رياض:احم احم غنطلع نتكا شويا بارح عييت شويا
عماد:سير سير ههه حرموها عليك
غيثة:فين هو فارس وامبرة واش خرجوا
عماد:راه خرجوا مع جواد ومرتو قبيلة منين كان كيدلع فيك راجلك
لوليا:ماما غيثة واش بابا رياض عيان
غيثة(ببرود):من احسن قولي ليا غير خالتي. ومن احسن نفضل غيثة
لوليا(اختافت ابتسامتها ونظرات باستغراب ليها): شنو وقع،، نتي عمرك مدويتي معايا هكذا بهاد النبرة
غيثة:حيث انا كنت كنعتابرك بحال بنتي من صغرك حتى كبرتي ولكن باش. تقولي لنور ان رياض مكانش باغيها تولد منسمحش ليك واش عارفة رياض لمشا ساق الخبار غيمحيك من الدنيا راه هاديك مومو دعينينا عندك الزهر ان نور حتى حاجة مكتزعزع ثقتها. والا فرياض كان غيقتلك
لوليا:خالتي (بدات كتبكي)غيثة هئ هئ سمحيلي راه خرجات لي من فمي بلانا نحس
عماد(بتمثيلية): واو..غيثة ..من ديك الهدرة كاملة ديك الجملة بالضبط لخرجات من فمها
غيثة(قامت من فوق الاريكة):غنمشي عند رياض(نقلات نظرها من عماد ل لوليا ) اه وقبل. مانمشي انا ورياض بصح كنعتابروك بنتنا لكن بلاصة نور عمرها غتقاس وخا لاقدر الله تموت عمر بلاصتها غتخاد
حسنا:الرضى ابنتي غيثة الرضى(نظرات لنجلاء):عاونني نمشي الحديقة
نجلاء:وخا اجدة
عماد(كينظر لوليا باستهزاء): قلتها ليك لكن نتي راسك قاصح
لوليا(مسحات بموعها بحقد ):لو شدتي فمك من لول كان غيكون حسن
عماد: نتي جبتيها لراسك خاص تعرفي ان نور عندها بلاصة عند كلشي حتى من والديك
لوليا:هه هي بحالا مسوقة ليكم هه وماشي كلشي مجد ولدك هرسها وقيمتها مكتسوا عندو والواوسمعتي شنو قال وخا تموت قدامو ميعتقهاش
عماد:هه اه عندك الحق ولكن هذاك ماشي مجد ولدي ،
لوليا:هه اذن حتى نتا فراسك شخصياتو
عماد: اناممتأكدش في هاد الموضوع لكن لمتأكد ان مجد ولدي لكنت كنعرف ميهرسش بنت لربى على يدو وعارف انه فقد ذكرياتو معاها
لوليا(اختافت ابتسامتها):من امتا ونتا عارف
عماد:وراه باينة العمى غير منين خطب كنت شكيت وتأكدت منين جرحا انه معاقل على والوا
لوليا:ولكن هي عاودت ليه كلشي عليهم نتا غالط
عماد: فرق باين تسمع غير عبثيا حيث نهار لول شفت عينيه فضوليين عليها وفرق باش نتا لتعقل و تحس ...هو راه ماشي مبقاش غير عاقل عليها هو نساها وهادشي كامل بسباب ديك المصحة
لوليا:هه شنو ياكمة ندمتي حيث لحتي ولدك
عماد:ندمت من جهة ان شخصيتو ولات مستفزة وغير كملات عليه ولكن من جهة اخرى مندمتش(صغر مساقة بينها وبينو):خاصك تعرفي ان مجد دخل المصحة بسباب نور حيث كنت عارف انا ورياض انه كان متملك من جهتها من الصغر كيخاف عليها من اصغر حاجة تقدر تمسها..هو كان واعدها بالزواج وكان قالها لينا في صغرو نور ديالو..يعني لمشا هو حتى بغا يرجع ذكرياتو وكاينين بزااف الطرق باش يسترجعهم ،فراه حتى حد مايقدر يحبس عليه نور حتى من رياض
لوليا:قلتها بفمك لبغا ولكن هو مغيبغسش حيث مجد مباغيش يعلق راسو مع شي حد
عماد: وشكون غيشبع فضولو شي نهار واش نتي، متبقايش تفكري بزااف وتخططي حيث اصلا انا وياها مباغينهاش تكون معاه وقريب غتطيحي في الحفرة لحفرتيها بيدك
لوليا:عمري غنخليه يعقل واصلا هي كرهاتو
عماد: قلتها وغنعاودها اخر مرة حتى واحد معرف شنو لمخبي لينا من هنا لقدام من غيرك نتي لنشوف نهايتك قريبة ودابا غنخرج نشم شويا الهواء حيث ريحة الخنز عطات ( استادر متاجه نحو الحديقة وهمس بنبرة كتحمل التحقير): ممصدقش ان هاد الميكروبة من طاسيلة خويا وحتى طاسيلتي
——-
نور:واش غتشري ليا ازمر كلاص ولا غنقولها لياسر راه مجبتش فلوسي. ولا منحزركش
ياسر:فلوسك بحالا بايتة كتخدمي عليهم
نور:اها مالك ياكمة نتا لكتصرف عليا الله يخلي ليا بابا. واصلا منين غتكمل العطلة غنخدم مع بابي.
ياسر:لكملتي النهار نشري ليك اوطو مفركعة
نور:معندي ماندير بها وبابا كيصنع افضلهم
ياسر:نسافروا انا وياك
نور:باش ترميني فشي جزيرة وتنهى مني غير بالصحة واصلا بابا ميستحملش فراقي هانتا غير سيمانة شنو كان غيدير
ياسر: اصلا نهار ثاني نلقاه واقف على راسي.. هاهو مجد يلاه نمشيو طابلة ديالهم
نور زيرات على يديها الموضوعة فوق نظراتها الشمسية لتبثاتهم مزيان على عينيها ...استنشقات جرعة كافية من الهواء.لصفات ذهنها وتوجهات مع خطى ياسر واميمة نحو الاخرين..
ياسر:عاش من شافك
مجد(اماء ليه رأسو بهدوء ونقل عينيه نحو نور لكانت كتناول في كلاص بدون ماتعيرو اي اهتمام ): حتى نتوما
دينارا:واش لوليا مجاتش
ياسر:هاد مونيكة دوات واش مبانش ليها راه مكايناش
دينارا كررات نفس السؤال على اميمة بحكم انها مفهماتش كلام ياسين
اميمة(ببرود):مجاتش
دينارا(نظرات لنور لكانوا انظارها على البحر): كون غير مخرجاتش من بيتها
.....اوه عائلة ارذوجان حتى نتوما جايين كتبحروا
ياسر:مصيبة كحلة هادي جينا نبدلوا الجو غنصدقوا في المشاكل
أنس:شكرا حيت رحبتوا بنا (جلس في احد الكراسي):ايوا لباس عليكم
ياسر:شكون لرحب بهاد تبي
انس(شاف كلشي متجاهلو من غير ياسر لكيرمقو بحقد): افين الف
مجد(سكب كأس عصير الخاص بدينارا على رجل الاخر)
انس:اش هاد الخ
دينارا: سمح ليا بزااف مشفتكش
انس(خنزر فيها مكرهش يجبد سلاحو ويتيري فيها):المرض سبرديلة بيضة
اسراء:انس فينك من قليلة وحنا نقلبو
انس:مشيشة. غير رحبوا بيا ومقدرتش نرد هدرتهم
اسراء:اوه نور صافا عليك
نور: بخير ونتي
اسراء(جلسات بقربها):مزيان وشحال صدفة زوينة نتلاقاو
انس:مشيشة فين هو الخوادري
اسراء:راه مع سمر كيعوموا راه هما جايين
ياسر(دار رأسو باتجاه سمر لكانت لابسة دو بياس في كري مماثل للون شعرها وبقربها زهير لمساك في يد خطيبتو):صافي كملات
'
نور(نظرات ليه):دير عقلك حيث مخرجتش باش تنوضها مضاربة معاهم صبر غير خمسة دقايق قبل مايمشيو
ياسر:بان ليك غادين يمشيو
انس:واش مغترحبوش بنا بشي كاس عصير
ياسر:احسن حاجة هي دور ت*ود
انس: في كرك
ياسر:غنصدق فارع
سمر:bonjour
ياسر:بقاو لينا غير طحاب
سمر: مكيعرف الطحاب غير لمرب
قاطع ياسين وياسر منين صفعوا المائدة
ياسين وياسر:كمليهاااا
سمر(وسعات عينيها بدهشة من النظرات الغضب لجعلاتها تبلع ريقها وتجلس بجانب انس):اوبسي (نظرات لإحد النادلات):ايهو اجي نتي هنا
نادلة:وي مدموزيل
سمر:سيري جبي ليا ميلك تشيك
ياسر:جيبي معاك جوج اخرين(نظر لأميمة)اشمن نكهة بغيتي
اميمة:اء لكان
ياسر:جيبي جوج بنكهة اوريو
سمر(بابتسامة):شفتك نسيتي ختك
ياسر:ماشي جديدة باش نعرف ذوق ختي
انس:وختك زوينة اصاحبي
ياسر:شناهو عاودها
نور:ياسر براكة
ياسر:صافي غديها في عقل هذا وباغي غير الفرصة باش يجبد معاك الصداع
سمر:ههه دير بكلام ختك كيف قال خويا اه زوينة ولكن ماشي بجمالي
نور(هزات حاجبها من اسفل نظراتها وهي كترمق غرور هاد الاخرى وهمسات لياسر):واش هاد الاخت عمية
ياسر:قمعيها ليا حبي الله يرضي عليك عارف لسانك ماضي
سمر(بفخر):انا جمالي جد جد نادر وحتى ملامحي مميزة.. لهذا كنظن منين غنموت غنوضع جثتي في متحف
ياسر:اش هاد تبي(ارتاشف بعض المياه لعلها تخمد غضبو)
نور(زولات نظراتها بهدوء): حبيبية تاعي لكنتي كظني جمالك نادر وملامحك مميزة فحديقة الحيوان غتحميك من الانقراض
بسق ياسر الماء وفلتات منو قهقهة قوية
ياسر:هاري داك الحنك..ههه نتي لعبرتي عليهم
نور:اي صافي غير طلق من حنكي (نظرات لياسين لكان كيضحك هو كذلك ):هه زعما مبغيتش نحرجها
ياسر:ههه نتي راك هرستيها ماشي حرجتيها تستاهل بنت لادينة. وباقي ايامها معايا طويلة
سمر(ضربات الظابلة بعنف وهي كتمرق نور بحقد متسرطاتش ليها القمعة لقمعاتها ولأول مرة متلقاش جواب على لسانها)
نادلة: سمحوا ليا تأخرت شويا هاهو طلبكم
سمر(صفات الطابلة من جديد):وانا شنو غندير باعتذارك غنشربووا؟؟؟ اش هاد الويل ... وزايداها بحتى السخرة عوجة. بغيت نعرف علاش مخدميش وحدة بحالك هنا
النادلة(بخوف): ولكن نتي امدموزيل قلتي ليا
سمر:شنووو دابا وليتي كتكذبي فياااااا واش عارفاني شكون انا
المدير:السلام عليكم(نظر لعائلة الجوهري وارذوجان):شرف كبير تكونوا كليان لمنتجعنا
سمر:باينة كتهلاو في كليانكم ونتوما مخدمين بحال هاد الماركات
النادلة(كتنظر لمديرها بخوف): انا درت غير داكشي لقالت ليا
مدير:واش هي غتكذب عليك سمحي ليا امدموزيل الجوهري. اخر مرة غتشوفي بحال هاد الخطأ كنتعاذر
النادلة(جلسات على ركبتيها ومسكات يد سمر): هئ هئ عفااك راني انا لكنصرف على خوتي وماما مريضة انا لغالطة عفاك غير سمحي ليا
سمر(نظرات للمدير):اش كتسنى دير خدمتك
نور:منيتها هاد الاخت مفرغة غضبها في البنت
ياسر:بنت الطحبة هادي لكن عقلي دابا تلقى واحد بعاود ليها ترابي
نور:لو كانت غيثة تجعر عليها
المدير(جر نادلة): زيدي نتي معايا
النادلة(كتبكي بقهر):هئ هئ الله ياخد فيك الحق
سمر:اخخ جرثومة انا غنمشي نعوم نبرذ هاد الفقصة لدارت ليا هاد المكلخة
نور(نقلات نظرها لمجد لكان كينظر ليها هو ايضا..بقات كتنظر لخضروتيه ولأول مرة مغيكونوش كيحمل نظرات وكسولة..زالت نظرتها بهدوء من عليه وابتاسمت لإسراء ): ايوا بقا كترقصي الرقص الآلي
اسراء:اه ضروري واش تبغي تجس بعد غدا غيكون عندي حفل
نور:مم مكرهتش ولكن غدا مسافرة
ياسر:وايلي فين غتسافري
نور(بلامبالاة) : غنرجع لأمريكا
ياسين:ومعامن؟
نور:بوحدي
ياسين:واش صافا؟
نور؛ايه مالك راه عندي تلاثة وعشرين. عام
ياسر:الواليد وافق
نور:غادي يوافق غير نتمنى مايخليش هجان ولاباسل يمشي معايا خصوصا غنسافر مع الناس
ياسر : كيفاش طيارة عادية وطائرات الخاصة على نتي من امتا ناوية تسافري
نور:هادي شهر كنت دويت مع ولد جدة عمي نزار وقال ليا مرحبا
ياسين:وعلاش نحن آخر من يعلم
نور:مبغيتش نشطنكم خصوصا ياسين بقا ليك غير سيمانة وشي يامات وغيمشي لمعسكر وحتى نتا غتسافر وبغيت نكتاسب خبرة في الخدمة
ياسر:عرفتي شنو خلي هاد البلان حتى دار وندويو فيه مزيان ايوا مجد شفتك اصاحبي ساكت ياكما حستي بزرية لزربتي في الخطبة
مجد:يمكن