بعد مالقى ديك القنبلة وصمت .... سانتو وسكايلر عينيهم غيخرجوا من بلاصتهم لو قالها غيغتاصبها يتقبلوها. يتاخذها عشيقتو ماءي مشكل ولكن باش يتزوجهااا!!!!!!!!!! هادي متوقعوهاش وطماحتش على تفكيرهم ابدااااااا حيث مجرد كلمة زوااااااج لوات ليهم ألسنتهم حيث الزواج بالنسبة ليهم هو إنجاب اطفال لغيكونوا خليفة ديال مافيا او منظمتهم كازانوسترا وهو حاليا غيتزوج بابنة عدوه وعدو السابق لأليخانذرو رينينا لو سمع هاد الكلام كان غيتصاب بنوبة قلبغية(قلبية-ذماغية)
....
سكايلر:م..م ميمكنشششس تزوووج بها واااش عااااارف اش غددددير غتولي هي سيدة القصر ومراااتاتك وهي مستاااااااهلش نسبك ولا انها تكون مناااااااااااا!!!!!!! قلبي غيسكت قلبي كنحلف ليك غتصيبني جلللطة (خرج عينو في دااااغر):مستحيييل تزوجها نتقبل كلشي يتزوج بخا الا انتا وحتى لبغيتي تزوج حشاك تزوج بخدامة ولا تزووووج بها هي
سانتو(نظر بتشوش لألفا والحيرة اكتاسحت معالم وجهو بحكم انه مزال كيكن لحفصة الاعجاب ومنين سمع حاليا زواج سعر بقلبو تزعزع من مكانو ابتالع ريقو وقرر يسمع كلام ألفا)
ألفا:واش عندك شي حل اخر
سكايلر (وجهو حمر بالغضب وبدا كيلهث بصعوبة باش كيدخل النفس ): قتلللها قتلللها ومتزوج بهههاااااا متخليهاش تاخذ لقبك وتخليها تكون على ذمتك نتا غيرحيث عطيتيها كلمة شنو درتي ماادراك لولات تحت ذمتك
الفا(بنبرة باردة):عندك شي حل اخر؟ لغادي تحقق فيه انتقام عشرين
سكايلر:فلت ليك قتل...
الفا(قاطعو بنبرة خالية من اي مشاعر):اه ولا لا
سكايلر(صمت حيث عارف مكاين حتى حل من غي هادشي لقال الفا):مزال مع فكرة موتها افضل من تزوجها
الفا(وقف من مكانو):بما ان معندك حتى حل من احسن تصمت
توجه نحو الباب ونطق قبل مايغادر
الفا:منخليش غضبك يعميك على الانتقام ديال تلاثين وتلاثين عام
مع تسمع صوت اغلاق لباب تسمع صراخ سكايلر . العرق لفي حبينو بدا كينبض بقوة لأول مرة غيفقد أعصابو ويوصل هاد المرحلة هادشي لفاجأ سانتو ودرك الكمية الكبيرة من الحقد لكيكنوا لعائلة الفارسي
سكايلر:بسباب باها لواليد مات وخويا انتاحر بسباب باها ومها وادهم الفارسي ...
سانتو:اش غدير دابا
سكايلر(شم شويا ديال هيروين لسكنو لثواني وخلاه يتهدن من غضبو):غنصبر حاليا غير مؤقتا حيث كنتيق في الفا وبجانب انتقام لعائلة رينيا فهو راه غينتاقم لعائلتو الحقيقية... ومتأكد مغيرحمهاش
سانتو:في نظرك واش غتقبل
سكايلر(زفر بسخرية):هه لمقبلاتش فالموت هو الوحيد لكينتاظرها ...
حفصه (قامت من سجدة الشكر لسجداتها كتشكر فيها الله وتحمدو انه بعد عليها ولاد حرام وتوجهات للحمام تغسل وجهها مع غتخرج تفاجأت بأنه جالس فرق السرير ):شنو كدير نتا هنا
الفا:جلسي باغي ندوي معاك
حفصة(عقدات حاجبيها باستغراب اول مرة تلمح شخص عندو شخصية باردة بحالو كلماتو تصرفاتو افعالو كلهم باردين):فاش عدنا ماندويو مزال
الفا(نظر ليها ببرود)
حفصة(مشات جلسات في كرسي بعيذة عليه بتلاثة مترو):مم دوي كنسمعك
الفا:غنتزوجوا
حفصة:مبروك
الفا(هز حاجب فيها)
حفصة(قلبات عينيها كتنظر للنافذة وربعات يديها هازة كتافها بغرور):شبغتي نقول ليك راه باركت ليك نتي وياه
الفا(تنهد من غباءها):غتزوجي بيا
حفصة:شوف هادشي مكيضحكش من احسن قوليا شنو بغتي مني
الفا:الصمت
حفصة (جلسات باعتدال ونظرات ليه بشك)؛ميمكنش كتكون كدوي بصح!؟
الفا (مزال صامت كينظر ليها بهدوء وعارف غتجي مرحلة ديال صراخها وشكواها وغدكر اسبابها هادشي الا مسخفاتش)
حفصة(جلسات باعتدال):راه ميمكنش تكون طبيعي واااااش عاااارف اشكتتتتت تقووووول انااااااا ونتاااااااا نتزوجوووووووا؟؟؟؟!!؟!
الفا(شرب من كأس الماء بهدوء تام)
حفصة(قامت من مكانها بارتجاف وهي كتفكر في نتزوجوا. لغترج ليها قلبها من بلاصتها): واش نتا متأكد انك كتنفس اوكسجييين؟؟؟ ومصيبة عظمة هي انا ويااااك متشاااركين نفس هواااء بغيت غير نعرف كيفاش طااااحت على راااسك هاد الفكررة انا وياااااك وخا تنطابق الارض والسمااااااء ومن المستحيييييل نتزوجووووا مستتتتحيل من مستحيللللات السبع ميمكنننش
الفا:غدا غيجي عدول مع وحدة لعشية
حفصة(لمحاتى متوجه للخارج بدون مايرد على سؤالها):اجي بلاااتي فين غاااادي (وقفات امامو مقاطعاه على طريقو وهزات فيه راسها وتأكدات انه طويل بل طوويل بحيث انه حدر رأسو باش عينو يتقابلو مع عينينها): سمعني نتا معندك فين تخرروجذحتى توضح ليا كيفاااش غنتزوجوا واش كتسحب زواااج ساااهل واش جي وتزووج اولا زواج راه ميثاق غليظ كيف قال الله سبحانه وتعالى ماشي ديال لعب ثانيا نتا ماشي الزوج لكنحلم به او لكيتوقر على الموصفات لباغا تالثا نتا ماشي حتى مسلم كيفاااااااااااش غنتزوحوا رابعا يستحيييل انا وياااك نتزوجوا ونكونوا تحت سقف واحد
الفا :غنتزوجوا
حفصة( ماشي غير عصبها وانما مرضها وفقصها يحوابو البارد هزات يدها كيقول ليها واحد راس ضربوا ولكن هو مكلضم كالحيط غتصدق معورة غير راسها): واش باغي تقلتني
الفا:لا غنتزوجوا...
.
حفصة(عضات على شفايفها بغضب وبقوة حتى جرحاتهم بعضتها القوية)؛ غن... غنن... عرفتي اشنو غنديير غير خررج نتا غتسكت ليا حجرة دقلبببي اش هاد البروووود واااش نتااااااا بنااااادم ولا ثلاااجة وااااه كندووووي معاااك
الفا(حمل هاتفو كيقرا في الرسالة لتوصل ليها دلحين)
حفصة:ااايه راني كندوووي معاك متنخلنيش
داغر(نظر لشفايفها لكيترعدوا ورجع أنظارو لعينيها): غدا مع حداش عدول غيجي
حفصة(حملقات فيه بصدمة هاد الكائن عجيب تصرفات لأمامها غيصيبها بالسكر وهي لزالت شابة غير بأجوبتو): واش انا قلت ليك مبغاش ننزززوج بك ونتا كتأججل في العرس
داغر(نظر ليديها لكانوا مجروحين بيباب اخر منين كانت حملات بقايا مزهرية باش تنهي حياتها ،وكان اصطحابها سانتو لأمر الطبيب يعالجها رغم من أنفها ): مبدلتيش فاصمة
حفصة(وضعات يديها على رأسها ... صافي علنات ريك استسلام معاه هاد الشخص): راسي غيطرطق الله ياربي عرق غيطرطق فيا والله ما مع داك زهواني دياسر ولكن نتا
داغر(عقد حاجبيه من كلامها لكن معارش اي اهتمام وفضل صمت)
حفص(شاكبت يديها مع بعضهم وهزات فيه عينيها بنظرة مؤلمة): علاش كدير فيا هكذااا علااااش حشومة عليييك
الفا:الصمت
(غمضات عينيها بأسى ووضعات بديها لكيترعدوا فوق رأسها)
حفصة:شنو باااغي مني تفرق عليا خلني نرجع عند بابا عفااك واخا تكون نفسك ميتة مديرش ليا هاد الحالة
داغر(الصمت)
حفصة(هزات رأسها فيه بغضب وتوجهات نحوه):سمعني راه مغنتزوجش بك شتي تقتلني ومنتزوج بواحد كافر قتاال سمعتننني نفضل نموت على نتزوج بك
داغر(كينقل انظارو بين عينيها الغاضبة ، ولمزال محافظ على بروده حمل ريموت صغير وشغل شاشة لأمامهم)
حفصة:ماشي وقت فرااجة راني كندوي معاك علاش باغي تزوج بيا واش من بنات كاملين بنت ليك غير انا
درصاف:والوا أ مي مزال ملقيناها
ام درصاف: الله ياربي شنو بغاو من حفيصتي الله يا الله قلبي غيتشوا في بنيتي
حفصة(زحزحات عينيها بتوسع نحو الشاشة):ماما (وفي جانبها كان جالس رعد لأيضا كانت ملامحو شاحبة):بابا
ذرفوا الدموع من زرقوتيها باشتياق ووحش كبير لوالديها ،لأول مرة غتشاهدهم في هاد الحالة المزرية وهادشي بسبابها او بسباب هاد الشخص لواقف خلفها متسبب في هاد الأزمة لعائلتها،
حفصة: يباغي منهم علاش كتصورهم ليا واش باغني نتعذب كثر وانا كنشوفهم هكذا بسبابك
الفا:: عندك جوج حلول،
حفصة:حيد عليا الزواج حيث مغنتزوجش بك منقدرش(غمضات عينيها وحاولت تهدن نفسها بصعوبة وتفكر فشي خطة باش يعطيها حل مناسب ليها ) ها نتا . نتا كافر واش مكتفهمش منقدرش نتزوج بشخص مسيحي لا يجوز في ديني هانتا احتارم غير ديانتي ياك نتا في اوروبا الحضارة والتقدم وكتحتارم الدين. واش مكنبانش ليك من شكلي محجبة وملتازمة منقدرش نتزوج بواحد قتال. ولا من عصابة يخلي ليك ماعزيز عليك راه لو كنتي مسلم نقدر نتزوجوا ولكن..نتا راك عارف
داغر(صمت مدة قصيرة كالعادة كل مرة كتكلم كيبقى صامت لعشرة ثواني هكذاك عاد كيجاوبها وكيجاوب اي واحد معروف انه ثقيل على الاشخاص في الرد بحكم كلامو كيكون ثقيل ومرزون وجد مختاصر): ماشي مسيحي
حفصة: واش ملحد؟ اه بااينة ملحد حيث حتى مسيحية محرمين القتل شفتي معندك حتى دين وانا لا يجزو ابدا نتزوج بشخص معندو حتى ديانة
داغر:عدنا نفس الديانة واش مزال غتبحثي على مبرر اخر
حفصة: باغي تقول ليا انك مسلم وكتقتتل واش كتسمي راسك مسلم كيفااااش عطاتك نفسك
داغر(مكيبغيش ينصت لفتاويها على الدين لعمرها متوقفات تقولهم ليه كأنه بهاد غيشعر بشي حاجة من كلماتها وهو بارد المشاعر):
الفا(بنبرةباردة): ياغتخاري توقعي عقد الزواج هادي اخر مرة غتشوفيهم حيين وحياتك كاملة غتبقاي خدامة في هاد القصر(بمعنى عاهرة كيقصد)
حفصة(سقط قلبها من مكانوا واصل لقاع رجليها ، جلسات بصدمة فوق السرير وعينيها استقروا على الارض وهي كتحاول تستوعب كلامو وان والديها يقدروا يتوفاو الآن..):علاش ..ع.ل..
داغر:يا تحملي ذنب باك ياعائلتك غتحملوا ومنين كنقول عائلتك اي شخص كنيتو الفارسي غيموت وحتى نتي معاهم
حفصة:هئ بابا مداار والوا شحال من مرة قلت ليك بابا مداار والوا ماشي هو سباب واش متقدرش تفهمها
سكايلر(فتح لباب): الزبائن جاو كنتسناو فيك
داغر(نظرو كان مزال متبث على حفصة لضمات نفسها بخوف وحاولت متنظرش في اتجاه سكايلر): غدا غيكون توقيع العقد لرفضتي عارفة نهايتها
توجه نحو سكايلر لواقف بقرب الباب وقبل مايغادر لغرفة سمع ردها
حفصة(نطقات بنبرة صاخبة وغاضبة في نفس الوقت):مغنتزززوجش بك سمعتتي نفضل نكون خداامة على نكون مرااتك وزيد متقدر دير والوا لوالديا حيث اصلا هما خدامين في العسكر يعني دازو شحال من مرة من الموت وبقدرة الله تعالى مغتوصلش ليه وعقققل عمررك غتنجح توصل ليهم ...ولكنتي غتخلني في هاد القصر كيف قلتي نخدم خدامة ماشي مشكل مهم هو منكونش مراتك والسلام
نظرات لباب لتغلق وصرخات بغضب رامية وسادة السرير بقوة عليه وللأسف رلحظها السيء المخذة جات على سكايلر لدخل غرفة بملامح مكتبشرش بالخير
....
ياسر(ابتاسمة شيطانية ترسمات على فمو وهو كيلمح نظرات الخوف لكتشع من رماديتي القطة لأمامو تأمل شكلها بتمعن لو كانوا في ظروف اخرى اي لو متجاوزتش حدودها معاه وكانت داخلة سوق راسها ومتنقزش على سلعتو اكيد كان. غيتسحر بجمالها.. ويضاجعها لكن عارف دارك أن وراء هاد الملامح الجميلة قطة ماكرة .. في لحظة لغفلتي عليها وسهيتي في ملامحها ونظراتها، غتخدشك بسمها لفي مخلابها وتلقي حتفك في دقيقة): عقلتي على كلامي قلت لك غتولي بين يدي
سمر( حاولت تظهر قوتها بعد مارمات شعرها بغرور خلف كتفيها):هه ياسر ارذوجان مم مجديداش على الفوكس اصلا هادشي باش معروف نتا،كدخل غدارة حتى لبين عدوك وفي غفلة منو كتخونوا تؤتؤتؤ كنت كنسحبها اشاعة لكن منين شفت هادشي بعيني مبقى مايتخبى
ياسر(فلتات قهقهة خفيفة من شفتيه المغريتين ونظر ليها باستمتاع):هه هادشي لكيقولوه الفشلة منين كيعرفوا انهم ماشي ند عليه ومقاضينش يتواجهوا معاه منين كيدركوا قوة الحقيقية لمكتسوى والوا أمام نفوذي وقوتي
سمر(خنزرات فيه بحقد)
ياسر:ولكن نتي اول وحدة غتنطق هاد كلام بلسانها البقية غير من عينيهم او خلف ظهري كيتناقلوه كنهنأك على شجاعتك
سمر( نظرات في زرقوتيه ونطقات بثقة ): عارفك متقدرش تقتلني
ياسر(لمعات عينيه وهو كيملح الثقة المزيفة لكتحاول تصطانعها): ياك وعلاش
سمر:حيث عارف خوتي لتمسات شعرك مني غيفرجعوا ليك هاد الطيارة لكتبختر فيها
ياسر(فلتات ضحكة قوية من فمو تسمعات في اركان الطائرة):هه بغيت نعرف اش دخل بنات في هاد ضومين. ونتوما حتى زفتة معارفيها وكطيري من لفوق خوتك راه غير ممساليش ليهم راه بأمر مني نصفيها ليهم دابا غنصفيها ليك ولكن عيالاتي بغاو ياخذو ثأرهم وبما أنني رجل صالح فخاص نوفي بكلمتي
سمر(وسعات عينيها فيه صارخة بكلماتها بقوة):ميمكنش تخلي هااااد الزمرات يمسوووووني مستحيييل. كلبات بحالهم ينتاقموا ليا
ياسر : لكنتي كلبة متشوفيش عيالاتي كذلك
سمر:ياااااك نتاااااا لبيني وبينك حسااااااب لااااااش مدخلهههم باش تشفااااا فياااااااا يااااااك!!!! هادشي مفعااايلش خسارة طحتي من عيني
ياسر: فين هي ثقتك ومال كتغوتي اصلا هما عيلاتي وعطيتهم كلمة ولا لا
الفتاة١(قبلات شفايفو وعيونها كيلمعوا بالحب): اه شكرا بزااف
ياسر: فرحات عليا نعاون هاد الزين
سمر(ضحكات بعدم تصديق لهاد الزهواني لأمامها وعينيها كيحوموا على دوك خياتي لباغين ينتاقموا منها وبالنسبة لوحدك مغرورة مثلها مستحيل تنازل ولا تخليهم يمدوا يدهم عليها)
ياسر(بملل ):عرفتي نتي مملة بزاااف وانا جاني غكنضيع وقت معاكك . كتيكيتات خليتها ليكم
سمر(بغات توقف ولكن حراس كانوا متبيثن جسدها بقوة على الارض بدات كتنفض فيهم لعلهم. يتركوها لكنهم كانوا عليها كالصمغ): متقدرررش ديرها
ياسر:هه دابا تشوفي على عينيك(توجه خارج من الغرفة لهما فيها وترك سمر مع السيدتان لكتقربوا ليها بتوعد)
ولكن في اخر خطوة غيخطوها خارج الغرفة توقف على إثر جملتها لجعلاتو يلتافت نحوها ويرمقها بتفكير
سمر:شبان ليك في جولة في روليت
ياسر:عاودي اش قلتي!!!
سمر:لعبة ..!!! شنو بان ليك نكون شريكتك في لعبة روليت حيث سمعت انك كتعشق هاد اللعبة. انا كذلك من محبينها
ياسر:قنعني
سمر(بعدم الفهم):كيفاش
تقدم نحوها بخطوات بطيئة ونزل جلس في مستواها
ياسر:قنعني بكلامك وعلاش غنختار معايا شريكة في لعبة هه
سمر(ابتاسمة واقعات اعتالت ثغرها الناضج):حيث ببساطة انا هي أوديسيوس
ياسر(هز حاجبو فيها وبقا صامت كيحلل نظرات عينيها لكانوا صادقين):وشنو هو هاد الرهان لغيكون
سمر: رهان هو اننا غنكون شريكتك بعد مانهزموا جميع اباطر لعبة روليت واكيد غنستافد انا وياك من يزااف مهارات بعد مانتفوقوا عليهم وفي اخير لعبة غنتوجهوا انا وياك والا لربحت غتخلني في حالي وبغيت تعتاذر ليا على. هاد الحالة لوصلتي ليها وكيفاش خلتني عاهررات يفكروا يمسوني
الفتاة١:احتااارمي راس
ياسر(هز يدو 🤚 موقف الاخرى عن الكلام وعينينه مزالين على سمر): نعتاذر ليك!!!!!!
سمر:اه ايلا ربحت
ياسر:ويلا خسرتي
سمر(ابتالعب ريقها):نولي عبدة ليك
ياسر(ابتاسم بمكر):مشات ولكن قبل بغيت نشوف مهارتك واش غتستاهلي تكوني شريكة الفوكس ولالا
سمر:وخا لبان ليك مهم متخليهمش يقربوا ليا وقول رجالك يتفرقوا عليا
ياسر(شار ليهم يبعدوا ليها ومع وقفات كتنفض حالتها وكتشتم جرها ياسر من فكها عندو مصغر المسافة بيناتهم ونطق بنبرة مرعبة خلان جسدها يرتاجف ): غتفكري تهربي غنخلي كلاب هي تغتاصبك ماشي حتى بنااادم يلاه تحركي
سمر:انا ماشي مكلخة ودابا حيد من عليا خلني نقاد حالتي
ياسر(عبرها من راسها لساسها وتحرك نحو شقراؤو طابع فيها قبلة قوية خلاها سمر تخرج لسانها بعيف):خلني نشوف تحديها ولخسرات غيكون عقابها بالضعف
وفي أمريكا وتحديدا في مدينة الأضواء خرجات من أحد اشهر ملاهي الليلية في مدينتها وكان هذا خامس او سابع ملهى غتمشي ليه شكرن عقل ،مهم وجدات حرية لكانت تمنعااات منها هادي سنين وهااادي كامل بفضل الشخص لكترقص معاه حاليا بصخب
نور:ههه عرفتي عمري تخيلت شي نهاار غندوز حياتي هكذااا هه
ايمن: واش رياض ارذوجان مانع عليك هاد بلايص
نور:اه وماشي غير هو حتى خوتي عمر رجلي خطات هاد بلايص الا فين كيكون معايا ياسر ولكن ماشي بحال هاد ملاهي كيكون فيه جناح خاص كيخليني نشط تما غير مع حيط وهو يهبط عند صحباتو
ايمن:خسارة متصادفتش معاه والا فمكنتش غنقلت الفرصة باش نتعرف عليك
نور:منصحكش حيث واحد الشخص نسيت على سميتو كان خويا خسر ليه ملامح وجهو ... وكان حيح على صحاب داك كازينو
توقفوا عن كلامهم منين توقفات اغنية وصرات نور بحماس وايمن كيتأمل في ملامحها بإعجب واضح اسبوع لدوز معاها متيخلوش غيدوز بهاد الحلاوة خاصة تصرفاتها العفوية جذبوه وخااوه غريق لبحر زرقوتيها سحقا لوالدها ولوالدتها لجذبوا هاد الكتلة من الجمال وخلاوه مسحوور بها.. لو منعسش على صوتها وصبح ليه كيحس بنهارو ماشي هو هذاك مكاملش...
صوتها صبح مخدرو المفضل لو مسمعوش يقدر يرتاكب شي جريمة شحال من مرة كان غضبان ولكن بحر عينيها كيخمد داك الغضب بطريقة عجيبة وسحرية واخيرا تدااارك حب رياض لسندريلتو وعلاش مكانش كيخحل من كلمات لكيلقي عليها وهو كيوصفها في. الصحافة بأنها وتين قلبو...
نور(نطقات بصوت طفولي): امم حسومة عليهم مبانت ليهم غير اغنية رومانسية
ايمن:شنو بان ليك رقصوا عليها
صغر المسافة بيناهم وهو كل حماس انه غيلمس خصرها النحيف بين أناملو الصلبة وعطرها لكيسكروا غيقدر يستنشقوا كيف ما بغا وبالطريقة لبغا لكن تراجعت نور للخلف وجرات يدو نحو احد الكراسي
نور:لا عييت من شطيح(رمقات عينيه بحماس) واصلا بغيتك في واحد حاجة
ايمن(بتساؤل): شنو هي؟
نور(بخجل طفيف):صراحة بغيت نجرب نسكر ولكن. خايفة نفقد الوعي
ايمن(بدهشة ):واش عمرك شربتي ؟؟؟
نور:لا عمري حطيتو في فمي ممنوع عليا وبما انك معايا فبغيت على الاقل لمرة وحدة في حياتي نشرب الشمبانيا
ايمن(ربت على شعرها بإعجاب): شرف ليا نكون اول واحد غيحضر معاك جلسة ديال شربك للخمر
نور(بدلال):متمسنيش في شعرري مكنحملش ليمس شعري
ايمن(ابتاسم ليها وطلب من النادل يحضر ليهم خمسة قراعي ديال شمبانيا هاد الليلة حالف حتى يخليها في الذكرى ليها وليه): هادي هي اخسن ليلة غدوزي في حياتك
نور(بفرحة):كنتمنى
غيثة: لوليا بنتي واش بخير
لوليا(ابتاسمت ليها):متخافيش عليا ماما غيثة راني بخير شوفي راني رجعت صحيحة كيف قال طبيب
غيثة(قبلات رأسها):عرفتي طارت منا خلعة مسكينة اميرة راه طاح ليها طونسيون بقا ناعسة وباباك راه ليل كامل وهو سهران بزز باش مع عماد دار يرتاح
رياض:مقلنا ليهم والوا باش يرتاحوا معندك حتى مشكل؟
لوليا(نطقات بسرعة):لا لا اشمن مشكل واصلا نتوما كنعتابركم والديا ولكنتوا معايا بحال هما معايا
غيثة(قبلات جبينها بحب):سمحي ليا ديك المرة في المغرب غوت عليك مقصدتش
لوليا:هه متقلقتش منك اخالتي غيثة بالعكس راه نتي ماما ومكاينش شي حد كيتقلق من ماماه
غيثة:غزالة ديالي هه عرفتي ارياض تفكرت ديك ايام لوزنا انا وياك ولولي في ايام منين كنتي معفر
رياض:دابا انا كنت معفر
غيثة:اسكت اجلايخي نتا ياماتك بوحدها
لوليا(عضات شفايفها بفرحة وهي كتذكر طفولتها مع احب ناس لقلبها منين كانوا غير هما بتلاثة هي ورياض وغيثة ): عقتلتي ماما غيثة منين كنت مريضة وجبتني القصر كانت ديك ليلة فين تعلقت بك نتي وبابا رياض
Flash back
غيثة: مبدات حتى اغنية مزال بففف حتى رياض تعطل
لوليا: واش خوك
غيثة:شكون هو خويا؟
لوليا: رياض..
غيثة: لا هذا عمو رياض ماشي خويا ولكن عزيز عليا بزااف اجي نقول ليك كتعرفي أمير لكيكون...مع أميرة
لوليا:اه بحال سندريلا..
غيثة: اه هذاتقدري تقولي هو أمير تاعي.
لوليا:نتي أميرة بحالي حتى انا كتقول ليا ماما اميرة..
غيثة: اه نتي أميرة زوينة بزااف كتحمقي
لوليا:واش أمير تاعك حتى هو شجاع
غيثة(بابتسامة حالمة):شجاع وزوين وظريف...شعرو كيحمقني..وحتى عينيه زوينين(سهات وهي كتوصف علاقتها معاه) منين كيكون معايا كنحس بالفرحة. والأمان رياض هو الأمير تاعي...(سمعات موسيقى لصادرة من تلفاز ) كتعرفي هاد الاغنية
لوليا(بحماس ):اه زوينة
غيثة: انزيد في صوت
رفعات من صوت التلفاز وبدات كتغني
دخل رياض القصر وسمع صوت أغاني لصادر من المطبخ توجه وعلامة الاستغراب مرسومة على محياه لعارف ان غيثة هي لمنوضة هاد صداع حيثهي لكيعجبوها اغاني الاطفال سمع قهقهتها لنغزات قلبو....ابتاسم هو ايضا دخل يشوف سبب فرحتها ولقاها مع طفلة صغيرة شنو جابها لهنا... لمحهم كيغينوا....وكيلعبوا....
غيثة: انا بكتب على اللوح وانتو بتقرو
لوليا: ورايا
غيثة(قبلات خذها بقوة وحنان): غادي ناكلك مافيها شك....
لوليا: خالتي غيثة شوفي كاين عمو كبير
التافتت غيثة وهي تلمح رياض...واقف كيشوف فيهم باستغراب
غيثة(تقدمات عندو بسرعة):وأخيرا جيتي من صباح وأنا كنتسنى فيك
رياض: شكون هاد البنت
غيثة:هادي لوليا بنت مهيرة غتبقى معايا شي ايام
رياض: عندي فندق..علاش مجبتيش مها
غيثة: مغتجيش انا عارفاه ماكون عرضت عليها
رياض(رمقها بعدم تصديق هوجاي باش يرتاح وهي غير كتزيد تعرض في صحباتها هالمضاربة مع رجلها هالي كتقلب على دار دلكرا):في نظرك بنادم علاش كيجي الدار
.....
غيثة: علاش كيجي
رياض: باش كيرتاح
توجه بالمغادرة الغرفة وهي توقفوا غيثة
غيثة: ايه فين غادي من صباح وأنا كنتسنى فيك
رياض: شنو كاين
غيثة:شوف انا عارفة زدت فيه هاداك نهار ولساني سليط ولكن بلييز على قبل ديك بنوتة....غير ليوم نتصالحوا وغدا نتخاصموا عفاااك هانا طلبتك مسكينة معندهاش باباها
رياض: وانا باش عرفني بدراري صغار فين عمري تعاملت معاهم
غيثة:راني بحالي بحالك جابتها الفرصة باش لولدنا انا وياك نعرفوا نربيوا
رمقها باستغراب من بعد تغيرات نظرتو لنظرة خبيثة شافت فيه غيثة بصدمة و لسانها السليط خرج عليها
غيثة: لا مفهمتيش زعما ملي واحد يولد ولد زعما اااه نتا عندك ولد وانا عندي بنت...
رياض(قرب بها بخبث مد يدو لوجنتها ماسح دقيق لملطخ حنكها ): قولي ليا شكون هاد المسخوط لكينتاظر موتو بأبشع طرق أنه يقرب ليك...(اعتادل في وقفتو ونطق ): غندير بكلامك ... متعرفي لولدنا كغنعاملهم. ؟؟!
غيثة: صافي نسا... (شافت في لوليا):انا عارف عندك عقدة من النساءولكن متنساش هي غير طفلة صغيرة بريئة..مكاينش فرقها بينها وبين ملائكة......
رياض: غنشوف....
تقدمات غيثة ورياض عند لوليا
غيثة: ناكلك انا ناري رياض حماقتني حمقاتني تبارك الله فنة غناكلها مافيها شك ....
رياض(بعدها شوية من لوليا ): غتخنقي بنت...
غيثة: ياك دابا انا غنخنقها
لوليا: عمو شنو سميتك
غيثة: شفتيها كيفاش نطقات عمو اذوب فيها اذوب..
رياض(تنهد بزعف كيفاش هي كتمطر هاد الطفلة بقبلاتها مجانا وهو تبقى تحشم ليه في بلاصتها):غيثة كملي طيابك...
غيثة:اه نسيت مخشيتش كوكيز في الفران....(همسات ليه)هانتا حاول دوي معاها غير بشوية قول ليها شنو سميتك وسولها مسكينة محرومة من الاب
تنهيدة فلتات منو رياض بسخط علاقتو مع دراري صغار معدومة عمروا تعامل معاهم وهو اصلا معايش طفولة ولو غير بحال غيثة قبل وفاة ابويها هو عمرو شعر بحنان الاب والام ومخالاو حتى صورة زوينة عن الحنان كيف كتخيل نجلاء... مشاف منهم غير القسوة
غيثة(تعلات على امشاط اصابعها طابعة قبلة على خذو ونطقات بدلال ): عفااااك
رياض: غنحاول معاها وبحال هاد البوسان دوينا عليه لا
نفضات منو دغيا ليقبلها قدام لوليا.....هاد الأخيرة كتشوف رياض بابتسامة
رياض: شنو سميتك
لوليا: سميتي لوليا وخالتي غيثة قالت ليا لولي
رياض: لولي انا رياض
لوليا(بعينين لامعين):نتا هو عمو رياض
رياض(باستغراب):اه
لوليا: نتا هو أمير خالتي غيثة
رياض:امير؟ (شاف في غيثة لمصدومة من كلام لوليا .طلع حاجبو باستفهام وشاف في لولي بابتسام حيث دراري صغار كيبيغوا وجوه مبتسمة ماشي العابسة....) شكون قالها ليك
لوليا: خالتي غيثة قالتها ليا
غيثة(بتلعثم: لولي اجي..
رياض: بقاي بقاي ا لولي ونعطيك شنو بغيتي(حذر غيثة بعينيه من أنها تنطق)شنو قالت ليك مزال
لوليا:قالت ليا نتا هوأمير تاعها وظريف وشجاع وزوين بزاف وشعرك كيحمقها وحتى عينيك أو قالت خلني نتفكر
غيثة(بخجل وتلعثم ):هاد دراري صغار كيقولوا لبغاو ههه مكاين والوا من هاد الهدرة
لوليا(شهقات وحطات يدها على فمها):كذبتي نتي كتكذبي عرفتي اعمو رياض كذبات
رياض:شفتيها كذابة
لوليا:اه هي قالت أنك شجاع وظريف وزين وشعرك كيحمقها وعينيك زونين و تفكرت منين كتكون معاك كتحس بأمان وكتكون فرحانة (شافت في غيثة عاضة على شنايفها):خالتي غيثة كذبتي كفرتيها...
غيثة(الدموع فروا من عينيها بقوة الخجل حتى الهدرة تحبسات ليها وداك تصنطيح الخاوي كلوا مشا)
رياض(شاف في لوليا ببراءة): شنوخاصنا نديروا
لوليا:ماما فين كنكذب كتعاقبني
رياض( مد يديه مانع الغيثة من الهروب محاصرها مع بوطاجي زحزح جسمو قليلا باش يتقابل مع جسدها): وباش كتعاقبك ماماك
لوليا: كتبقى تقول ليا كذوب خايب...وحرام وكتعطني حلوة .. وخالتي غيثة كذبات غير مرة وحدة عطيها حلوة باش متعاودش
رياض(بابتسامة خبيثة): نعطيها حلوة ياك
لوليا(بفرحة):اه عمو
رياض:هزي راسك علاش حانياه ياك هي طفلة بريئة ومكاينش فرقها بينها وبين ملائكة
Bach to the present
غيثة:هه بغيتي تقولي منين حطيتني بوجهك قدامو، كنت تمنيت الارض تشق وتبلعني خصوصا كان منفخ عليا
رياض:عمري تنفخت عليك
غيثة:اء علاه نتا ماشي لبقيتي مخاصم معايا سيمانك وتنفخ عليا وتعاملني ببرود
رياض:كنت قلت ليك عصبتني وكنت عارف داك لسانك كان ماضي وسليط ومكانش في صفي داكشي علاش كنت بغيت نخلي داك اللسان يقصار صدق الله كنتي غتسكتي ليا القلب. منين مشيتي ديك الرحلة
غيثة:صراحة وخا تخطفت فيها كتبقى من اجمل الرحلات لسافرت فيها(قبلات جبين لوليا وقرصات انف لولي بمزاح):متصوريش شحال خفت عليك قلبي قفز من بلاصتو الله ياخد الحق في هذا لضربك واش كتقصحي شويا من رجلك
لوليا:راني قلت ليك بخير ماما (نظرات لرياض وربتات على يدو):متبقاش تخمم بابا هكذا راه بوليس غدير خدمتها وغيشدوه
رياض:وخا هكذاك خاصي يتعاقب حتى نتي راك من عائلة ارذوجان واي واحد مس ليا مرتي ولا(نظر ليها بابتسامة حنونة):ولاواحد من ولادي غندمو بيدي
لوليا(مسحات دموعها بفرحة):الله يخليكم ليا (وضعات رأسها على صدر غيثة ويدها الاخرى متشبثة في قميص رياض لكيربت على شعرها بحنان)
بنبرة هامسة مليئة بالسعادة نطقات لنفسها:احسن حاجة درتي هو ضربتني وخا غندمك من بعد لكن بفضلك راني تقربت من غيثة ورياض كثر وكثر وغترجع علاقتنا كيف خاص تكون..