زدتكم هذا حيث معرفتش صراحة واش غيقدني وقت نخط ولا لا
اميمة(مسحات عيونها بدهشة):يعني تكون هادي خطتو يااك ويقدر يكون مزال كيفكر فيا
نور(قرصات ليها خذها )؛ اه هادشي لجاني انا منطقي امتا غتكملي 18عام
اميمة:في شهر نونبر
نور:امم في شهر حداش (نظرات لعينيه اميمة):واش مزال كتبغيه
اميمة:اه هو اول واحد كنعرف وعمري قدرت نساه ولا نكرهو
نور:شنو سميتو
اميمة: أندريه
نور: وشنو كنيتو
أميمة: أندريه ديفونشاير
نور(وسعات عينيها بصدمة)هو كينتامي لقائمة عائلة النبلاء لفي امريكا
اميمة(بخجل):اه ...وهو اضطر على قبلي يبكي ويطلب بابا ونتي عارفة نفسهم كتكون عزيزة
نور:ونفهم في لول علاش كان مغرور كنظن هو يمكن غير كيتسناك كيف قلت ويدير حتى في مكانتو في عائلتهم متنسايش ان الجد ديالو راه دوق وهي اعلى درجة في النبلاء.. احح هادشي عندكم زوين..
اميمة(حكات شعرها بتوتر):اذن واش ولينا صحابات
نور(وقفات ومدات ليها يدها): واش هذا سؤال يلاه نمشيو نطيبوا شي حاجة فيا جووع
اميمة(مسكات يدها بحماس):الحمد لله منين ولات قدوتي هي صاحبتي
نور:قدوتك علاش كتقولي ليا هاد الكلمة حيث انا مافيا حتى نفع
اميمة؛معرفتش لكن كيعجني حماسك وافعالك مكرهتش لو كنت قادرة نضحك ونغوت بحالك
نور:ماشي اي واحد كيضحك راه معنى ان حياتو زوينة كيف كتخيلي نتي مكرهتيش تكوني بلاصتي وانا مكرهتش نكون فرحانة كيف كتخيلي
اميمة(عقدات حاجبيها بعدم الفهم لكن قررات متسألهاش على الامر خصوصا منين سمعات استنتاج نور قلبها كيدق بالفرحة ): واش نقدروا نتلاقاو
نور:متعرفي في هاد الحياة كلشي ممكن
اميمة:اه نسيت عمي رياض بدا كيتعصب حيث كلشي كيمنعوا من أنه يجي لبيتك امتا غتخرجي
نور:منكذش عليك مزال ممستعداش نخرج لكن قريب...
أميمة :عمي رياض عزية عليه نتي بزااف لدرجة في كل حديث كيذكر سميتك
نور(بفخر):حيث انا نور عينيه
.......
خديجة:شكون هاد الفا لكيدويو عليه واش من نيتهم كيفكروا يخطفوني معارفينيش انني بنت رعد الفارسي غنشوفوا خطتهم فين غتوصلهم ولآخر الشهر بالضبط اختارو هاد النهار حيث هو اول نهار عندنا في المعسر(ابتاسمت بمرح):ههه بغيت نعرف وجه هاد الفا منين غيعرف ان بنت في عمدها 15 عام حبطات أعمالو وخاص نبحث عليه اولا لكن لقب ديالو مكافيش بفففف ولكن الجانب الزوين بابا غيكون مفتاخر بيا..
عند مريم وصهيب لكانوا كيحاولوا يطيبوا الخبز
مريم(رمات دقيق بعصبية): تعصبت بقفف واش حتى لهاد الدرجة طياب صعيب
صهيب:هه منكذبش عليك يمكن
مريم:واش في ofc مخاصش تكون كتعرف طيب
صهيب: حنا كنتعلموا كيفاش كندخروا الماكلة لمدة طويلة وكيفاش نقذوا نفسنا من الجوع وحتى كيفاش تاكل من حشائش الارض والنبات مهم غتعرفي كلشي منين غدخلي مبقاش بزااف
مريم(صفقات بحماس)؛منكذبش عليك مكرهتش نمشي من ليوم
صهيب(مسح بعض حبات الدقيق من على خذ مريم لسكنات في بلاصتها حتى ابتاسمتها انخافضت عكس دقات قلبها ليرتافعو...شرذ في بنفسجيتها):عرفتي شحال تسنيتك ترجعي درب(صغر المسافة بيناتهم ومزال يدو على خذها) عرفتي شحال من مرة وقفت قدام باب دجدك باش نرجع نشوفك(نقل نظراتو من عينيه لشفايفها): عرفتي شحال توحشتك
قاطع تقاااربهم صوت صفعة الباب...دفعاتو مريم فجأة ووضعات يديها فوق البوطاجي بصدمة انا صهيب فوضع يدو فوق شعرو كيفركو بحرج
خديجة:ناري خاص نقول ليكم شنو عرفت اء(نظرات ليهم كانوا ساكنين من غير مريم لعاطياها بظهرها)مالكم خاص تكونوا محمسين عرفت واخذ خباار واعرة بزاف متأكدة غتعجبكم وغتعجب بابا وحتى لOFC
صهيب(نظر ليها بتركيز):قلتي لofc؟
خديجة( قفزات بحماس ومسكات يد صهيب):يلاه نمشيو صالة نقول ليكم شنو عرفت مريم
مريم(قاطعتها بسرعة بلاما تشوفها): انا جاية غير سيقوني
خديجة(رمقاتها باستغراب ونظرات لعينين صهيب لكانوا عليها):مم صافي يلاه صهيب
صهيب:وخا انا جاي بلاماتجري هكذا غنصدق طايح انا وياك
مريم(مسحات وجهها بعنف ولمسات شفايفها بارتجاف):اول..اول قبلة ليا لحافظت عليها هادي. عشرين عام كنت غنفقدها مريم مريم تهدني وديري عقلك يقدر يكون غير كتعجبيه وينساك من بعد نتي عارفة نزوة الرجال...فينما كنتفكر قلبي كيبغي يخرج من بلاصتو وحتى حلقي كنحس بتقية واحلة ليا واش حيث عمري جربت نعرف شي حد تهدني وصفي ذماغك وديري بحال حتى حاجة موقعات همي الاول هو لOFC اه متنسايش هادشي امريم
عمران: ياسين وياسين اصاحبي حبس
ياسين:مسمعتكش
عمران(نظر لقطعة الخشبية لأمامهم):وشبعتيه رصاص مسكين لو بنادم جا قدامك كون طلب الشرع
ياسين(الصمت)
عمران:ايوا مقلتيش ليا علتش مصر تبقى في المغرب واش على قبل ديك لبنت لقالت ليا غيثة
ياسين(التوقف عن اطلاق النار وبقا صامت مدة قصيرة)؛ واليدة كنت عارفها غتقولها ليك
عمران:هه يلاه قول ليا هاد البنت لطيحات صاحبي لعمروا ماشاف فشي بنت ناري اساط بربي حتى فرحان ليك راه أعجوبة بحد ذاتها
ياسين: ماشي على قبلها بقيت في المغرب
عمران(بابتسامة ماكرة):ايوا علاش اشريف ياك كنتي رافض تدرب في المغرب
ياسين:مبغيتش نجي ونحط رأي ديالي بلا ماتكون عندي تجربة واصلا غير عامين راحة وعطاوني خيار باش ندرب مغنخسر والو
عمران:وزعما غيبقى عندك نفس رأي عليه
ياسين(عقلو غير مع مريم):اه (نظر لعمران):عينيها بنفسجيين
عمران:شكون هي
ياسين(نظر لقطعة الخشبية من جديد):لقالت ليك عليها الواليدة
عمران(بدهشة): وايلي اساط واش موف موف(ياسين ميل لي رأسو بالايجاب)؛ اذن غتكون تيتزة ولا لا
ياسين(تذكر شكل مريم شعرها المجعد البني...بشرتها ناصحة البياض والصورة لتركزات في ذماغو منين كانت جامعة شعرها على شكل كعكة مهملة وهو كان واقف امامها كان في ديك لحظة مكرهش يخنقها ويخرج روحها من مكانها بسباب عنادها باش ميعتاذرش لكن اسباب منعوه اولا مكيضربش نسا وعمرو فكر ولاغيفكر يضرب شي امراة من غير لفي اطار التدريب او الخدمة هاديك قضية اخرى ثانيا لون عينيها الغراب ليخليو اي واحد يطول التحديق فيهم خصوصا لونهم جد نادر واخيرا رقبها الطويلة شديدة البياض خصوصا عينيه تركزوا في عظمة ترقوتها):معرفتش
عمران:هاد السكات كامل في لخر قلتي معرفتش تخيل اساط تطيح في عينيها كيف طاح باك في عينين غيثة
ياسين(قطب حاجبيه)؛انا ماشي هو الواليد
عمران:ولكن راك ولدو تخيل تكون حتى نتا ملعون بحال باك وتكون كطيح في سحر العيون
ياسين(بقا صامت لمدة وضع كاسك لكيحمي الاذان من صوت الرصاص مع القاعة فارغة فصوت الرصاص كيكون حاد بأضعاف على الخارج): وخا نكون بحال واليد مغنطيحش لعينيها
عمران:ممم دابا نشوفو
ياسين (ركز عدسة البندقية على رأس القطعة الخشبية لكانت مرسومة على هيئة انسان لكن بدوك خدوش هاد المرة....تجاهل كلام صديقو وقبل ماتختارق الرصاصة القطعة تذكر بنفسجتيها ونطق بدون شعور ): ولسحر عيونك لن أنحني
ومع طلق الناري لكانوا هدفوا يصيبوا في رأس القطعة خدا منحى اخر واختارق بدله، قلب الدمية الخشبية وهنا كان اول مرة غيخطأ تصويبو ...ويقدر م ايضا مستقبلا يكون خاطأ حتى في حكمو..
مر أسبوع بنفس الاحداث الروتينية لكتكرر نور مكتغادرش غرفتها وفي ليل كتبات معاها غيثة وحسنا.. ياسين وياسين مزال كيبحثوا على داك المجهول لكيرسل ليهم الرسائل... ألفا كيتابع مشروعو لهو اكبر موقع...الافلام الاباحية... لماشي اي شخص كيستاطع يدخب يتفرجع ليهم الا اصحاب VIP وأكيد الثمن جد جد مرتفع...وكيرتافع كلما وقت لفيديو طوال وايضا على حسب المشاهد لباغي تشاهد.. لهذا فكيتم شراء جميع النساء ابتداء من المراهقات الى العجائز..البعض منهم مخطوف والبعض الأخر تم بيعو ومنساوش حتى خطته لخطف بنت الفارسي وشكات قريبة.... وانتقالوا لآخر شخص لرياض ارذوجان لمبقى كيحمل حتى ذرة الصبر باش يشوف بنتو
Flashback
رياض:عماد حيد من قدامي خليني نمشي عند بنتي
عماد:وراه صاحبي قلنا ليك عيان...
رياض(قاطعو بغضب):سيمانة وبنتي مريضة مشينا خيمنا بلابيها وقلتو ليا بلان اخر وسكت ولكن واقعة شي حاجة واقسم بالله ونعرف شكون السبب حتى نحروا قدامكم
غيثة: ورياض وصافي اصلا نورمكايناش
رياض(تلفت نحوها):كيفاش مكايناش ...واش كضحكوا عليا واش باغي تجهلوني
غيثة:وانا علاش كتغوت عليا شنو درت ليك
رياض:نتي عارفة اش كان واقع لبنتك ومقلتيهاش ليا انا عارف طبعك. كيف داير ومن عينيك باينة كتكذبي
غيثة:ياك دابا انا وليت كذابة وخا وخا
رياض(دفع عماد وجواد): حيدو من قدامي نتوما مباغيش نخسر معاكم ... راه حتى مغيحبسني هاد المرة نطلع بيتها
غيثة:راه قلنا ليك مكايناش واش مكتفهمش راه خرجات مع حسنا...(رياض ما استامعش لكلامها وتوجه نحو الدرج وهي توقفو ماسكة ذراعو):بغيت نعرف مالك هاد النهار معكس...ونخليو انك مغوت عليا وناعتني بالكذابة ....ولكن باش تنخلني ارياض لا
رياض(بتحذير):غيثة حيدي يدك
غيث:ممحيداهاش يلاه حتى نشوف هاد قصوحية راسك فين غتوصلك
رياض(نفض ذراعو من يدها..شيءلخلا غيثة ترجع للخلف بصدمة ماسكينها ياسين وياسر):غيثة متخليناش نرجعو براهش وخليني نمشي نشوف بنتتتتي!!!! راه مشفتهاش سيمانة و وعارف واقع ليها شي حاجة. وياويلكم. تكون بصح
غيثة(نظرات لياسين وياسربصدمة):شفتو باااكم ياكو شفتوه...حتى كبر ورجع لحالتو
ياسر:واليدة...لواليد عندو الحق ختنا سيمانة مشفناهاش ومبقاتش كتجي حتى لبيتي شنو واقع ليها
ياسين:ماشي من عادة نور متخرجش من بيتها الا مرة وحدة وهي منين بقات في داك العام وهي كتحبس راسها في لبيت ومبغيناش نشوفو ختنا في ديك حالة من جديد...
غيثة(بلعات ريقها من نظرة ولادها وهي رياض تقدر تكذب على كلشي الا هاد تلاثة كيعرفوها غير من عينيها):واش انا غن...
أميمة:عمي رياض ...نور بصح مكايناش خرجات مع ادم ومروة صباح..
رياض:وعلاش انا مفراسيش راه خرجات
اميمة(فركات يديها بتوتر بحكم اول مرة غينظر ليها الكل ومنهم ختها لعاقدة حاجبيها بحنق): نور كانت مريضة ومقلقة ومبغاتش تشوفك مقلق..حيث قالت ليا يلاه رتاحت منين مبقيتش مركز عليها الحراسة على قبل هذاك لكان كيرسل ليها الرسالة
هجان:مسيو رياض سمح ليا حيث دخلت بدون اذن لكن خاص ضروري تجي
رياض(دلك جانبيه عينيه. ونظر للكل ): مغنطلعش حيث بنت فارس عارفها مغتكذبش ...ومنين غنجي ومنلقاش بنتي ذنوبكم على جنبكم
غيثة:سمعتوووه ولا كيهدد وخا سي رياض ودافعني من الفوق
حسنا:سكتينا حتى نتي الحمد لله غير منين خرج
غيثة:وياه(ابتاسمت لأميمة):مزيان منين دويتي ماكون متيقش وغيطلع عندها
ياسين:واش نور كاينة ؟
ياسر:ومالكم كاذبين على لواليد كان غيجهل
غيثة: وصافي علاش كتسولوا سيروا طلعوا عندها لبغيتو
ياسين(حدق في ياسر باستغراب لهو ايضا مفهمتش على غيثة كذبات على باهم):مهم حنا غنشوفوها
ياسر:وياه توحشت صداعها
أميمة:نور سادة بيتها
حسنا:وعلاش؟
اميمة:معرفتش قالت ليا مبغيت حتى حد يصدعني حتى تسعود ليل عاد غنجي عندها
غيثة: هاد البنت بحالها بحال باكم مرات مكنبقاش نفهمها ماعلينا انا خارجة مع نجلاء نمشي نكمل تجهيزات عرس مجد
حسنا(بهمس لغيثة):ونور مغتقلقش
غيثة:بالعكس هي لقالت ليا سيري عاوني نجلاء راه حتى انا استغرب لكن كانت ليا مجد عزيزة عليه انا وكثر حتى من نجلاء وغيبغي يشوفني حاضرة كنوجد عرسو
حسنا:بغيت نفهم هاد بنتكواش عقلها في كرها
غيثة: مفهمتش لكن هي مبغاتش مجد يلومها وباش حتى رياض ميعيقش
لوليا:مكتعرفيش تبقاي في شبوقك
اميرة(بتوبيخ):لوليا تفرقي على ختك
لوليا(بحنق):هانا غادة بحالي
اميمة(هزات عينيها. ونظرات لفارس لكينظر ليها بصمت عينيه مليانين بالشوق والحزن وكذلك بالخيبة نزلات عينيها وتوجهات للأعلى)
اميرة:بنتي اميم اجي تاك..
اميمة(قاطعتها):شبعانة
اميرة(نظرات لطيف بنتها بحزن وفي زوجها بلوم وتحركات مغادرة مكانها بدون ماتنطق اي كلمة )
Back to present
غيثة:صافي هادشي لوقع
نور:ممم وبابا فين هو
غيثة: من عيط عليه هجان وهو خارج معاه...
نور:ممم
غيثة:ايوا قولي ليا نتي امتا ناوية تبقاي مخيمة في بيتك راه دازت سيمانة
نور:قلت ليك غدا غنخرج
غيثة: علاش غدا وماشي ليوم بالضبط
نور:حيث ليوم ماشي هو غدا وغدا ماشي هو اليوم هو غدا
غيثة:بفف ونقول مالك معكسة مكذبتش منين شبهتك بباك حتى هو كان كيدير ليا هاد الفعايل
نور:هه بصح عاودي ليا
غيثة:ايوا اختي منت ظلمتو وتخاصمنا ومنين حزرت فيه باش نتصالحو قال ليا حتى اثنين ونتصالحو وفكيها معاه
نور:هه ايوا تصالحتو اثنين
غيثة:هه لا حيث عصبني داك بروده ومشيت واحد رحلة كان منعني نمشي ليها ايوا صدقوا قطاع الطرق ملقين لينا هه ايوا باك داك نهار كنت غنخرج ليه العقل معرفتش علاش مضربنيش ولكن كان غوت عليا وصافي ههه وصدقنا مصالحين الاحد قال ليا لكنت غنتحاهلك وغتركبي فيا الاعصاب من احسن غنتصالحو
نور:ههه بابا والله حتى صبرت على هبالو
غيثة:اء حتى انا صبرت على عصبيتو والا فمكانش غيكون عندو هاد الزين (قرصات انف نور)
نور(عنقات غيثة وقبلات خذها)الله يخليكم ليا نتي وبابا وجدة وادم وخوتي نتوما اغلى مكنملك
غيثة(مسحات على شعرها):ونتي راك حبيبة ديالنا نورنا نور عينينا اه حقا شنو علاقتك مع اميمة
نور:والو غير صحابات
غيثة: ممم مزيان صراحة ظريفة ومعرفتش علاش ديما كتجلس بوحدها
نور:كاين نوع ليحال هويا ياسين ولا لا واصلا ياك كنتي بغيتي ندير صديقة هاهي
غيثة(ضربات كتفها):هادي ماشي صداقة لكنقصد حيث هي في الاخير كتبقى من لعائلة بحالها بحال ادم انا بغيت نشوفك دايرة صداقات مع البراني
نور(اشتلقات فوق سريرها بملل): نفس الهدرة اغيثة وراه براكة عليا غيرادم ممحتاجة حد
غيثة:او(قاطع كلامها صوت الدقان):بلاتي نشوف شكون جا(فتحات الباب وتفاجأت منين وجدات ولادها)
نور(لاحظت تعابير غيثة):غيثة مالك ساكتة شكون جا(جلسات في سريرها وحاولت تمد راسها ):وغيثة شكون جا
غيثة:غير خوتك مهم دخلوا عندها. انا غنمشي وعنداكم تلعبوا دور الاخوة المتسلطين حذاري اياسر
ياسر:والواليدة واش من نيتك حنا بغينا نشوفوها راه توحشنا صداعها
غيثة:مهم هانا خليتكم
ياسين دخل وتوجه نحو نور جلس على طرف السرير وياسر استلقى بقربها. وجر رأسها لحضنو
ياسر:برهوشة غبرتي علينا مالك اش واقع ليك
نور(ضربات كتفو):هذا راه راسي. اياسر ياه قصحتني متجرنيش هكذا
ياسر:راه بغينا غير نسلموا عليك
نور:وهذا تسلام في نظرك وحيد صباطك من فوق سريري
ياسين(وضع يدو فوق رأسها ونطق بنبرة حنينة):نور واش بخير
نور(بابتسامة صغيرة):بخير
ياسين(مسح على شعرها ):ماشي ضروري تكذبي وتقولي بخير حنا خوتك وعقلتي شنو كنت قلت ليك لعندك شي مشكل وخا نكون في اخر الارض غنجي عندك وانا وياسر معاك
نور(سقطات ابتسامتها وتلألؤوا زرقوتيها بالدموع لبداو كيسقطوا تدريجيا ):مبيخيرش اخويا مبخيرش
ياسين(ضمها نحوه كيربت على شعرها ونظر لياسر لعدل من جلستو ونظر لظهر نور بصدمة): ماشي مشكل كلشي كيتحل انور اي مشكل عندو حل
نور:هئ هئ مبغيتش نبقى في هاد لبيت عفاكم خرجوني بغيت نمشي لحديقة
ياسين:وخا لبغيتي(وضع يد اسفل ركبتيها والاخرى اسفل ظهرها):ياسر جيب شي غطا ليها
ياسر(عقلو مزال مشوش حيث اول مرة غيشوف ختو كتبكي ): و..وخا
تشبثات هي بخوها ودموعها بللوا رقبته شيء لخلاه حاير ويتساءل على سيب بكاءها غضب والده مكانش غير عبثي بالعكس كان شاعر ان شي حاجة واقعة لختهم وحدسو مخطأش..وضعها في أرجوحة عريضة كضم تلاثة الاشخاص وجلس بقربها..وجا خلفهم ياسر لمد ليه ليزار خفيف يحمي ختهم من البرد لكيكون في اليل... وفي الاخير قبعات هي وسطهم متكلموش معاها .. واكتافوا بسمع شهقاتها لبدات كتهدأ نسبيا مع مرور نصف ساعة
ياسر(مد ليها قنينة صغيرة من المياه):هاكي
نور(بصوت باح):شكرا
ياسر: ختي كتقول ليا شكرا تراه واقعة ليك شي حاجة ...قولي ليا هاد الحمار لقلقك
نور:حتى حد خويا
ياسر:خويا؟؟ فين هو معيورك لالا تشرا بربي واقعة ليك شي حاجة
نور(رمقات ياسر باستغراب): كيفاش تشا؟
ياسر: وراه في كازا كيدويو هكذا ماعلينا جاوبني
نور:راه بصح مواقع لي والوا غير هرمونات كيأثروا عليا
ياسر:هاد هايلالة كاملة نايضة على هرمونات اشريفة راني مدوز جميع انواع النسا وتجي تلوحي عليا كذبة الهرمونات.
ياسين:لا راه بصح تقدر تكون من الهرمونات يعني تقدر تكون تفكر فشي حاجة من الماضي وتبكيها
ياسر ونور صوبوا نظراتهم عليه بشك
نور(صغرات عينيها فيه):وخويا ياسين من امتا وهو كيعرف في الهرمونات ديال النساء
ياسر:ياكمة طايح فشي وحدة كنقول ليك من هنا حالتك جد جد حرجة
ياسين(فرك رأسو بخجل):مكنعرف حتى وحدة غير منين كنتي مريضة وسمعت هرمونات مخربقين مشيت بحثت عليهم
نور(وسعات عينيها بفرحة وعنقاتو):يخليك ليا
ياسر:وانا متعنقنيش
نور:نتا راه شابع تعناق مع عيالاتك
ياسر:وانا عيالاتي هما لواليدة وختي
نور:هه بلاما تقلب هدرتي فهمتي اش كنقصد ولكن(وضعات رأسها فوق كتفه):حتى نتا راك سندي
ياسر(شقات ابتسامة ثغرو):ههه عفريتة كتعرفي كيفاش تفرحينا
ياسين:ايوا مغتقوليش لينا علاش بكيتي
نور:غير تفكرت دوك ايام...
ياسر(وضع يدو فوق يدها)؛حنا ديما معاك
نور:عارفة ولكن داكشي صعيب يتنسى (نظرات لياسين وياسر):واش عمركم غتقولوا ليا شنو وقع ليكم حتى نتوما واش مغتقولوا لبابا وماما والوا
ياسر: نور هذا سر بيناتنا دام مدة سبع سنين، انا مسولتش شنو وقع ليك حيث عارفة صعيب تعاودي وحتى انا (حاول يطرد ديك الذكرى من راسو): مسولتش ياسين شنو وقع ليه وحتى هو حيث.. حنا نفسنا ومزال ممتقبلاش داكشي لوقع
ياسين : وحنا عارفين انهم مزال عايشين ومعرفتش علاش وهموا الواليد بالعكس...
ياسر:لكن انور عمر شي حاجة غتوقع ليك مزال حيث حنا ديما معاك
نور:عارفة(خرجات تنهيدة طويلة من فمها):كلشي من ديك المدرسة تما فين بدا كلشي
كل واحد فيهم انغامس في ذكرياتو مع الالم لعاشوه وحتى السر لمخبينو على بعضهم وعلى الكل ..نور نطرات ليديها كانوا ماسكينهم خوتها ابتاسمت بدفئ وهي كتلمح الحنان لكيطمروها به وكيفاش كيعاملوها كأميرتهم
نور(نطقات هي في الاخير مخرجة خوتها من شرودهم): مبقيتش باغا نعيش قصة حب
ياسر(باستغراب):وعلاش ياك نتي هادي 17 عام مصدعة راسنا بالحب غادي تلقاي واحد تعيشي معاه ايسطوار داموغ تاعكم؟
نور:كنت ولكن مبغيتش
ياسر(صغر عينيه فيها):يامة بغيتي شي واحد وهرس ليك قلبك
نور:واش من نيتك لوبغيتو كنت غنفرض على بابا يزوجوا لياونتا عارف بابا يديرها
ياسر:هادي مكذبتيش فيها ولكن باش تخلاي علىاول حلم ليك لدام هادي سبعطاش لعام راه مكدخلش لعقل...
ياسين:شنو. وقع انور
نور:راه قلت ليكم والوا ولكن هانتو فكروا معايا انا عندي بابا. كيعتابرني نور عينيه غيثة بنتها وحيدة وكتحماق عليا وعندي خوتي كيغيروا عليا من ادك وكيخافوا عليا وحتى هما كيبغيوني يعني ماشي بالضرورة نلقى واحد كيبغيني يعني كيف كيقولوا دنيا مكتعطيكش كلشي وبراكة عليا غيرعائلتي (ضمات يديهم ووضعاتهم فوق قلبها) كنبغيكم بزااف
ياسر:حتى انا البرهيشة عزيزة علينا ايوا امتا ناوية تخرجي الواليدة راه تخاصمت مع واليد. على قبلك
نور: حتى انا توحشت بابا حبيبي بزااف غنخرج غدا اصلا بيت جاب ليا الخنقة
ياسر:مزيان باش تمشي معانا غدا نتبحروا
نور:اوكي ( سمعات صوت رنة رسالة قادمة من هاتف ياسر لتزامنت مع هاتف ياسين):واش جاكم شي ميساج
ياسر: يمكن
فتح هاتفه حتى كيتفاجأ بنفس الشخص المجهول كيرسل ليه الرسالة
الشخص: You are good at empathy( انت جيد في التعاطف)
ياسر(بهمس):بغيت نعرف غير شكون هاد تبي..كتب ليه رسالة
Who are you for the last time؟(للمرة الاخرة شكون نتا)
الشخص : Don't try to threaten me (متحاولش تهددني)
ياسر(صغر عينيه محاولا الصبر في الاخير قرر ميتعادنش معاه وخا هاد الشخص قليل فين كيتواصل معاه لكن مكيحملش تكابر معاه او دير راسك خبرة عليه حيث غتندم): okay(وخا)
نقلات نور انظارها المستغربة من ياسر لياسين لحتى هو كيحمل نفس الملامح المقتبضة
الشخص: Congratulations, you have new enemies
(مبروك ،ولاو عندك اعداء جداد
ياسين(صغر عينيه بمحاولة فهم كلماتو): What you mean(شنو كتقصد)
الشخص: Soon, you will know(قريب غتعرف )
ياسين(مكلفش نفسو يسألو شكون نتا حيث عارف مغيجاوبوش لهذا اكتفى بكتابة): !same question
نور:ايه مالكم..
ياسر:والوا غير..
قاطع كلامهم من جديد هاتف كل واحد وسعوا عينيهم بدهشة واش غيكون جاوب على سؤالهم):
You can call me Mr. Shadow
(تقدر تقول ليا مستر شادو(الظل)
هادي هي اخر جملة وصلاتهم وبقاو كيتمتموا بها ..اكيد هما معاروش لقبه اي اهتمام لكن الرمزية او الدلالة لكيحملها لقبه -الظل-كتحمل عدة معاني ورموز ..حيث هاد الشخص ماشي عبثي واي كلمة كيختارها او قالها كتحمل في طياتها سر ولغز
نور:اييه اش واقع مالكم مع تليفوناتكم
ياسين:والوا غير نساي
نور:شكون هذا لكيصوني عليك اياسر
ياسر:غير صاحبي تي مالك(رد على اتصالو) الو عز اصاحبي اش كاين
....:وفين اياسر مغتسهرش معانا
ياسر:لا كاين مع الخوادرية
نور؛ الخوادرية شكون هادي؟
عز:وصاحبي راه واحد بومبة جات ليوم جابها رضوان على قبلك هانتا بميكتها
ياسر:وايلي اساط متقولهاش واش نتي بومبة عندها شي فورمة
عز:وراه خاص تجي تشوف بعينيك
نور:هذاك كيفاش فورمة متقولش ليا ناوي تمشي وانا في هاد الحالة!!
ياسر:عرفتي شنو انا في اجتماع مهم مع الخوادرية ممساليش ديك ختنا يلاه تلاح
نور:كيفاش خوادرية؟شكون هادي
ياسر:هادي نتي
نور:كيفاش انا!!!
ياسر:راه الخوادرية معناها هي ختي
نور:منين جبتي هاد الهدرة
ياسر:وايلي حتى نتي راه خاص شي نهار تهبطي معايا درب لواليدة تحرشي هدرتك ونتي الانوثة فاضت فيك
نور:ايه بعد مني ااه شكون لصونا عليك حتى نتا هاد المرة
ياسين: شي حاجة متعلقة بالخدمة حيث غنولي خدام في المغرب
نور:نتا غتخدم في المغرب ميمكنش ياك كنتي رافض
ياسين:بغيت غير نجرب