أنت ملكي يا عنيدتي (ولسحر عيونك لن انحني )

Part21

نمروا نحو بطلنا لغادر الغرفة بنظرات غير مفهمومة لأول مرة غيقطب حاجبيه بتفكير

مجد: وخا هادشي مكنتش معول عليه لكن بغيت نعرف شكون نتي انور
لقى هاد الجملة ودخل لغرفته ونتحدثوا على الناس لمعارفينش سبب تقلباتو او عدم معاملته الجيدة مع افراد اسرته.. نظرا الناس لقراو جزء اول عارفين الحكاية..( منين تولد مجد كان نجلاء وعماد مشغولين مع مرض أم عماد اي جدته ولهي كلثوم كانت مرضات بالفشل الكلوي...جل اهتمامهم صبوه لكلثوم ومن مستشفى لمستشفى.. لهذا غيثة لرباتو هي ورياض وعاملوه كابنهم درجة ولا كيحب غيثة على نجلاء..وفي تلك الايام لكان عايش معاهم نجلاء حملات بمروة ختو صغيرة... هو رجع  لعائلتو بعد ماجرات كلثوم العملية لكن بعد ولادة مروة  عرفو عندها قلب ضعيف ورجعات ثاني نفس الرحلة..وهاد المرة مع بنتهم الصغيرة ونتوما عارفين باش تلقا قلب مطابق في داك السن صعيب..دارت عملية في صغرها ولكانت خطيرة بزااف حيث باقا صغيرة.. نجحات مؤقتا..وبعد عام منين رجعات غيثة كانت ولدات نور منين نزلات من المطار في المغرب... ومنين دخلات القصر حكاا ليها مجد على ان والديه كيبعدو عليه ختو حيث كانوا خايفين عليها ليلعب معاها ويصدق داير ليها شي حاجة مع هو صغير كانت عندو ربع سنين...مهم تما فين شاف نور في سريرها... وهو لسماها بسمية نور ومن تم فينما كيبحثوا على مجد كاين حدا نور...وبقا هاد اهتمام حتى كبرات بنت رياض وغيثة وولات عندها3سنين ...كانت علاقتها بمجد وطيدة بزااف...لدرجة انه كان ملجأها الاول في وقت حزنها وفرحها قبل والديها  كانت مشاركة معاه كلشي وهو كذلك كانت علاقتو بها وبغيثة قوية.... لكن حياة ارذوجان ومرجولي كل واحد في دولة...اضطروا يتفارقوا...بطريقة لمقدرش كل من مجد ونور يتقبلوها...وهنا فين دخلات نور في حزن عميق..لمدة اشهر...مبغاتش تنسى مجد لكن مع مدة قدرو والديها ينسيوها فيه اما في بريطانيا فبعد رجوعهم.. مرضات مروة ثانية واكتاشفوا ان عملية منجحاتش...وليومنا هذا كيقلبوا على قلب مطابق...لقلبها وبعدما تم كشف على ان مجد مريض بمرض الآنا والنرجسية وانه شديد تملك والديه دخلوه مصحة نفسية بحكم عندهم ماضي اليم مع عمتو لكان عندها نفس المرض...وهكذا كيف كتشوفوا..منين خرج من المصحة صبحات شخصيتو كيف كتقراو حاليا ... )

وبالنسبة لوليا.. هي بنت فارس واميرة..بعدات على الاب ديالها لظروف خاصة منذ ولادتها حتى بلغات ربع سنين...وهي بنت عم مجد ومروة.
كانت عاشت مع اميرة حياة قاسية مع مرأة اب اميرة.... هاد اخيرة كانت خدمات سائقة لغيثة...لوليا كانت عاشت بعض لحظات في بداية حب غيثة ورياض... وكانت هي مدللة ديالهم قبل ماتزاد نور...وباقي تفاصيل غتعرفوها في القصة

في صباح يوم التالي

خرجات نور من طواليط بعد مافرشات سنانها وقضات حاجتها    توجهات لغرفة تالثة لمجاورة لها وفتحات الباب بدون استئذان وهي تلمح ياسر ملوي على نصفو السفلي بفوطة....

ياسر: واش نتي مسطية واش معلموكش دقي باب...

نور: لا معلمونيش... واصلا علاش غندق عليك الباب ونتا خويا..

ياسر: راه باغي نبدل ازمر كنت غنحيد فوطة...

نور(بسخرية): وكون حيدتيها اش عندك اصلا متخبي..حيد حيد خلني ناخد من عندك شي تيشورط...

ياسر: ياك دوينا بارح!!!

نور:نتا لدويتي ماشي انا، انا غندخل دريسينغ ولبس لبس شوهتينا....

ياسر(مسك ساعدها بقوة): فين هو تيشوط لقلت ليك بارح جيبيه...

نور: نسيتو سير تجيبو نتا اه ودي معاك هذا ياسين ...

ياسر: نور خرجي...من البيت حسن ليك..

نور:لا مخرجاش..

ياسر:نور خرجي...

نور: مخرجاش حتى ناخد لبغيت..كون كانت شي وحدة من بنات لكتمشي عندهم كون عطتيها بلاماتقول ليك وانا لختك لا.. والله مانخرج..

ياسر:مخرجاش

نور:لا

ياسر: جبدتي راسك براسك

نور: اش باغي دير لاش مقرب ليا(هزها مجد بيد وحدة وخرج بالكونة): واش حماقيتي اش باغي دير والله حتى نقولها لبابا.

ياسر(كيقلدها): والله حتى نقولها لبابا... دويت معاك بالآداب ملاقش ليك غتبقاي دخلي لبيتي وتلبسي حوايجي..

نور(بعناد):اه غندخل وغنلبس ومغتقدر دير حتى حاجة حيث واليد غيتفاهم معاك...

ياسر(استهزاء ): خلعتني...اصلا انا غنديك عند واليد بطريقة سريعة راه غير تحت منك

نور(نظرات لاسفل برعب ولمحات عائلة كلها مجموعة حول بيسين...كان غير ادم ومروة ولوليا لكيسبحوا اما البقية كلهم جالسين في كيتبرونزاو): باااااباااا قول ياسر يطلق مني....

ياسر: ايه مالك خوافة اصلا ياك غير من طابق لول غنلوحك...

نور:نتاااا راااك حمممق ميمكنش يكووون عندك العقل...بحال داك صاحبك

ياسر: لكنت حمق علاش كتلعبي معايا...مبقتيش كتسمعي هدرتي وتحتارمني نسيتي راني خوك الكبير...

نور: خويا كبير هو ياسين....طلق مني...وغييييثة دوووي مع ولدددك قوليه يتفرق عليا

غيثة(كانت كتقرا مجلة بدون ماتهز عينيها...وحتى حد ماشاف نور لمعلقة بين يدين ياسر حيث مولفين هاد شجارات الصباحية بيناتهم..): ياسر طلق من ختك

ياسر(ابتاسم بخبث لنور): وخا علاش لا

نور(وسعات عينيها برعب): ياسر غير كنضحك معاك اخويا الزوين والحبيب عفاااك والله مانبق...اااااااااااه

سمع صراخ قوي من طرف نور...من بعد ترك منها ياسر يدو وهو كيترقب جسدها... لتغطس في الماء...
تقريبا الكل ناض من رعب من مكانوا تقريبا ماشي كلشي منهم مجد ودينارا ولوليا وكذلك اميمة لكن نظراتها كان فيهم بعض الخوف...

نور(هزات راسها لفوق وهي كتلمح ابتاسمة ياسر الخبيثة والمنتصرة): غندددمك يااااسر غندددمك ...(نظرات لرياض بحزن) بابا ولدك كان غيقلتني..

رياض(بغضب): ياااااااسر....

ياسر: راه هي كدخل بلاما دق الباب وداخلة عليا عريان...

نور: بغيت ناخد غير تيشورط تفو عليك

ياسر: غنوريك تفو شناهيا..

رياض: ياسر نزل هنا

غيثة: ياك قلت ليك متبقايش...تلبسي حوايجو

نور:كدافعي عليه كون مت ليك...

ادم( سبح نحو نور وعنقها): واش كضرك شي حاجة

نور(بادلاتو عناق وضعات رأسها فوق صدرو): نتا عارف مغيوقع ليا والوا  لرماني من تم بغيت غير ندمو...

ادم،: جي عندي نعطيك تيشورطاتي ماشي ضروري ضاربي معاه...

نور:نتا راك الحب الحب الحب تاعي(قبلات خذو وساعدها باش تخرج...توجهات نحو رياض كدلل عليه ): شوف بابا ولدك كان باغي يقتلني ومدهاش في  كلامي وقلت ليه بابا غيتفاهم معاك مدهاش في كلامي...

رياض: هاهو جاي ... انا غنتفاهم معاه ابنتي..
ادم(دثر نور بالفوطة وهمس ليها): حوايجك غلصقوا عليك وعارفة انك مكتبغيش تبيني فورمتك..

نور:شتي نتا هو الوحيد لكتفهمني...يلاه نمشيو نجلسو تم...

ادم: مالك مع مجد...

نور:مالو...

ادم:من صباح وهو كيشوف فيك...

نور: هذاك مسطي مديش عليه.. يمكن تقرص من كلامي معاه...

ادم: واش جا عندك!!! بارح في ليل ثاني...

نور: غتسمع شي خبار..غضرك في راسك.. ايوا سي مجد عندو جوج شخصيات...

ادم(بدهشة ):وايلي...

نور: راه باينة غير معرفتش كيفاش ملحظتوهاش

ادم: لكن عماد ونجلاء مقالوا حتى حاجة

نور: كنظن مفراسهمش...

ادم:واش عندو انفصام...

نور:باينة...

ادم:مخفايش منو..

نور: لا علاش غنخاف منو انا لكهمني نعرف شكون فيهم مجد لكنعرف  وصافي

ادم: ردي بال لراسك راه في اخير راك كتعاملي مع مريض نفسي اي حاجة توقعيها منو...

نور: صراحة مكنتش كنعرف ان مرضى نفسيين كيكونوا مثيرين متشوفش فيا بديك النظرة حيث لو كنتي بنت وفي بلاصتي كون طحتي على زنافرك..غير انا مزال صابرة...

ادم: نور عارفك باغا تعيشي قصة حب بحال والديك والبطل في نظرك هو مجد حيث عشتو طفولة متميزة لكن كيف قال عمي رياض كلشي منين كيكبر كيتبدل مجد تبدل وانا..و حتى نتي انور تبدلتي

نور(مسحات وجهها بعنف): هادشي متقولوش ليا قولوا لقلبي.....

رياض: ياسر شحال من مرة دويت معاك على ختك...

ياسر: واليد انا داخل نبدل وهي داخلة عليا..واصلا نتا عارفها راه لدخلات بحر مكتخرجش كتولي بحال حوتة..وكتعوم حسن من  واليدة

غيثة: هداك لاش جابدني في موضوع ...

ياسر: حيث كنحبك ازريقة شنو بان ليك نديرو شي خريجة...

رياض: مهم اخر مرة ياسر...وتفرق على مك راك غتخنقها...اصلا غنمشيو لرباااط عند عائلة ماماكم (نطق بصوت مسموع): يلاه تغداو  باش  نشدوا طريق نور طلعي بدلي حوايجك ونزلي تفطري نتي ودحش دخوك

ياسر: واليد ولينا دحوشة وبنتك نور عينيك...

رياض(ضرب لظهرو): زير معايا

ياسر(كيتحسس دقة ): احح واليدة راجلك غيعطب ليا الظهر...

غيثة: رياض حشومة عليك بعد من ياسور اصلا بنتك لكطير..راه غير سمعات ماكلة وسفر طلعات دغيا تبدل...

وضعات غلوز في فمها كآخر لمسة غضيفها نظرات لنفسها غي المرآة ونزلات نحو مائدة الطعام ...كان الكل جالس في بلاصتو...وجلسات امام مجد كالعادة وياسر بقربها..

نور: اء فين هو ياسين واش باقي ناعس العجب ممولفاش ليه..

حسناء: معرت ليه هاد نهار حسو غابر...

مع اخر كلمة قالتها حسناء دخل  ياسين بملامح متجهمة...درجة حتى حد ماقدر يتكلم معاه ويسألوا على سبب غضبو واضح عليه خاصة نور لجلس بقربها وهي أكثر وحدة دارية بغضب اخوها..لكانت كتخاف منو وهو مهدن ماادراك لكان معصب..نظرات بخوف لملابسها...لكن مكانوش فاضحين ابتالعت ريقها ونظرات لآدم برعب لحاول يطمأنها بعينيه...

ياسين: السلام عليكم

الكل:وعليكم السلام....

غيثة(نظرات لرياض لكان كيتساءل هو ايضا على سبب غضب ابنه لمكيغضب الا فالموضوع مهم وخطير خاصة...): رياض دوي معاه...

رياض:نتي عارفاه ... حتى يبرد ونسولوا...

غيثة:شوف نور كمشات على رأسها...صراحة هو وحيد لكتحتارمو..وكتخاف منو...

رياض: معرفتش علاش كتخاف منو وخا ميقدرش يضربهاا وهي عزيزة عليه زائد انا معاها معندها منين تخاف..

غيثة ؛ راه خايفة ليجبد ليها نهار جات مغرب بدوك حوايج..ولكن راه دوا معاه داك نهار..صراحة مبقيت فاهمة والوا في هاد ولاد..

رياض: متشغليش راسك كثر...احم احم..مهم لكملتو ماكلتكم..من احسن نشدوا طريق دابا الرباط...

ياسين(فتح هاتفو لوصلات منو رسالة... غير قرا محتواها وزفر الهواء بعنف...نظرات ليه نور بقلق وشارت خوها ياسر باش يتكلم الا انه رفض ): غنسبقكم لرباط بصحتكم..

غيثة(قامت برعب من مقعدها):واش غتخليه يسوق وهو معصب..رياض قوليه غير يتهدن على الأقل...رياض  دوي معاه...

رياض: ياسين...

ياسين(غمض عينيه بعنف كيحاول يكتم غضبه بعيد عن والديه): واليدة متخافش عليا...

رياض: ياسين...

ياسين(عرف ان رياض مغيخليهش يخرج خاصة ان غيثة غتبقى مشوشة عليه): وال...(غير شاف نظرات غيثة الخائفة وهو يتقدم نحوها ): متخافيش عليا راه لمسقتش بزربة مغيشفاش غضبي

غيثة(بخوف): لا وانا باش غنضمن انك غدير بالك راه انسان منين كيكون معصب مكيعقلش شنو كدير

ياسين: وخا  معصب ..راني عارف لوقعات ليا شي حاجة تقدري تحماقي بخلعة وباش طمأني غتمشي معايا نور...

نور(وسعات عينيها فيه بصدمة ):اناااااا!!!!!

ياسين(نظر ليها نظرة غاضبة كان الغضب ديالو مزال متلاشاش بزز باش قدر يبتاسم ابتسامة صفراء لغيثة باش يطمأنها)

نور: لا زعما انا قصدت غنمشي مع خويا ياسر.

لوليا(قاطعاتها): لكن تافقت مع ياسر هو لغيديني

نور(نظرات لياسر بصدمة ): وامتا هادشي؟

لوليا: منين طلعتي تبدلي حوايجك وكيف كتعرفي كلشي عندو اوطو فيها غير جوج بلايص من غير اوطو بابا فارس لكن عامرة...

نور(نظرات بحقد نحو لوليا وخنزرات في ياسر لهز كتفو بعدم مبالاة وتوجهات بخوف نحو ياسين ): صافي غنمشي معاك..

رياض:  متسوقش دابا حتى نركبوا كاملين وكسيري وراعي ان معاك ختك..

ياسين(تقدم نحو سيارتو): يلاه نتسناوهم...

.......

في مكان اخر في كلوب ديال ارتان وفي قاعة خاصة
كان كيتم تدريب مريم وخديجة ابنة خالها من طرف رعد خالها وزوجته درصاف

رعد(بافتخار): مزيان امريم منسيتيش على تدريباتي ليك في ايام الصيف...

مريم: علاش غادي نسى واخا كنتي غايب الا عمري هملت تدريباتي...

درصاف : انشاء الله مغتلقاو حتى مشكل مع مدرب ديالكم..وطلبوا الله ميكونش حاس براسو ومغرور..وقلبو قاصح في تمارين وصارم و...

رعد: كدقي عليا!!

درصاف: مالي كذبت مكنتيش شحال هادي هكذا

رعد(جرها من كتافها لصدرو): متنكريش انهم فادوك دوك تمارين

درصاف: اه منكرش لكن لو كانت بطريقة سلمية شويا وبدون اهانات..

رعد: متفكرنيش في ديك الفرقة لطاحت فيا اكثر فرقة شيباتني

درصاف:و..

رعد(بابتاسمة): وأحسن متدربين هما في.ديك فرقة وخا كانوا في اول كيعصبوني لكن من بعد خدموا واجتاهدوا ومنها تلاقيت معاك مرتي(قرص أنفها )

مريم : انشاء الله اعمي...

رعد: اه مريم بالنسبة لعينيك متنسايش كلامي..

مريم : متخافش اخالي غنمشي دار نتكلم ماما ونرجع نكمل تمارين..

رعد: صافي حنا نكملوا تمارينا حتى ترجعي...

خرجات مريم كلها عزيمة وامل دخل مجموعة OFC بارح كانت تشارجت مع شاب لاستهزأ من لون عينيها...الا ان ردها كان قاسي عليه...

الشاب: مقالوش ليك كتخلعي ناس بدوك عينين

مريم: ونتا مالك نخلعهم ولا منغلعهمش عينيا عاجبني.. على الأقل حتى يكونوا عندك ودوي...

الشاب: اجي وقفي فين غادة..

مريم: شوف ممسالياش ليك عندي مايدار مزال صابرة عليك لهذا حيد من طريقي قبل مانقلبوها سباط

الشاب:هه عاجبك راسك و تايقة في نفسك بزااف

مريم حاولات تجاهلو وتمر من قربه حيث عارفة هدرة مع امثالو مكتفيد في والوا

الشاب:بلاتي فين غادة(مسك ساعدها بقوة مانعها من إكمال سيرها...وفي نفس لحظة كانت سددات ليه ركلة لفك ديالو...خلاتو يسقط في ارض كيتألم من قوة الضربة )

مريم: حمد الله لمهرستش ليك فمك... ونقولها ليك من هنا عيط عليا جنية مسكونة فيها المس مكيهمنيش...حيث انا مقبلة لون عيني وحتى مرض ديالي...واي واحد تجرأ يمد يدو عليا غندمو...

BACK TO PRESENT

مريم : كاينين شي ناس خاص ضروري تعامل معاهم بالعصا(نظرات لنفسها في  المرآة  كانت لابسة سورفيط رياضية الفوقاني ديالها كانت حازمة به خصرها نظرا انها يلاه انتهت من تدريبات ومزال جسمها ساخن بالحرارة تأملات مقليتها بابتاسم،) كنظن كلام خالي عندو الحق خاص نتقبل نفسي اولا باش الاخرين يتقبلوني...وخا ممحتاجة حتى حد يتقبلني... يكفي انني مميزة من طرف عائلتي...

.....: مريم بنتي مريم...

مريم: نعم خالتي.

المرأة: انا جارتكم فاتحة عرفتني بعدا...

مريم: اه عرفتك...

المرأة: عفاك ابنتي وخا تمشي سوق تجيبي ليا معاك بطاطا راه بنتي خارجة مع صابحتها وكتعرفني مريضة غير ضربت هاد طريق صغيرة عييت

مريم:ماشي مشكل غير سيري دار انا غنمشي...

المراة: الله يرضي عليك ابنتي...

مريم(توجهات نحو السوق بعد ماضربات نصف مسافة لمحات تجمع في الطريق  بسبب حادث اصطدام شاحنة مع سيارة ): كنظن غنسلك طريق الاخرى.. معندي ماندير...
.........

اما عند نور لراكبة بقرب ياسين لكان سايق بسرعة كبيرة...

نور(بخوف):ياسين متنساش اننا غندخلوا لحي شعبي حاول تخفف سرعة

ياسين(ضرب مقود بعصبية ):اصلاحات حتى هما مجاو غير هاد ليام...

نور:ياسييين نقص شوية سرعة

رياض(كيدوي معاه من بلوثوث سيارته):ياااسين نقص مك غتسطى ليا...هنا ياسين...

ياسين(نظر لنور بغضب عرفها هي لمخدمة بلوثوث في سيارتو بعد ماربطاتو بهاتفها): لاش بغيتي توصلي....

نور:كنقسم ليك بابا لقالها ليا...

ياسين(بدا هاتفو كيتاصل وهو يضربوا بقوة ): المرض نتوما لبقيتو ليا دابا غير هاد نهار(فتح هاتفو ومع غيقرا رسالة هو يسمع صوت صراااخ ختو) عندددددداك

صوت فرملة السيارة تسمع في الشارع بشكل قوي ومرعب  خلات قلب إحداهم يعلن   بشكل مفاجئ على موعد موتها  لكان على شبر  صغير من التحقق

نور(مسكات قلبها برعب وهي كتشوف انه على شوية كان الاخ ديالها غيصطادم بديك البنت لكتحلف لو كان ضربها لو راها  صبحات من لائحة الموتى... مفاقت من سهوتها على صوت رياض وغيثة..): موقع والوا حنا بخير غير كان  البنت.. غ...غتموت..

نزل ياسين من سيارة وكيزفر الهواء بعنف على هاد الزهر لعندو حتى هاد الاخت مبان ليها غير تخرج قدامو.. تفحص سيارتو واش واقع ليها شي حاجة وغفل على هاديك لجالسة في الأرض لمزال مشهد سيارة غتصدمها... خواو بها رجليها منين توقفات اوطو  في اخر لحظة. معرفات راسها واش حية ولا ميتة حتى سمعات صوت شخص لواقف امامها..

ياسين(تفحص سيارتو ): مزيان لموقعات حتى حاجة مافيا لنتواحل مع شي بوليس في طريق...

تم راجع بدون مايلقي ولا نظرة لديك لطايحة في الأرض  بسببه..  حسات بنار الغضب صاعدة معاها وتوجهات نحوه

مريم:واش نتا حمممق!!! واش كنتي غضربني...باش تشوف حالتي كتقلب في طوموبليتك..

ياسين(بلاما ينظر لوجهها ): بما انك واقفة غتكوني بخير

مريم(تصدمات من جوابو):..ك كيفاش

ياسين: مزروب مافيا ليتواحل معاك(خرجات نور من سيارة كتراقب خوها وديك الفتاة الغريبة بفضول ) لكنتي تجرحتي هاكي فلوس وسيري فحالك...

مريم(نظرات لحزمة من المال لمدها ليها شنو كيعني هادشي مفهماتش شنو بغا يقصد...هي بغاتو غير يعتاذر على الاقل لكن صدمها اولا بقلة احترامو ليها وثانية كيفاش اعتابرها رخيصة كأن حياتها مقابل هاد الأموال لعطاهم ليها....نظرات ليه بحقد وكتحس بهنود الحمر كيأدو رقصتهم فوق راسها  جراتو  من ساعدو بقوة): شتك حاس براسك...باشمن صفة ماد ليا فلووس واش كتسحب حياة ناس لعبة بين يديك ضرب واحد وتزيد هه وشنو هادشي ها عاطيني...فلوس

ياسين(نفر يدو من قبضتها ونطق بغضب ): حيدي ممساليش ليك مباغيش نفرغ فيك الاعصاب لركبوه فيا حييييدي

مريم(مقدراتش تقبل صراخو عليها ولا معاملتو او تصرفو ضربات ظهرو بقوة ):  حمار ممأدبش

ياسين(جرها بقوة من مرفقها مصغر مسافة بينها وبينو يلاه غيفتح فمو باش يوبخها حتى كيتصدم بجمال لون  عينيها الغاضبة ...بقا كيحدق في لونهم الغريب لو كانوا عدسات كان غيعرفهم لكن الغريب انهم بدَو حقيقيين... اما مريم فرغم وسامتو الا انها مشفعاتش ليه من غضبها...)

وفي الخلف توقفات كل من سيارة رياض والبقية ونزلوا يشوفوا هاد المشهد الغريب خاصة البنت لكيحدق فيها ياسين..

توجهات نور نحو رياض لعنقها

غيثة: شكون هاديك البنت مالها هي وخوك

نور:كان غيضربها ...قولي غيقتلها...حتى هي مصيبة ملقات غير امتا تشاد غير هو معصب...بزز باش صابر عليها شوفي عروق ديدو..

ياسين: غادي تحيدي من طريقي ولا غادي ندمك على هاد هدرة لقلتي...لكنتي بغيتي فلوس نزيدك

مريم: تنددمني تنددمني ياقليل ترابي..كنتي غتقتلني وفي اخير لايح عليا فلوووس بنت ليك انا سلعة ومن فوق هادشي  كامل ممعتاذرش.. وباغي تزيدني فلوووس هاد فلووووس(دفعاتو بقوة من عليها وصفعاتو بحزمة النقود لكان رماهم ليها):  غملهم فيك ....حمار ممأدبش

نور(وسعات عينيها بصدمة من جرأة هاد البنت ): واش واش زربانة عليها روحها..

غيثة: هاديك صرفقات ولدي لااااا

رياض(عقد حاجبيه وهو كينظر لغضب ديك الفتاة ): متسبقيش امور اغيثة..

نور: صراحة الله يعطيني شويا من قدرتها...لكن مأكدة ياسين غيندمها دابا.... مغيدوزوهاش ليها