............
بينما العالم كان كيشهد على موتى جداد، وعلى ضحايا مجهولة تخلدات في مجلد منظمة لوفيس ، وعلى دولة غيتعاد بناءها من جديد بسباب حظها السوداوي في ذكرها في قائمة المنظمة الاكثر رعبا والاكثر غموضا بدرب التبانة...
وبين اختلاف المشاعر بين كل شخص وبين كل شعب وكل عرق...
فالبعض كان فرحان من نجاتو ومن فوق كان مسرور بأن الدولة المستهدفة كانت دولة آسيوية وأن العرق الابيض مكانش مستهدف هاد الصنف-العنصري- لمعانا هو حفيد هتلر بلغة اخرى كل ما كيهمو نفسو #اولا ثم العرق الابيض....
ام البعض الثاني...زفروا هواء الراحة بعد ماكتاب ليهم عمر جديد في هاد الدنيا وما كان عليهم غير يتأسفوا للضحايا لثواني بموتهم الشنيع وفي نفس الوقت كانو كيكتبوا تغريدة لحماسهم ..
أجل هذا هو التنقاض بعينهم، عقلهم موهمهم بشيء بينما قلبهم واللا وعي ديالهم كانوا غير آبهين بالانفجار بتاتاَ وكنبغي بكل رحابة صدر نسمي هاد الصنف -(المنافق)-
وكاين صنف اخر.. لزفر بغضب وعصبية بعد ما تعلن عن دولة اخرى غير دولتو وهي المستهدفة، كسر جميع الأثاث لفي منزلو جرح رسغو بالسكين ووقف امام مرآة حمامو كيراقب عينيه الميتة بحقد وغضب ممزوج بنكهة الحزن... و للمرة المليون كيتأكد ان الدنيا غير عادلة حتى في الموت...ولكن يلا بحثي مزيااااان في اعماق اعماق قلبو.. غتلقا وريدو كيرتاجف من فكرة الموت بديك طريقة وداخلو مكرهش شي يد تساعدو تخرجو من هاد الاكتئاب وهاد المتاهة لكيغرق فيها عقلو نهار على نهار
وكاين صنف لمتواجد بنسبة اقل من خمسة بالمائة في هاد العالم لبصح شفقات وحزنات على الحادث لوقع داك الشعب ولكن مع ذلك لو سألتيهم واش تكونو في مكانهم فغينزلوا راسهم بخجل ويقضروا يفروا من أمامك...
وهنا نقدروا نلخصو من هاد اصناف الاربع في البشر بين العنصري والمنافق والجبان والخ... أن غريزة الحياة هي لكتحكم فيهم وكيشاركوا فيها كاملين وهادشي عارفاه منظمة لوفيس وبظهوروها السنوي كتبغي تعري على الوجوه الحقيقية للبشر وتكشف على نوايهم السيئة لمزروعة في كل واحد رغم اختلاف العرق او اللغة او اللون فالانسان كيبقى انسان ودائما نفسي نفسي هي مقولة لكتنفس بها..... يعني مغيركمش دوك جمعيات لحقوق الانسان او المنظمات العالمية لصدعو ليكم اساتذة التاريخ بقوانينهم واتفقاقياتتم ...
فين هو حضورهم أمام هاد الحوادث الشنيعة... فين هي صررخاات مليون او ملايين الشعوب لتدمرات جراء اللوفيس
تيتمات عائلات و ترملوا ازوااج وتحرموا اباء ومع ذلك ولا جمعية ولا منظمة من لشاد بها الاعلام في كل نشرة في كل ساعة تاسعة ليلا مكانوا حاضرين ولو غير يبينوا حضورهم بطريقة غير مباشرة.... حتى وحدة
ههه واش اللوفيس وخا شريرة ماشي كتوضح على نوايا الحقيقية للبشر....
وبسجن كاليفورنيا الغني عن المعروف {سان كوينتو}
وقبل اعلان عن الدولة لوقعات بين نار لوفيس..
كان اليوم هو يوم استحمام السجناء لفي جناح د ..
وللغرابة كان رشاش المياه متواجد قرب كرسي الحمام ...
قضب مجد حاجبيه بعدم رضا ، ولكن مكان عليه غير يدخل اسفل دوش يزول عليه العرق والوسخ...
ونفس الشيء قامو به السجناء الاربعة لمتواجدين في نفس الجناح معاه ....
وبعد مااضغط احد حراس على الزر الازرق ولتوضح انه هو الزر لكيسمح بخروج المياه...
وعلى ذكر الحراس خليني نوصف ليكم طريقة مراقبة الجناح د
كانوا تلاثين كاميرا على اقل في هاد الجناح، والامر ماشي غريب نظرا لخطورة ساكنيه... كانوا شرطيين هما لمكلفين بمراقبة اواضعهم من خلال برج ملتاصق مع الجناح...
الحارس الثاني(كان مستلقي على كرسيه وواضع رجليه بقرب الازرار الكثيرة لمتعلقة فقط بجناح د... قضم من دونات لحامل في يدو ونطق بملل): شنو بان ليك نطلقوا شي اغنية نحتافلو بها بعمرنا الطويل
الحارس الاول(اكتاسح،قليلا من شايو وحرك كتفيه باهمال): طلق طلق نحيدو هاد ملل
شغل واحد من الحراس اغنيتو المفضلة لكانت اغنية اسبانية Aserejé
الحارس الثاني (لمح صديقو باستغراب ): شنو هادي
قهقه الاخر باستمتاع ونظر ليه بحماس
حارس١: هاد اغنية معندها حتى معنى واحد راجل من كوبا من امريكا اللاتينية كيقولو مشا لأمريكا وبالضبط شي حفب بامريكا وبحكم مكيعرفش اللغة الانجليزية خؤج هاد الاغنية
حارس٢: ايوا علاش دايرها؟؟
حارس١: اغنية وخا معندهاش معنى كتخليك تهز ترمتك بلا شعور
وبالطبع كيف قال هاد الاخير الاغنية بدون شعور كتلقى نفسك كتهز معاها ورك او كتؤرص شي رقص غريب وهذا راجع للحنها وايقاعها الحماسي..
وتحت انظار السجين الضخم لراقبهم من الزجاجة لكاين في اعلى الحائط
السجين: على اقل غير يمزكونا معاهم شي يشطح شي يدوش بالبارد
الحارس الثاني: شبان ليك نشطوا معانا هادو شفتهم ولاو مملين
الحارس الاول: سير سير خلينا نشوفو موهبتهم في الرقص
وبعد ثواني قليلة كان كسر صوت المياه لكان مسيطر على الجناح صوت اغنية لكيرتافع تدريجيا..
التوأم قفزوا بخوف بسباب الصوت لمرتافع وسرعان مبداو يتأقلمو معاه .. كيف بدا كيتأقلم معاه جميع السجناء... لبدون شعور بداو كيحركوا اجسادهم كيرقصوا من الايقااع
وفي كل ماكيرتافع ايقاع كيترافع هرمون الأدرينالين داخل اجسادهم وكيخليهم يخرجوا جنونهم ومواهبهم المدفونة لكان تقييمها لحسن الحظ اسفل الصفر
ومع ذلك كان لوردنا البريطاني هو الوحيد لمحافظ على هدوؤو وفور ماانتهى من الاستحمام استلقى في فراشو كيحاول ينام او يتنامى بينما التوأمين كانوا كيهزوا مؤخراتهم بحال الفتيات بينما السجين الضخم كيتحير بشعرو وهو كيتخيل نفسو شاد غيتارة روك بين اناملو اما الاعجب والغريب فهو السجين ذو النظارات لكان كيرقص بلسانو وكتفيه..!! حقا كيمتازوا بمواهب تستحق الدفن
تحرك الكابو وخلفو الاخرين لكيمشيو بتفاني وتباث معاه
الآن حان وقت الجد والجدية،بلاصة لغيمشيو ليها مكاينش فيها نسمة الغلط او الارتباك ولا ثمن غتكون حياتك، قبل مايدخل للغرفة كانو حراس واقفين تم امام بوابة فحصوا الاشخاص لخلفو من غيره هو وسكايلر لتوجهو للداخل
ولي دخولهم تصادف مع وجود بعض قياد المهمات الكبيرة في المنظمة..لمجرد ماشافو الرئيس وقفوا باحترام ليه ونظرات باردة وجدية ظاهرة من ملامحهم القاسية
لقى عليهم نظرة كالمعتاد وتوجه لكرسيو الخاص لكان مرأس القاعة..
في عالم المافيا الايطالية، كرسي الكابو كيتعتابر رمز للسلطة والقيادة لهذا ماشي غريب تميزو عن باقي الكراسي من النظرة الاولى. تصنع من اجود واندر انواع الخشوب ،كان بارز على البقية بزخرفتو لكتعكس طابع العراقة والتراث الايطالي في تفاصيلو، لكانت مطرزة بشكل دقيق بدون خطأ وبدون مانساو شعار المنظمة لكان محفور على راس الكرسي وكذلك في طاولة الاجتماع الضخمة...
ستيفانو: صفقتنا الاخيرة لمتعلقة بتجارة الاسلحة في استراليا حققات نجاح كبير وقدرنا نوسعو حتى نفوذنا في السوق السوداء وجاونا رسائل باش نضمو عصابات محلية لمنظمتنا (مد ليه ملف ازرق) خدينا كاع معلومات عليهم وراه كاتبين حتى ميزات ديال عصاباتهم يلا نضمو لينا
الفا:كيفاش مرات الصفقة
ستيفانو: كانو تحديات جديدة كالعادة ولكن بناء على الخطة لحكمناعا بدقة قدرنا نكملو صفقتنا بسرية تامة وحتى اثمنة الأسلحة بعناها بثمن اكبر بنسبة 5% على ثمنها الاصلي وهادشي بعد ماعجباتهم جودة منتوجاتنا
سكايلر: خاص ضروري نوسعو دائرة شبكتنا كل ماتزادو عدد حلفاء وتوابع زادت قوتنا حيث سمعت كلام ان المافيا السوفيتية كتعمل لضم حلفااء جداد قويين منهم المافيا النيجيرية واليابانية لهذا خاص نركزو مع مشروعنا الحالي حيث واحل ليهم في حلقهم
ماركو: مع ذلك فكرنا علاش مندخلوش تجارة بالالماس بما أننا عدنا موردين ومشترين موثوقين وحتى شبكة عملائنا غتكبر
الفا(نطق بنبرة باردة): هذا اختصاص مافيا لتابعة الفوكس لهذا فكرة مرفوضة، كيف قال سكايلر غنركزو مع مشروعنا ولا داعي تهدفو لأي حليف ولا مستثمر حيث بالنجاح هما لغيعرضو دخولهم وغيرضخو لقوانينا .بالنسبة للتجارة الاسلحة والمخدرات ركزو انكم تعززا علاقتنا مع حلفاءنا الكلومبيين والكوبيين والمكسكيين وبالنسبة لعملائنا الألمان والكنديين والانجليز فراه كنتعاملو معاهم منذ وقت طويل مغنلقاوش مشاكل
بعد ماتعرضو البقية او اعضاء لخارجين المنظمة لفحص كامل بعض كل واحد فيهم وضع اسلحتو وهاتفو او اي جهاز كيربطهم بالعالم الخارجي
لهذا ولا بد من تواجد بحال هاد الاجراءات الامنية الصارمة لكتحفاظ على سرية الاجتماعات و لكتطبق عن الكل باستثناء الكابو ويدو اليمنى
فور دخولهم توجهو لأماكنهم بانتظام بحال الروبوتات وجلسو على مقاعدهم لكانت مبطنة باناقة كتناغم مع تصميم القاعة لكيفوح بالسلطة والقوة..
بعد مالمح انضباط الجمع،وصابين كل تركيزهم معاه شار بيدو على بداية الاجتماع وهنا فين نطق جوفاني لكان مسؤول الاستخبرات في المنظمة
جوفاني(شعل الشاشة الضخةم لكانت متوسطة جدار القاعة ونطق بنبرة باردة): جميع معلومات عن اعداءنا لكانو كيترصدو لينا في هاد ست اشهر الأخيرة موجودين في هاد القرص مع الأدلة على حركتهم وحتى نقاط ضعفهم وبتعاون مع قائد ااقوة العاملة قدرنا نتوصلوا لحل مناسب
لوكا(قائد قوات العاملة لمسؤول على تجنيد اعضاء المنظمة وتدريباتهم): بعد دراسة مفصلة لنقاط ضعفهم وقوتهم بمساعدة خبراء النفسيين اختاريت الركيزة f2 لتلقات تدريب لمثل هاد حالات في حالة شنات الحرب بيناتنا
ألفا: المعركة مغيكونش عندها تأثير جيد لكلا الطرفين ، OFC كتسنى غلطة منهم باش يترصدو موقعنا ومكاننا
سكايلر: وهكذا غضرب عصفورين بحجر هادشي غيكون غير تهور منا خاص نفكرو في طريقة اخرى
الفا:(نظر لإيمانويل لكان خبير الابتزاز): هذا هو تحذير الاخير من كازا نوسترا ويلا رفضو كعادتهم فهنا جا دورك نتا وماسيمو (مهندس المتفجرات ) وأنتونيو(قائد عصابة محلية في ايطاليا) خدمو على خطة مزيان ورسلوها لسكايلر
ميلو رأسهم دلالة على فهمهم ونقل رمايديته اخيرا للحلفاء الجديد لباغين ينضمو للمنظمة وبقربهم العجوز خافيير راقبهم بعناية وبدقة كيحلل في كل حركة ولا تعبير من وجوههم
خافيير هو رجل معروف في عالم الاسود ديال مافيا معروف عليه طرف محايد في المافيات لهذا هو لكيربط بين مافيا واخرى وهو لكيكون وسيط حتى كتم الصفقة وليوم حضر معاه ربعة ديال الاشخاص جوج باغين يكونو حليفي للمنظمة والثانيين باغين يدخلو مستثمرين جدد في المشروع الجديد ومن خلال الاجتماع القصير لحضروه قبل قليل مع خادميه عرفو ان الالفا رسل ليهم رسالة خفية عبر اوامر لرسل الاخرين ان غلط واحد مع كازنوسترا غيكلفك الثمن
خافيير: شكرا على ضيافتك الفا في هاد يومين ودابا كنظن جا وقت الجد لهذا كنقدم ليك مسيو ماثيو كولمبو بغا يكون حليفكم خاصة في قسم المخدرات عندهم عوز صغير وبالنسبة لكل من لكان عضو سابق في الياكوزا ومسيو جايمس نورتي فالي بغاو يكونو مستثمرين في المشروع
سكايلر: واش قريتو بنود وموافقين عليها حيث لو غير بند او شرط موجود الوثيقة تختل او خالفتو المكتوب ماشي غير نتوما لغتموتو وانما حتى عائلاتكم موافقين
نطقو الرباعي بثقة:موافقين
شار لسكايلر بحركة فهمها هو الاخر وقام من مكانو بعد ماشار لمستثمرين باش يتقدمو معاه
الفا(طرق باصبعو على الطاولة ونظر للثنائي المتبقي بتفحص): قانون الولاء ، قانون اوميرتا ،قانون القائدية
هادو هما قوانيني وتشريعاتي تلزمتو بهم هي هاديك متلزمتوش هي هاديك
الثنائي: مفهوم
شار لستيفانو باش يمد ليهم ملف باش يوقعو على اتفاقية الحلف باش يبداو العمل مباشرة
جلسات على طاولة الطعام الخاصو بالمتدربين ونظرات الكل كانت عليها حاولت تجاهلها وجلسات بقرب خديجة وأمامهم صهيب
صهيب: عرفتي نهار بلا تدريب كيدوز مكفس
خديجة(بهمس) : لأول نوافقو في حاجة
مريم: ايوا على هاد حساب غنقول ارتاحيت
خديجه: بصح وديك راجين مدارت ليك والو
مريم: بقات كتدوي كعادتها وفي اخير خرجات عند صحباتها
صهيب(ربت على يد مريم ونطق بنبرة حنينة):غنمشي دابا رئيس فرع بغاني فشي حاجة
مريم: وخا
مجرد ماغادر صهيب توالات الهمسات لكانت كتحدث على مريم وكيفاش كتحاول تقرب من المدرب باش يساعدها في القبول بشكل رسمي في المنظمة
خديجة: مديش عليهم امريم خليهم يقولو لبغاو ونتي دربي مزيان وريهم قدراتك هكذا غتسكتي ليهم فامهم
مريم: مكرهتش امريم ولك راك عارفة قدراتي
خديجة(نطقات بهمس غير مسموع): متنسايش تحت من تدربنا تحت عم بابا عمي ادهم لكان هو رئيس المنظمة ديال OFC كاملة تخيلي الامر، وهو اعظم رئيس مر ليومنا هذا كيف خبرنا بابا ومتنسايش لعام لمشيتي امريكا ودربتي تحت يدو تذكري حركاتو كلها وحتى حركات مرتو متخليهمش يحبطوك عقلتي منين تعصبتي كيفاش خرجتي فيهم قديم وجديد
مريم : متافقة معاك خديجة ولكن منكذبش عليك تحبطت بزااف ماشي هادي منظمة لكنت كنحلم بها كنشوف الظلم والاستحقار والمدرب بنفسو اعتارف ليا انهم مستهدفيني
خديجة: مكنتش سولتك ولكن مالك مع المدرب شنو وقع علاش كيعاملك بديك برود كنعقل وخا وقع مشاكل قبل الا انه عمرو تجاهلك وكان كيحاول يطورك من مهاراتك شنو وقع وبلاما تكذبي عليا
مريم: مهم قصة هو معرفتش كيغنبدا ليك ولكن (حكاتها ليها عن حادثة لجمعاتها هي وسهيل وياسين) وصافي هادشي لوقع
خديجة(وسعات عينيها فيه بصدمة):بلاتي بلاتي واش هكذا تصاحبتي معاه اش هاد لخرااا
مريم: بلاما تزيدي عليا
خديجة: واش عرفتي شنو داار ليك هو حطك بين جوج خيارات غير عقلك باش ميبقااش يفكر عرفتي انا غنمشي ندوي معاه
مريم(منعاتها منين مسكات يدها): صافي اخديجة اصلا راه كيعجبني ونتي عاؤفة هادشي لهذا قلت نعطيه فرصة
خديجة:تعطيه فرصة بأنك تخسري علاقة مع مدربنا
مريم: مشفتيهش هو هدرة لقال
خديجة: بسيف وهو كل مايدور يلقاه في وجهو
مريم: دابا علاش كدافع عليه
خديجة(توجهات هي ومريم للخارج بعد ماكملو فطورهم): ماشي كندافع عليه ولكن كنقول حقيقة فراسك انه تحدا رئيس باش نتي تخرجي ، دافع عليك وهدد حتى رئيس تخيليها وفي لخر تقولي عليه ديك لهدرا
مريم: بلاتي كيفاش هاد بلان
خديجة: كيفما سمعتي هادشي سمعتو من واحد مدربين كيدويو فيه وزيدي شحال سوايع وهو كيدوي مع الرئيس اما داك سهيل بقا غير كيطبطب ليك على ظهرك وصافي ومقدر يمشي حتى يهدر مع رئيس ولو يدافع عليك راه في الهدرة كلنا كنعرفو ندويو
مريم: خديجة راه عاود ليا شنو كاين وهو كان غيمشي عند رئيس في ليل ويقنعو وزيدي هو عطانا تليفون بالسر يعني غامر براسو باش نبقاو نتواصلو مع والدينا على راحتا
خديجة: ايوا هادي حاجة وحيدة لدارها مزيانة ولمشاو حتى حصلوك مشيتي فيها وشوفيه واش يوقف معاك تاني
مريم: نساي هاد موضوع
خديجة:انا نسيتو كنتخيل غير حفصة منين تعرفك انك تصاحبتي غتشدها ذبحة قلبية
مريم(ظهر الحزن منين ذكرات حفصة ): واش باقي حتى شي خبار
خديجة(زيرات على قبضة):باقي وخا حسيت بابا عارف شي حاجة ولكن حتى خبار مكاينة
دخلوا لمكان التداريب وبداو كيدورو على الساحة كيقومو بالإحماءات
خديجة: مهم نساي علينا النكد وعندي يقين بابا غيجيب لينا ختي ونتي حاولي تفكري في ديك علاقة على اقل ميكونش داك خونا
مريم: اربي علاش كتكرهيه
خديجة:راه قلت ليك قبل فيه غير الهدرة
مريم: بغيت نعرف عندك خمسطاش وعقلك كبر من عمرك
خديجة: منين كتولي تقراي روايات وقصص كتكبري قبل وقت وشتي وخا عمري تصاحبت ولكن رجال شربتهم قولي ليا قمر كيديرا لباس عليها
مريم(لمعو عينيها بفرحة): الحمد لله بخير بارح كانت فرحانة مع بابا وماما تخيلي بقيت كندوي مع وحدة صباح
خديجة(ربتات على كتفها): على اقل قاتلي على قبل قمر ديالك
مريم: عندك الحق
وقفو جوج فرقات بانتظام وهما كينتاظرو كوماندان ياسين يتكلم هاد الاخير لمرر مقلتيه عليهم بهدوء
ياسين: بعد هاد تدريبات لقضينا قيمت قدرات ديال كل شخص فيكم وابتداء من اليوم غتولي توقفو فرادى وعلى حساب لاج
لمن خمسطاش لتمنطاش في صف ولمن عشرين لاثنين وعشرين في صف
ياسين: بالنسبة لي جونيور نبداو مع المتدربة خديجة الفارسي تابعها المتدرب عزيز ال روزيني
بقا كينادي على الصغار لكونو صف متكون من عشرة متدربين ومباشرة قام بنداء صفها هي وصراحة مكانتش متفاجأة انها غتكون الأخيرة ومهتماتش بالأمر
ياسين:اليوم غتكون عدنا سلسة من تدريبات
اول حاجة غدربو على الزحف في الوحل وفوقكم الشبكة يلا لمسها غتكمل الزحف ديالك وغتكرر الزحف حتى ميلمسهاش ظهرك
من بعد غندوزو غندوز لتدريب على العجلات خاصكم تمشيو بسرعة و تحفاظو على حركتكم وتقدرو تسيطرو على استقرار جسدكم منين تمشيو فوق عجلة ونفس الشيء يلا زمطتي فوق المطاط الاسود غتخرج وتعاود الكرة ومن بعد غتمشي على هاد العصا ديال التوازن لكتحرك ويلا سقطتي غطيح في وحل لفيه براز ديال الكلاب
مريم(ظهرو ملامح التقزز على تقاسيمها كيف الكل
ياسين: ومن بعد غتسلقو هاد السلم وبيد وحدة حيث يد الاخرى خاصكم تهزوا بها بوديزة ديال خمسة ليطرو مربعة الشكل يلا الماء نقس على الخط الاحمر لمرسوم تم غتمشيو تعمرو الماء وباش تعمروه خاصكم تمرو من ديك العصا التوازن حيث بقربها كاين تم مصب ديال مياة وغترجعو من جديد وتكملو طريقكم وحتى منين تنزلو مخاصش يطيح ولا غتعاودو من جديد ومن بعد غتمشيو تحملو حقائبكم وغتمشيو بها على ظهركم وغتحاولو تجرو حبل باش يسقط واحد الباب وباش يسقط خاص تكونو على شكل مجموعة واحد ولا جوج ميقدروش يسقطوه وهنا فين غيبدا تمرين الفعلي ديالكم
مريم(في نفسها):واش هذا حماق هادشي كامل ويلاه غيبدا تدريب؟؟
ياسين: وغيطلعو ليكم الواح من اشخاص سرقو بنك وخاصكم تمسكو المجرمين واكثر شخص صاب الاعداء غيكون هو الفائز وغيتعفى من هاد التدريب لغيكون يومي
ودابا عندكم خمسة دقايق باش توجدو راسكم
توجهات نحو مكانها فين وقفات مع الربعة لخرين وهي الخامسة كتنتاظر اشارتو لمحات كيفاش اغلبية وحلو في التمرين الاول وكيفاش الوحل كان كيثقل حركاتهم خصوصا البنات لكان شعرهم منسادل كانو كيصرخو بأمل لهذا بدون شعور لفات شعرها على شكل كعكة وتقدمات للأمام وهي كتنظر باقي صف أمامها لمحات وحدة لقدرات تخرج من تمرين الزحف وهي روبي وفي نفس الوقت خديجة قدرات تنجح ابتاسمت منين لمحات قوة بنت خالها وغير تحرك الصف لأمامها تقدمات هي لأمام
ياسين: طلقي شعرك
مريم: ولكن مكنعرفش نتدرب وشعري مجموع
ياسين: مكاينش مكنعرفش ولفي هاري ديك بانضة
لاحظات تغير نبرتو وكيفاش خاطبها وهو متجاهلها كليا وعينيه فقط على المتدربين لكيخوضو التمارين
ياسين: عطيي ديك بانضة
مريم: الشاف مغنربط
ياسين: بانضة
منين سمعات نبرتو الآمرة مداتها ليها واستعدات لدورها بدون ماتعلق
ياسين: تحركو
تقدمات بسرعة وهي كتشعر بالأدرينالين كيترافع داخلها بسباب الحماس لممتازج بالخوف
دخلات للاسفل زاحفة اسفل الشكبة وأكثر ماعانت معاه هو الوحل لكان كيثقل حركتها مع حذائها العسكري لبطبعيتو كان ثقيل وحتى ملابسها وقبل ماتزحف نفس المساحة سمعات جهاز صغير كيرن على سترتها تنهدات بعنف منين عرفات أنها خاصها تكرر من الجديد الزحف وماشي غير هي لغضبات بل سمعات شخص خلفها كيشتم نمشيو عند خديجة لكانت كتحاول تمنع نفسها من السقوط خصوصا بعد ماسقطات روبي وشاب خلفها تذكرات تمرين والدها وحتى شعرات بالعصا هدآت شويا وهي تحرك بسرعة وفي كل ماكانت كتشعر بالعصا غتميل ليسر كانت هي كتعاكس حركتها للجهة الاخرى ووبقات غادة في هاد منوال لكيتطلب السرعة والتفكير اللحظي وحتى لا شعور ديالك خاص يكونو سريع مع سرعة الاستجابة للمشكل
مصدقاتش نفسها منين تجاوزت الخط وراقبت كيفاش روبي كانت ساخطة عليها خاصة وانها صغر منها في العمر لاحظت مدربها لكان كيراقب تحركتها لهذا تحمسات كثر باش تكمل تمرينها ومشات نحو برميل الحديدي كتحمل ديك بوديزة الماء وملأتها حتى تجاوزت الخط الاحمر توجهات نحو السلم وحاولت تسلقو بيد ويد الاخرى تحافظ على الماء لكن مكانتش كتفوت الدرجة ثانية حتى يدها اليسرى كانت كثقال عليها و كيتسكب عليها الماء وهنا ضربات رجلها بزعف ومشات في عصا ثانية كتحرك بنفس الخطة ولكن هاد الة بسباب غضبها كانت سقطات رمقاتها روبي باستنقاص وحملات هي قنينة الضخمة وبسباب سنها وحتى قوة يديها قدرات تنجح في اختبار ولكن في لحظة لغدور للجهة الثانية باش تنزل تسكب منها قليلا الماء ولتجاوز المسموح عنه وهي ترمي القنينة بغض في الارض
روبي: يخخخ اش هاد الزهر مشات بسرعة نمو العصا الرجوع وهي تسقط كذلك بسباب
روبي: اععع شهاد الزهر
ابتاسمت خديجة بانتصار وهي كتنظر ليها وفي هاد الحظة كان وصل شاب لي لياقتو بدنية كانت قوية حاول يجر الباب لكا ثقيل ومع ذلك مااستطاعش
مريم: اء خديجة واش طحتي شوفي حالتك
خديجة: بلاماتفكرني عفااك انا فقصتني غير ديك قرعة ما
مريم: انا تلاثة دقايق واحلة غير مع ديك شبكة
خديجة: غنمشي دابا نخليك لتسبقني ديك السامة
مريم: اوكي
نظرات مريم لمتدربين لساقطين في الارض وكاين منهم لاستسلم خصوصا رائحة لي لصقات فيهم كانت اوفر مكتستحملش
مريم: مستحيل نطيح نتوسخ بهادشي ومشكل خاص ضروري ندوز من هاد العصا خاص نفكر فشي حاجة
بقات كتنظر للمتدربين كيفاش كيمسقطو رغم سرعتهم او بُطأهم لهذا طاحت في بالها فكرة مجنونة شويا ولكن هي حلها الاخير
جلسات في العصا ولفات يديها ورجليها بجوج عليها وتحركات كتزحف باش توصل كان الهرج قايم في الوحل ولكن غير شافو حركتها الكل سخروا منها وكعادتها هي متسوقاتش ليهم وكملو زحفها ومنين لمحوها ضربات نصف الطريق توقفوا عن الضحك ولوهلة بدات ليهم هاد الخطة هي الافضل حيث منين العصا دارت للأسفل مريم مسقطاتش بالعكس بقات متشبثة وهي بنفسها تصدمات منين دارت لعصا ولكن فرحات انها مسقطاتش وخا كانت متقززة من اطراف شعرها لي لمسو الوحل بسباب طولتو ولكن على اقل ميلمسش جسدها
كملات زحفها وصعوبة و منين قربات توصل شعرات يديها بداو كيعياو ويزلقو مع ذلك احتاملت على نفسها منين كتذكر انها غتسقط في داك وحل وان شعرها المعجد مغتفك منو ريحة غير بزز
تنهدات براحة منين وصلات ليابسة واستلقات وهي كتنظر للسماء بسعادة مشات لبرميل كتعمر ولمحاتو واقف بقربو وعينيه موضوعين عليها لفات رأسها الخلف ولمحات الغالبية الساحقة ماشي الكل طبعا ولكن الغالبية قايمين بنفس حركتها عضات على شفايفها مانعة نفسها من ابتسام وفي نفس الوقت خايف من لذاعة لسانو..
ملآت بوديزتها لحد المسموح به ونظرات لخديجة لمزال واقفة كتفكر فشي حل
مريم: خديجة واش باقا معبرتيش
خديجة: كنفكر كيفاش غندير مافيا ليرجع ثاني لديك الزمر شوفي ريحتي (نظرات لمريم باستغراب بحكم هي وحيدة لمزال نقية) شفتك باقا نقية ياك دوزتيها
مريم: بلاماتفكرني ولكن يلا قلتي صعيب باش تهزيهه ياك علاش مدوريها على كرشك
خديجة: كيفاش واش مسمعتيهش قال نهزو في يدينا واصلا كيغنديرو ليها على كرشنا
مريم(زولات قميصها لكانو طويل الاكمام وبقات بديباردوري ابيض لون وضعات قنينة اسفل صدرها وعلى معدتها ولفات عليها قميص مزيراه هانتي هو اصلا مقالش بفمو هزو بيد وطلعو بيد قال لينا نهزو بوديزة وصافي نعومو ببحرنا
كانت غتعتارض خديجة ولكن فكرتها جاتها منطقية منين تذكرات كلام كابتن ديالهم
مريم:فكراتني في واحد لعبة كنت كنلعبها مع رانيا وعدنان هانتي طلعي بشوية وحاولي تحافظي على هوا لفي كرشك باش ميفلتش الماء
طبقات خديجة كلام مريم بالحرف واخيرا قدرات تجاوز تلاث درجات من السلم منين وصلوا لأعلى فين غيدوزوا للجهة الثانية
مريم: هانتي دابا يدك زيري بها شويا على بوديزة باش ميفلتش منها الماء وثانيا حاولي تدوري بها جهة ثانية صافي
خديجة: وخا
بالفعل خطة الاخرى نجحات وقدرو ينزلو للاسفل ولصدمتهم لمحو ان كاينين كثر من عشرة الافراد كيحاولو يجرو الباب ولكن بدون فائدة
مريم:فين نحطو هاد الما
خديجة: خاص نخويوه في برميل لآخر
تقدمو نحو البرميل الاخر وكان ياسين لتفحص حدود الماء بعينيه زولو البنات البراميل من على بطونهم ونظروا لياسين لكان كيرمق الاخرى بنظرات باردة
صبات الماء بسرعة وشارت لخديجة باش تسرع
مريم: غيقتلني هاد نهار مافيها شك
خديجة: هه انا ضحكني هاد يومين كلها وهو متجاهلك ولكن افكارك يمكن صدموه
مريم: اودي هذا راه تفكير خارج الصندوق مهم هو الحماية والنجاة مبقاتش في طريقة لغتستخدم
نطق واحد من المتدربين لكان ضخم الجسم
مدرب:منين نقول جرو جرو صافي
الآخرين: اوكي
خديجة:يلاه نعاونوهم
مسكو الحبال ووضعات مريم اكمام ديال قميص على الحبل باش يديها ميتحردوش وجرات بكل قوتها الحبل معاهم مصدقاتش هاد الباب شحال تابث ولكن مع تكرار والحركة خصوصا فين تجمع الكل وتبعو كلام داك الشاب قدرو في الاخير يسقطوه كاين لصرخ بحماس وكاين لصافح يد صديقو هاي فايف على انتصارهم
تحركات روبي ودينا صديقتها ماسكين اسلحتهم وبداو كيطلقو رصاص على اي دمية متحركة ونفس الشيء قام به الكل وصبح اندفاع مع بعض حتى طردو مريم خارجا حاولت تدخل ولكن اجساد رجال كانو مانعينها وماشي غير هي وانما حتى اربع فتيات لكانو في مثل سن خديجة
خديجة: واش هاددو مرضو اش هاد حالة
البنت: غنمشي نتشكى الشاف
خديجة: منصحكش غتسمعي خل وذنيك مريم فكري فشي خطة
مريم(طرطقات عينيها فيها): ب..باش غنعرف
خديجة: شوفي شحال من فكرة طاحت عليك دابا وزيدي نتي مولفة طيحي في مصايب وتخرجي منهم
يلاه غتنطق قاطع كلامها صوت احدى المتدربات
البنت: اه شفناك كيفاش دورتي القنينة على بطنك عفااك فكري فشي حل مبغيناش نفشلو في هاد الاختبار
مريم: وخا وخا بلاتي نشوف هادو مستحيل نخلينا ندوزو بلاتي ياك عندكم اسلحتكم
خديجة: اه هزيناهم فكري شنو نديرو
مريم(بدات كدور في جنابها وهي تلمح السلم لنزلو منو قبل قليل): لقيتها غنطلعو لفوق ونبقاو نقنصو من هنا
البنت٣(بتررد): واش متأكدة
مريم(هزات كتافها): مبان ليا حتى حل آخر
توجهو نحو دوك سلاليم ودارت من حهة اخرى باش تقابل مع التمرين الآخرين وحتى فتيات قامو بنفس حركتها
بدات كتضغط زناد بعد ما استهدفات الدمى الخشبية المسطحة
مريم: مبغاتش اصحبتي معرفتش كيفاش كتجيبوها في الدمية
خديجة: هاديك وضعية غادي تعييك خاصك تحكمي في سلاحك
بما انك اختاريتي النقار بالمناسبة ديال بعد حاولي تعدلي طريقة شدة اه بحال هكذا
البنت لعلى جهة اخرى من حدا مريم
البنت: خلي كتفك ليمن في وضعية مرتاحة حيث هو لغيهز داك ثقل سلاح وصبعانك حطيهم هنا باش مع ضربي توجدي سلاحك دغيا
طبقات نصائحهم في الاول فشلات والثاني كذلك ولكن من بعد بدات كتقنص على الدمى بشكل جيد ابتاسمت بفرحة وهي ممصدقاش المستوى لصبحات فيه بعد التعاون ..
خديجة: بلاتي كاينين تما مواطنين وكتى ناس لخدامين في البنك وياك ضربوهم
مريم:ولكن هو قال لينا
خديجة(قاطعاتها ):نضربو مجرمين وياكم راه كيكون مجرم قريب ضحية ولمشيتي حتى ضربتهم وخا بالخطأ تمرين كلو كيتقيم بصفر هادشي لكان قال لي بابا ممنوع استهداف الأبرياء...
مريم: مزيان منين علمتيني باش على اقل نفضل نضرب غير مجرم واحد على يمشيو لي نقاط
وبعد خمسة دقايق من ملحمة وتدريب اخير سمعو صوت صافرة ياسين دليل على نهاية اختبار وبعد لحظات كلشي سقط في الارض كيحاول يسترجع انفاسو لتهلكات بعد هاد التمرين وكان عندو الحق منين قال التمرين الفعلي غيبدا في الملحمة مع الدمى حيث كانت محتاحة لتركيز وصبر وحتى السرعة في الاستيعاب لهذا مريم منين كانت طريحة لارض كانت خائبة الامل بعد ماقدرات تسقط غير تلاثة اللوحات عكس الاخرين كاين ليسقط 67 لوحة
ياسين: بعد دقيقة نبغيكم كلكم قدامي
بصعوبة باش استاطعت تقوم مريم وهي كتشعر بألم في ظهرها بعد مادمها بدا كيبرد وكل واحد فين شعر بالألم
وقفات في المرتبة الاخيرة بقرب برميل المياه ومدات شعرها خلسة كتنضفو من الاسفل قبل مايشوفها وببلات حتى رقبتها باش تخفف من حرارتها لفات شعرها المجعد من وحدة من بانضات لعندها في كلا زنديها على اقل كانت ربعطاش بانضة في يديها للطوارئ مستخدماهم
فيقها من سهوتها صوت ياسين لخلاها تستاقم وتعدل وقفتها وتغير ملامحها السعيدة الممزوجة مع التعب لأخرى جدية
ياسين: هادو اكثر تمارين مليئيين بالاخطاء الكوارثية والافكار السخفية لو شاف شي حد تمرينكم لقال كديرو لينا هنا السيرك، غالبية فيكم غير كتسابق ونسات هدف السباق ولهذا كل شخص فيكم خلص منين سقط في الوحل وهو بسباب عدم تركيزو وأنانيتو وحتى تفاهة عقلو...
نبداو بأول تمرين لوحلتو فيه تلاثة دقايق والشبكة غير قصيرة ماشي حتى طويلة هذاك مفروض في تلاثين ثانية تكونو خرجتو منو
وسعات مريم عينيها على كلامو خصوصا هي بقات في تمرين اول بين ربعة حتى خمسة دقايق
ياسن: اما تمرين الثاني تمرين العصا لشفت كارثة عظمى بمعنى الكلمة، بعضكم سقط بساباب تهورو وعدم تركيزو ووحيدين لفهمو طريقة المرور عبر العصا هي المتدربة خديجة ال فارسي والمتدربة روبي ال يازيدي بعد ذلك اما واحد جهة (كان تقدم نحو مريم وخا مكانش كينظر ليها ولكن عرفاتو كيقصدها): اي حركة بهلوانية او افكار غريبة مرفوضين مفهوم
نطقات بصوت هامس لغطا عليه وت باقي متدربين: مفهوم
ياسين(بنبرة حادة ): واش مفهوم
مريم(بنبرة مسموعة ): مفهوم
كانت كتنتاظرو يمشي ولكن بقا واقف في مكانو مكيتحكرش
ياسين:بالنسبة للتمرين التالث كان نصيب الاكبر من النجاح للذكور وياليه النساء فريق A(البالغين) وبالنسبة لي جونيور غتبقاو بعد الظهر في التدرب حتى تستاطعو بقيام المهمة بشكل صحيح
البنات: وي كابتن
ياسين: نتي
هزات عينيها فيه ببطء لقاتو مزال مكينظرش ليها وعينيه مفيكسين على شي اخر
مريم: نعم الشاف
ياسين: خدمي ذراعك ويدك شنو هو عذرك
مريم(عضات على شفايفها منين تذكرات فرق سن بينها وبين خديجة وخصوصا منين تذكرات منين كانت كتهز حجر في ميكة وكتصعد الشجر بيد اخرى ): نسيت
ياسين:حيدي سنانك من على فمك واخر مرة
مريم:مفهوم الشاف
ياسين: بالنسبة للتمرين الاخير دقررت ان رضا ال بقالي هو قائد على الفرق بجوج
بالنسبة لفريق ثاني خديجة الفارسي غتكوني نتي نائبة على فريقك وبالنسبة لفريق a غيكون رضا مفهوم
رضا وخديجة: مفهوم
ياسين: الايجابي كان هو تعاونكم ولكن فور ماسقط الباب وليتو كتسابقو بعنف شكون يستهدف اكثر شيء لسبب خلع كتف لوحدة من زميلاتكم
نظرات مريم بتفاجؤ لأحد الفتيات لماسكة ذراعها بألم
ياسين: بديتو كتصوبو بلا عقل على أهدافكم وغالببتكم حصل على 0 في تقييم مع علم انه وسبق ليكم تدريب تحت آباءكم وداركين نقطة ابرياء شحال نقطة حساسة لدى منظمة
مريم: واش هذا مناويش يتحرك من حدايا واش جاتو غير يدوي وسط وذني
ياسين: وبالنسبة ليك نتي
مريم" وي الشاف
ياسين: خطتك كانت ذكية نوعا ما
مريم(ابتساة صغيرة شقات ثغرها على مدحو لذكاءها وخا ديك نوعا ما مااثراتش فيها):شكرا
ياسين: ولكن مكانش داعي ليها عليك دخلي وتديري بلاصتك وتختاري موضعك يلا كتتي في حرب ونقولو كاينة شرطة واش غتخليهم يدفعوك وتنساي واجب مهني ديالك وتبقاي تفرجي فيهم؟
مريم(عضات على شفايفها منين سمعات انتقادو المنطقي): مم
ياسين(رمقها بسخط اخيرا ونطق): بعدي من شفايفك ودوي
مريم(طلقاتهم بسرعة واعتادلت في وقفتها): حاضر الشاف
سقطات مقلتيه على رقبتها وبقا كينظر ليها بصمن، استغربات من حركتو وصمتو حيث هادي ماشي اول مرة يركز انظارو عليها
ياسين: واش استعملتي لما
مريم(وسعات عينيها بصدمة من كلامو خصوصا هي مسحات رقبتها مزيان بسترتها وتأكدات ان رقبتها ناشفة كيفاش عرفها استخدماتو): لا الشاف علاش غنديرو
ياسين(بحدة): متكذبيش
مريم(طرطقات فيه عينيها): مكنكذبش
ياسين: كتكذبي في وجهي
مريم(زولات عينيها من على خاصتيه لكياكلها بسباب كذبها):معرفت علاش مبغيتش تيقني الشاف ولكن ممستيش داك ماء
ياسين: وخا مكاين مشكل شربي منو
تتمة بعد 20 ڤوط