ياسر: بقات عام ايوا نصبروا ونعرفو هذا شكون وعلاش كيدير هكذا ومن بعد نتفاهمو معاه متافقين يلاه مسحي دموعك
نور(مشات بسرعة خطفات الكرة من يد ياسين وشقات ابتسامة صغيرة ثغرها): يلاه نساو علينا لبكا كنظن داك آدم بدا كيأثر فينا بجوه يلااه شكون لغيحيد ليا الكرة
تنهدو براحة براحة منين خرجات من حزنها اكثر حاجة كتفكر قلبهم هي منين كيسوقو دموعها بالنسبة ليهم نور وخا كانت ذكية ومطنويةعلى نفسها مع غرباء لكن مع عائلتها كتصرف بأريحية وبعفويتها لكتعجبهم هي بريىة لدرجة أنها كل صباح كتطعم العصافير لكيجيو الحديقة ديالهم الخلفية وكطلبات من رياض يصمم منزل صغير على قبل عاصفير في فصل الشتاء كان قلبها كيضرها منين كتلمح صعوبتهم في التحليق
فاقو من سهوتهم على صوة الكرة لصربات في ارض وجراو نحوها كيمزحوا معاها وسرعان ما انساجمو برفقتها في اللعب
نور: نقطة ليا ههه
رمات الكرة لياسر لبدا كيدريبري بها ببراعة على الارض كان كيمررها ببراعة بين كل يد وخلف ركبتو حتى دوخ نور لبقات جامدة في مكانها. وهكذا قدر يتجاوز دفاعها الضعيف ويسجل نقطة
نور: دوختينني اياسر
ياسر: هذا هو اللعب(رما الكرة لياسين لمدار حتى جهد ورما الكرة من خارج الخط وحصل على تلاثة النقاط
نور: مالك كتقتل اللعب هكذاا
رياض: شفتكم مقصرين
نور: هههه بابا(جرات نحوه بحماس داخلة في حضنو ): توحشتك باباتي
رياض(قبل جبينها ونظر ليها بحنان): حتى انا نور عيني كتلعبو باسكيط
نور: اه اجي لعب معانا هاد ولادك حاكرين عليا وريهم. قدراتك في اللعب
رياض: دابا نوريهم باباك علاش قاد (زول لافيست ديالو ورماها في الارض بقرب ساعتو الفاخرة وجمع اكمام قميصو الابيض وشار لياسين باش يلعب)
ياسر: هه واليد كنحتارمك واحبك ولكن انا وياسين راه هربااانين في هاد اللعبة
رياض: بصح يلا ربحتوني نعطيكم طموبيل لأسبوع كامل بشرط لي يسجل عليا هو لغيسوق
ياسين وياسر نظرو لبعضهم بحماس ورجعو انظارهم لرياض ونطقو
ياسر: مشااات
ياسين: الكرة غتكون عند نور باش نكونو منصفين
نور: شفتكم حاكريني راه من صغري وانا كنلعب باسكيط ماشي حيث خليتكم تربحو قبيلة راني فاشلة
بدات كديربلي بالكرة بطريقة احترافية لدهشات خوتها وسرعان ما مرراتها لريااض لنظر لاولادو بابتسامة صغيرة لكانو مركزين معاه وفي عينيهم كانو عازمين على الفوز عليه وغيمنحو ليهم ولكن ماشي ببساطة
راوغهم ووهمهم انه غيمر من اليسار وهادشي لدركو ياسر وتوجه بسرعة للجهة الثانية ولكن رياض كان اسرع منين توجه نحوهم وحاول يصب جل تركيزهم عليه وبدون مايتلقفوا سرعتو في مراوغتو بالكرة بين رجليه ويديه كان مررها نحو نور لكان جدار الدفاع لمن مفترض هو ياسر فارغ في مكانو لهذا رمات الكرة في الشباك وتحسب ليهم جوج نقاط
ياسر:.و.ولكن نتا كنتي غتسجل من هنا
رياض: هداك غير توهيم ويلا بغيتي تسجل او تفور مخاصش العدو يعرف حركتك السابقة انا عرفتكم متحمسين للفوز من خلال عينيكم لهذا ركزتو غير مع حلقة اقوى في فريق لهي انا ونور قلتو امرها ساهل ولكن هذا خطأ فادح حيث انا منين منين شتتكم كان هدفي نخلي الدفاع على نور ومنين لمح انكم شبه نسيتوها رميت ليها الكرة وهكذا ربحاتكم
تتمة.... من الجزء 279
ياسر: انا كيعجبني اللعب الصريح
رياض: اللعب الصريح يلا كان جميع لفي فرقة اقوياء من الهجوم للدفاع لكن يلا كان عضو ضعيف ولاخور متوسط خاص ضروري تفوز بالعقل
نور: راكم كدويو على بابا راه منين كان قدكم فاز بالبطولة
ياسر(نظر لدهشة لرياض): وايلي لوالليد مفراسنااش
نور: ونزيدكم كان هو اللاعب الابرز في الفريق
ياسين(نطق بحماس) وفين هما الميداليات والصور وحتى الجوائز
رياض(بعدم تذكر): معقلتش سول مصطفى كانو كيعجبوه وخداهم
نور: اه راه شفتهم عند جدي وهو لعاود ليا على فوز بابا على التوالي بالبطولة
ياسر نظر لياسين وكانو تسابقو نحو مدخل هو يوقفهم صوت رياض
رياض: نعتابركم انكم خسرتو
توقفو عن جريهم ونظرو لبعضهم بصمت كانت هادي طريقة لياسين وياسر انهمكيقدرو يفهمو بعضهم غير من نظرات عينيهم وهادشي كيخلي نور وحتى والدها يبتاسمو من قوة علاقتهم
ياسين(التافت نحو والدو ونطق): ولاد ارذوجان مكيستسلموش
رياض(هز حاجبيه باستمتاع وهو كيسمع كلامو لخلاه يشعر بالفخر): بينو ليا
ياسر: هي لولة الواليد في لول مبغيناش نضغطو عليك كثر ولكن قضية فيها. رهان سمح لينا
رياض: يلاه كرة عندكم
في اللحظة منين بدا ياسين وياسر دورهم في اللعب كانو كيلعبو باحتراااافية كبيرة حتى من رياض لفاز بتلاثة مرات في نهائي بطولة كان منداهش من طريقة لعبهم المتكاملة لهذا لعب معاهم بجدية وحاول يجعل الطرح الصعيب ومع ذلك ممرش بزااف الوقت حتى اختارقو دفاعو ودفاع نور وسجل ياسين الهدف
ياسر(صافح يدو خوه هاي فايق وربت على كتفو بحمااس): معللللم لوااليد كلمتتك متنساش
رياض(ابتاسم ليهم): غنوفي بها
ياسر: خاص نفكر فين خااص نمشيو
ياسين: نمشيو نتفرجو في النهائي (نظر لياسر وكأنهم تذكرو ضي حاجة وصرخو بحماس): ليكرز لاعبين
ياسر: ههه على زهر عدنا واليد الله يخليك لينا
غيثة: اجيو تاكلو سقاطة جبتها ليكم
نادات عليهم غيثة وتوجهو عندهابعد ماغسلو يديهم في نافورة صغيرة
جلسات نور بقرب ياسر ووالدها، ومن جيهة رياض كان جالسة غيثة وبقربها ياسين كانو كيتناولو في لي سندويش لكانت كتجهزو ليهم وراء كل مباراة
كانو كيجلسو في ارض حديقة كينظرو للقمر لكيعكس نورو على جمالية الحديقة لزرعاتها غيثة ، كان كل بقعة منها كتحمل ذكريات سواء مع زوجها ولا بنتها ولا واحد من توأم كان كتصحبهم باش يزرعوا بيدهم وحدة من نباتات لكيفضلوا وكتخليهم يشهدو على المرحلة الاولى من نمو الزهرة وكتعطيهم يسقيوها ويغذيوها حتى كتكتامل في نمو ويطلقو عليعا اسم خاص كأنها منتامية لعائلاتهم
حديقتهم مكانتش كتعكس جمالية الطبيعة فقط بل كانت كتحمل في طياتها ذكرياتهم وفي كل ورقة من الورود لزرعو كانت كتقبع قصصهم سواء المحزنة ولا السعيدة
كيف نمات هاد الزهور وتفتحات حتى عائلتهم نمات معاها والاكثر من ذلك ترسخات علاقتهم بسباب ذكريات لقضاوها فيها
هادواجزاء ليلة بغيت شي تفاعل يحمر الوجه واراءكم عارفة اغلبيةمتشوقة باش تعرف على ابطال لاخرين لكن خاص حتى نكمل فلاش باك حيث هاد المرحلة العمرية عندها علااااقة قوية بجميع ابطال
متنساوش اراؤكم وتفاعلكم
#كنبغيكم
غيثة: ايوا ياسر امتا عندك مسابقة
ياسر: باقي ليها شهر من ورا لفينال ديال ياسين
رياض(باستغراب): نتا كتلعب مزيان باسكيط علاش اختاريتي لفوط؟
ياسر(نظر لياسين لوهلة لططكان هو اخر كينظر ليه): حتى لفوط كيعجبني وقلت نبدل شوياا ومتنساش ىاني كابطين لو كنت في باسكيط غنكون ثاني ورا ياسين ونتا كتقول نتا وجدي مركز اول او غير وانا كبريائي ميسمحش ليا
نور(همسات في وذن ياسر): ممم حولك جبتي احسن نقطة في فيزيك
نظر ليها بعدم تصديق لتذكيرو بالامر لهذا جرها من عنقها ساقط هو وياها للخلف كيهر فيهاااا
نور: ههه بعد مننني بابا دوووي معاااه
ياسر: ها كتهددي فياا دووي
نور: ههغير كنشوف كذبوووك مخاصش تبقى تكذب كذوب صفة خاايبة وانا مبغيتش خويا يقولو ليه كذاب
ياسر(رمقها بامتنان وقبل فروة رأسها): يخليك ليا في فنيكشة ديالي غيثة عرفتي أحسن حاجة حملتي بهاد الكتكوتة تخييلي لو مكانتش في حياتنا لو ملقيت ليتزاحم عليا على حوايجي
نور(دفعاتو وتوجهات نحو ياسين): معندي ماندير بك عندي خويا ياسين
كان ياسين مستلقي على الارض وواضع راسو على حجر والدتو لكان كتلعب ليه بشعرو بطريقة كتخليه يشعر بسحر الراحة كيتسلل من اصابعها لحواسو كيخدرهم...
وضعات رأسها على صدر خوها و عينيها مسقطوش على ياسر لكيرمقها بابتسامة مستفزة
شعرات بيد ياسين لكان كيمررها على شعرها الفحمي
نور: ياسو امتا عندك مسابقة
ياسين: نهار جمعة في لعشية يلا ربحنا مدرسة لاخرة غنقدرو نتأهلو باش نلعبو في بطولة
غيثة: الله يوفقك
ياسين: أمين
قاطع صوت جلستهم قدوم خادمة
خادمة: مدام ارذوجان كلشي واجد
غيثة: صافي ايناس تقدري تمشي قولي لهجان يوصلك
ايناس: وخل لالة الله يعاونكم
ياسر: واليدة علاش دايرة خدامة وحدة وكتبغي ديري كلشي بيديك علاش كتعذبي راسك
غيثة: واش يلا تهليت في راجلي وولادي وقابلتهم واش عيب؟
ياسين: مقصدش ياسر هكاك زعما على راحتك
غيثة: لا راني فهمت ياسر شنو قصد ولكن انا هي لي اختاريت هاد طريق حيث ماما اختارت نفس طريقي بحكم انها عاشت مع الخدم وجدة كانت ديما خدامة وكانت ديما كتحس بالوحدة لهذا رباتني ومخلاتني نحس بوالو وحتى انا درت نفس حاجة حيث عمر الخدامة ولا اي شخص غيعوض الأم بزااف ناس انتاقدوني وكيقولو ليا علاش خليتي قرايتك وكتقابلي في راجلك وولادك وعرفتي رجال مافيهم ثقة وولادك منين غيتزوجو ويكبرو غينساوك ومع ذلك انا مسمعتش كلامهم حيث(ابتاسمت وهي كتشعر بانظارهم عليها) نتوما طرف من كبدتي نعرف نحرق عالم ونشوفكم فرحانين كنحاول نحقق ليكم جميع احلامكم يلا قدرت عليها ومنخليكم مخصوصين بوالوا ومنخليكمش تشعرو بغياب الام وهادشي راه اي ام كديرو ولكدير العكس فهادي أنانية فالام هي لكتبغي ولادها واش فهمتو شنو باغا نقصد نتوما راكم جزء مني معرفتش واش غتحسوا باحساسي ولكن نور منين غتزوجي وتولدي غتحسي بشنو كنقصد وحتى باباكم نفس الشعور معاكم ياويل شي حد يقرب ليكم يجبد بلا على راسو وبالنسبة عليه هو ديما كان مشجعني وخا كيغغغير بزااف وكان مانع انني نخدم ولكن في اخير ساعدني باش ندير مطاعم ديالي وبسباب تشجيعو ليا قدرت نجح وخا كنت هملتو ديك ايام بزااف وهملتو شويا منين ولدتكم مع ذلك وقف معايا حيث كنبغيه وعارفة انه كيبغيني ولكيبغيك كيبغي يشوفك ناجحة وفرحانة لهذا باختصار منين كضحي ام ولا مراة على اشخاص كتبغيهم وهي عارفة علامن ضحات مكيبقاش فيها لحال بالعكس كتكون فخورة بهم وهاديك. هي اكبر فرحة ليها حيث ماشي جي وكون ام وماشي ام في هاد الدنيا يستاهل يطلق عليها لقب أم وزيدو مبغيتش كثرة خدم حيث بغيتكم تعاملو براحة مع خصوصياتكم وديرو مابغيتو وخا الله يجعلكم تخرجو عريانين مشغل حد فيكم
صمتات وهي كتنظر لتعابيرهم الفخورة بكلامها لهذا شعرات بجسد اصطادم بها مرجعها للخلف لول يد رياض لتوضعات خلفها لكانت استلقات على الارض
نور : حنا فخورين بك ماما وعارفين انك درتي جهدك كامل باش منتخصصوا من حتى حاجة وربتينا تربية زوينة و خليتي خوتي يحتارموني ويبغيوني ويعاملوني بحال صاحبتهم وخا بعض خوت مكيفهموش هاد قضية ومكيرضاوش بخوتهم
غيثة(ربتات على شعرها وقرل ماتكلم شعرها بجسدها كيتهوى للارض بعد ماشعرات بكل من ياسين وياسر محتاضنينها ووسطهم قابعة نور): ههه غتقتلوني
التلاثي(نظرا ليها بفخر): كنبغيوك
غيثة(رقوو عينينها بمدوع ونطقات ): حتى انا كنبغيكم وكثر
نظرات لرياض لكان هادئ ولكن عينيه كانو كيصرخو بثقل المشاعر اتجاهها،نظرتو ليها لوحدها كانت كفيلة تخليها تشعر بامتنان من نفسها في الماضي انها خدات القرار المناسب
غيثة: يلاه نوضو تعشاو بابا مصطفى غينزل دابا
نور: وخنقتووني لوسط وبابا دوي معاهم
ياسر(جرها من وسطها ورماها للخارج): سيري اديك المفشة لهيه
نور(بعبوس): بابا
قام رياض من على الارض وهز معاه نور
رياض: خلينا نمشيو نتعشاو منخليو ليهم والو
ياسر(اعتادل في وقفتو): كلشي الا القص الله يعاونكم
غيثة(قهقهات وهب كتنظر لطيف ياسر): هه داك خوك لضاربو ضاربو على كرشو
قام ياسينوساعدها باش توقف
غيثة(قرصات خذووهي كتنظر للطافتو معاها): بغيت نعرف علااش نتا لكيووت. في ولادظظي كامللين ونتا عاقل فيهم
ياسين(بابتسامة صغيرة): حيث انا لكبير
غيثة: هه يمكن يلاه نتعشاو
... كانو محلقين حول مائدة الطعام مترأسها من جهة رياض ومن جهة ثانية ثانية مصطفى، لجالسة بقربو نور على يسارو ويمينو كان ياسر اما على على يمينو كاان جالس ياسين وغيثة بقربو اما ادم فكان جالس بيناتهم
رياض(قاطع سلطنة الصمت بعد ماهز عينيه في اتجاه اولادو): امدرا كيغادين مع قرايا
نور: مزيان بابا الحمد لله
رياض: سمعت عطاوكم نقاط في فيزيك
ياسر(وحلات ليه الذغمة وهي تمد ليه غيثة الماء):كح كح كح
غيثة: بشوية عليك اولدي ماكلة مغتهربش
رياض(صغر عينيه فيه بشك): شحال جبتو؟
نور: بابا راك عارف كالعادة
رياض(رمقها بفخر): عارف بنتي عبقرية
غيثة(جبدات فيها عينيها): كتعطيها غير نعاس بغيت نعرف كيف كديري ليها
نور(ابتاسمت بغرور مصطنع): كنقول ليك انا وبابا راني ذكية ومكتصدقيش
غيثة: اممم
رياض(نظر لياسين وياسر): ونتوما؟
ياسين: B+ حسن من قبل
رياض: مزياان
نور: هو لول بابا يلا محسبناش انا
رياض(نظر ليه نفس نظرو لمنحها لنور):فخور بكم بجوج (نظر لياسر لكان حاني عينيه في ماكلة)؛ ونتا ياسر
ياسر(هز عينيه ببطء على والديه وبصعوبة باش ابتالع اللقمة لفي حلقو): امم مهم عادي
رياض: شحال جبتي
ياسر: واليد دابا ماشي كلشي عندو قدرات عقلية خارقة بحال بنتك هادي راه عقلها الله يستر وخا مكلخة فشي حوايج ولكن في داكشي دارقام راه كيطرو في السما
رياض: ماشي مشكل ونحيدو ختك وخوك
ياسر: دابا واليد حنا تواام كيف انا ديت زين كاامل هو دا ليا شوسا العقل لكان ليا هادشي ماكاين
رياض: دابا شحال جبتي من لخر
ياسر(عض على سنانو ونطق): F
رياض:(همهم بفهم ونطق): ماشي مشكل تعوضها على اقل متكونش نتا بوحدك ليجبتيها
رياض(فلتات ضحكة صغيرة من نور وظهرات ابتسامة صغيرة على شفايف ياسين هادشي أكيد لجذب رياض وسرعان ماوسع عينيه في ياسر): متقوللش ليا نتا بوحدك
ياسر: ياك الواليد ربتينا نكونو متفردين على البشر وبما ان نور ختي صغير خدات مركز اول حشمت نتزاحم معاها وانا مكنرضااش بالمركز لفي الوسط احتراما ليك اياسين لهذا اختاريت مركز لنكون غيه متميز على البقية
رياض(وضع اصابعو على ذقنو كينظر ليه بعدم تصديق): في المركز الاخير
ياسر:ماشي الاخير يلا عكسناها غيولي هو لول (ابتاسم لباه وسرعان ماغير نظراتو اتجاه نور كيطلي مساعدتها)
مصطفى: هذااك لكيسولك على نقااط هو براسو جاب F في الاحياء
ياسر(نظر لوالدو بتفاجؤ وسرعان مارجع انظارو لجدو): وايلللي اجدي عمرك ماقلتيها لينا
مصطفى: وزيد سقط داك عام نجحتو غبالفلوس
نور: نو وااي
رياض: دابا علاااش كتجبد ماضي امصطفى
مصطفى: باش متحكرش ليا هلى حفيدي نسيتي ايامك نتا(نظر لأحفادو. بتلاثة وحتى لآدم): عيشو حياتكم كيف بغيتو في اخر جدكم وباكم عندهم فلوس
ياسر: الله يطول في عمرك اجدي الله يخلي ليفهمنا (نظر لعائلتو): في اخير كيقولك من شبه ابيه فما ظلم
غيثة: ههه دابا صافي براكة من قرايا غتكونو عييتو منها يلاه تعشاو ونوضو تنعسو باش تفيقو بكري
ياسين: بلاتي لواليدة ياسر بغا يقول ليكم شي حاجة
ياسر(نظر ليه باستغراب): شنو
ياسين: داكشي لدوينا عليه في طموبيل
قطب حاجبيه بتفكير ومجرد ماتذكر حتى وسع عينيه وشار لياسين باش يسكت
ياسر: ماكاين والوا تصبحو على خير
مسكو ياسين. من ذراعو قبل مايهرب ويلاه غيتكلم ثاطعاتو نور
نور: تؤتؤتؤ ياسر خايف هه زعما كنت كنظنك مكتخافش وداكشي لفي عقلك كتقولو خساارة صدقتي جبان
ياسر(رمقها بعدم تصديق من كلمة جباان): كيفااش جبااان الزعامة لفيا مافي حد والواليدة شاهدة
نور(نطقات بنبرة رقيقة كيف صوتها العذب) : ايوا مالك مقادرش دوي وكترعد غرااسك
ياسر: شوفي هاديك بلاماتستافزيني
نور(نظرات لوالدها): عرفتي بابا ياسر صدمني ولا كيخاف يعبر على داكشي لكيخالجو لدرجة انه ولا كيتهرب
ياسر(بتهديد): نور
نور(تجاهلاتو وكملات كلامها): وهو مقاادرش يمشي في طريق لكيحلم وكيبقى عايش غير في الوهم ديالو وهذا كيتسمى الضعف ولالا ابابا
ياسر(نطق بغضب): شكونلقال ليكانا ضعيف انا اصلا كنتسنى غاللحظة المناسبة باش نقول ليها كنبغييييييك
غيثة(نطقات بصدمة): كتبغيها
وضع ياسر كفو على فمو ممصدقش شنو خرج من فمو يلاه غيوبخ نور لكانت كتبتاسم بانتصار وهو يلمح غيثة واقفة ليه عند راسو
غيثة(بنبرة حماسية): شكون هادي لكتبغي وشنو سميتها وفين كتسكن وشنو جنسيتها وشحال عندها من عام
ياسر: والدية ماكاين
غيثة(صفعات كتفو ): متكذبش عليا وقول ليا على اقل شنو سميتها(جلساتو بزز منو في الكرسي ونظرات لنور لقامت من الكرسي لكان بقرب خاصة ياسر وتوجهات عند باها جالسة على قدمو اليسرى) يلاه دوي
ياسر(حك مؤخرة راسو باحراج ونظر للكل لكان كينتاظر جوابو رحتى من آدم المكتئب أما جدو فكان مبتاسم انه عارف سابقا بلملكات قلب ياسر ارذوجان): سميتها صفاء
غيثة(بفضول): وكيديرا واش زوينة
ياسر(وضع راسو على راحة كرسي كيبتاسم غير راسو وساهي في الثريا ): بزااف مسماوها صفاء حتى صفاء
وسعات عينيها في كلامو والتافتت لرياض لكان هو ايضا مبتاسم ابتسامة صغيرة كينظرو لولدهم العاشق
غيثة: ومنين كتشوفها كيف كتحس
ياسر: كنكون عادي كنضحك وغير كنشوفها كنحس بقلبي كيضرب في حلقي وكيبقاو يدي غير يرتجافو ومنين كتدوز من حدايا ولا كتدوي معايا منين كيسفطها استاذ عندي كنقسم ليك انني كنحبس النفس كنخاف نزبلها قدامها ديك البنت بيرفيكت، خسارة لو دابا مزوجين لو باها مجراش عليا تلاثة مرات
غيثة(صرخات بصدمة): كيفاااااااش
ياسر(فاق من سهوتو ونظر لوالدو لكان هاز حاجبو فيه كيرمقو ببرود): واليدة هادددشي متفااقناش عليهع علاااش كتجبدي ليا لساااني و.و.(مالقى مايقول): غنطلع نععس
غيثة(جلساتو بزز منو في كرسي ونظرات ليه بغضب طفيف): فييين غتمشي كيفاااش خاااطب البنت وبلا بينااا
ياسر: واليدة غتقولو ليا برهووش وانا باقي قاصر
رياض(نطق بهدوء): السن كيبقى غير عمر ولكن العقل هو كلشي يلا كنتي باغا معقول وبغيتي ديك البنت عليك تجي عدنا
ياسر: وراه فايت ديت جدة حسنا وجدي مصطفى وجدة بدات كتحتاقر فيهم بعد مارفضونا
غيثة: علاش رفضوك ؟ بغيت نفهم
ياسر(ابتاسم ليها بحزن ونطق بمرارة): كيحسبوني برهوش وغكنتفلا وكيقولو ليا راك غير مفشش ومتقدرش على زواج
رياض: من ناحية مكذبوش لو جا واحد وبغا نور غادي نخرج ليه عينيه لفكر يشوفهم بها
غيثة: ولكن نور راه صغيرة عندها غربعطاش حتى خمسطاش ممكملاهاش وياسر مبقاش ليه بزااف على ثمنطاش
رياض: من اي اب الحق يخاف على بنتو غيثة فهمي وضعهم
مصطفى: وانا منين مشيت معاه فهمتو لكاين وان بنتهم غتعيش معززة مكرمة ولكن رافضين ومتسبثين برأيهم قال ليك نتا ماشي ولي امرو وقال لشي هدرة استفزاتنا
رياض: واش كتبغيها
ياسر(نظر لباه لكان كيرمقو بجدية ونطق وهو كيشعر بالمرارة في حقو): كنبغيها
رياض:صافي غدا غنمشيو دار نطرقو داك مسمار ونجيو باها من لخر باش يعرفك مكتفلاش واننا ناوين المعقول وديك هدرة لقالها ليك مصطفى دابا نرجعها ليه(نظر لغيثة لكتراقبو بلوم)بطريقة غير مباشرة
غيثة: شوف حبيبي الحب ماشي عيب ونتا ماشب لخاطرك بغيتيها قلبك لباغا مغاديش نلومك غير متخبيش علينا حاجة مثقلة قلبك صافي
ياسر(نظر لعائلتو بامتنان واحد واحد): شكرا ليكم بزاف
ياسين: قلت ليك حنا عائلة ومشكل فرد فينا كنحلوهم مع بعضياتنا
ياسر(رمقو بامتنان ): معرفتش كيفاض نشكرك هدرة قبيلة نفعاتني
نور: احم احم
ياسر: حتى نتي البريهيشة وها استفزتيني على اقل كانت ايجابية في موضوع
نور (كتفوه بنعاس): غنطلع نعس بونوي خاص نفيق غدا بكري........
في اليوم الموالي
نور(ضربات ارض بغضب طفولي): ولكن علاااش ياسر غيمشي وانا لا
غيثة(وضعات يديها على خصرها ومنزلة رأسها كتنظر لبنتها ): حيث غنخطبو ليه
نور: ولكن انا راه ختو خاصني ضروري نمشي معاه
غيثة: عندك قرايا خاص تمشي واصلا مكاينة حتى حاجة رسمية غير غندويو معاهم وصافي
نور: ولكن ولكن بابا عف
غيثة(قاطعاتها بحزم ): دويت هي دويت ومغنخليكش تقولبي باباك بدوك شوفات دياولك وتخليه يعدلل قراري يلاه دويت
نور(ضربات الارض بزعف برجلها اليمنى وربعات يديها مخاصمة غيثة ): مدويش معايا انا مخاصمة معاك
غيثة: في اخيى غتجي تصالحيني في ليل
نور: مغنيجش يالاه خطوبة خويا وممخليانيش نمشي
ياسين(وضع ذراعو على كتفي نور وجرها. نحوه مغادرين نحو السيارة): راه عارفين
توقفات نور عن المشي ونظرات للخلف كتفحص بعينيها جسد شخص ما
نور: شفت داك آدم الكئيب مكاينش
غيثة: مشا لوس انجلوس عند والديه
نور: ياك غيثة هو يشد العطلة وحنا لا
غيثة: مشادش العطلة وانما ماماه توحشاتو ومشا عندها وزيدي متبقايش تقولي ليه الكئيب بقاي تشفاي حتى تولي كثر منو
نور: الله يخفظني واصلا هو لديما عاابس الانسان خاص يضحك شويا ويفوج باش يعطي حتى طاقة ايجابية ناس لحولو ماشي التوتر وزيدي انا خاصمتك يلاه ياسين نمشيو
غيثة(نظرات لرياض باستسلام): كيفاش كتصبر لفشوس لكبرتيه فيها
رياض: عندنا غوحدة ندير عليها المستحيل باش نشوف ضحكتها
غيثة: ايوا سعداتها اسيدي
يلاه كان غيقبلها ريااض وهي تبعدو
غيثة: مكفاكش الماتش لي لعبنا البارح بقينا حتى نصاصات. الليل
رياض(قهقه قهقهة صغيرة ووضع يدو خلف مؤخرتها ضاغط عليها برفق): من امتا وانا كنشبع منك ها
قاطع صوت حوارهم نزول ياسر بسرعة امامهم
ياسر(بتوتر): كيف جيتيك ياك مزياان كنبان مأدب وولد ناس ياك
غيثة: اويلي اش ديك وردة لداير في عنقك دير كرافاط حسن
ياسر: لا لا هكذا حسن صفاء كتعجبها
غيثة(قهقات بعدم تصديق وهي كتنظر لرياض): ويلي ولدك هبل مافيها شك
ياسر بلع ريقو وهو كيتخيل وجه باها الكاغية كيرفضو للمرة الرابعة حك يديه بتوتر ووجهو. عراق وحمر
رياض (ربت على كتفو): زير اصاحبي ونتا كتفكرني في مك منين بغات تولدك زير مغتموتش بنت مادريش فيك هكذا
ياسر(هز حاجبو في باه ونطق): واليد نتا غير كتشوف واليدة كتحل فمك فيها لهذا بلا مادوي على التحكم بالنفس
رياض(وسع عينيه فيه بصدمة وقبل مايوبخو كان هرب من امامو): شفتيييع شفتتتي فشووشك
غيثة(عدلات ليه كول لافيست ديالو وعضات على شفايفها بدلال): وعلاه كذب ياك أنا لكنزعزع حصون قلبك
رياض(قبلها قبلة خفيفة على شفايفها): راك أسرتيه في عينيك
غيثة(بادلاتو قبلة صغيرة وقبل مايتعمقو كانت فصلات شفايفهم ومسكات راحة يدو): خاص نمشيو نخطبو ولدك حتى نجيو ونكملو الشغال
رياض:اودي هاد ولدك خلاني بلاخدمة صبااح وشركة في هاوية
غيثة: نقدر نمشي انا وبابا مصطفى بلا ماتعذب راسك
رياض:تء بغيت نمشي ندوي مع باه من أب كأب واصلا مكاينش ليشغلني على ولادي وخا خدمة
ابتاسمت ليه ودخل تجلس في المقعد الامامي بنجانب رياض لكان جلس خلف المقود وياسين كان جالس في الخلف كيفكرك يديه بتوتر
وصلوا الإخوة بجوج نزل ياسين وخلفو نور لكانت لافة يدها حول ذراع ياسين
نور: فين عمران مولفة كيتسناك هنا
ياسين: مغيجيش
نور(نطقات بخيبة امل): متقولش ليا غير انا وياك لغنقرااو ليوم
ياسين (قرص انفها بلطافة وجرها للداخل بينما هي كانت كتجر يديها في الارض محاملتش دخل ): عندهم اسبابهم
نور: وراني ملييت اياسين من قرايا قرايا علاش كتقراو وبابا لباس. عليه
ياسين: باش ميقولوش هادي كتعتامد على باها لعندو فلوس وهي مكلخة
نور: يقولو لبغاو مغيبدلوش حقيقة
ياسين(استأنف كلامو): غيثة مغتبغيش
نور: امممممم(همهمات بزعف وهي تستند رأسها على ذراع ياسين ) بفف حياة معادلاش
كان رياض كينظر لغيثة بهدوء وهو كيشر ليها تكلم مع ياسر حسن مايتكلم معاه هو ربع ساعة وهما واقفي قدام باب الدار
غيثة: ياسر يهديك الله
ياسر(صرخ يتوتر):بلابلاتي نشوف شعري(خرج مرآن من جيبو داخلي في لافيست نظر لشكلو كان معدل ونظر لربطة عنق لكانت خانقاه ومع ذلك. احتامل على نفسو باش يبان بمظهر لائق): صافي صافي
هز رياض يدو باش يطرق وهو يوقفو ياسر
ياسر: عرفتو. شنو غنرجعو مغيبغيش باها انا عارفو
غيثة: واش باغي تعصب مي هاد نهار ولا شنو تبث الارض (دقات في الباب قبل ماتسمع كلامو وهو يجمد في بلاصتو كأنه كينتاظر موعد عدمو ) الله يصبرني مع هاد سلعة دشينوا ديال دولاد بغيت نعرف فيمن شبهتو انا وباكم ماشي هكذا
رياض : غيثة بلاماتزيدي عليه
تفتح الباب وظهرات من الخادمة لمجرد ماشافتهم لمحات ليهم باش يدخلو، تبعوها للداخل وعينين غيثة كيتفحصو المكان بينما رياض كانت عينو على ولدو لكيحاول يقويه من خلال يدو لماسكة كتفو
جلسو فوق فوطوي ومتوسطهم ياسر لشد في يديهم بقوة مخلاهمش يتركوه
رياض(نظر لغيثة ): مكذبتيش والدين غسلعة شينو
دخل رجل خلفو رجلان كان في مثل سنو تقريبا وفتى صغير عندو شي عشر سنين تقريبا
الرجل(اب صفاء):مسيو ارذوجان زيارة غريبة هادي
رياض: بغيت ندوي معاك في موضوع متعلق بولدي وبنتك
هكذا تكلم معاه رياض مالقى لا سلام لا كلام دخل مباشرة في صلب الموضوع حيث بالرغم ابتسامتو مع غيثة وياسر منسااش ان هاد الشخص لواقف امامو رفض ولدو كثر من تلاتة المرات وزيد مرفوض غلوحدو رفضو بوجود مصطفى والدو لرجل رزين وعتقل وكذلك بوجود السيدة حسنا خالة غيثة لطانت سيدة أنيقة حديثها فقط يحكي ليك على تداريب لخاصتهم باش تصبح سيدة من الكبقة المخملية يضرب بها المثل في الجمال وفي اللباقة لهذا هو جا هنا ماشي باش يخطب لياسر وانما باش يعرف سبب رفض هاظ الشخص امامو لولدو بطريقة عنيفة
الرجل(خشا يديه في جيوبة ونطق باستعلاء): بنتي صغيرة كيف سبقت وقلت لباك مستحيل نخليها تزوج في هاد العمر
رياض(وضع رجل فوق رجلو وسيجارة فاخرة وصعها في فمو كينفث الدخان بهدوء): لهذا بنتك في عمر 15 عام خطبها ولد عمها ووافقتي وبسباب مشاكل تفارقو ودابا كتحاول تقنع والدتها وهي باش تخطب لولد العمراني ولد خالها