفكر في مصلحة الجميع قلبك هشيش
ألفا: حلفاء مسؤوليتي واي تهور بدون عقلانية كيدل على ضعف قيادتي
الكل كان توقع أن ألفا مغيجابوش حيث من عادتو كيخلي هاد نوع من الاجوبة معلقين إلا هاد المرة ،ولابد عندو هدف هادشي لخاطب به سكايلر نفسو
لڤور(جمع ابتاسمتو خصوصا منين لمح في كلام ألفا انه كينقص من زعامتو)
تقدم داك مساعد نحو حفصة مسكها من ذراعها إلا انها نفضات يدو من عليها وبعداتها باشمئزاز
حفصة(خسرات سيفتها بقرف): متمسنننيش غنمشي راسي ونتا(التافتت نحو ألفا لكان متجاهلها تماما): معامن غندوي همف
توجهات بغضب وعصبية نحو الاشقر الروسي لبعيد عليها بمسافة 7امتار
ألفا (بنبرة هادئة خاطبها بالدارجة): وقفي
توقفات عن المشي وعيونها لمعو بسعادة مكانتش فاهمة حوار لكدار بيناتهم حيث كان بين الإيطالية والروسيية ولكن عرفات أنه كيتم بيعها
الفا(نظر لڤور لنظر ليه ببرود ولكن استغراب على عينيه واضح وحتى باقي زعماء عصابات): بغيت ضمان على كلامك
ڤور(سخر بتهكم): هه لهاد درجة خايف علاش هاد زعماء كاملين هنا ، تافقنا على بنت الفارسي مقابل الحرب وغيتم اتفاق
ألفا: مبغيتش ضمانة لفظية وانما خطية وبتوقيعك ، بغيت توقع وثيقة بدمك على أن الحرب غتسالي والثأر لبيناتنا هنا غنوضعو نقطة لنهايتو وهكذا غنسمح ليك باش تاخدها
ڤور(زير على قبضتو ورمقو بسخرية):لهاد درجة كتبغيها باش تخليني نوقع وثيقة بدمي
ألفا (حافظ على وقارو وهدوء ديالو): لو بغيتها مغنمدهاش ليك على طبق بدون حماية ،انا هدفي ماشي نحميها ولكن نستسلم وثيقة وبدمك على حفاظك على وعدك عارف أنكم كتحافظو على كلامكم فقط مع حلفاءكم
ڤور رما سيجارة بغضب من يدو والكل لاحظ اختلال انفاسو،الفا كان ذكي وعبقري منين شرط عليه وثيقة بالدم ،حيث لمشا حتى زعيم المافيا السوفييتة وقع اتفاع بدمو النبيل وخالفة كيتسمى عار على عائلتو واسرتو وعلى دم اسلافو ،وخا يكون الشخص نذل كيف كان وتكون وصلات به الحقارة أنه يقتل والديه ولكن الدم مسألة مقدسة عند لڤور ولمشا حتى خان اتفاقية تقدر روسيا كلها تثور عليه خصوصا عصابات محلية
ڤور(عض على شفتو السفلية بغضب وظهر وجهو الحقيقي الخبيث الحسود أمام الكل وهو كينظر لألفا بنظرات قاتلة ،على الرغم من انه هو لخاصو يكون ضمن المنظمات السبع إلا أن ألفا هو لقابع ضمنهم وكيتشمى فرد منهم،): واش كتحاول تفتاخر ان The P7 (المنظمات السبع) غيحميوك
ألفا: يلا كان شي امر كبدعو الفخر هو انه وضعت كازانسوسترا ضمنهم ومنهم
هكذا جاوبو ماشي بسخرية او تهكم بل بوقار وهدوء كأن كلام لڤور مكيهموش وهادشي عصب آخر وجبد سلاحو في اتجاه حفصة لوسعات عينيها بخوف وبداو يديها غير كيرتجافو مثل جسدها بدون مانذكروا سيناريوهات لبدات كتألفهم وتنسجهم
حفصة: اويلي ياميمتي غنموت بين الكفرة بالله حتى الصلاة مغتصلى عليا كي ناس اشمن دعوة السخط هادي خديتها في حياتي
جمبع زعماء المافيا جبدو سلاحهم وحتى سكايلر أما ألفا فمتزعزعش عن هدوؤو بتاتا،وهو كيراقب الاشقر لباغي يصفيها ليه
زعيم مافيا حليف للڤور: ياك بغيتي تسالي الحرب وتافقنا ايوا خود بنت الفارسي وسير
زعيم مافيا اخر مليف للألفا خنزر فيزعيم اخر حيث بيناتهم عداوة كبيرة ومع ذلك وافق كلامو : عندو الصح جينا مخلين خدمتنا وشغلاتنا باش الحرب بيناتكم توقف مجاتش نتفلاو
لڤور مرر عينيه الزجاجيتين حول زعماء المافيا لكان بعضهم ساخط عليه وبعض آخر كان مختل كيتمنى المعركة تندالع بيناتهم وهما ضد الصلح حيث غيمنعهم من بعض الامتيازات ليهم،فمظنوش ان الخصومة لبين ايطاليين والروسيين كانت نقمة على الجميع فالبعض اسس بفضل هاد الخصام عصابات قوية وكانت نعمة كبيرة عليهم..
لڤور(منين نقل عينيه على كل شخص في هاد البقعة ،كانو توضعو عينيه على سكايلر الغاضب وفي اخير نقلهم ألفا ابتاسم ليهم ابتسامة خبيثة عرف ألفا مرادها ومنين مسك سلاحو الخاص ، عرف الجميع أنها إشارة على وشك بدأ المعركة لهي بطريقة اخرى اعلان عن استمرار الحرب الازلية بياتهم): اللعنة على ايطاليين
ألفا (صرخ بالداريجة وبقوة): نزلي
نزلات بسرعة جالسة قفازية كالقرفصاء وضاعة يديها على اذنها بخوف وعينيها كيرمقو الرصاص المتطاير فوقها بخوف،ممصدقاش أنها في قلب الملحمة وكلا طرفين كيتراماو بالرصاص كأن السلاح لعبتهم المفضلة
زحفات بسرعة خارجة من قلب الملحمة ومنين مسكها مساعد الزعيم باش يهربها نحو لڤور ضرباتو لمنطقتو الحساسةوضربات لمؤخرة رأسو كيف علمها والدها خلاتو يفقد الرؤية لثواني قبل مايسقط
خرجات حاملة اطراف فستانها كتجري بفخوف ورعبةغير لمحات انعا وصلات للغابة التافتت كتنظر لداك المشهد التراجيدي لأمامها كانو بعض الجثث ديال حراس لحامين زعمائهم ساقطة في ارض وبعض من زعماء كاين لتوفى والڤور وخوه كانو كيتقالتو بمهارة محترفة مثل سكايلر وألفا
حفصة (هزات يديها في السما): ياربي نزل عليهم اللعنة كاملين من راسهم لساسهم اويلي اش داني لشي عصابات ، سير هذا لخرج جملة منين قالو مصائب قوم عند قوم فوائد انا بغيت ليك الفوس الاعلى انا مكرهتهمش يصفيوها راسهم دابا وحتى داك ثلاجة ميبقاش فيا حال لالبست عليه البيض راه مات راجل في اخير بففف لو قاتلتي في سبيل الله في زمان لو متي شهيد ودخلتيني معاك جنة صدق الله نتا قتال غير غيديو فيك اجر
نظرات للغابة وكتحاول تلقى شي مخرج دبون ماتنتايه كانت توضعات يد على فمها وذراع حول رقبتها حاجب عليها رؤية
حفصة: بعددد مني بعددد
الرجل: زيدي تحركككي قدامي نتي سباب مصااايب
حفصة: اعباد الله انا مفهمت حتى ثلاجة لكيدوي بداريجة بقا غنفهم هاد اللغة دزمر لكدوي بها طلللق مننني طلق
جرها الرجل من حجابها كان غيزولو ليها ولكن يدها منعاتو حاولت ضربو ولكن مسك يدها وجرها بعنف نحوو
الرجل: بااااك الفااارسي ، اخيرااااا طااحت بنتتتو في يدي غنخللليه يندممم
حفصة ( كفهماتش شنو قال لكم أكيد فهمات انه ذكر اسم والدها ومن مظراتو الغاضبة عرفات انه عندو عداوة مع والدها وعرفات أنه غيفكر ينتاقم منو على طريقهل): بعددددد منننني بعدددددد ألفا بينننك ازممممر
مسكها من حجابها باش يزولو ليها ولكن رصاصة لاختارقت ذماغو خلاتو يسقط هامد،حفصة مشافتش جثتو حيث صوت السلاح كان كافي يخليها تغلق عينيها بخوف وتراجع للخلف بذعر،بلعات ريقها ولون بشرتها صبح شاحب،منين هزات عينيها تنهدات براحة منين وجداتو ألفا ،ولكن كان مغطي بالدم شويا حاولت تهرب منو وتستغل فرصة هروبها ولكن منعها بقبضتو
حفصة(باشمئزاز وقرف): اععع يدم فيها الدم الزمر طلق مننني خليني نمممشي طلق
ألفا (بغضب): رصااي
حفصة: علاش غنرصا ياك لحتيني عندهم علاااش جاي عندي
ألفا: لو لحتك لو طلقتك
حفصة(عبسات في وحهو ولفات رأسها للجهة اخرى بغرور. محاملاش تنظر ليه): همف
ألفا: سمعي هاد هدرة لغنقول ليك وجيني من لخر الجواب متبقايش تفكري ليا ولا تعطيني افكارك الفارغة يا إما غتمشي مع سوفييات ولا نخليك تضبري لطريقك وحريتك وإلا تمشي عندي القصر
حفصة: دابا واش نتا كتخيرني بين حريتي وبين السجن وكتقول ليا واش نختارك؟؟؟!!!
ألفا: عطيني جواب اخير
حفصة(صغرات عينيه فيها): والانتقام ياك باغي تنتاقم
ألفا: نتي غطريق باش انتاقم عندي بزااف طرق اختاري دابا
حفصة: يا إما حريتي ياإما معاك
الفا: جاوبي خلاص معنديش ليك الوقت يانمشي بحالي يانخليك هنا
حفصة(تقدات حاجبيها بعبوس): يلا مشيت غيلقاوني وحتى لمشيت عند بابا مغيقدرش يحميني حيث ولاو عارفين شكلي وهادشي بسبابك
تجاهلها ألفا وتوجه باش يغادر وهي تمسكو
حفصة: بلاتي علاش غنبقى معاك شنو غتستافد يلا مكنتيش غنتاقم من بابا بيا
.الفا: حيث مرتي ودابا غنطلقك كاينين وراق مبقاش وقت
كانت غتجاوبو ولكن صوت انفجار خلاها تشهق بخوف وتوسع عينيها بصدمة من الانفجار الضخم للسيارات لمتواجدين تم لو مكانتش هي وألفا بعاد لو تصابو كذلك
ألفا: حفصة
حفصة (نظرات ليه بعبوس): غنبقى معاك
ألفا: بشرط
حفصة: اشنو هاد شرط ثاني..
ألفا: باغي نسمع أنك راضية بالزواج وإلا غنطلقك مباغيش نسمع بزز عليك