رمات الخزنة من على يدها بغضب،وضعات اصابعها على فمها كتقضم اصابعها بتوتر ،ولابد خاص تختارقها وتعرف محتويات لمخبي داخلها لفوكس،العمل عليها طالبها مدة كثر من شهرين ماشي مكاين حتى تقدم ،بالعكس قربات بشكل كبير من تفك جميع اجزاءها وبدون غلطة صغيرة،كان الأمر كيطلب منها جهد كبير وصبر شديد حيث عارفة لو غير غلطات او تعصبات غتبلوكا لخزنة وغيوضل لياسر انها كتحاول تختارقها
سمر: لخراااا تفوووو شهرين ومزاااا مبغات تحل(مسكات خصلات سعرها بعنف كتفرك فروة رأسها كتحاول. تحرك مخيخ لفي رأسها باش يوجد خطة جديدة او حل أسرع): خاااص نلقى شي حلللل متأكدة أنني فايتة شفت بحال هاد خزانة ولكن معرفتتتش شكون لاختارقها نسيت نسييييت
قفزات على صوت طرقات الباب بسرعة بدات كتجمع حوايح ياسر لساقطين في ارض مرجعاهم لمكانهم مثل موضعهم السابق والخزانة عرفات كيفاش ترجع تغلق أجزاء لعرفات تفكهم لحالتهم الطبيعية... ووقفات كتنظر لانعكاس نفسها في المرآة لأمامها بتوتر ،مسحات على يديها لكانو عرقانين على سروالها وتوجهات فاتحة الباب بهدوء مخادع
منين فتحات الباب عقدات حاجبيها باستغراب منين لمحات جنيفر
سمر: شنو بغيتي
جنيفر(عبراتها من راسها لساسها وفي اخير عينيها توقفو على رماديتي الاخرى): خرجي تخدمي
سمر (عقدات حاجبيها باستغراب): ولكن بارح انا لشقيت وجمعت علاش غنعاود ليوم
جنيفر: رولا مريضة ومكاين حتى واحد تطوع
سمر(ربعات يديها وهزات حاجبها فيها): أها وبنت ليكم غير أنا راك كتحلمي
جينيفر (نتفاتها من شعرها): كنآمرك ماااشي كنطلبك(دفعاتها بقوة على حيط وبصقات في ارض): تحرككككي
سمر(هزات راسها كترمقها بحقد وتوعد،اسنتشقات كمية كبيرة من الهواااء بارتبااك وارتجاف،كتشعر بيديها باغين يقومو بجريمة قتتتتل، ولكن منعات نفسها بصعووبة حيث عارفة غيقتاصو منها الضربة وهي حاليا ضعيفة أمام جمعهم كتحلف بحلوفها لو غير يخرجو من عرين الفوكس غتندمهم وحدة بوحدة قوتهم انهم متواجدين في جحر سيدهم عكس هي متواجدة كطعم ليه الكل كيستهدفها باش يفرع غضبو فيها او يغريو الفوكس بقوتهم
جينيفر: يلاااه غسلي لمااعن ومتعطليش باقي تابعك تطرااف
سمر(فتحات فمها بصدمة من الاواني المتسخة. لامامها): هااادشي كاامل واصلا انااا مكليتتتت معاكم والو علاش غنغسل ونجمع زبلكم
جنيفر (رمات شعرها للخلف بدلال وغرور ورمقاتها بهدوء): حتى حد مقال ليك بارح متخرجيش تاكلي غضبتي جبتيها في راسك ودابا ديري خدمتك قبل مايبدا العقاب
سمر (عضات على شفايفها بغضب وتوجهات نحو المغسلة ): فين هما ليݣات
جنيفر: مبقاوووش غدا عاد غنجيبوهم
سمر: واااش كديرها بلعاني ولا شنوووو، عااارفة مرطب يدي شحااال كيتقاام وعاد شحال خسرت عليهم باش يوليو هكذا في لخر نغسل هاد زمر بيهم
جنيفر (تفاوهت بملف ونظرات ليها بحدة): شغلك هداك غسلي كيف كيغسل كلشي وبعد ساعتين نلقاك مزال في ماعن غنتفاهم معاك
سمر(ضربات المياه لمسكوبة أمامها في مغسلة بعنف ): غندددمكم غندمكم ،كنقسم ليكم بالله حتى غنخدمكم عقللللو على كلامي
التافتت بعد ماسمعات باب كوزينة تحل قلبها تزعزع بخوف،لكن منين ملحاتها روز لواقفة كتنظر ليها بتوتر زفرات هوا براحة
سمر: خلعتني علاش واقفة تم
روز(فركات يديها بتوتر وتقدمات ببطء نحو سمر): بغيت نعاونك
سمر (زولات انظارها من عليها ورجعات كتنظر للماعن): ممحتاجاش مساعدتك قادة براسي
بدات كتغسل كيسان الخمر وهي عايفة من أثار غلوز او عكر على حافة زجاج،بدات كتغسل في دوك جبال من الطباسل والكيسان ومرات نصف ساعة وهي مزال غير كتغسل الكاس واحد كانت كتبقى فيه شحال كتغسلة وتعاود يا إما كتلقى بقايا طعام او باقي مضبب،وهي مننوعها كتبغي دير خدمة كااملة وبسباب جهلها في غسل اواني تعصبات وصدقات مهرسة آخر صبع كان صابر معاها هاد مدة كاملة
سمر(شيرات بالكاس لكان في يدها على الحائط بقوة): لخرااااا تفووو تفوووو تفوووو هااااع(صرخات بعنف وقبل ماتبدا تسب في اصلهم وفصلهم،شعرات براسهاثقال عليها وحتى جسدها كانت غطيح لولا روزي لمسكات جسدها)
روز(كتنظر لبشرتها الشاحبة بقلق): وجهك صفر بزااف بارح نهار كامل ماكليتي حتى ولبارح صعيب تصبري حتى هاد وقت بلاماكلة
سمر(زولات يد روز بتثاقل من على ظهرها وتوجهات نحو خارج): طلقي مني ولابغيتي تعاوننب حيدي عليا دوك ماعن
روز: ولكن راك غطيحي شوفي وجهك
سمر (مسحات على وجهها بتعب ونظرات لروز): أنا قادة براسي ممحتاجاش لعوين
منبن خرجات من المطبخ ، استاندت بيديها على الحائط وغمضات عينيها بعدم تصديق من كمية الم لكتفتك براسها وعاد معدتها خايضة حرب ضدها بسباب عدم تناولها طعام هاد المدة كاملة، منين سمعات صوت قهقهات كيرتافع وكيقرب نحوها وقفات بصعوبة بالغة كتمثل أنها بخير وحتى حاجة مواقعة ليها،توقف صوت الضحكات بعد ماملحوها أمامهم ورمقوها باطنوع من ازدراء وتشفي وكذلك الغضب بسباب غرورها بنفسها المتعالي،رغم عقاب لخدات وعصا لخدات إلا أنهم ولا مرة شافوها مذلولة ،منين كانت كتاخد العقاب أمامهم مرات كانت كتبقى جامدة بحال شي جماد والغرور مكيغادرش ابدا رماديتها،البعض منهم كرهها وتشفا فيها مزيان والبعض الآخر عجباتو شخصتيها وفضولهم كبر باش يعرفو نهايتها مع فوكس كيفاش غتكون....
منين دخلات غرفة فوكس فين متواجدة غرفتها في الباب الرمادي لفي اخر غرفة،شعرات برجليها بداو كيفشلو عليها وتوجهات بخطوات ثقيلللة ساقطة على فراشو،نظرات للسقف بوهن كتحاول تحافظ على الرؤية لصبحات مضببة وبسباب الجوع الجسدي وحتى العقلي بدات كتخيل طفلة كتبلغ من عمر تسع سنوات بشعر احمر نحاسي وعينيها زرقوتين ماسكة وجهها وكتخاطبها بنبرة طفولية قوية
حفصة: خاص تكوني قوية متسكتيش على حقك حيث غادي يولفوها ويبقاو ديما يحݣرو عليك
سمر(ظلات شفتها السفلية ونطقات بصوتها الطفولي البريئ): ولكن هما صحابي
حفصة (وسعات عينيها الكبار فيها وضعات يديها على خصرها): هادوك ماشي صحاابك هادوك دايرينك خدامة
سمر (مسحات دموعها ونظرات بحزن لحفصة): متبقايش تݣولي على صحابي بحال هكا
حفصة(فتحات ثغرها الصغير بعدم تصديق): سيري بحالك المدلولة انا لمساطية تندوي معاك(نظرات لمريم لكانت كتنظر للارض بهدوء وحزن واضح من عينيها): ونتي مالك خايفة ومهبطة راسك
مريم(رمقات ببنفسجيها وشعرها المجعد كان منسادل على ظهرها فايت فخضها): خايفة يݣولو ليا جنية حتى هما
حفصة(مسحات وجهها الطفولي بغضب ورمقاتهم بعبوس): لقال ليك شي حد شي حاجة غنضربو يلاه ندخلو
سمر(مسكات يد حفصة بتوتر): ولكن يلا عرفوكم مكتقراوش في مدرستنا غنتعاقبني مدرسة
حفصة: تعاقبك وماماك ديما كتعطيهم فلوس بعدا فدوى(ام سمر) مزيانة منين كتشري ليك ملابس مدرسية بزاف لو مكانتش مغنقدروش ندخلو
مريم (زفرات الهواء ونظرات لحفصة بتوتر):دابا لدخلنا شنو غنديرو
حفصة: نتوما ماغديرو والو متخافوش غير سكتو وبقاو معايا ويلا وقعات شي حاجة وحصلنا غير بكيو صافي وشهدو معاياصافي يلاه ندخلو
تقدمات حفصة بحماس للداخل ولكن توقفات منين لمحات تردد مريم وخوف سمر
حفصة(وضعات يد على خصرها ويد كتعبر بها عن مشاعرها الغاضبة): وااش باغين تفقصوني واش انا عندي تسع سنين نولي نعلمكم كيفاش تصرفو ونتوماوعندكم عشر سنين خوافات انا بلاصتكم كون وليت هي لكنتحكم في مدرسة زيدو قدامي يلاه(تقدمات ماسكة يديهم الصغيرة مثل خاصتها وكان فرق بين طولهم وطولها هي كانت قصيرة او قزمة كيف كيعصبها باباها على باقي اطفال في سنها ومريم وسمر خلاص كانو في نفس طول بحكم انه في نفس السن): يلاه بنا
منين دخلو المدرسة كانو جذبوا الانظار الكل خصوصا حفصة كانت صهباء ولو شعرها عاطي العين وحتى عينيها الكبار المشفرين كانو كيجذبو انظار ،اما مريم جذبات انظار بسباب طول شعرها المجعد لكان واصل شويا لحدود التنورة المدرسية لكانت مرتادية وعينيها كانت كتجنب تنظر بهم للناس واكتافت تنظر ليديها المتشابكين ،وعلى جهة اخرى من حفصة كانت سمر لكانت كتمشي بتوتر وشعرها الاشقر كيلمع بحال اشعة الشمس وعينيها الرمادية زادتها جمال وغموض
حفصة(كتنقل عينيها نحو تصميم المدرسة): مدرستكم زوينة بزااف
مريم(بابتسامةصغيرة): اه
توقفات حفصة عن المشي منبن شعرات بيد سمر على ذراعها،يلاه غتكلم وهي تستغرب منين لاحظت ارتجاف بنت عمتها،بلاماتشوف عرفات ان الأشخاص لجات هي على قبلهم واقفين أمامها بسباب نظرة سمر خائفة اتجاههم
حفصة(نقلات عينيها في اتجاههم وقطبات حاجبيها باستصغار): واش هاد بعالك هما
نطقات وحدة من فتيات لكانت بشرتها بيضاء وشعرها بني اللون
بنت: شكون نتوما وعلاش جايين مدرسة
حفصة (رمات شعرها البرتقالي خلف ظهرها بغرور ورمقاتهم باستصغار): ونتي مالك
بنت: كيفاش وأنا مالي هاد مدرسة ديال عمي
حفصة: ومن بعد ديال عمك ماشي ديالك واصلا فدوى هي مساهمة في هاد المدرسة وحتى هي ديالها
بنت: شكون نتوما خرجو من مدرسة
حفصة: لا مغنخرجوش يالاه
تقدم واحد من الفتية لغير شافوه تلاميذ تراجعو للخلف بخوف واحترام وحتى من سمر تخشات في مريم أما حفصة فرسخات بمكانها وهزات رأسها نحو هو الطويل لوقف أمامها كانو عينيه باللون البندقي كيف لون شعرود
الفتى: حتى حد مكيدخل مدرسة إلا بإذن ديالي شكون نتوما
حفصة(عقدات يديها وهزات عينيها فيه): ونتا مالك ياكمة مدرسة تاع باك حتى نتا
الفتى (نزل عينيه بسخرية في اتجاهها ونطق): حتى اقزام ولاو كيدويو زوينة هادي خرجي من مدرسة حسن ليك وبا هو مول مدرسة لبغيتي تسمعي
حفصة: اه دابا نتا اطويل مقارج ولد عمت ديك السفيريطة ونفهم نفس تريكة لا مخارجاش شغدير
سمر(همسات لحفصة بنبرة خائفة): حفصة يالاه
الفتى: سمعي كلام بنت خالك ولا عمك ولا مانعرف شكتجيك حنا اخر وحدين تفكري تلعبي معاهم راه مساهلينش ليك
حفصة: ومن بعد لاش كتخبر عليا خليني ندوز
الفتى(مسكها من قميصها بعنف وجرها نحوه): نتديك البرهوشة غتخرجي ولا غندم طواسل مك
حفصة(وجهات قدمها الصغيرة ضاربة بقوة ركبتو): يالحمااااري اش داك تمسني(تحنى الطفل ماسك قدمو وقبل مايرفع رأسو نحوها كانت حفصة سددات وحدة من قبضاتها المسمومة لبطنو): هادي باااش تعلم تمسني (صرفقاتو ) وهادي على قبل سمر (دفعاتو حتى سقط): وهادي باش تعرف راسك انا غبرهوش
رمات خصلات شعرها للخلف بغرور ورمقات جميع التلاميذ بتحدي
حفصة: يلاه شكون وراه (نزلات عينيها باشمئزاز نحو الفتى لكان كينظر ليها بصدمة ودهشة من جرأتها): ها قال ليك هو لحاكمها قلتها ليك(نظرات لسمر): هاد مدرسة ساهلة تولي فيها نتي مولا شوار
تمات الفتاة نحو ولد عمها لمستلقي على ارض وهزات عينيها بحقد نحو حفصة
الفتاة: هماجية ممربياش
حفصة(وسعات عينيها على كلامها وعلى إثر كلمة ممربياش مسكاتها كل من سمر ومريم): بلاتي طلقوني عليها شنو قلتي
الفتاة: ممربياش وكلمة وهماجية
حفصة: بعدووو مني واااااه (صرخات في وجه سمر ومريم لتركوها وخلاوها تغرق معاهم حيث هي قادة بشوارها): شنو قلتي هماجية ممربياش واخا(كفضات على قميصها وتوجهات نحو الفتاة وخا كانت طويلة على حفصة حيث كبر منها بعامين ولكن حفصة نقزات على شعرها وجراتو ليها حتى ارض كتجفف به ارض): انوري مك هماجية شنو هي
جات صديقة الفتاة من الخلف وجماعتها دفعو حفصة بعنف من على صديقتهم
الفتاة2: بعددي منها حماقيتي اوووف على منتوجات عايشة معانا
حفصة: هاديك دوي بالعربية وكيفاش دافعاني ها بغيتو تحݣرو عليا واخا (دخلات بحال هامستر في دائرتهم وبدات كتنقز وتناتف معاهم مرة ضربة فيهم وضربة فيها مريم منين لاحظت حالتها مشات خلات سمر وتوجهات كضارب معاها كطبق تمارين والدها للدفاع عن النفس أما سمر فبقات غير كتقلب عينيها بتوتر وخوف هي بطبعها خوافة ومكتحملش الصداع لهذا جلسات كالقرفصاء واضعة يديها على اذنيها ورماديتها كيراقبو بخوف الفوضى لواقعة أمامها
حفصة(كان شعرها شاد لانطير بنتيف، وكانت واقفة قدام فوق طاولة صغيرة كضرب يديها بحال شامبانزي على صدرها قبل متلاح على تلميذ ضخم كان هو مكلف بضرب الضحايا،منين سقط على الارض بسباب حفصة ،هاد الاخيرة رجعات وقفات ورمات نفسها على بطنو ضارباها بقوة بقبضتها المسمومة ): الضربة المغمسة في الزيت
الفتى(صرخ بألم): واااع بعدي مني
حفصة(لفات رجليها حول رقبتو بحال مصارعة لكتشاهدها في mbcaction. مع ستة العشيةمنين كتجي في مدرسة ومصارعها مفضول هو جون سينا): يلاه استسلللم ونطلق
الفتى(شارع في البكاء): وبعدي مني
حفصة (زيرات على رقبتو ويديها كينتفو في شعرو ): يلااااه وااحد جوج
الفتى(بدا كيضرب في الارض باستسلام ): كح كح عفاك راك خانقاني
حفصة(دفعاتو من عليها وقامت وهو استلقى على الارض باستسلام تقدمات نحوه دايرة ليه اشارة رقم اربعة وخرجات ليها لسانها، هاد اشارة كان كيقوم بها قدوتها في الحرب جون سينا منين كيتغلب على خصمو،):باش تعلم تمس يدي على حفصة بنت رعد
أما مريم كانت ضربات جوج بنات ووجنيتها كانو حمرين بالتصرفيق ،
بسبابها بنات خوالها قامو بالحرب داخل جدران مدرستها
وبعد ساعة كانو متواجدين في مكتب المدير الرباعي المتنمر في المدرسة كان شكلهم مهترئ وأثار الضريب والقميش واضحة عليهم،اما حفصة فوجهها كان حمر بحال لون شعرهاتقريبا ومع ذلك الابتسامة كانت واضحة على ثغرها منين فازت عليهم في المعركة
مدير : واش نتوما حيوانات؟؟ ها واش باغين نعاقبكم تتنظفو مدرسة ولا نعيط على والديكم
حفصة(ربعات يديها مجبدة عينيها فيه وهي كتصنت لكلامو وهمسات لمريم لهي ايضا كانت مستغربة بحالها): اويلي صافي سحبتو غيضربنا عقابهم ساهل
المدير: عاودوليا كيفااش وصلتو هاد حالة
نطقات فتاة لكانت واقفة بقرب ابن عمها لكان كينظر لحفصة بصدمة لدابا مبغاتش تفوتو
فتاة(كتبكي): هاد هيماجية تهجمات عليا وشوف شنو دارت فينا
التلميذ البدين: وضرباتنا كاملين وعضاتني هانتا شوف(شار للعضة لكانت مطراسية في كتفو)
المدير(وجه عينيه نحو حفصة لكانت كتخنز فيه): نتي اش هادشي كيقولو زملائك علاش درتي الفوضى بغيتي نعيط على والديك ها واصلا شكون نتي اول مرة نشوفك
الفتاة: هادي اصلا مك
قاطع كلامها صوت تنخسيس حفصة لوضعات يديها على وجهها وكتبكي بحرقة
حفصة: هئ هئ انا أنا معملت ليهم والو جيت مع سمر ياك ومنين بغينا ندخلو هئ هئ بداو كيسربو فينا و وو (كتوقف عن كلام بسباب تنخصيصها لألم قلب مدير ومساعدتو) وهما تاو عليما بضريب شوف شعري شنو وقع ليه وشوف حتى يدي
مدير: وخا بنتي لكن علاش ضربيهم شوفي حالاهم
حفصة(وسعات عينيها المدمعين فيه ورمقاتو بصدمة): دابا انا ماعندي صحيحة شوفني شحال رقيوقة وقصيوة غنضرب هاد الدب انا اصلا مكنوصلش ليه في طول كيفاش غنعضو في كتفو
مدير( نظر للخامسي المتنمر لكيرمقو حفصة بجمود بسباب كذوبها وتمثيليتها البارعة): دابا عاودو لبا الحقيقة شنو وقع
الفتاة: راه هي
تقدمات حفصة نحو مكتبو ليلاه وصلات لي في طول ويديها وضعاتهم على المكتب مقربة وجهها المقموش نحوه وكتنظر ليه بلطافة
حفصة: دابا غنعاود ليك ونتا حكم صافي دابا انا ومريم وسمر ياك غادي نضربو هادو واصلا سمر كتقرا مزيان هي لولة ومكديرش الشغب ونتا عارف خدات جائزة في التلميذة مثالية غير سيمانة لفاتت
مدير(همهم باقتناع):عندك الحق (نظر للخماسي المتنمر): كلكم معاقبين (يلاه غيعتارضو سكتهم منين ضرب المكتب بقوة براحة يدو ،وحفصة مسحات اثار دموع من عينها بخبث طفولي ): اصلا عيطت على والديكم كلكم غيكونو وصلو
حفصة(رمقاتو بصدمة): ها كيفاش
قبل ماتكلم كان تفتح الباب وغير شافت الشخص لفتح الباب كحلات بالعما وقلبات وجههاكتحاول تخبي وجهها اما سمر ومريم فوسعوا عينيهم بصدمة كينظرو لحفصة وكينقلو انظارها نحوها ونحو والدها لغير شافها لقى عليها نظرة حارقة ولقى نظرة توبيخ على كل من سمر ومريم
رعد: سمح ليا على ازعاج
مدير: مكاين حتى مشكل وخا نعرف شكون نتا
رعد: أنا أب هاد شنيولة هادي
حفصة(قلبات وجهها مرضاتش يشوفها خصوصا بعد اخر حوار ليهم لكان قبل شهرين)
مدير: سمحلينا بزااف على التنمر لوقع بنتك وكنواعدك أننا غناخدو احتياطات لازمة باش ميتكررش هاد موقف
رعد(نظر لحفصة لعاقدة يديها كتنظر للنافذة بغرور ،ومد يدو نحو خذها إلا انها بعدات وجهها من على اصابعو): نتوما لسمحو لينا عافية بنت دخلات ومتروبلش
مدير(عقد حاجبيع بعدم فهم خصوصا منين لاحظ اختفاء تقاسيم الحزن من ملامح حفصة وفقط الغضب هو لكان واضح): سمح ليا شريف وخا نعرف شكون نتا حيث اول مرة غنشوفك نتا وبنتك انا اتاصلت بأم التلميذة سمر
رعد: هاديك ختي (فدوى) ودلا سمحو لينا(هز حفصة رماها على كتافوبحال لهاز خنشة القمح ورا ظهرو،وخلفو تبعوه بسرعة سمى ومريم كيتبعوه بخطوات الصغيرة بحال فليلساتو. أما حفصة فصراخها عم القصر وهي كتغوت على رعد
حفصة: وبععععد مني وزمممر طلقني واااع وبعد مني
وضعها رعد منين وصل بقرب سيارتو وغير تركها وهي تزول يديه لكانت على كتفيها وبعات يديها بغرور
رعد: مالك مقلقة
حفصة(بعبوس): مديرش راسك معارفش
رعد: وراني بصح معارفش مالك معبصى
حفصة: ومعارفش من الفوق واخة واخة
رعد: واش على قبل عيد ميلادك راه منستيوش غير الخدمة
حفصة: ايوا سير عند الخدمة علاش جاي عندي
رعد: وعافية ديالي ىاه توحشتك شهرين ماشفتك في لخر هكذا تعامليني وراه مدويتش على الحيحية لنوضتي واصلا اش جابك مدرسة مكتقرايش فيها وعلاش مݣيدة معاك مريم وسمر
حفصة(بزعف): شي حاجة دبنات
رعد(تحنى جالس قفازي وعينيه كيملعو باشتياق تجاهها في اخير هي اول ثمرة جناها من رفيقة روحو درصاف كانت مطابقة تماما لوالدتها قوية بحالها وواثقة من راسها ،اما تحراميات مينكرش خرجات فيه بحال لون عينيها الزرقين لمطابقين لخاصتو): يلاه ازين تاعي الفنة ديال باباها راه جبت ليك كادو غيعجبك
.....
حفصة(بنص عين نظرات ليه): فين هو
رعد: حتى نمشيو دار يلاه ركبي في طموبيل
حفصة(همهمات بتفكير): ههه وخا(نظرات لسمر وشارت ليها باش تركب أما مريم فكانت طلعات قبيلة كترسم السماء والشمس لكانت مشرقة هاد النهار)
صعد رعد للسبارة جالس خلف المقود وفي الخلف كانت جالسة سمر واضعة كتفهل على مريم لكترسم اما حفصة فوقفات واضعة رأسها فوق كتف الكرسي مستنادة بخذها الممتلئ على رأسو ويديها متشبثين على حدود الكرسي
حفصة(بنبرة متحمسة): شنو هو كادو لجبتي
رعد(نظر ليها وسرعان مارجع نظر للطريق): كتسولي على كادو مسولتي لا عليا انا لا على ماماك لا ختك الصغيرة
حفصة(مسكات قميصو بحماس وقربات وجهها ليه): خديجة كيديرا واش كبرات وماما واش باقا زوينة
رعد: لباس عليها بخير كبرات وتوحشاتك وماماك راها زوينة كيف ديما
حفصة(عضات على شفايفها وكتنقز برجليهة بحماس): ههه كنشبه ليها ياك حيث انا زوينة
رعد(رمقها بحنان ):كلكم زوينات
حفصة: ههههه
رعد: حفصة
حفصة(قربات وجهها ليه وهمسات بحماس): نعم بابا
رعد: سمحي لماماك وباباك حيث مشغولين مع خدمة ولكن كنبغيوك بزااف
حفصة: عارفة. عارفة انا ممقلقاش منكم واصلا عشت معاكم فين كنت صغيرة حضيو غير ختي وزيد سيفطو ليا غسر فلوس زايدة صافي
رعد(رمقها بنص عين): طميمعة بغيت نعرف لكن خرجتي لا انا لا مك لاجدودك طماعين
حفصة: منعرف اصلا فلوس هما لمكيقلقونيش ويعصبوني الله يخليهم ليا
رعد(خرجات ضحكة قوية من فمو وهو مكرهش امتا يوصل عند ختو باش يقضي وقيتة مع بنتو عارف مفرط في بزااف حوايج ولكن حمد الله أن حفصة متفهمة خدمتو ووضعيتهم): أمين
حفصة: قول ليا ومتقلبش الموضوع (تكلمات نبرة رقيقة محترمة): شنو هو كادو لجبتي ليا
رعد: يلاه غناخد ليك باقي مفكرتش
حفصة(اختافت الضحكة من وجهها وبعدات رأسها على كتفو الكرسي): كذبتي عليا
رعد: ماشي كذبت عليك ولكن مكنتيش غتركبي في طموبيل
حفصة(ربعات يديها كترمقو بغضب وكتحس بالشمتة والخيانة في قلبها): اها وخا وخا
جلسات بعنف على كرسي مربعة يديها وفي داخلها كتحلف ليه حتى ترد ليه هاد الشمتة لدار ليها
رعد(قهقه بصخب على عينيه النارية لكيقذفوه بغضب): هه العافيا ديالي ميبقاش فيك حال صافي غنشري ليك احسن كادو بغيتي
حفصة(قلبات وجهها نحو النافذة ونطقات): بعد مني خليه عندك
وسعات عينيها منين لمحات الشرطي واقف كيشير لرعد باش يركن سيارة جانبا
رعد: مصيبة ثاني اش واقع
حفصة (صغرات عينيها في سمر ومريم ومسكات يديهم): سمعوني هادوك تبعو داكشي لغندير
سمر (باستغراب): اش غديري
حفصة(كتنظر لرعد بتوعد): تفرجو وسكتو
رعد(نزل نافذة السيارة وابتاسم الشرطي): شحب الخاطر اشريف
الشرطي: غير كنديرو فحص للسيارات والسائقين
رعد: اه الله يعاونكم(مد ليه اوراق السيارة وفتح للشرطي الآخر الكوفر)
الشرطي (كينظر للفتيات لجالسين الخلف): واش هادو بناتك
رعد(رمقهم بابتسامة صغيرة ونطق): وحدة منهم بنتي ولكن راه كلهم بناتي
الشرطي: اه ايوا الله يخليهم ليك
حفصة: هئ هئ واععع
رعد(التافت باستغراب اتجاهها): حفصة مالك شنو واقع
حفصة (بدات كتبكي وكتنخصص ونظرات للشرطي بنظرات خائفة): هئ هئ مكنعرفوهش هذا غشفار شفرنا هئ هئ😭😭
رعد(وسع عينيه بصدمة على كلامها ونقل عينيه نحو الشرطي لاختافت ابتسامتو وبدا كيرمقوبشك): راها بنتي غير كضحك معاه حفصصصة(استادر نحوها كيحمر فيها عينيه): متبقااايش تكذبي علاش كضحكي ضحك باسل مع ناس
حفصة(كتشير بوجههاا للشرطي): هئ هئ شوف عمي. كيدار ليا ضربنس وقتلني عصا وخشاني في طموبيل هئ هئ هانتا شوف بنت جيراننا وجهها كيف داير كنا كنلعبو هو يهزنا من باب دار
رعد(استادر نحوها كيصرخ بغضب):حفصصصصة
حفصة: هئ هئ كيغوت عليا هانتا شوفو
رعد(زفر الهواء بعصبية ونظر للشرطي بصدق): راه والله حتى لنتب كنقسم بربي المعبود حتى بنتي راه غير كتكذب
حفصة (وسعات عينيها فيه بصدمة ووضعات يدها على قلبها): لا لا متنعرفوش😭😭دابا عمي بوليسي بان ليك كمارتي كتشبه لكمارتو(الشرطي نقل عينيه بشك نحو حقصة ورعد لمد يدو نحو حفصة إلا انها تخشات في مريم وبدات كتبكي بقوة)
رعد: والله احفصة لدوزتها ليك ابلاتي على مك
الشرطي (طرق السيارة باصابعو وشار للرعد باش ينزل): هبط هبط نتفاهمو معاك
رعد: ورااه قلت ليك رااه بنتي واش غنكذب علييك
الشرطي: عكيني دليل انها بنتك
رعد( نزل من السيارة صافع الباب بغضل وصرخ بعصبية وهو كيشير لنفسو): وااااش بنت ليك غنتفلا وغنسرق شي حد واس هاد حالة دبال واحد خطاف
حفصة(نزلات زجاج السيارة ومسحات دموعها وهي كتنخسس): هئ هئ راه كيبيع دراري صغار وبفلوسهم كيشري هادشي هئ هئ هو لقالها ليا
رعد(توجه نحوها باش يسكت ليها داك الفم ولكن مسكعا شرطي واضع ليه مينوط حول معصميه ،هز عينيه بصدمة نحو الشرطي وهو ممتأكدش انه قيدو بالمينوط): وااش منيتك واش غتيق ديك برهوشة هانتا سول بنات لمعاها راه بنات خوتي
شرطي وجه انظارو نحو سمر ومريم لكانو كيبكيو بسباب تهديد حفصة
شرطي: زيد شريف طلع معانا بقات في فلوس واللبس
رعد. ممتأكدش انه تعتاقل وهو عميل مهم في أكبر منظمة لمكافحة الفساد، اكبر المجرمين باغين يوقعوه في فخاخهم ويوجدو احد ثغراتو ،في اخير بنتو ليلاه غتكمل تسع في شهر جوج بسبابها تعتاقل معرفش واش يكون فخور بها حيث كدافع على نفسها بمهارة ولا يشدها يعطيها سلخة الكلاب ): ناس كيديو والديهم الحج ونتي سيفطي با لحبس بلاتي حتى نجي ونتفاهم معاك