مجد(رمق انتوني بملل): قلتي غنفطرو
بيدرو: هادشي قبل مانتعطلو هنا يلامجيتيش في وقت كتحمل مسؤولية افعالك
مجد: ودابا شنو
انتوني: سامويل وجايكوب عندهم فحص عند طبيب وحتى انا غنشوف واش خرج ليا نضاضر وبيد
دخل سجين في انتوني لسقط على بيدرو لمكانش تحرك من مكانة بسباب ضخامتو
سجين(رمقو باشمئزاز ): شوووف قدامك شي شويااااا
انتوني( عدل نظراتو لمكسرة ايها عين ورمق حماس السجناء بفضول): معرفتش شنو واقع علاش كلشي جاي لجهة المصحة
بيدرو: معرفتش يمكن طاحو فشي ضحية جديدة
جايكوب(كان كينقز وماسك يد خوه): ههاها طبيبة زوينة
انتوني(هز عينيه في جايكوب وجرو من كول قميص): شكتتتقول نتااا كيفاش طبيبة
جايكوب: ككيكيي سمعتهم هييهي كيدويو
انتوني(قبل ماينطق سمع كلام السجين لمر بقربهم)
- ميمكنش صاحبي شحال تيتيزة عرفتي كنت بغيت نحطها تحتي .. صدق دوك حميير ديال بوليس محطوطين فوق كرنااا
انتوني(مرر لسانو على شفتيه كشخص مجنون منين سمع كلامو وشابك يديه بحماس كيحاول يمنع نفسو من الدخول باش يرحب بالطبيبة الجديدة باحسن استقبال و يمارس معاها السجن ومن بعد يفضطصل ويشرح جسدها ولكن في اخير تحركات الحراس لفي خلفهم منعاتو من تكملة خيالو
الحارس: تحركو مغنبقاااوش هنااا اطباء مجايينش يضيعيو الوقت معاكم
شكلو صفين في كل جانب من الحيط كان كيوقف صف من السجناء كيدخلو جوج ويخرجو جوج .. ومن الخارجين واحد كيكون فرحان والاخر غضبان..فلول فحصاتو طبيبة ابتسامتها المشرقة لفي نظرهم نورات هاد السجن اللعين بينما الثاني كان معصب من داك الطبيب الشاب لكان هو ايضا يلاه تخرج ولكن لغضبهم كثر هو ارتجافو وخوفو من مسك مشرط
كان راسو منساند على الحائط وعينيه مغمضين كالعادة ويديه وجيبو في سروال من بعيد غظنو غير مرهق ولكن من قريب غيلان ليك غير ناعس وبالنسبة للناس لكيعرفو يقراو وجوه غيلان أنه غير مغمض عينيه ولكن عقلو كيسجل اي حركة دازت حداه ولا قام بها شخص ما وبالنسبة للناس ذو التفكير العميق غيقراوها شيء مغاير تماما عن المذكور سابقا
وهكذا بعض نصف ساعة دخل انتوني وبيدرو بينما سامويل وجايكوب داارو حالو وفوضى مبغاوش يدخلو حتى ضربوهم الحراس عاد دخلو ويخرجو في أسرع من دقيقة أما أنتوني فاحلامو المرات منين بيدو حراس يديه ورجليه باصفاد حديدية وهددو الشرطي لاه اي حركة غالطة في اتجاه الممرضة غيصوبها لمنطقتو الحساسة..أكيد وهو كيطمح مثل البقية يكون صديقها الحميمي ، لهذا منين خرج انتوني حزين لأول مرة كانت غريبة على بيدرو هاد الاخير لرفض مع نفسو انها تفحصو امرأة وفور مادخل مع انتوني كان مشا عند طبيب وجسدو كلو كيرتاجف بخوف من الادوات الطبية على الرغم من ضخامة جسدو
في اخير جا دور لوردنا النبيل لدخل برفقة شاب حنطي البشرة، وبما أن مجد كان قرب الباب فكانت له السابقة يدخل هو الاول ، وكطبيعتو توجه لأقرب كرسي استلقى عليه وقرر ينعم ببعض الثواني من الراحة بعيد على الصداع لبرا
لهذا منين دخل السجين ثاني كانو تقاسيم الغضب مرسومين على وجهو ولكن غير لمح مجد فين مستلقي وبقربو واقف طبيب لكان كيبحث على ادوات اللازمة للفحص،نظراتو تغيرو بسرعة لوحدة فرحانة ، رمق طبيبة باعجاب منين كلام اصدقاؤو كان مطابق لكيشوف فيه دابا
اما طبيبة فهزات حاجبيها بإعجاب وبفضول من هاد الشخص لملقاش عليها اي نظرة او كلف نفسو باش ينظر ليها وخا دخلو قبل شويا ربعة سجناء غريبي اطوال ناهيك عن التوام لغير تلكامت معاهم بلطف ابتاسمو ليها بارتياح وسمحات ليهم بالمغادرةمنين لمحاتهم خايفين،اما الشخص لعندو بنيةجسدية ضخمة وخا تجنب باش ينظر ليها ولكن لمحات وجهو المحمر من الخجل منين كانت كتلمحو كينظر ليها باختلاس ، لهذا هممات باعجاب من شخصيتو صلبةامام النساء واكيد عرفاتو شكون هو خاصة وأن نشرات الاخبار كدوي حاليا فقط على قضية مجمد المرجولب والانهيار الاسهم المفاجئ لشركة adj
لمحات الشرطي لقيد ليه يديه وحتى الحراسة تشددات بعد دخول الخماسي الاخطر بالسجن وخا في نظرها ونظر الحراس وحتى. السجناء انهم الحلقةالاضعف في هاد السلسلة..
السجين: عرفتي ا لالة طبيبة, جنبي كيحرقني بزااف مكنقدرش نعس ومنين دخلت دابا ولا كيضرني قلبي واش مكاينش شي حل ولا دواعندو مفعول سريع
قلبات عينيها باستخفاف بحكم انها سمعات هاد الهدرة اليوم كثر من ستة مرات وبفضلو غتولي للمرة السابعة.
طبيبة(بنبرة هادئة ): خليني نفحصك حيث مزال سجناء لاخرين كيتسناو فرصتهم
اماء ليها راسو بحماس وعينيه مرو كي سكانير عليها لمح ليلتها السوداء لي لابساها مع جيب كحلة في نفس لونها مع قميص اخضر عشبي اسفل المئزر الطبي وحذاء ابيض اللون خصلاتها الشقراء كانت ممزوجة مع لون خصلاتها طبيعية لي باللون القهوة منين نظر لشقة صغيرة من قميصها لكيبرز قليلا صدرها بلع ريقو وهو كيحاول يمنع شهوتو من تغلب عليه خصوصا هادي مدة طويلة باش مارس الجنس كثر من عام وهذا بحد ذاته جحيم اكبر من جحيم السجن...
خرج بعد ما أتم طبيب فحصو ليه وقبل مايودعو الآخر توجه بخطوات رزينة نحو الخارج تحت انظار الكل المستغربة عكسها هي. لجذبها تصرفو وكيفاش كانت نبالتو والرقي ديالو واضع من مشيتو فقط...
مجد(خاطب انتوني): شنو دابا
انتوني: غنمشيو نسيقو حمامات بما ان السجناء لاخرين كيفضلو يهزوا حجر على يغسلو الخنز ديال الحراس
تقدم مجد بدون مايجاوبو نحو المكان ومنين دخل كانت حالة الحمام كارثة كبرى لدرجة أن بعض من الفارط واصل للسقف كيفاش الله اعلم
مرر سقريتيه كيتحفص المكان بتقزز ولأول مرة غيلمحو هاد تصرف من جيهتو توجه لانقى مكان وهي النافذة لكانت الفوق كانت بقربها رف كبير مصنوع من الياجور طلع تم واستلقى ببطء عليه بدون مايتكلم معاهم
بيدرو: وااااش غادي نخدمو غبوحدنا و...
قاطعو انتوني كبريت على كتفو
انتوني: خلينا نكسبو غثقتو بعدا باش يولي يتيق فينا
بيدرو(دفعو قليلا ونطق بنبرة تهديد): عرفتتتتي وهادشي ديالك ميخرجننناش غنهري لمك داكشي لبقا ليك في نظاظر
.........
خرجات من غرفتها نازلة متأنقة كعادتها وملابسها وكتى شكلها كينزف من الثراء وكيوضح حياة البذخ لعايشة فيه هاد الكائنة كل قماش من جسدها ولا رائحة كان من لي براند عالميين ومع ذلك كانت كتلبس على ذوقها الفريد والمتميز لكيدل على فتاة من الطبقة المخملية بأمريكا
نور: صباح الخير ماماتيه
غيثة: مساء النور راه وحدة دابا
نور: كنت درت واحد كوماج وزيدي ستفت دوك حوايج لدمونديت عليهم
غيثة(كانت لابسة فستان من لميبرا باللون الازرق الداكن نازل من على كتافها بارز عقد الالماسي لكان هداه ليها زوجها بمناسبة ذكرى التالثة لزواجهم وكان طول الفستان واصل حد ركابيها بينما شعرها كان مجموعة على شكل كعكة من الخلف وخصلات غرتها كانو نازلين من جانب نواضرها): فكرتيني خاص نكلف هجان يجيب ليا حوايج غيكونو واجدين
نور: واش ديال حفل خيري
غيثة(هزات عينيها فيها وكانت نور هازة ايباد ديالها كطالع في اخر اخبار اليوم)؛ اه مكرهتش نأجلو بسباب داكشي لوقع مجد ولكن فات الفوت بطاقات الدعوة عند المدعووين
نور(كتفحص جهازها): حتى نتي اغيثة ماشي هو اول واحد ولا اخر واحد يدخل الحبس
غيثة(تنهدات بتعب من كلامها): كيضرني قلبي منين كنسمع هاد الهدرة وخصوصا منك نتي بالذات أنور
نور(غلقات ايبادها ونظرات لغيثة بهدوء):شنو باغا مني ندير اغيثة
غيثة: شوفي انا معرفتش علاش نتي ورياض مبغيتوش تساندوه ومغنبززش عليكم يلا مبغيتوش ولكن نتي انور معرفاش مجد شحتل كيعزك في قلبو وشحال كتعني ليه بزااف
نور(نزلات نظارتها لكتحميها من اشعة هاتف ونظرات بزرقوتيها من اسفلها): غيثة واش منيتك كدووي
غيثة(توجهات جالسة بقربها ومسكات مرفقها ):كنقسم ليك أنور حتى كنقول حقيقة واش غنكذب عليك ، مجد صغرو كنتي نتي هي كلشي في حياتو لدرجة كان كيقول ليا انه بغا يأسس معاك عائلة
33/100
نور(قاطعتها): اغيثة راه كبر وانا كبرت وهو كبر وهدرة كتبدل
غيثة: بفف معرفتش كيف نوصف ولكن داكشي ماشي حيث صغير ديت على هدرتو ولكن طريقتو انور وزيدي مجد كان ذكي وسابق عمرو بزااف ومنين كان كيقول هدرة كان كيعنيها وكيطبقها وكان كيقول ليا انك نتي نور حياتو لهذا سماك بنور
نور:دابا شكتسناي مني
غيثة(تركات مرفقها واستلقات بظهرها على ظهر فوطوي): والو غير تكوني مرتاحة وصافي عرفت راسي غطلت منين بززت عليك نتي وباباك خصوصا نتي باش تديري حاجة نتي مباغاهاش ولكن كنت معصبة في ديك وقت وكنت كنتصرف بلا عقل خصوصا مجد كنعتابرة ولدي ومنين شفت عائلتي واقفة ضدو بقا فيا حال بارح سمحي ليا نوري صافي (قبلات خذها بحب) سمحي لماما دك لكانت جرحاتك بدون ماتقصد
نور(ابتاسمت ليها بحب ): ممقلقاش منك وزيدي عارفة قلبك هشيش من جيهتنا وجهة اي واحد كتعرفيه وعارفة منين كتعصبي كيف كيقول بابا كتولي غير دخلي وتخرجي في هدرة بلسانك وصراحة متافقة من حيث لسانك سليط
غيثة(مدات يدها لخصر نور لكانت نقطة ضعفها)*: ها تجمعتتتي عليا نتي وبااك وليتي كتقولي ليا لساانك سليط
نور(قهقهات نور بصوت عالي بسباب هران غيثة ليها ومنين خاولت تبعدها مثدراتش بسباب ضحكها لسخفها): ههههههه غيثة هههههه وا هههاهااهاخههه غيثة حيدي يدك ههههههه ماما عفاااد هاههةهاعاهاع
شقات غيثة ابتسامة واسعة منين لمحات قهقهة ابنتها عاد الاخيرة هي بدورها مدات يديها نحو بطن غيثة كتهرها
غيثة: هاهاه هههههه حيدي يدك هههههههعع غتقتلللني بضحك ههههههه و..ههههههاهاهاها نوور يدكك ههههه
نور(سقطات هي وغيثة الارض كيهرو في بعضياتهم تحت نظرات الخدم المبتسمة):هههخهه طلقي ههاهاهاه عاد نطلق هههههه ولا لا ههههعععاها
غيثة: هاهاها ههههههه غتقتلنني ههههههه على ههه على تلاثة
نور: ههه صا..هههاها صافي هههه
على تلاثة كانت كل وحدة جمعات يديها ومع ذلك منين نظرو لبعضهم انفاجرو في الضحك من جديد كانو مستلقيين في الارض ورجليهم كانو على الكنابي
نظرات لغيثة لنور بحب وهي كترمق بنتها زهرة عمرها كبرات ولات فتاة شابة فاتنة في الزين
غيثة: الله يخليك ليا
نور(ابتاسمت ليها وهي كتبادلها نفس النظرة): ويخليك ليا اعمري
غيثة(نقطات بحماس): يلاه نمشيو نشوفو تحضيرات ديال الحفل الخيري فين وصلات
نور: علاش ياك باقي وقت
غيثة: قلت ليهم يعدلو في ديكور معجبنيش وبما ان ذوقك زوين بغيت لمستك يلاه معايا
نور: وبلاتي نقاد حالتي شوفي كيف ولينا
34/100
غيثة(زولات مقبط من شعرها ونطقات) وانا لمن صبااح وكنقاد في شعري
نور(خدات المقبط من يدها ):انا نصيبو ليك شتي هكذا جاك حسن
غيثة: ماشي هادي لكدير كيندل جينر
نور(قلبات عينيها بملل): هي ماشي اول وحدة غير ناس كيبغيو ينفخو لواحد وصافي
غيثة: امم كيف نافخينك نتي وفينما نطلع في انستا يبانو ليا تصاورك ولي فوكونط مرات كنتصدم وكنقول واش نتي ولكن عارفك معندكش مع مواقع تواصل اجتماعي وخا هادشي جاني غريب مع وحدة بحالك
نور: شنو فائدة انني نتصور ونلوح تصاوري ويعرفني بنادم كيف عايشة واصلا صوري كيتباعو بثمن في جرائد
غيثة: ههه سيري قوليها خوك ياسر لقرب يولي عندهم خمسة وعشرين الف متابع ونصهم بنات
نور: حيث هو متابع غبنات
غيثة: وباش عرفتيها؟
نور: كندخل مرة من تيلي بابا وكنشوف داك التخربيق ليكلوح وتصاور ممفهومينش وخا مانعرف علاش بابا كنحس بهم فرحان وفخور بداك التصاور العجب
بعد انتهاء الكل من مهامو الغالبية فيهم كانو عظامهم مسحوقين من التعب سواء لاشتغل في حمل الاحجار ولا لي نظف المراحيض وحتى انظف المطعم كانت حالة السجن في فوضى لهذا منين دخل السجن كانت حالتو مريحة وحتى ملابسة كانت كتبري بالنقاوة بشرتو البيضاء كانت لامعة ومشرقة علىبقبةتحت انظار الحراس الأمنيين لخماسي أمام انظار الكل...كان هو خاشي يديه في جيوبو وكان كينظر للسجان بملل بعينيه الصقرية لكتعسل بالنعاس
توجه قبل ماينطق الحارس بالكلام نحو الطباخ لكان كيسكب ليهم عصيدة مع خبز كارم وبعض من حبات زيتون بدون عظم تفادي لوقع حادثات الانتحار ،،، الكل كان كيفتارسوه بعينه خصوصا كان بحال شي فطرة في سجن اغلب سجناؤو كانو ذوي بشرة سوداء او سمراء وهو الوحيد لكان شعرو كستنائي وبعض من خصلاتو كانو ذهبيين خاصة بسباب طولتو لكانت كتخليه جاذب انظار
نظر ليه الطباخ من اسفل عينيه وغير ملأ طبقو توجه بتمختر وبخطوات رزينة نحو اقرب طاولة فارغة والسجناء لكانو معاه في نفس الجناح كانو لاصقين فيه مثل الفراشات كيطوفو حوله..
ملقى ولا ذرة اهتمام لباقي السجناء او لقى عليهم نظرة جانبية بالعكس بل جلس بهدوء كيتناول طعامو بطريقة لبقة خلات بعض السجناء يشعرو بالذغمة كتوحل ليهم في حلقهم وبعضهم بغا ينوض يصفيها لهاد المدلل ويكفاش كيتباهى بمكانتو وثروتو
فور خروج الحراس الامنيين، التافت شخص بدين نحو مجد لكان عاطيه بظهرو هاد الاخير ونطق
الرجل: كنتي قلتي شي هدرة منين دخلتي السجن بغيتي تكررها
انتوني(بلع ريقو وعدل نظراتو لكان مكسرة من جهة عين ): ك..كيدوي معاك
مجد(هز حاجبو فيه بكسل)
بيدرو(مسك يديه لكيرتاجفو بالخوف ونطق): قال ليك قلتي شي هدرة منين كنتي داخل السجن بغاك تعاود تقولها ليه
مجد: من اداب الطعام مدويش في ماكلة
التافتت كيكمل الطعام تحت نظرات البعض المافجئة من جوابو بينما اخرى قهقهات بغضب من غرورو وحدة اخرى سخرات من جوابو
السجين١: خونا،كيسحب راسو في دار باه
سجين٢: دابا يخرجوها منو نراهن عليكم بعشرة دولار انه مغيكمل اسبوع حتى يبدا يبكي ويطلب فيهم
سجين ٣:كنراهن ولكن على شهر كنظن يقدر يصمد على 47 دولار
السجين ٤: كنراهن بخمسين دولار ان العصابة تقدر تاخد فيه فدية كبيرة بعد ماتهدد والديه
نطق داك بدين بصوت مرتفع ومخاطب الكل ومع ذلك عينيه مفيكسين على ظهر مجد
البدين: كنراهن على مية دولار مغيكمل اسبوع حتى ينتاحر
نطق واحد من الرجال لذو بشرة سوداء ولكان واضح من شكلو وحتى الناس لجالسين بقربو انه كيملك عصابة فرعية في السجن
كيفن:كنراهن ب200 دولار انه سجننا غيدخلل تاريخ من ظهور اول عبد اشقر بريطاني للعرق الأسود
وقف واحد من الرجال واضع ستيلو في يدو ستيلو اخر فوق اذنو وجيبو كان مليئ بمئات اقلام لسرقها من مكتبة وشرطة كذلك كيكتب اسماء المراهنين مع رهان ديالو وكذلك الثمن ديالو
الحماس عم السجنناء وهما كيصرخو بسباب متعة جديدة دخلات السجن ، الشيء لخلا الرباعي الاخر يندم علاش يجلس بقربو حيث بجلوسهم معاه جذبو هما كذلك الانظار وعرفو بدل ماينقذهم صدق مغرقهم في مشاكل هما اكبر منها ومع ذلك مقدروش يقومو من مكانهم حيث فات الفوت سواء بجلوسهم معاه او قيامهم مبقات حتى فائدة تم الاختيار انهم قضي عليهم لهذا انتوني كان كيتجب نظرات بيدرو القاتلة والمتوعدة هاد الاخير لكان كيدعو الرب داخلو بالنجاة وكذلك كيطالب بالمغفرة
البدين: كندوووي معاااك ولا صماكيتي منين تحطيتي في معقوووول وحلفت امام الكل انني غندمك وغنخليك سباطي لكنمسح به بولي بغيتك دور وتوااجهني كيف اووول نهار فين هو تخراااج العينين لكان فيييك
استمر في تناول طعامه بهدوء كأنه هو الوحيد لجالس في القاعة مهامو الضحك لضحكو عليهم مهامو الافكار الجنونية لكانو كيقولوها السجناء وحتى طرق التعذيب لكانو كيقتاروحها على البدين وعلى الرجل العصابي الاخر لكان متلذذ بافكارهم ولا حتى على الرهانات لكانت كدور عليه وعلى ذكر الرهانات تقدم نحوه الرجل لكيجمع الفلوس وعطاه يكتب اسمو، مجد كان انتهى من اكلو في هاد اللحظة مسح فمو بهدوء من مشوار لكان في جيبو كيف لقاه بلاماتسألوني..
جامع نقود: كتب سميتك وعلاش كتراهن وبشحال كتراهن
مجد(بنبرة خمولة): انا مفلس
على ذكر هاد الكلمة الكل قهقه في صخب من جوابو ظانين انه كيمزح بينما هو كان كيقول الواقع انه مفلس وحتى عماد حالف بحلوفو لعيطيه شي ريال لهذا هو في حالة ما أسوء من الفقر
جامع النقود(نظر ليه بجمود من كلامو لكينافي مكانتو الارستقراطية): اوه
مجد(خدا القلم منو وابتاسم ليه ابتسامة كسلانة): مغنرفضش طلبك
جامع النقود(هز حاجبو بعجب من ابتاسمتو وحتى الخوف لكان منعادم فيه وهادشي لاحظو سجناء منين بدا كيكتب بدعلى الدفتر خلاهم يبلعو ضحكهم ويترقبو بفضول شنو كتب)
مجد: كنظن هادشي كافي
جامع نقود:والفلوس؟
مجد: داكشي لمكتوب كافي
عبرو بعينيه بتعجب ونظر لكتابو وتعجب من خطو لكان كارثة حرفيااا ظن أنه غيوجد خط جميل مثل الخط الايطالي لكن فاجؤوا بهاد البشاعة لي عينيه ومع ذلك كان الخط مفهوم وهادشي فاجؤزا شويا لكن مكانتش اكبر من المفاجأة المكتوبة
البدين(بنبرة فضولية خاطب جامع النقود): شنو كتتب
جامع النقود (باقي كينظر لمجد باستغراب وخرجات كلمة وحدة من فمو):هاد خونا حمق بلاصتو في سبيطار حماق(نظر للبدين ورجل عصابة لكان جالس خلفو مع جماعتو): راهن انه بعد شهر لغيصبح متحكم في السجن هما جايكوب وسامويل وراهن ب..
رجل عصابة:نطق خلاااااص
جامع النقود: راهن بتفاحة
رجل عصابة(ضرب مائدتو بغضب قبل مايقلبها ويصرخ بنبررة غاضبة):واااش كيتفلااا علينا ولا دايرنا ضحككة شفتو مخاايفش
جامع النقود(خاطب مجد بخوف):جاوبو
مجد(خشا يديه في جيوبو ونطق بابتسامتو الخمولة ): قلت ليك انا مفلس
جامع النقود: قال ليك هو مفلس
البدين (هز طبق ديال شخص ضعيف البنية وشارف على مجد لهاد الاخير ظهرو تلطخ بالعصيدة ): دووور منين يكونو رجااال كيدويو معاااك خاااصك دوووور
مجد(زووول سترتو بهدوء رماها على على الارض بدون ما يلتافت ولا يقوم من مكانو كان مرتادي اسفل بودي ابيض اللون وأكامو طوال حتى لكوعي يديه،غمض عينيه بهدوء كيحاول ينام وهو جالس )
هنا طفح كيل رجل عصابات من تحركاتو المستفزة وتوجه نحوه بغضب وجميع السجناء بداو كيصرخو بحماااس
كيفن(رجل العصابات،): واااش كتفلاااا علينااا واش عاارف راسك فين طحتتتتتتي... انا لمتحكم هناا كلشي كيمشي بكلااامي مبقيتيييش عااايش في الرفااهية راااك وليتي عايش تحت يدي وتحت رحمتتي وتحت كلامي واوامري لغتنفذها يلا بغيتي تبقا حي ورجل من فوق
مجد(فتح عينيه ببطء عليه وابتسامة صغيرة ترسمات على فمو):متشرفين
كيفن(سدد ليه قبضة لوجهو خلا حباسة يحمل اطباق ديالهم ويبداو يضربو معالقهم بها بحمااااس): هاااد نهاار غندمك وغنووريك شكون هو كيفن
قام كل من الطبيب والرجل الصخم وحتى التوأم بخوف منين ضرب مجد وقبل مايهربو لمحو كيفاش السجناء حاوطوهم في دائرة مانعينهم من الخروج من نظراتهم الجائعة لكتنهش اجسادهم والمتعطشة للدماء عرفو ان هادي هي لخرة ليهم وهادشي بسباب مجد لبيستفزازو قدر يجذب انظار اخطر رجل عصابي في السجن لتحكم عليه بربعين عام ديال السجن