الفا:واش هبلتي
حفصة: ايه مالي كذبتتت عليك اصلا كلشي في قصر عارفها علاش تتخبي واصلا ماشي العيب الحب العيب هو الحرام ودابا انا غنبقى هنا على قبلك ماشي مشكل بلامانطلقو خاصك تشوف مصلاحتك
ألفا (بنبرة باردة نطق): مكنبغيكش خرجي هاد الكلمة من راسك
حفصة (وضعات يديها على خصرها وصغرات زروقتيها على خاصتو): أهااااا وشنوو دوك تصرفات حنينة نقولو ماشي حنينة حيث نتا ثلاجة زعما كنقصد بارد ولكن واش انا كنتصرف كيف مابغيت وعجبني راسي ونتا غير سامح ليا ندير ليعجبني على لمخطوف كيرسم الورد ولا تكون عندو سلطة في قصر هااا جاوبني شتي عندي الصح كتبغيني ماشي مشكل أصلا عارفة أنني كندخل القلب والله كيقولها ليا بابا
ألفا: غدخلي القبر لزدتي كلمة وحدة من تخربيقك
حفصة:ايوا فسر ليا ديك معاكلة شنوكتعني بلاما تقول ليانزل عليكربي حنان ، انا راه شاكة فيك حتى واش بنادم مكضحك ماكتفوج مافهمتش أنا
ألفا: نتي مرتي يعني شرفي بزز مني كنعاملك ديك معاملة حيث عارفة أنك وصيتي وخا باغي انتاقم منك وباغي ندمرك نتي وعائلتك لمن مبادئي مسمحاتش ليا وخا حاولت ، وكنت واضعك هنا رهينة فقط حتى انتاقم من عائلتك وخصوصا باك وعمك من عملتهم ودابا جا وقت فين نخليك والحب مكاينش في قاموس ألفا خاصك تعرفيها
حفصة (غمضات عينيها وعضات على شفايفها كتحس بالاحراج من كلامها السابق، اش داها تصدق الخدم ولا شيري وكلام عاملين هاهي بسبابهم تحرجات أمام عدوها): أمم دابا مكاين والو في داكشي لقلتي مكتبغينيش
ألفا (هز حاجبو فيها وهو كيلاحظ عبوسها وعرفها مرضاتش بكلامها غير من وجنتيها لمحمرين قليلا): شغنبغي فيك واش غواتك ولا قباحتك وطيرانك ولا عصبيتك
حفصة (نظرات لرماديتيه لمغلفهم الصقيع بزروقتيها الغاضبة ومكرهتاتش تنقض عليه بشي عضة ولكن ربعات يديها ولفات رأسها للجهة الثانية كتحاول تسترجع غرورها): اصلا نتا لنادم ولكن وخا هكاك مغنطلقوش..
ألفا: ماشي بهواك
حفصة (وقفات أمامو مانعاه من التقدم وغير هزات راسها غيها بلعات ريقها بسباب طولهم المتناقض تماما،تراجعت للخلف كتفرك سديها بتوتر كتحاول تفكر فشي خطة ): دابا عطاتك خاطرك تعطيني لشي حد وخا نقولو كااع طلقنا الله يحفظ نسيتي داكشي لعشنا نسيتي طعام لتشاركنا كنتي قبتي ليا نطيب ليا سباغيتي وخا زرݣةفي طياب على قبلك وافقت وفي اخير باغي طلقني ها وتعطيني ليسوا ولميسواش
ألفا: فين ىهي ديك سباغيتي لقلتي غطيبي
حفصة: في هدرتي كااملة هادشي لشديتي
ألفا: حيدي من طريق خليني نمشي
حفصة: وعفااااك والله حتى حشومة ليك صافي نطيب ليك داك سباغيتي غمتفكرش في طلاق اصلا مابيناتناش مشاكل ياك عاطيني تيقاري وعاطياك تيقارك وزيد مغتلقاش وحدة بحالي ممسوقاش وخا دخل معاك حتى عشرةفي بيت الله يجعلك طلا بهم مشغليش
ألفا: ماشي لݣانتي غنعطيك وباينة وصلاتك لخبار ، كلشي وقع باش نطلقك شنو لغيمنعني في نظرك أنني نفضل على أمة البشر
حفصة:حيتاش انا مراتك ومن واجبك
ألفا (قاطعها بهدوء): مغتبقايش مرتي وهكذا حتى لكانو غياخدوك باش نساليو عداوة فأنا موافق
حفصة:علاش أنا بالضبط
الفا(وضع يدو على رأسها مربت عليه): ذنبك أنك من ال فارسي وبنت رعد ال فارسي
نزلات رأسها باستسلام للارض وهي كتنظر لنهاية حياتها لصبحات وشيكة، تخطاها وتقدم بهدوء متجاوزها،نسيم خفيف لفح انفاسو بعد الصمت لحل من ورا صراخها
حفصة(همسات بهدوء)؛: يلا عطيتيني ليهم واش غتسالي هاد الحرب والعداوة في نظرك
توقف عن مشيو وبقا خاشي يديه في جيوب سروالو بسكون،التافت نحوها كيرمقها ببرود ولمح دموعها لسقطو على خذها مسحاتهم بكم قميصها وتوجهات واقفة أمامو
حفصة(نطقات ببحة ): في نظرك. غيوقفو عداوة لدايرة بيناتكم هادي كثر من تسعين عام ،على قبلي انا ، وغيتخلاو على ثأرهم راه داك باك قتل نصهم وكان غيقطع نسلهم وبكل بسهولة غيسمحو في كلشي على قبلي انا لمعندي ختى علاقة بعالم ديالكم
ألفا: لعندي قلتو يلاه تحركي نهبطو
حفصة:مهابطة فين سيري بوحدك
ألفا: مكنشاوركش
حفصة(زيرات على قبضتها ورمقاتو بخيبة وحقد ،): مجرم بحالك بحالهم
مسك راحة يدها رغما عنهاا، وجرها خلفو نازلين للأسفل
حفصة: شنووو كدير ازمر خليني نمشي في حالي بغيت نرجع لبيتي
تجاهلها ألفا وقادها نحو مكتبو منين فتح الباب كان محامي جالس في كرسي جانبي كيطالع في اوراق لفي يدو منين سمع صوت الباب لتفتح وقف من مكانو باحترام ،طأطأ راسو باحترام كيحييه وكيلقي التحية حتى على حفصة لكانو عينيها المدمعين كيرمقوه بحقد وغضب رغم حزنها إلا ان كبرياء وغرورها كان كيشع من خلال استقامتها الواثقة
جلس ألفا في كرسي المقابل للمحامي وشار ليه بدون مايلقية أهمية عليه باش يجلس
طبق الآخر امرو بسرعة، وبعملية قدم ليه اوراق الطلاق لغير لمحاتهم حفصة وهي تزيد سخط كثر حيث هاد الألفا البارد تعمد أنهم يكونو بالعربية يعني ناوي الطلاق مافيها رجوع
ألفا: وقعي
حفصة (كتنظر للجهة الحائط محاملاش تشوف فيه): مموقعاش وقع غنتا
ألفا: وقعت..
ضربات الأرض برجلها ونظرات ليه بتوعد سرعان مازولات عينيها من عليه
ألفا:بلاماتعكسي وتعنادي واجي وقعي
حفصة: مبغيتش شنو غتبزز عليا ؟؟
ألفا (رجع استلقى للخلف على كرسي الجلد ووسع رجليه قليلا واضع سبابتو على ذقنو كينظر ليها):عارفة أنني نقدر نطلقك غبفمي وعند الله غنتسماو مطلقين
هنا طفح كيلها وبدات كتصرخ في وجهو بقوة لدرجة ان محامي رمقها بصدمة كيفاش كتصرخ على الكابو خاصته
حفصة: الله الله كدوي عالله نتااااااااا اصلا فين كتعرف الله أستغفر الله العظيم لو كنتي كتخاااف منو لو من لول مدخلننننيش في هاد معماعة ديااالك، وبسبابك اصلاااا وليت عاااايشةفي هاد وييل
ألفا (وقف المحامي لكان غيجبد سلاحو من خلف ظهرو باش ينهي حياة حفصة حيث عدم احترام الكابو كيعني الموت، وشار ليه باش يخرج):
حفصة: ممطلقاش ومشغليش فيك والله مانخليك طلق(مسكات ديك ورقة بالغذايذ لفيها ممزقاتهاش غير بيديها وانما استخدمات حتى اسنانها كتقضم في اوراق بعصبية واضحة ،وجهها صبح حمر ويديها غير كيتردعو غراسهم ) والله مانخليك
ألفا (زفر الهواء ببرود ): نتي طا
حفصة وسعات عينيها على الكلمة لكان شارع باش ينكقها وبسرعة ريح توجهات نحوه غالقة بيديها بجوج فمو لكيخرج تراهات ، و وضعات ركبتيها فوق كرسي وبالضبط مابين رجليه وبسباب سرعة تقدمها نحوه شعر بمنطقتو الحساسة لوغزاتها ليه .
وبلامانوصف ليكم رؤية حفصة غالقة ليه فمو وعينيها المدمعين كيرمقوه بحقد و بترجي، خذوذها كانو حمرين بالغضب وشفايفها بكثرة العصاب بقات كتعض فيهم نهار كامل... كانت جلستها كأنها جالسة في حضنو وفي نفس الوقت كيتأمل في لوحة فنية أمامو
حفصة(كترمق رماديتيه بخيبة امل واضحة لأول مرة): مغنطلقوش حشومة عليك
ألفا (لف يدو على خصرها باش متسقطش للخلف ومسح دموع عينيها ): متبكيش
حفصة: هي لمنطلقوش
ألفا(نظر لعينيها بهدوء وهو كيأمل أنه يوجد نظرة لباغي يشوفها في عينيها وكيحاف لو شاف مرادو فيهم غيتراجع عم قرارو): عطيني سبب منطلقش ولكن سبب منطقي هاد المرة نقدر نفكر ونتراجع عن قراري
حفصة(رمقاتو بعبوس(: السبب لكان هو انك كتبغيني ولكن قلتي نتا ماكاين والو
ألفا (،زم فمو وعرف أنه لا أمل في هاد السيدة ، مسكها من خصرها باش ينزلها إلا أنها بقات تابثة في مكانها): هبطي
حفصة: لا
ألفا: مستوعبة افعالك
حفصة(غلقات ليه فمو بقوة): مبغيتش نطلق صافي
ألفا (زول يدها من على فمو بقوة ونظر ليها ببرود قاسي): معندكش الخيار ابنت الفارسي
حفصة: مالك هكذا دابا هانتا نسا عليا كتبغيني ولا كنبغيك ،دابا منطقيا الحرب بينكم وبين دوك رواسة تسعين عام وحقا بسباب حفصة الفارسي لمعندها دخل ولا باها في حربكم غنكون أنا مفتاح السلم ,راه غيكون غير شي حد دا ليهم تبرگيگة مقلوبة وكيظنو انني نقطة ضعفك وهما دارو ليك هادشي غير گنار باش يعرفو واش غتعطيني ليهم ولا غتحارب داكشي بحال ديال افلام مكسيكية وغيلقاو شي سبة ضروري باش يكملو ديك حرب
ألفا (صغر عينيه فيها ): كيفاش وصلتي لهادشي
حفصة(مسحات وجهها بكلتا يديها كتحاول وتسترجع انفاسها ) : وزعما نتا راك كابو ديال مافيا على قدها انبقى انا نشرح ليك ونوضح ليك واصلا بابا براسو كان كيجي يستاشرني في خدمتو مرات متحگرنيش
ألفا: بنت الفارسي ونحگرك
حفصة: علاش متقولش ليا حفصة ماشي مكتعجبنيش كنيتي ولكن كتجيني غريبة
ألفا: قولي الفا بعدا نتي
حفصة(عقدات يديها ونظرات ليه بشك): وليتي كدوي بزااف مممم ياكمة (صغرات مسافة بين وجهو كتحاول تختارق رماديتيه الغامضة): كتعرف شي وحدة علماتك الهدرة هاد شهرين لغبرتي امممم نقول ليك انا رافضة تكوني عندي ضرة بغيتيهم يتشفاو فيا ،وخا مكنبغيكش ولكن خلينا محتارمين راسنا ولاكنتي غمدوز بها وقت غير دوز تشبع ليك رغباتك شتي غير قول ليا فين تلقى مراة بحالي متفهمة رجال كلهم يتمناوني
ألفا (عينيه لمعو باستمتاع مخفي): كتقولي ليا ندير فاحشة
حفصة (وسعات عينيها بصدمة وحركات يديها بسرعة كتشير ليه بلا): لالالا استغفر الله شكتقول نتا انا غير قلت ليك اصلا بحال نتا منعستيش مع ديك كلبة ديك نهاريات نسيتي بغيتي. تلوح عليا لبطااال
ألفا: عطيني حقي
حفصة(خنزرات فيه ونطقات بدون وعي(:علاش تندويو في هاد مواضيع ياك بغيتي نطلقو
ألفا: هي لوقعتي
حفصة: صافي نسا نسا شوف هانتا تافقو كنحلف ليك غنحاول نتقبلك ياك ونبقى نقول ليك ألفا حتى ديك ثلاجة ولا فريكو ولا طويل مقارج والله مانبقى نقولهم ليك غير ألفا ثم ألفا ولا شيء غير ألفا
ألفا: على كلامك
حفصة(ميلات ليه رأسها بسرعة ونظرات ليه بعيون كتشع من السعادة): اه كنحلف
ألفا: مغنطلقكش
حفصة: هههه كنت عارفة غتوافق
ألفا: ولكن غنديك عندهم
حفصة(اختافت ابتسامتها ورمقاتو بصدمة):.كي.. كيفاش
ألفا (نظر لساعتو ورجع نظر ليها): مع سبعة العشية تكوني واجدة
حفصة (وضعها في ارض وتوجه مغادر مكتبو تاركها خلفها كتحاول تستوعب صدمتها): واااش منيتوووو هذا ثلا ....
ألفا (التافت. نحوها هاز صعبو بتهديد): حلفتي متنسايش
حفصة: نتا راااك كذاااب قولبتيني
ألفا: تافقنا على طلاق نتي محددتيش شنو باغا بالضبط
خرجات غاضبة من المكتب ونزلات للاسفل واحظها الجيد وجدات فين غتفرغ غضبها كان سكايلر واقف بقرب فاليريا والسعادة كتشع من وجهو
حفصة: نتااااااااااا
سكايلر(التافت نحو مصدر الصراح وابتاسم بسعادة منين لمح غضبها ): قلت ليك متحلميش انك غتبقاي مزوجة به وقريب غتمشي بلاصة لكتستاهلي غتولي عاهرة لVOR (لقب رئيس مافيا سوفييتية) هادي يلا قبل عليك
حفصة(زولات صندالة لكانت مرتادية وفيها كعب صغير شيراتها بغضب على سكايلر لكان كيتكلم مع فاليريا كيمشت في حفصة): غنقتتتتتلك هاااد نهااار بيدي يا الحماااار اش داك دخل بيني وبين راجلي الشماتة
هاد المرة منين استادر كانت ضربة حذائها هي لاستقبلاتو،مسك انفو لبدا كينزف ونظر للدماء بعدم تصديق
سكايلر: شدرتتتي نتي (صرخ مهددها بنبرة قاتلة): باغااا تموووتي على يددي هااااا اليوم نوري اصل مك سكايلر شكيسوى(نظر لشيري ): ترجمي لديك الخرية
شيري(توجهات بسرعة نحو حفصة لكانت باغا تنقض عليه): سنيورا راه معصب غادي يقدر يآذيني
حفصة (جهلات منين سمعات كلام شيري وشيرات بصنادلتها ثانية عليه كان خوا عليها ولكن جات في فاليريا): اليووووم انا لغنقتلوووو كانبيبااالي لاخور نحلف عللليه هو لفحضننني قدامهم بغيييت نفهم انا وراااجلي نتا اش دخل حماررررتك فينا ترجمي لزمر
شيري: سنيورا
حفصة(صرخات بطفحان الكيل): ترجمي
شيري(بداو يديها كيترعدو وهي كتنظر هاد ليصانص والعافيا لباغين ينقضو على بعضهم غير سكايلر كانو مانعينو الخدم وحفصة مانعاها هي برفقة الخدم): سينور قالت ليك سينيورا شنو دخلك بينها وبين راجلها و...
سكايلر دفع الخدم وتقدم نحو حفصة ولكن مسكوه من جديد
سكايلر:نتتتتي شتتتتك تيقتي راسك ابنادمة داك زواااج اصلا مكاانش بصصح ومستحيييل خويا يقيسسسك
حفصة(خدات السكين من الطباخ لكان جا بسرعة من طبخ بعد ماكان كيقطع اللحم،ولكن بسباب صراخ حفصة خرج اكيدونبرة صوتها معروفة لدى جميع ساكني وخاديمي القصر): ونتاااااا ماااالك مااااالللللللك انا ويااااه ماااااالك
شيرات عليه بالموس ولكن مسكو طباخ في آخر دقيقة اخرة وبسرعة عطاه لخادمو
الطباخ: سير دي زمر قبل مانمشيو فيها انا وياك وفيه بصمات تاعنا سنيورا راه حمقةفي اي لحظة تقدر تقتلو وتسبها فينا
الخادم(نطق باترجاف):واخا واخا
حفصة: بعدوووو منننني خليني نووووريه كيفاااش يدخل بيني وبين راااجلي والله وماندمتك جي دفل ليا على وجهي
سكايلر(مكلفش نفسو يسمع ترجمة شيري لمسكينة بحال دجاجة منتوفة معرفات تبع اوامرهم ولا تفكهم قبل مايقتلو بعض): كتقللبببببي علياااااا هااا منين دخللللتي منســــيتش فعااااايلك عرفتي لمكانش خويا ح*واك انا غنح*ويكه هاد ليلة
منين تراجع للخلف باش يترك ليها مسافة فين تسترجع انفاسها ،عينيها المدمعة بقات كتنظر ليه بجمود وصدمة من جملتو لزعزات قلبها من حصنو، جملة وحدة كانت كفيلة باش تخليها تشعر بشعور غريب كيتسلل من قلبها لأطرافها الاربعة لصبحو كيرتاجفو بسبابو ماشي شعور الفخر او الامتنان بل شعور آخر ولا مرة حساتو تجاه اي شخص حتى من صهيب
مريم(مسحات دموعها وابتاسمت ليه لاول مرة ابتسامة صادقة مشرقة خلاتو هو ايضا يبادلها ابتسامة صغيرة:شكرا بزاف
ياسين: نخليكم ترتاحو اصلا جات وقيتة لغدا ورمزي عندي معاك يوم تمرين وغنوضح ليك بعض حوايج حتى تفهميهم لفريقك
مريم (بنبرة جدية وحماسية): وخا الشاف
ياسين: نخليكم دابا ومبروك على فريق رمزي حضوركم يوم السبت تشاهدو معارك بين المدربين كيف كتكون واستافدو من بعض تقنيات لكيستخدمو.
صرخو بحماس على كلامو ومع خروج ياسين زفرات مريم الهواء وبراحة وشعرات بجسد خديجة لعنقها بقوة
خديجة(قهقهان بسعادة):هههه فرحتتتت ليك بزاااف مبروووك عليك
مريم (بامتنان): شكرا بزاااف صراحة كنت بغيها ليك جيتيني نتي أولى بها
زينب: بالعكس خديجة وخا قوية وذكية ولكن نتي كتستحقيها بجدارة من دونك مكناش غنوفوزو
عزيز: عندها الحف وحنا فخورين أنك غتكوني مسؤولة عليها ونائبة القائد
مريم(نقلات انظارها نحو الفريق ورمقاتهم بامتنان): شكرا ليكم بزاف على تشجيعكم ونتمنى نكون قائدة جيدة كبف كتخيلو
خديجة: متأكدة غتكوني افضل واروع واجمل قائدة
مريم:هه شكرا
يدها انخالعت من مكانها بسباب يد روبي لجراتها بعنف
روبي: كيدرتتتي ليها هاااا كتسحبي غنسكتتت ليك ولا باباااااا غيسكتليك الغشاشة باينة كتاكللي منشطااات حيث ميمكننننش تووولي قوية هكذااا دوووي
مريم(زولات يد روبي لحاولت تبثها على ذراع مريم ولكن هاد اخيرة كانت قوية وزولاتها بهدوء من عليها): هذا غير جهد لدرتو في تدريب وبمساعدة الشاف قدرت نولي قوية هادشي لكاين
روبي(قهقات بسخرية ودفعاتها للخلف ولكن مريم متحركتش من مكانها ): ههه جهد قالت ليك جهد(بصراااخ ) اشمن جهههد درتتتي وانا كل ليلة كندرب مع الشاااف تداريب خاصة ومع ذلك موصلتتتش هاد مستوى هااااا
مريم(خاطبتها بلا مبالاة(: هاديك مشكلتك ماشي مشكلتي (نظرات للفريق بنظرة صارمة وجدية): تحركو للصلة الطعام ولا غنقولها الشاف يلاه
روبي(نظرات لمريم اعطاتها بظهر بعدم تصديق ): شفتها كتجااااهلننني ؟؟؟ لا لا خاااصني يمكن نذكرها بشكووون انا
مدات يدها في اتجاه مريم هاد أخيرة كانت سريعة منين مسكات ذراع روبي ولواتها وحكمات على جسدها باش متحركش
مريم: مرة جاااية منين غتمدي يدك عليا غنهرسها ليك
روبي(مقادراش تحرك بسباب وضعيتها): طلللقي مننني طلللقي
مريم(زيرات على ذراعها حتى بدات كتصرخ الاخرى بألم فظيع): اعتتااااااذري ولا غنهرسها ليك
دينا: نتي اش كتسحبي ررا
خديجة(قاطعتها منين دفعاتها وهزات حاجبها فيها): شفتك باغا تهجمي على القائدة هبطي يدك ولا غنقولها للشاف قال وقت الغدا هو وقت غدا احتارمي أوامر
دينا(بغات تسبها ولكن منين لاحظت كيفاش الكل كينظر ليهم بغضب وهي توجه نحو روبي لجلسات في ارض كتلوى باش تفك من حصار مريم ): روبي اعتاذري خلينا نمشيو
روبي: نعتااااذر بمن لحمااارة بحالها مكتسواااش آااااااه يدي يدددي غنقولها لبابا كنقسسسسم ليك غنقولها ليه
مريم (ببرود): اي شجار او معركة بين متدربين ممنوع يدخل فيها رئيس الفرع هذا هو القانون الحداش في المنظمة
دينا: روبي براكة من عناااد غنردو ليها دقة لكننن ماااشي دابا
روبي(كانت غترفض لكن منين فهمات رسالة دينا عضات على شفايفها بعنف وهزات مقلتيها بتوعد كتنظر لبنفسجي مريم بحقد): كنعتاذر طلقي مني
مريم(طلقاتها واستاقمت في وقفتها نظرات للفريق ونطقات بأمر): دويت كلشي يمشي
روبي(صرخات في مريم لعطاتها بالظهر من جديد): متستاهليش ، متستاهليش تكوني القائدة اصلا هذا امتياز من الشاف حيث كيعرفك
مريم(بدون ماتلتافت نحوها وكملات سيرها(: كيعرفني ؟ واش عمية ولا ملاحظتيش أنه كيكرهني من اول نهار وحنا ديما مضاربين لكانشي شخص غيحصل على امتياز فهي نتي حيث واضح بنت شكون
دينا( سخرات من كلام مريم ونطقات صاكة على سنانها بغضب): حول الشاف كيلمسك وحيدة من دوك المتدربين
توقفات مريم عن السير واستادرت نحوهم ورمقاتهم باستغراب
مريم: شكتقصدي
راجين: نتي وحيدة من دون ناس لكيمسها الشاف في تدريب حتى منين كنكونو كندربو معاه كيكون مرتادي ليغات تدريب ولكن معاك نتي كيدرب بلا بهم ومنين تصابت ديك مرة دينا في وجهها في معركة معالجهاش ولكن نتي منين تعاركتي مع دينا وهزماتك هو بيدو عالجك
مريم(هزات حاجبها من كلامهم ونظرات لاعضاء الفريق لكيرمقوها بحقد دفين): وشنو كيدل على أن كلاك صحيح
روبي: مزال كتكذبي هااا قبيلة منين شديت ليه يدو نفضها ولكن نتي بقا شادك وشنو كتفسري بانضة ديالو لكانت في يدك علم الله شنو واقع بيناتكم
مريم(بنبرة صارمة): آخر مرة نسمع هاد تراهات خارجة من فمكم ولا غنخبر بها الشاف وتما غتكون هدرة معاه هو ماشي أنا ودابا خاص نمشي
حفصة(صرخات في وجه الخدم بغضب عاارم): بعدووووووو منننني بعدووو ولا اقسم بالله حتى نطري على مكم من الخدمة يلاااه
غير سمعو جملتها لنطقاتها بالفرنسية كلهم رجعو للخلف خصوصا بعد ما طباخ ترجم ليهم جملتها
حفصة: ايواااا هكاك يليق بووكم غتهديد
سكايلر: شفت طواااسلك نتي وليتي كتحككمي في القصر كيف بغيتتتي اشريفة راك غير مخطوووفة هنا ونزيييدك ألفا غير كيقضي بك وقتو وغيلوووحك واصلا يوم غنتهناو من كمااارتك
حفصة: يا لحمااااااري ياااا عوج كمااااارة عمررري في حياااتي تخيلت تكووون عندي ضرةحتى صدق لوسي ضرتتتتي عرفتتتي لمندمتكش اداك مجعووور الكلب باااش تووولي دخل بيني وبين داك زمر راه مسميتيش حفصة بنت رعد
توجهات عندو حفصة كتجري وبلا مانحكي ليكم فستانها. كان كيجري خلفها ومعاها هي قصيرة بسرعة دخلات بين الحرس ومدات يديها شانقة على سكااايلر ضرباتو لرجلو بقوة كيف علمها رعد وهي تسدد ليه لكمة لأنفو،
بسباب الضربة تركوه الحرس والخدم وتراجعو للخلف كيوجدو نفسهم لمشااهدة المعركة الطاحنة بين زوجة الكابو واخ الكابو، معركة نادراً ماكتحدث في عوائل المافيات حيث بين زوجة الرئيس والاخ الزعيم غير الاحترام التام عكس هاد الاثنان تماما، مسكها سكايلر من ذراعها ملويه ليها خلاها تصرخ بألم
سكاايلر(خاطبها بالفرنسية وهو صااك على سنانو بغضب ): انااا سكااايلر ولد الخياندرو تضربوووو كللللبة بحااالك لمندمتتتكش ابنت الفارسي دفللي ليا على وجهههي وقولي ليا نتاااا زاامل
حفصة(دفلات على وجهو وهي تصفع خذو بأقوى ماكتملك من قوة): تفووووو عللليك الشماااتة تفوووو لعنة الله وعليك لعنة الله وعليك فرقتتتني على راااجلي اش دخللللك اعباااد الله واش دخلك بيني وبينووو
سكايلر(مسك خذو ونظر ليها بنظرةركبات الرعب في رجالو ولكن حفصة بسباب غضبها أنها غتمشي عند مافيا اخرى تقتلها مبقاش كيهمها لا غضبو لا عصبيتو ): يابنت الكلببة مسرحية وتيقتيها يااااك كنتتتي كتفضللللي الموووت على زواااج اش وقع ابنت طمااعة ها(صفعها بقوة خلاها تمسك خذها بصدمة وعدم تصديق انه مد يدو عليها): ولاااا بيني كمااارتك من لول كننننت عااارفك اش كتسوااااي وقلتتتتها قلتتتها لخووويا وهاهو رججع على كلامممممي
تلاحت عليه بسرعة عاضاه في يدو وهو جرها من مرفقها عطاها ضربة. للظهر كوانساتها
سكايلر: راه غنشششد مك غنفصلللك على جوج لكنننت مخليييك باقا حية حيث روس كتسناوووك وجات حشومة نعطيهم هدية معطوبة ونفضل يعطبوك هما بطرقهم خاصة
حفصة(وقفات بصعوبة وهي كتشعر بظهرها كيألمها بحالة مصعوقة بالضو): والله لا لمشيت عندددهم والله مانفرق مك لا نتاااا لا دوووك خوك المصنگع وحتتتى لبغيتو تهناااو منني والله لا خليييتك ترتاااح ياوجه الحلووووف وأصلا لو كان فيك الخير لو حطك باك في زعامة ولكن عااارفك خاوي وضعيف باش خلاك حماار كيف ولدك
الكل شعر بتثاقل الهواء حول سكايلر وكيفاش. كلام حفصة صااب منطقة عميقة في قلبو،زير على قبضتو،وعينيه العسلية كترمق حفصة بحقد وكرره قاتل
سكايلر: غنشد ختك خديجة وغنخلي ربعطاش راجل يغتاصبها ونلوحها عند جميع رجال منظمة
حفصة(هزات اصبعها نحوه ورمقاتو لأول مرة بتهديد قااتل كأنها كتنبهو انه يطبق كلامو): كنقسسسم ليك تقيس ختي حتى نمحييك من هاد الدنيا أشياطة
تقدم نحوها سكايلر واااضع ذراعو حول عنقها خانقها بعنف ،خلا تحبس انفاسها لثوااني وطرطق عينيها فيه بقوة،ومع ذلك كانت صادقة في تهديدها ومدات يديها لخصلات شعرو البنية مزيراه عليه مخرجة جميع سمها وعصابها فيييه
عض على. سنانو منين شعر بخصلات شعرو غتقلع من مكانو وهي وجهها بدا كيزراݣ بسباب الضغط لعلى رقبتها
وفي اتصال اعينهم الحااقدة لكانت كافية تولع في البندقية حرب تحرق الاخضر واليابس
، حقدهم مكانش طبيعي او اعتيادي وإنما كان بحال شي لعنة من أول نهار وقعات عينيه عليها مشاف نهار خير وحياتهم كلها ترونات منين دخلات حياتهم،وهي كانت كتشوف فيه كأنه عائق نجاتها بالنسبة ليها ألفا ماشي صعيب بزاف يكفي أنه كيملك مبادئ وكلمة كتخليها تحتارمو من هاد الجانب أما السافل لقدامها، الوغد لصرفقها أول مرة تشوف شماتة كيضري امراة وهي ولا مرة ضربها رجل في حياتها حتى من والدها وهاد البغيض لقدامها عطاها قتلة وخا تكون في عملية كتولد بولد ألفا متنسا هاد تصرفيقة والدقة في الظهر
وفي تحدي شكون غيستسلم. أول ويطلق يديه اختارق رصاصة ذهبية اللون مسافة بين وجههم مرات من حدا جبينها ومن حد عينين سكايلر
في لحظة قصيرة اختافى الحقد والكره ونظروا لبعضهم بجمود والدماء انساكبت من اجسادهم،يديهم على بعضهم رخافت ودقات تنفسهم تبعثرات ووذنيهم صماكو بصوت الرصاصة لكيتردد صداها في اذناهم
ألفا(نطق بنرة عالية كتحمل تهديد قاتل في طيتها): جوج ثواني ونصفيها ليكم بجوج
تركو بعضهم في نفس اللحظة او سكايلر لسبق وطلقها احتراما للكابو ديالو حيث نبرتو كان لا نقاش فيها وكان كتحمل تهديد واضح لكلاهما،ولكن حفصة هي حفصة مطلقاتو حتى جرات يديها بعنف ،مقطعة بعض خصلات شعرو في اناملها ،،
نظر ليها سكايلر بنص عين ويدو لبصعوبة كيعلمها فقط الرب كيفاش أنه مااانع نفسو باش ميقتلهاش أمام خوه فقط احتراما ليه مبغااش يكسر كلمة زعيمو، أما هي فنظرات ليه بكره وباقي متسرطاتش ليها تصرفيقة ،وباش ترمم كبرياءها المبعثر ،ربعات يديها وهزات رأسها بتعالي كتنظر للوحة لأمامها بغرور
ألفا (نزل يدو لماسك بها سلاح من على اتجاههم ،ورماديتيه كينقلهم على الاثنين بنظرات قاتلة ،كان كينتاظر فقط واحد فيهم يهز عينيه ويتيري فيه ، يتهنى من واحد ولاخور غادي يتبت ،الصدااع لكيفتك راسو ومخو مكيحتاملش، مالو على هاد الاعاصير لعايشة معاه، وهو رجل كبر في الهدوء وعاش في السكون وحياتو سالمة، حتى من جانبو اجرامي مكانش كيعتامد على دراما او يتمتع بتعءيب ضحية كان كيكلف سكايلر هو كيجي كيختم لوحتو بتوقيع رصاصة ألفا لكتنقل الضحية لرحلة طويلة لا رجعوه فيا للجحيم...
ألفا:تحركو غنمشيو دابا
حفصة(وجهات نظرها ليه): ياك قلتي حتى سبعة
ألفا: عندهم طيارة بكري خاص نمشيو دابا
سكايلر(رمقها بتشفي وهمس ليها بسخرية):غنتهناو من كمارتك وتمشي بلاصة لكتستاهليها
تقدم بخطوات تابثة نحو اخوه تاركها هي خلفو كتقلا في بلاصتها ومع ذلك حاولت متبينش ليهم خوفها وضعفها
ألفا: تحركي
رمقاتو ببرود مماثل لخاصتو خلاتو يهز حاجبو فيها من فعلتها خصوصا منين لاحظ كيفاش مسحات على وجهها وخرجات بثقة من الصالة منين توقفات أمامو ،هزات عينيها في رماديتيه ونطقات ببرود ولا مبالاة
حفصة: لكنتي غتسحبني غنطلبك غير حلم أصلا نتا ماشي لحميتيني ربي هو لحماني من بطشك وبطش خوك وأنا يقيني في الله هو غيعتقني منهم كيف عتقني قبل غير نتمنى داك راجلي جديد حتى هو ميلوحش مرتو بين يدين مافيا أخرى ويبين على ضعفو
غادرت ببرود للخارج برفقة الحراس لمحاوطينها وهو رمقها ببرود وبلا مبالاة ولحقها بعد ثواني مغادرين القصر وقبضتو كانت مزيرة على راحة يدو بعنف....
كان واضع منظارو على عينيه وهو كيراقب بحرس تصرفاتها وحركاتها لعلع يْوْجَد الصفة او الخصلة لكتميز بها هاد المخلوقة لدرجة أنه تفوق درساتو وحسابتو لجوج مرات على التوالي، زول المنظار من على بنيتيه وصغر عينيه فيها بشك ، كان جالس في مكتبو لكان مقابل مع طوالتها وعينيه كتختارق جمجمتها،كان وجهها حمار بالخحل والتوتر والكل كان كينظر لاستاذهم غريب الاطوار لكيرمقها بنظرات قاتلة متفحصة في أول ظنو أنه معجب بها ولكن ديك النظرات كان تفسر بكلشي إلا أنها نظرة اعجاب كل خمسة دقايق كان كيبدا يضرب مكتبو بغضب وكيحمل مسدسو مائي في اتجاهها كأنه كيدرس ردة فعلها، قام بعض الطلبة لجاهم هاد الأستاذ تافه وغير كيضيعو وقتهم مع شخص مجنون مثلو وكاين لغادر خوفا من حياتو
ايات كانت كتحاول تركز مع الكتاب لأمامها وكدرس أطروحة لكانت وحدة من اطروحات توماس كان باغي يعرف شنو فهمو وشنو حلول لكيلقاوها مناسبة باش يعدلو من نبات الأرز باش يقاوم الجفاف،
وقف للمرة السابعة واقف فوق رأسها واضع مكبرة على وجهها كيحاول يختارق جمجمتها، منين شعر بايات غتهز رأسها في اتجاهو صرخ بقوة واضع مسدسو المائي على جبينها
توماس مت...مت..تهزيش ...راسك.و.و..لا.لا غنقتلللك
آيات (همسات بخجل وهي كتسمع قهقة الاشخاص خلفها):وخا استاذ
توماس(بنبرة تهديدية متلعثمة ):و.و.قفي
آيات (وقفات بدون ماتعكس معاه حيث عارفة غيرشها بالما كيف مرة سابقة منين حاولت تفهمو وجهة نظرها ):وخا
وقفات وهو يتراااجع للخلف هارب نحو مكتبو ماسك درع لكيستخدم في الحرب غير هذا كان نقي ومطهر
توماس: ح..حد حدك. تم.تما
آيات (هبطات رأسها بخجل وهي كتسمع قهقة في آخر الصف وكاين لبدا كيصور ): أستاذ
تومااس: س..سك..كتي...سكتي الشريرة..نتي م..مسي..مسي...فطك مسيفطك. شي حد واش من .مصحة هااا دوووي
آيات (همسات بحرج): أستاذ راك كتحرجني واخا نعرف علاش كتكرهننني
توماس: متنكر...متنك..متكريش نت...ك.كذابا
تصرف توماس غيجيكم غريب ولا عقلاني وعندكم الحق في تصوركم وكلامكم فتوماس عاس فترة مراهقتو وبلوغو في وحدة من المصحات والسبب أنه كبر بين عائلة ثرية في بريطانيا ، عائلة معروفة انها كتملك اكبر مستشفيات في برطانيا وبأمريكا، الاولاد والاحفاد بجانب أنهم كيرضعو الحليب كانو كيرضعو الحبر والارقام منذ ولادتهم، كبر في عائلة كتآمن فقط بالعلم ومحلدين من جد الأكبر حتى الحفيد الاصغر،ويلسون عائلة لاكتساحت جميع مستشفيات اوروبا ، النصف في عائلة كانو اطباء ونص آخر كانو علماء بناسا وحتى توماس مكانش حالة شاذة عليهم وكان عبقري وبزيادة أكبر لكن من صغرو وهو كيتصرف تصرفات غريبة كان كيتخنق منين كان كيمسكو أطفال عائلتو باش يلعبو معاه وكان حساس من عالم خارجي بسباب التلوث الهوائي، والديه بناو ليه منزل صغير بقرب قصرهم وكانو ديما كيكلفو الخدم باش يلبسو لباس معقم ويدخلو يطهرو ليه منزلو الصغير ،كان كيرفص اساتذة لكتجي درسو وهو اكتفى انه يعلم نفسو بنفسو في سن عشر سنوات كان قرا ازيد من 6000 كتاب رقم كبير لفتى في سنو ومكتافش فقط بالقراءة بل حلل كل كتاب بجملة بجملة وعندو مجلدات مكتوبة بخط يدو عن تحليلو المفصل لأي مجال علمي وبسباب قرائتو المعمقة للكتب ،آمن بالإله وفي عيد ميلاد والدو خمسة وخمسين كانت هديتو هي منين علن على أنه آمن بأنه كاينة قوة إلاهية خالقة هاد الكون وكتسير فيه وكتب كتاب كيحتاوي على جميع الدلائل المنطقية وبسباب مفاجأتو الصادمة لعائلتو في ديك الليلة توفى والدو بسكتة ذماغية وجدو بذبحة صدرية، وهكذا عائلتو دخلاتو للمصحة باش يتعالج ولعله وعسى يرجع لعقلو ... ونتيجة كيف كتلاحظو الآن، لهذا لشخص كيآمن بالعلم كمبدأ أساسي في حياتو على رغم من أنه كيآمن بوجود الرب ولكن وجود الصدف هي جملة خارج قانون عيشو وايات دخولها لحياتو كان بحال فطرة ، جميع دراسات لقام بها هادي كثر من تلاث سنوات وحساباتو وحتى احصائية تفوقو الدائم على البشر وحتى الأحداث لكتوقع ديما كيكون توقعو صحيح فمثلا غير لوفيس كان عارفها غضرب ليتوانيا وهادشي بسباب دراستو لتاحت ليه يعرف جميع الدول لمستهدفة من هنا لقدام من طرف لوفي