.....: عمي رعد عمي رعد...
رعد: شنو كاين علاش كتغوت...
ولد: عمي...مريم ضرباتها طوموبيل...
رعد: شنااوا.مرررريم. اجي هي في اشمن بلاصة....
ولد: في طريق ثانية...ديال خرجة سوق...
خرج رعد كيجري خلفه زوجته درصاف وقلوبهم كتقرع بالخوف
خديجة: خاصني نمشي نقولها عمي ارتان.....
//////
ياسين(زير على مرفقها ونطق بحدة ): مباغيش نضربك حيث عمري هزيت يدي على درية ولكن غتزيدي كلمة تسبني فيها مغنعقلش عليك..
مريم :اعتاذر...سمعتني طلب سماحة وغنمشي... والا مغنتحركش من هنا...
ياسين(مسح وجهو بعنف... مظنش تعامل مع النساء غيكون بهاد الصعوبة خاصة ان هادي لواقفة أمامو اكثر تمردا من ختو ): عمري معتاذرت لشي حد باش نعتاذر.. ليك..ثانيا لافوط منك نتي لخارجة ودابا(دفعها حتى كانت غتسقط لو محفظاتش على توزانها ) غبري من وجهي.
مريم(وجهات ليه لكمة بعنف مسدداها في وجهو...خلات الكل يشهق من جرأتها اولهم غيثة ونور): على الاقل هاد لكمة تعلمك شنو هو آداب...وتحتارم ناس(نظرات لسيارتو لمبرغيني): ماشي حيث نتا ولد فلان وعلام غندوزها ليك بشوية فلوس..احترام كيبقى هو احترام..وفلوسك عمرها غتخليك زوين في عينين عباد الله ونتا تربيك ناقصة...
غيثة: كيفاش دابا انا تربيتي ناقصة..طلق مني ارياض خلني نمشي ليها طلللق...
رياض: تبثي اغيثة حتى شرفتي وبغيتي تحماقي...
ياسين تحسس جانب شفتيه ونظر لمريم بحقد دغيا رجع ليها لكمة لكن تفاداتها... بدات كتوجه دقاتها نحوه ولكن كان مكتافي بوضعية الدفاع.. بحكم كان كيدرس خطواتها بعد ماتفاجأ بقدراتها...لماشي مجرد قدرات عادية ياإما داخلة لجيش...او داكشي لفي بالو....حتى من رياض وياسر لاحظو نفس الأمر..كيفاش كانت كتسدد ضرباتها لأضعف المناطق في جسد... اي انسان...
مروة: كتعرف ضارب...ياك حيث طولات مع ياسين شوفها كيفاش كضارب معاه
ادم: كنظن ياسين... باغي غير يشوف قدراتها انا متأكد غير بحركة وحدة منو يطيحيها
وكيف قال آدم.... ياسين مسك ساعدها بقوة لواها ليه ورجع ظهرها كيتقابل معاه... مريم تصدمات من سرعتو وكيفاش جميع حركاتها القتالية فشلوا امام حركة وحدة...
ياسين: راك متقديش عليا سمعتي...(زير على يدها حتى حسات بمرفقها غيطرطق )
مريم: طلللق مني طللققق يدي ااااي طللللق غتهرسها ليا واش تسطيتي يلاه كنتي باغي.(فلتات منها. صرخة كتعبر على الامها بسباب اصابعو القوية لمزيرن على ساعدها) اااااااه
ياسين(همس في وذنها بغضب):هادي باش تبقاي تعيبي في تربية واليدة(دفعها بعنف حتى سقطات نظر لساعديه لترجوا بسباب اظافرها نظر بغضب نحو ديك الجالسة في الارض لكيترقبوا بنظرات ثاتلة ومميتة مطلقاتو حتى خلات اثار اظافرها عليه مبغاش يتحاسب معاها على فعلتها قرر يتجاهلها وهو متوجه بحنق نحو سيارتو): نور طلعي
مريم(نظرات لكيس بطاطس لتقطع وحملات اكبر بطاطا وشيراتها عليه الرأس ): يلاه سير تحرك...انا بغيتك دير كسيدة...باش تحس بنفس الاحساس لحسيت به(صرخات بقوة ) ممأدبش
ياسين(يلاه غيسدد لكمة ليها باش يوريها شنو هو الآداب ديال بصح حتى كيتفاجأ بيد دفعاتو... نظر لشاب لأمامو كان في مثل طولو لكن جسد ياسين كان اقوى .. هادشي راجع لمهنتو):
الشاب: هددداك جمع يديك عليها
مريم: عدنان بعد خلني مني ليه...
ياسين:نتا هو محامي ديالها...
عدنان: انا هو لغيخلي عشتك وغيسيفطك تبات في سبيطار.
ياسين: نقول مالها على ضسارتها قول تربيتكم وحدة...
مريم(كتحسس يدها لألماتها): لهلا يحييك على الاقل والديا معلمونيش نتعلا على لقل مني..
عدنان(سدد لكمة لياسين ): سير بحالك قبل مايعجبك حال...
ياسر: هادي كتسمى ضسارة(نظر ليد مجد لمنعاتو): مجد صاحبي طلق خلني نشوف داك حمار
مجد: خوك قاد به لو جاو خمسة من داك ولد غير بلاما دخل حسن...
ياسر: عندك الحق غير اول مرة غنشوف ياسين مضارب ومع بنت...!!!! حتى هدرة مكيقولهاش ليهم..
ياسين(غضبه بدا كيتزاد... محيث رسالة لفي هاتفو او ديك العنيدة لأمامه هي وهاد الشاب لظهر فجأة ... غلق باب سيارتو بعنف.. وبدا كيوجه ضرباتو بعنف لشاب المسمى عدنان وهاد المرة مرحموش... ماشي بحال مريم لكان داير في بالو انها انثى):
مريم: بعد منو تفرق عليه...تفرق....
ياسين: قولي لحبيبك يتفرق على لكبر منو قبل مانسيفطو روضة...
رانيا(اخت مريم): عدنان...عدنااان واش نتا مسطي شوف كرجعتي وجهو...
غيثة:هاديك تفرقي على ولدي ولا مغيعجبك حال..مبغاش يضربك..حيث حتارمك..انك بنت...
مريم: خالتي مدافعيش على ولدك حيث دايرها قد راسو....
غيثة(تدهشات من وقاحتها معاها وهي تجي بقربها نجلاء): سمعتيها سمعتيها كيفاش جاوباتني...
نجلاء:صافي غيثة راها غير معصبة مغتكونش قصدات.
غيثة: وشوفي هي وداك زمر دصاحبها هجموا على ولدي بجوج...
نجلاء: اختي ولدك سبع شوفي كيفاش رجع دري...
رعد:مرييييم....مريييم (توجه نحوها كيفحصها)
غيثة(كتنظر لمريم بتشوش وصدمة):سمييتها مريم...مريم..
نجلاء:غيثة...
غيثة: مريم..مريم سميتها مريم انجلاء هه اكيد غتكون بحالها وغير كيفاش تعاملت مع ولدي(نظرات لمريم بحقد
نجلاء: ايه غيثة.. راه ماشي مريم لكتعرفي راه اش جاب..
غيثة: حتى هي كانت كتشوف فيا بنفس النظرات لكتشوف بها ولدي ونفس عصا لكليت في صغري هاد المسماة بمريم تجرآت تضرب ولدي غير هو كان مدافع على نفسو...
رعد: قالوا ليا درتي كسيدة...
مريم: الحمد لله ماوقع والوا(خنزرات في ياسين لكان متوجه باش يصعد سيارتو) واحد الحمار واحد المكلخ معرفتش شكون هذا لعطاه لبيرمي وكذب عليه وقال ليه راه كتعرف تسوق...كان على خطوة ويضربني في اخير كلمة سمحي ليا مقدرش يقولها... بحال رواح عباد الله غير شياطة..
ياسين(غلق باب سيارتو للمرة تالثة بعنف...كتحلف نور ان داك باب لو كان كيتكلم لطلب منو الشرع )؛ واش نتي باقة زايدة.. فيه
التافت رعد بغضب نحو ياسين وغير لمحوا وهي ظهر ملامح دهشة على وجهو...
مريم(نظرات لنظرات لي اختفى منهم الغضب ): واش كتعرفوا!!!
ايمان: مريييم مريييم...(عنقات مريم): تخلعت عليك قالت ليا خديجة درتي كسيدة...
ايمان: موقع ليا والوا... متخافوش عليا...
ارتان: عدنان مالك في وجهك...شكون لدار ليك هاد الحالة....
مريم: غير واحد المصعور...
ايمان(نظرات بدهشة للمرأة لواقفة خلف ياسين ): غيثة!!!
غيثة: ايمان هه هادي نتي توحشتك...(توجهات نحوها ضاماها بقوة ): غبرتي بزااف عرفتي شحال ماتلاقينا...
ايمان: حتى نتيا... تبارك الله وليداتك كبروا...
غيثة(نظرات لمريم ): حتى درتي بنت وخا مكتشبه ليك في حتى حاجة..
ايمان: عندي تلاثة البنات
غيثة: بصح... انا عندي توأم وبنت صغيرة...
ايمان: اه شفتها كتشبه ليك بزااف..
ايمان(نظرات لرعد وهمسات): عمي منين كتعرفوا...
رعد(بهمس ): هو احد اعضاء OFC
مريم وسعات عينيها بصدمة ونظرات لياسين لكان عاقدهم هاد الاخير تأكد من الشك ديالو..انها من ضمن OFC خاصة حركاتها مغرابش عليه...لكن الامر المشوش بالنسبة ليه هي ماشي عضوة رسمية اكيد في معركتها معاه ميز لبعض النقاط الأساسية لكتفتاقرهم... يعني يااما متدربة... لكن مستحيل تخرج من المقر الفرعي... مستحيييل وخا خالها او عمها معرفش اشمن علاقة كتجمعها برعد لكن... اكثر تخميم جاه على صواب...انها دربات على يد رعد..باش دخل قوية على الآخرين.
.......
مريم: واش في مغرب!!!
درصاف: لا هو من أمهر الاعضاء لفي OFC ضمن المجموعة الاولى...هو شخص الوحيد لحد الآن عمرو منهازم في اي معركة...
مريم: مظنيتوش قوي حتى هاد درجة... اذن هو ماشي في مغرب...
درصاف: لا هو كيدرب المحترفين لفي المقر الاصلي...
مريم: احسن مافيا ماندوز عامين معاه كالحبس...
ايمان: يلاه عاودي معانا دار
غيثة: صراحة لقتينا غادين رباط..
ايمان:عفااك توحشتك وشحال غبرتي عليا نتي وسلمى...
مريم: بلاتي بلاتي....بلاتي واش حتى نتوما(نظرات لوالديها) كتعرفوووهم(شيرات باتجاه ياسين )
ايمان: اه بنتي...غيثة كانت صديقة ليا في ايام جامعة...
غيثة(نظرات لرياض ): نمشيو...
رياض(نظر لنظرات ياسين ومريم الحادة): اه ومنها دوك جوج يتصالحوا...
مريم: هو لجبدني هو لخاصو يعتاذر ليا...واصلا علاش غيمشي معانا دار واحد بحالو متبكر. ق...
رعد(قاطعها): مريم سكتي...
ياسين(نظر لآدم لواقف بقربو): بغيت نعرف هاد مصيبة واش سلطها عليا شي حد...
مريم:شكون لمسلط على لاخور شكون لكان غيقتل لاخور
ارتان(بحدة): مريم شش حتى دار ونكملوا هدرة..صافي سكتي ممولفاش ليك كتغوتي..
مريم: حيث شفت الموت بين عيني(حملات حقيبتها ): غنمشي دار... اسراء(اخت مريم صغيرة عندها17 عام) سيري جيبي معاك كيلو بطاطا وديها للحاجة لكتسكن حدانا
ارتان .(تسالم مع رياض ): مرحبا بك ارياض..
رياض: شكرا مديش عليهم راه باقي دراري صغار.
ارتان: كنظن غير سوء تفاهم...خصوصا مريم ماشي من نوع لكيضارب أو كيغوت انا بنفسي تصدمت...
رياض:كنظن الصدمة ديال سيارة أثرات فيها وماشي انتا لتصدمتي حتى ولدي نفس حاجة اول مرة غنشوفوا كيضارب مع بنت...
.......
حفصة: ايمان مالك معصبة...
مريم:مع واحد دحش فين كنتي نتي...
حفصة: مشيت جبت حوايجي غنبات معاك قبل مانمشي لطنجة راه نقلوني تم
مريم(عنقاتها): غنتوحشك 💔
حفصة: حتى انا... متبقايش ديها في كلام سمر
مريم: نسايها علينا...اصلا زهري لقاني مع واحد البغل..
حفصة: شكون هو؟ فين كلشي حقا علاش خارج
مريم:اجي نطلعوا لبيت ونعاود ليك مافيا مانشوف كمارتو...
حفصة: واش غيجيو؟
مريم(بسخرية): والديا صحاب والديه...
........
بعد نصف ساعة
كان الصالون عامر غير بتريكة ارذوجان وصحابهم ...
مروة(كتنظر الحائط بإعجاب): واو صراحة رسومات لفي الحيط زوينة..
اسراء: كل عام كنغيروا من صباغة. وكنديروا رسومات زوينة بزااف
غيثة: كنظن ماماك لرمساتهم
اسراء(اخت مريم): ماما وختي مريم...سعداتهم بجوجهم كيعرفوا يرسموا ...خاصة مريم لو دخلتوا لبيتها متبغيوش تخرجوا منو...
غيثة : مم مريم...
اسراء: غنمشي نعاون ماما...
غيثة: واش نجي نعاونكم...
اسراء:لا لا خالتي نتوما ضيوف...ولجيتي ماما غتقلق عليا..
غيثة:لبغيتي ابنتي.... باباك يمكن باقي مع ارتان برا...
نور: ماما منين تعرفتي عليهم...
غيثة: كانت ايمان صديقة في جامعة..راه هي لحكيت عليها في كتاب
نور(بدهشة): اه تذكرت...هي وارتان وايلي عمري تخيلت نتلاقا معاهم(صفقات يديها بحماس): نهار زوين هذا...
غيثة(ربتات على يد ياسين لجالس فوق الجمر): ياسو غير صبر احبيب ماما.. على قبلي لومكانتش ايمان صديقتي مكنتش غنبقى دقيقة وحدة..
ياسين(زفر هواء بعنف): على قبلك ... جالس هنا والا فمغنصبر حتى دقيقة... حيث متأكد غنصدق قاتلها...
دخلات حفصة على كلامو اخير ناظرة لياسين بطريقة دنيئة...
حفصة: السلام عليكم
الكل: وعليكم السلام....
غيثة: واش نتي بنت ايمان....؟حيث كتشبهي ليها في عينين
حفصة(برزانة): لا هي عمتي انا بنت رعد ودرصاف
نجلاء: غزالة بحالهم...
ايمان: مرحبا بكم وسمحوا ليا لقصرت معاكم عارفة طبخي ميوصلش ليك اغيثة...
غيثة: اه متقوليش هكذا...
ايمان: حفصة سيري جلسي بلاما تقلي يدك..عارفة مبقى والوا وتسافري..
حفصة: ولكن بغيت نعاونكم...
ايمان(بهمس غير مسموع الكل :حشومة ضيوف بقاو بوحدهم وعيب تبقاي واقفة سيري جلسي. تم
حفصة(نظرات لمكان الوحيد لفارغ وكان بقرب ياسر جلسات بقربه بدون رضا بسبب غتجلس بقرب شاب.. نظرات لياسين لكان عروق يديه ظاهرين ... وهمسات لنفسها): هي لخاصها تكون معصبة... لو ربي مكانش مكتب ليها عمر جديد كون راه ميتة...(سمعات صور الصفير بقربها لمحات ياسر لكان غريب عليها كينظر لهاتفه بتسلية وابتاسمة واسعة شاقة ثغرو ) أستغفر الله مالي كنشوف فيه هكذا .نزلات عينيها من وجهو لكن فضولها وبدون ماتشعر سقطات عينيها على شاشة هاتفو...وسعات عينيها من منظر او الصور لأمامهم...عينيها جحظوا من مكانهم... على بشاعتهم الكل لاحظ كيفاش كتلاحظ ياسر... هاد الاخير كان كيتناول مسمن ومموسقش ليها..
سلمى: ويلي مال بنت كتشوف فيه هكذاك..
جواد: هذاك نتوقع منو اي حاجة
ياسر(التافت على يسارو ولمح نظرات حفصة مصدومة تجاهو عقد حاجبيه باستغارب ومد ليها المسمن): تاكلي!!!
فاقت من صدمتها على صوتو وقامت واقفة بسرعة مادة سبابتها نحوه...
حفصة:نتا!!!!نتااااا
ياسر: مال هادي(نظر للكل لعارفين فعايلو): وراه كناكل غير المسمن هانتوا مكنكذبش عليكم...
غيثة:ومال درية مصدومة بحال لقتلتي ليها راجلها
ياسر(نظر لحفصة): معرت ليها
حفصة(صرخات بقوة): كيفاااش عطاااتك نفسك...تفرج في داااك زمر...كيفاش كتشوف دوك ملااااابس خلييعة وكضحك من الفوق واش عارفة ان لعنة كتنزل عليك صبا صبا
ياسر(ابتالع الأكل لفي فمو): لعنة...اشمن لعنة..(نظر لغيثة باستغراب ) اش كتقصد هاد الاخت...
حفصة:نتا ميمكنش تكون طبيعي...واش معندكش ذرة حياء....بغيت نفهم كيفاش قدرتي تفرج في دوك تصاور وبقلب بارد ومن الفوق كضحك أستغفر الله العظيم وأتوب اليه اللهم إن هذا لمنكر..ميمكنش تكون طبيعي..
ادم(نظر لصور لكان كينظر ليها ياسر كانوا لفتيات لابسين دوبياس فقط): ولكن هاد تصاور عاديين راه كاينين شي شواطئ في امريكا كيعوموا عريانين ملابسين والوا...(نظر لحفصة باستغراب ) مفهمتش علاش مصدومة
حفصة(نظرات للكل لكيرمقها باستغراب كيفاش تصدمات من داك منظر...وهما اصلا عايشين في بلدان لفي شوارعهم كيخرجوا البنات بدوبياس.. ):ميمكنش تكونوا عائلة طبيعية ميمكنش..لبقيت هنا غنحماق...مافيها شك
خرجات من صالون متوجهة لغرفة مريم
ياسر:واش هادي حمقة...
غيثة: مالكم مستغربين..راه كنت بحالها شحال هادي... كان كيجيني امر غريب...لكن في أمريكا شفت لغرائب لهذا ولفت....
.....
رياض: شكرا على حسن ضيافة
ارتان:هذا واجب...
رياض: دابا مجاتش...ياسين ومريم يبقاو مخاصمين لهذا ضروري خاص يتحل مشكل..(من لياسين )ودابا
اسراء: بابا عيطت على مريم هاهي هابطة...
حفصة؛ بغيت نفهم كيفاش جاتهم عادي يشوف داك تصاور كنحلف ليك حتى راسي غيطرطق..
مريم: مشفتيش سياراتهم...وغير كيفاش داك زمر معتاذرش ليا..وعند ماماه عادي فراه نتوقع منهم اي حاجة...
حفصة: مبغيتش ندخل نشوف وجهو..ولكن غندخل على قبلك باش يعرفوا أنني في صفك..
مريم: شكرا بزااف
ارتان: مريم اجي ابنتي...
مريم(تقدمات نحو والدها ): ممم
ارتان:نتي ماشي من نوع لكيضارب أو كيغوت ونفس شيء بالنسبة لياسين لهذا خاص تحلو هاد سوء الفهم وعيب تخاصمو وحنا والدين صحاب....
سلمى: تقدرو دويو في غرفة لوحدكم باش تحلوا مشاكلكم على راحتكم
نور(بهمس ): قولي يقتلها ياسين...
حفصة: لا غيحلوا مشكلتهم هنا علاش غيمشيوا اصلا لايجوز الخلوة بين الرجل والمرأة وتالثهم شيطان وزائد هو ماشي خطيبها باش يبقاو يدويو...راه لو اعتاذر كان غيتحل مشكل معرفتش علاش مكبرين القضية
رعد(دخل لصالون وقف خلف بنتو): اعتذار كيكون صعب بالنسبة الرجال خاصة لكنتي مقتانع انك مدرتي حتى خطأ ...
ياسر: هاد البنت بحال راهبات ديال كنيسة كتخلع وحتى مصطلحات دياولها غراااب
ادم:هه كتخنزر فيك
ياسر(نظر ليها وهي تقلب عينيها بحنق):راه قلت ليك حمقة.....
مريم:كيف قالت حفصة غير يعتاذر ليا..ويعتارف انه هو المذنب..وهاكة غنفكر نسامحوا
ياسين(طلع حاجبو فيها): متحتاجيش تفكري حيث اصلا مغنطلبش سماحة..
نور(بدهشة ): واش عينيك بنفسجيين
مريم: اه...
نجلاء: ماشي لي لونتي..
ايمان:لا عينيها نيت...اغلبية كيظنهم عدسات.. ولكن لونهم هكذا....
سلمى: سبحان الله زونين بحال بنتك...
رياض: ياسين...