كان جالس ببرود متوسط الكرسي الخلفي للسيارة على جانبو ايمن كان حجلس سكايلر لكان كيدندن بسعادة واضحة من عينيه لكانو على هاتفو كيلعب لعبتو المفضلة بابجي... وعلى يسارو كانت حفصة مخنزرة مربعة يديها كتنظر للنافذة بغضب ويد ألفا كانت حول خصرها مزير عليه ماشي حبا فيها ولكن منين خرجو من حصار منظمتو كانت فتحات الباب باش تلقي نفسها من السيارة وتهرب إلا أنه كان عارف بخطوتها السابقة ومد ذراعو حول خصرها مزير على جسدها باش ميتحركش ويدو ثانية وضعها على فخضها مرة مرة كيشعر بجسدها كيتزير منين كتسمع قهقة سكايلر الصاخبة لأمر السائق يطلق وحدة من اغانيه المفضلة باش يحارب ملل الطريق
سكايلر(كيغني تزامنا مع المغني):
Penso che un sogno così non ritorni mai più
Mi dipingevo le mani e la faccia di blu
Poi d'improvviso venivo dal vento rapito
E incominciavo a volare nel cielo infinito
Volare, oh, oh
Cantare, oh, oh, oh, oh
Nel blu, dipinto di blu
Felice di stare lassù
(سمعو ليها اغنية زوينة )
حفصة (همسات بكره وهي كتنظر لسعادتو بحقد): تهجرو انشاء الله يخ على كمارة(هزات راسها في اتجاه ألفا لكيرمقها بنفس نظراتو الباردة ،كشرات على ملامحها باشمئزاز وزولات يدو بصعوبة لعلى فخضها بغضب): متمسنيش مبقاش من حقك تمسني ياك باغي طلق ايوا طلق دابا شكتسنى
ألفا (الصمت)
حفصة: اصلا مغنبقاش مرتك ومنين غنمشي عندك هداك زمر لباغي تلوحني عندو غنشوف معاه شي حل مبغاش نتزوجو به حتى هو حتى يفك وحايلي معا هاد مافيات المرض في اخير يامي وليت نتلاوح بين عصابات(ضربات صدرو بقوة منين شعرات بيدو كتزير على فخضها): ازمر حيد يددك اصلا شكون لعطاااك الحق تقيسني هااا ياك قلتي غطلق ولاغير هدرة وعرفتي أن كلامي على صح وانا كتبغ...(عضات على شفايفها باش متحرجش نفسها كالمرة السابقة): حيد زمرك
ألفا: لو وقعتي قبيلة ولا خليتيني نطلقك مكناش غنوصلو لهادشي ولكن دابا نتي باقا مرتي حضي راسك شنو كتخرجي
حفصة: اها مااالي كذبت علليك واصلا مبقااش كيهمني طلق لابغيتي طلق غنمشي نتزوج بواحد آخر
ألفا: متأكدة أنك غتزوجي زاعمة أنك تزوجي به
حفصة(نظرات ليه بغرور كانت كتمنى تلمح نظرات الغيرة في عينيه ولكن هاد الزمر مكذباتش عليه منين لقباتو بالثلاجة ،كينظر ليها ببرود كأنها ماشي مرتو لغيرميها في مشنقة المافيا): يلا كان هو الحل شنو كتسنى مني ندير
ألفا: وشنو ضمن ليك أنه مغيعذبكش
حفصة: حيث نتا مدرتي ليا والو
ألفا(مرر يدو على خذها لمطراسية فيه يد سكايلر): الكابو ماشي هو لڤور ( لقب مثل كابو في مافيا سوفييتية) اغلب رؤساء مافيا كيوفيو بكلامهم فقط مع مافيات أما ناس عادية لا شنو لضمن ليك
حفصة(بلعات ريقها من كلامو خصوصا منين كذكر كلام شيري على سمعة سيئة لvor الروسي): ونتا مالك ياك غتكون طلقتني ولا تراجعتي حيث شفتك كتسول بزااف وهادشي ماشي من عوايدك وأصلا وخا تبغي تراجع أنا عزمت غنطلق منك
ألفا (هز هاتفو بدون مايجاوبها وهي نظرات ليه بنص عين وبفضول خصوصا منين دخل لائحة اتصال شكات لمن غيتاصل به في هاد وقت،لهذا قربات نفسها كثر ليه بدون ماتشعر كتنظر لاسماء لعلى هاتف بتقطيبة واسعة وهي كتحاول تقرى ايطالية ،ربت على راسها بهدوء مخرجها من فضولها ،وغير توضعات زرقوتيها على خاصتو قلبات وجهها بغرور وكحزات من حداه):
Cancello tutto".
سكايلر مسمعش الجملة لقالها ألفا بسباب انغماسو مع اغنية ولكن حفصة كان واضح عليها فضول شديد خصوصا كانت قرات اسم متصل وعرفات تنطقها بحكم ان ايطالية واسبانية ساهلين في نطقهم
حفصة (صغرات مسافة نحو سكايلر وجراتو باشمئزاز من قميصو،التافت في اتجاهها وغبر لمحها وهي تختافي ابتاسمتو المستمتعة): هداك
سكايلر: شباغا
حفصة: ترجم ليا واحد كلمة ومنصدعكش
سكايلر: ولا مبغيتش
حفصة(بهمس غير مسموع ): غنقول خوك هدرة لقلتي ليا قبيلة
سكايلر (وجهو شحب من كلامها ونظر لألفا لكانو عينيهم عليهم ولكن مسمعش كلام حفصةحيث نبرتها كانت خفيفة،رجع تنظارو نحوها ورمقها بكرهوكيظنها فهمات منين واعظها انه غيكويها ولكن هي مكانتش كتقصد هادشي وانما كتقصد صفعتو ليها وحتى ضربو وحيث اخرين مترجموش ليها كلام سكايلر عرفات انه يقدر يكون سابها): شباغا
حفصة: ترجم ليا شنو معنى avvocato واش هو محامي كيف فرنسية
سكايلر(صغر عينيه باستغراب من سؤالها): اه علاش
حفصة(خنزرات فيه): مكتعرفش تقول لا الزمر يخخخ بحالك بحال خوك(رجعات معدلة في جلستها كضرب بقدمها مقعد السائق بغضب ): ممتيقاش دارها الزمر وعيط على محامي واش مصيبة غيطلقني
سكايلر(رمقها بعدم تصديق من تصرفها ونقل عينيه لألفا): واااش هااادي جعرااات ولا مرضااات في راسها
حفصة: سكتنا ازمر كتعرف غتغوت واصلا مدوويش سمعتتتي نتااا سباب في هادشي كااامل اشيطان عارف لكيدخل وكيفرق جوج مزوجين شيطان كيصفق عليه كيعتابرو ولدو (ضربات فخذهغ بعدم تصديق): اويلي معامن عااايشة
سكايلر: راه مليوووووون مرةةا غنقووول ليك مكنتووووش مزووجين زواااجكم مكاننننش بصح
حفصة(صرخات في وجهو بعصبية): ونتاااا باااش عرفتتتي مو ماااشي بصح هااا عايش معانا كدخخخل معانا لبيييت
سكايلر(فتح بفمو بعدم تصديق من كلامها وصرخ في وجهها كذلك): هو اصلاااا كيبااات في بيت بوحدوو واصلا لاااا مستحيل مستحييييل دكشي لكنفكر فيه يكون بصح
حفصة(قاطعاتو ): مكانننش في راسي ان زواج كيكون بليل واصلا هو ديما كيبقى معايا في لعشية وصباااح كافي نديرو فيه العجب المعجب
سكايلر: حبببس اغنية دلخرااا حبس (مسح على وجهو بغضب ونظر لحفصة لكترمقو بهدوء وعيون كيلمعو بسعادو) لا نتي باغا غير ضحكي عليا كتسحبيني غنتيقك
حفصة(هزات كتافها بدون مبالاة): صدق ولا متصدقش خوك مجاش وخلاني ندير مابغيت في دار ونولي مولات القصر ونتحكم فيه هكاك ونولي من مخطوفة انا لكنتحكم
سكايلر(وسع عينيه بصدمة كأنه تلقى رصاصة في قلبو من كلامها ،نظر لألفا بعدم تصديق وهو كينتاظرو باش ينفي): ياك هادشي ماشي بصح
حفصة(قرصات يد ألفا لموضوعة في خصرها بدون مايلمح سكايلر وهمسات بداريجة كتبان بحال كتكلم مع نفسها ولكن كلام مقصود ليه): ألفا خليني مني ليه مدخلش باش نبقى كنحتارمك
سكايلر: و..واش كلامها صح..صحيح؟
الفا(رمقهم هما الاثنان ببرود وسند رأسو للخلف كينظر ليهم بلامبالاة من حربهم الدائمة)
حفصة(بسخرية): كتسنى من خوك يقول ليك على علاقتو مع مرتو واش هبلتي ، وخا نكون عدوتو ولا مانعرف شنو ولكن راه قلبو غيميل لزوجتو راه انا نصف ضلعو الاعوج المفقود فيه
(كتقصد أن حواء تخلقات من ضلع الاعوج ديال آدم ،يعني ان حواء هي راه ضله آدم وحفصة كتقصد هنا انها ضلع ألفا )
سكايلر(وضع يدو على قلبو مقادرش يحتامل هاد الصدمة لي لقاتها عليها عدوتو ولا كيكرهها كثر من والدها وخالها): لا لا دابا واش ك..كاين احتمال يكون وريث
حفصة (قهقهات بسخرية): قال ليك كاين احتمال ، خاص تكون متأكد ان طه قريب يجي لطريق
سكايلر(هز عينيه لكترجاف بخوف في اتجاهها ونطق باستسلام وخوف ): ش..شكون طه
حفصة(عضات على شفايفها بفرحة منين لمحات اختفاء تقاسيم سعادة من عليه وأخيرا يقدر يشعر بشعورها منين كان فرحان وهي خايفة من مصيرها مجهول ): ولد خوك
هاد جوج كلمات لوحدهم كفيلين باش يهزمو سكايلر لزول ربطة عنقو لارتداها خصيصا على قبل مغادرة حفصة ،كان مجهز حفل بعد رجوعو هو وألفا وكان واعد فاليريا أنه غيخليها خليلة ألفا الليلة،شعر بالدم كيرتافع لعقلو بسرعة حيث مسك رأسو ودوخة كتمشي وتجي بين عينيه أما حفصة فنظرات بسعادة وشماتة فيه وخاطبت السائق بالفرنسية ولكان هو سانتو بالمناسبة
حفصة: زيد صوووت زيد جو اليوم زوين بزااف(بدات كتغني بايطالية معلكة وهي كتحاول تغني مع مغني)
Volare, oh, oh
Cantare, oh, oh, oh, oh
Nel blu, dipinto di blu
Felice di stare lassù
أما ألفا فسيناريو لمر بين خوه ومرتو خلاه يتنهد باستسلام من علاقتهم المكهربة ومبغاش يدخل حيث غيعصب نفسو الباردة ولمشا حتى تعصب وهو في سيارة وجوج قنبلات من الغضب حداه غيصدق قاتلهم بجوج ويعلن حربو مع الروس لهذا صمت طوال محادثة كيراقب حركاتهم طفولية لي لا علاقة بسنهم وحقيقة لمكيدركوهاش هاد جوج هو أن حفصة وسكايلر كيكرهو بعضهم لأنهم كيتشابهو في نقااط عديدة منهم حب النفس والغرور وحتى طيبوبة قلبهم سكايلر وخا لقبو ابن دراكولا في عالم الاجرام لكن مع عائلة كيكون قلبو حنين وطيب وعارف انه كيبغي خوتو بزااف ويقدر يموت على قبلهم . ونفس الشيء مع حفصة لاحظ مع البراني كتكشر على نيابها لكن منين كتحدث مع والديها كتولي حركاتها لطيفين بحال شي هامستر بالنسبة له،وعارف أنها كتحبهم بزااف وغير لو ذكرتي ليها ختها بالخايب غتندمك وتعرف تحارب على قبلها، هما عصبيين وكيقدروا يعبرو على مشاعرهم براحة حيث عندهم أشخاص كيبغيوهم أما هو فجامد بحال الجليد كيف كتقول زوجتو،حيث جميع الناس لبغاهم موجودين تحت الارض هادي كثر من 30 عام .....