🐤من تأليف🐥: MaNal PariTa
🖇" ولسحر عيونك لن أنحني"🖇
حسناء (اختافت ابتسامتها وتذكرات تحذيرات غيثة): شوفي راه انا غير عجوز كنخرف...لمقدرتيش طيحي داك حمار من احسن متحاوليش تقربي منو...
نور: جدة اش كتقولي انا عارفاه خاطب راه ماشي خاطري وليت معجبة به معرفتش كيفاش غنوصف ليك..منين كنت جاية وسمعت كاين مجد مدرتش في بالي ولكن منين شفت عينيه وشفتو قدامي يعني...كنحس بديك نور صغيرة لكانت متعلقة بمجد رجعات وبغات مجد ولكن انا عارفة هذا غير اعجاب لهاد السبب يعني لو مكنتش عشت معاه وهو رباني مغيكونش هاد احساس...
حسناء:اش غديري دابا
نور:معرفتش كان قال ليا غنولي نجي عندك كل ليلة
حسناء: سمعني ماشي ديما غنفيق نمشي عندك باك ومك وندير قوالب باش نعطل باك
نور:لا اصلا كنت غندير معاه غير ساعتين...
حسناء:مهم نصحيتي هي بقاي معاه دابا شفتيه رجع ذكرياتو وبقاي غير في هاد اطار اعجاب ولحسيتي بقضية قفارت وغطيحي فيه بعدي مسخوطة وهربي وياك تفتحي قلبك ليك...ونطلبوا زهر يكون معاك ويرجع كيف كان
نور:جدة مبغيتش يقولوا عليا سراقة اصلا درت بلاصتي في مكان دينارا هي معندها حتى خطأ بصح حاسة براسها شويا ولكن راه خطببتو مجاتش ناخدها ليه...واصلا مجد ماشي من داك نوع ليجروه نسا
حسناء:والوعد لعطاه ليك ونتي صغيرة..
نور(نظرات اصابعها بحزن): هداك وعد في طفولة.. ممحسوبش وعد واصلا نتخاطر معاك فيها مبقاش عاقل...
حسناء:اختي نتي حريرتك حريرة
نور(نظرات لجداها):جدة قولي ليا علاش مجد مقال والوا لعماد ونجلاء على انه غيخطب
حسناء:غير سكتي هادوك قضيتهم بوحدها
نور:شنو واقع ..
حسناء:معرفاش كلشي لكن علاقة مجد ووالديه ماشي تالهيه بحالا تقولي غير كاري عندهم..
نور:ولكن نجلاء كتعامل معاه هادي
حسناء: ايه حيث ولدها...ولكن شوفي هو كيفاش كيعامل مو ...وباش تصحاح ليك رؤية بقاي تشوفي كيفاش هو وعماد كيتعاملوا بحال شي اعداء في حرب..عماد مكيحملش ناس لباردين وغير مباليين وتبارك الله ولدو جمع غير صفات لكيكره...
نور:هادشي معقد يلاه ندخلوا
خادمة:انسة ارذوجان هاهو فطورك
نور: لا صافي وقت فطور مشا...
رجعات برفقة جداها داخل القصر...
نور:فينهما لاخرين فين مشاو...
جدة : الله يعميها ليهم عندي احساس مخبين علينا شي حاجة... مجد فينهما لاخرين فين مشاو..
مجد: الصمت
جدة:حلاقم اولدي حلاقم ديك دينارا(تكلمات معاها بفرنسي): فين مشاو لاخرين
دينارا:اه ماما نجلاء وسلمى راه طلعوا بيت يوجدوا باش يمشيو يديرو شوبينغ حيث خلاو حوايجهم في قصر لاخور وشي لاخور كان مزروب معرفتش فين مشاو...
نور:بلاما يقولوها لينا...
دينارا:راه مزال مروة طلعات نعسات
نور: اممم فهمت...
نجلاء: اء نور نتي هنا شنو بان ليك تمشي معانا ندير شوبينغ
نور: لابصحتكم غنبقى مع جدة
نجلاء(ابتاسمت لدينارا):، دينارا يلاه حنا واجدين نشريو شي حوايج ليك ومنها تشوفي مغرب شويا
دينارا(بفرحة): داكوغ(قبلات مجد في فمو) باي مون شيغي..
جدة:لمسخ ولا في الدار الله يحضر السلامة..
نور(نظرات لمجد لشبه نائم فوق اريكة): لو منعسش معايا في لبيت كنت غنقول كيبات سهران بزاف على نعاس هذا..
جدة:بغيت نعرف ديك طاسيلتك اش مخبين...
نور (جلسات بقرب جداتها): باينة الأمر متعلق بديك رسالة
جدة: اشمن رسالة
نور:ماشي شي حاجة ولكم شي حاجة متعلقة بموت جدي مصطفى..
جدة: انا بغيت نعرف ياك كنت ناعسة فقت قال مات بسكتة قلبية ومشكلة فين بغينا نمشيو دفن قال ليك اه حقا محقا دفناه في مغرب زعما في نهار جاو مغرب دفنوه فيع ومنين مشينا نزروه لقينا شحال من قبر جا من وراه..
نور: راني كنت معاك اجدة...
مجد(نظر ليهم): امتا وقع هادشي
نور(نظرات لمجد )؛ منين كانت في عمري 16
مجد: شنو محتوى لجا في رسالة..
نور(لمحات ليه ان جداها حداها )
مجد،(وقف بكسل وتوجه نحو خارج
جدة:، فين غادي؟
مجد،: عند مروة
جدة:عجب يلاه مفكر ختك سير عندها سير سير
نور(همسات لحسناء ):، راه معاها ادم
جدة:ويلي مسخوط مامشاش معاهم
نور: لا وراه باينة مروة عزيز عليها تخرج منين بقات عرفي اش كاين..
جدة:انا طالعة عندهم ونتي شدي هاد طويل عجلات..
نور:ولكن علاش منديروش عكس
جدة:سمعي هدرة لبعر غنصدق غير مسابة انا وياه ونقتلو..
نور:مجد..
مجد:امم
نور(مسكات ساعده ): بلاتي بغيت ندوي معاك...
مجد(نظر ليها بخمول ): شكاين
نور(لمحات جداتها لصعدات لفوق): بغيت نعرف علاش كتعامل معايا ببرود واش في ليل عندك معاملة في شكل وفي صباح في شكل واش (تفكرات كلام رياض لحذرها من تنطق كلمة انفصام) كضحك عليا ولا شنو
مجد: بنت ليك مسالي نضحك معاك..
نور:دابا..
مجد(قاطعها): لكنتي غتبداي تقولي مالي انا ومالك نتي فراه غير كضيعي وقتك ديري حاجة تنفعك وخليني...
نور(تصدمات من ردو قاصح وجراتو بقوة من يديه):سمعني نتا بصح بديتي كتعصبني دير راسك في بلاصتي
مجد(قاطعها بسخرية):، هه مغنوصلش هاد حالة لفيها نتي...
نور:واش نتا مريض...
مجد(ببرود) كملتي
نور:لا مكملتش مكملتش حل عينيك مزيان شوف فيا وسمعني.... (تنفسات بهدوء وحاولات تنظم افكارها) مجد سمعني معرفتش واش كتعامل معايا على كلام لقلت صباح بصح مقصدتكش نتا..
مجد: اشمن كلام..
نور: دابا غير قولي علاش كتعاملني بتناقض ياعاملني كيف كلشي يالا وياكيف غيثة..
مجد:، عمرك غتاخدي بلاصة غيثة...
نور:انا مقلتش غناخد بلاصتها
مجد:شنو باغا..
نور:مالك معايا مرات كنلقاك كتشوف فيا شوفات في شكل مرات كتشوف فيا بحال منين كنا جالسين كنفطرو شوفة محاملنيش ومرات...مرات بحال...
مجد: كتسناي مني نكمل جملة ولا شنو
نور:عارف اش باغي نقصد..
مجد(قلب عينيه بخمول): بلا لف ودوران من اخير جيني اش باغا..
نور(معرفاتش شنو تنطق واش هاد كلام كامل لقالت جاه ممفهومش) وخا غنطرح عليك اسئلة.. وجاوبني...اولا علاش منين تعكلت بارح خفتي عليا ونزلتي كتقلب رجلي
مجد(ببساطة): مخفتش عليك حيث غيثة قالت ليا رد بال مع بنتي..
نور:ودابا لطحت وتكعلت واش غتسعفني...
مجد: على حساب كانتي
نور(حاولت تقبل ردوده قاسية): وخا سؤال ثاني علاش سألتي حول علاقة بيني وبين آدم
مجد(نظر لزرقوتيها ):، حيث علاقتكم غريبة!!
نور:(طلعات حاجبها ونظرات ليه بعناد)، بصح وشنو غريب فيها
مجد(ابتاسم وهو كيملح شعلة عناد ملتهابة في مقلتيها): علاقتكم ماشي من نوع دوك صداقات ديال صديق مقرب لمن بعد كتحول علاقة بين متحابين وماشي علاقة احبة اذن غريبة...
نور:علاقتنا صعيب يتقبلها عقلك.. حيث علاقتي انا وادم علاقة مقدسة عمرها غدخل اطار علاقة الحب لبغيتي تقصد من خلال كلماتك..
مجد: مكايناش صداقة بين رجل وامرأة الا بوجود مصلحة..
نور(باستفزاز): مم يمكن خطيبتك مانعة عليك تكون صداقات اوبس مفراسيش..
مجد: كملتي اسئلتك..
نور:مزال في سؤالي..علاش بغيتي تجي تونسني..منين كنت كنبكي على جدودي
مجد(نظر لعينيها بصمت من بعد زول ابتسامتو الساخرة ):
نور: بلاتي فين غادي علاش بغيتي تعرف ذكريات عندك تصاور وتقدر تعرف غير شويا من طفولتنا او متعرف حتى حاجة لكن علاش أصريتي تعرف كلشي وخاصة عليا انا وياك هادشي لقلتي ليا بارح بفمك علااش
مجد (جرها من ساعدها بقوة مصطادمة مع صدرو وضع ذقنو فوق كتفها وهمس بصوت كحفيف الافعى دخل وذنيها): متبقايش تبحثي كثر وتصدعني بغواتك اصلا مكتهمنيش حتى ذكراياتك مكيهمونيش لو مكانتش غيثة وصاتني عليك حيث خايفة على الآنسة المدللة لتهرس لعبتها وتبدا تبكي مكنتش غنديها فيك وحتى يوم مقبرة غيثة وصاتني انا وخوتك... هه ودابا نسات توصيني لو جا صاحب رسالة وبغا يديك مغنمنعوش ولو رجعات غيثة وبغاتني نرجعك غنرجعك ... فهمتي دابا مكانتك لمن صباح باغا تعرفيها عندي
نور(بصدمة) مستحيل تكون مجد مستحيل
مجد(نظر لعينيها بحدة): انا هو مجد سواء تقبلوا عقلك ولا لا... ومجد لفي احلامك وردية مبقاش.. من احسن تخلاي على دوك افكار . ودابا غنطلع نعس... صوتك باقي في وذني
صعد لغرفتو وخلا خلفو نور لحسات موس اختارق قلبها همسات نفسها وخا يكون قلبو قاصح ولكن ماشي حتى هاد درجة يشوفها كتخطف من رجل كوابيسها ويخليها مسحات دموع لسقطوا من عينيها..
نور،: ولكن شنو درت ليه انا باش يعاملني هكذا...غنمشي عند جدة...
سارت نحو غرفة مروة وجدات ادم وجداهم جالسين فوق السرير غلقات الباب وتوجهات نحو آدم لبادلها العناق
ادم:شواقع مالك
نور: مجد داك مجد واش خوك تسطى عمر...شي حد مجرحني بكلامو من غيرو حتى جدة لكتبات تسب وغيثة عمر شي حد تجرأ يعيرني كيف دار هو
جدة: لهلا يحييك تقارنيني بداك راس العفطة..شنو قال ليك
نور(ابتالعت الغصة لفي حلقها بزز): مبغيتش نتفكر اصلا بزز باش دازت ليا اول مرة نحس بشي غصة في حلقي...
آدم(مسح على شعرها ): ميبقاش فيك حال لكن خاص تعذريه
نور: ادم واش ولت..
مروة: سمعي كلام لغيقول ليك على خويا
نور:سمحوا ليا مكاين حتى شي عذر ولو بسيط يآذي الناس..
ادم: نور كان في مصحة نفسية..
نور: كيفاش!! امتا هادشي...
ادم: تقريبا منين مشا بريطانيا
نور: بلاتي بلاتي عاودوا ليا..جدة فراسك هادشي
حسناء: كانوا وصاوني واليدك وحلفت لنقول شي حاجة...
ادم:مهم مروة تعاود ليك...
مروة:مهم بعد مارجعنا من بريطانيا .. ماشي غير نتي لتآذيتي انور من فراق خويا بالعكس حتى خويا مجد تأثر بزااف خصوصا كيعتابر خالتي غيثة ماماه بحكم والديا كانوا مسافرين على قبل مرض ديالي...ماعلينا ولا منطوي على نفسو مبقى كيدوي مع حتى حد..
ادم(همس لنور): نفس اعراض ديالك.
مروة:وبعد مدة صبح عنيف في مدرسة وجد متملك وبابا ديجا منين كان في مغرب كان عرف ان مجد عندو نفس مرض ديال عمتي
نور(بصدمة): عمتك لكانت غتقتل ماما!!!
ادم:اه..عارفاك مصدومة وخصوصا مرض ديالو ظهر في مغرب خصوصا تجاهك مكانش كيحمل شي حد يقرب منك..
مروة:من بعد بابا خدا نصيحة طبيب انه ولابد يدخلوا لمصحة قبل مايصدق قاتل شي حد نتي عارفة بابا شحال متأثر بمرض ديال عمتي بسباب مرضها وقعوا بزااف مشاكل وبابا دخلوا افضل مصحة نفسية في بريطانيا كانت غير للنخبة...
نور: وشنو وقع من بعد
مروة: معرفتش لكن خويا خرج من بعد وشخصيتو هكذا..
نور: ومرضه!!
مروة: صراحة عمري شفتو متملك لشي حاجة او عليه صفات النرجسية...
نور: علاش بابا وماما مبغاونيش نعرف
ادم: حيث في ديك لحظات كنتي كتعاني من بعد مجد عليك وفضلوا ميبقاوش ينطقوا مجد ولا يجبدوه في حضورك باش مترجعيش حالتك..
مروة:نور انا عارفة خويا بعد مرات كيكون قاصح ومرات كيكون هادئ ولكن تفهمي انه مريض..
نور: واش فيه انفصام شخصية!!
ادم: لا ولكن معرفناش مرضه بعد خصوصا حتى واحد مكيجبد ليه هاد الحس ...
نور: وعلاش عمي عماد مع مجد علاقتهم مكهربة
مروة: بابا شحال حاول مع خويا مجد منين خرج من المصحة يتقرب منو ويتعامل معاه كمعاملة اب لابنه ويكون صديقه لكن خويا مجد مكانش مسوق.. خصوصا خويا كان كيجرح مرات ماما بكلامها ، بابا مقدرش يصبر على الوضع...
نور:واش كيلوم والديك حيث حطوه في مصحة لكن راه لمصلحتو وحتى ديك مصحة راه معروفة عالميا..
مروة:لامهم على كلشي..على كيفاش خلاوه عند غيثة وان غيثة هي الأم بالنسبة ليه وعمر ماما مغتكون ماماه...
نور: عمي عماد قيسيه في كلشي إلا نجلاء..ولكن راه كنتي مريضة راه عندهم عذر..
مروة؛ كيفاش غتنقعي خويا وكيفاش بابا غيقتانع برأي خويا...
نور:اه هادشي معقد... وكيفاش كيعاملك نتي
مروة:اغلبية كنشعر بحالا محاسش راني كاينة في هاد دنيا ومرات كيسألني فين وصلات حالتي مرة في شحااال
جرها آدم نحوه
ادم: شي نهار غيرجع مجد القديم...
مروة: ياريت يرجع وحتى انا نحس بلي عندي خويا صراحة نور كنحسدك على علاقتك مع خوتك
نور: ولكن ياسر كيعاملك بحالي راه لشافك لابسة لبسة لكنت لابسة لو نزل عليك بهدرة
مروة:هه عارفة لكن آدم..
نور:اوه الغيرة ونفهم بانت ليا جدة نعسات..وباقي صباح..
مروة: راه بقات سهرانة حتى فجر وفاقت يوم بكري خليها تنعس... غنمشي نجيب شي حاجة ناكلوها
ادم: جيبي معاك شي ساندويتش راه نور كرشها خاوية..
مروة:وخا
نور: دابا شنو ندير..
ادم:متفكريش بزااف...عامليه كيف كتعاملي الكل
نور: ادم بارح جا عندي مجد لبيت...
ادم: واش منين خرجنا جردة
نور:اه
ادم(بجدية ): وشنو وقع بيناتكم
نور:عاودت ليه على شي ذكريات طفولة كان باغي يعرفهم وصافي...
ادم: نور بلاما تقولي شي حد انك عارفة ان مجد كان داخل مصحة خصوصا هو
نور:لا اصلا معنديش خاطر ندوي معاه... ادم قول ليا شنو مخبين عليا انا وجدة...
ادم،:نور نتي عارفة انهم مغيقولوا ليا والوا من غير كيوصيوني عليك...
نور:فراسك حتى مجد مكانش فراسو ان جدي مات بالسم...
ادم،: حتى هو كنظن بحالك مخبين عليه شي حوايج كيف مخبين عليك..
نور:عاود ليا على مجد واش مدارش حتى هو مشروع بحال ياسر...
ادم:لا هو عندو غير فرع واحد في سنغافورة ولكن على ماسمعت من مروة غيولي مترأس فرع جديد لغيتحل في امريكا...
نور:علاش باغي يجي امريكا...
ادم:معرفتش... ولكن لغريب هو ان مجد ذكي بزااف راه كلشي كان عارف ذكاؤه في صغره بغيت نعرف علاش ميستثمروش في شركة...
نور: على هو اش كدير في شركة...
ادم: مكيحققش شي نجاحات كبيرة ...هادشي لفاقص عماد كثر...
نور:هه صراحة كانت غتجيني غريبة من واحد معكاز بحالو يعطي جهد في الخدمة بغيت نعرف واش منين كيكون هو ودينارا بحدهم في البيت واش هي كدي ليه طاقتو كاملة لدرجة كيعشر بالنعاس
آدم: ههه داكشي لجاني انا...
نور: نخليك نتا ومروتك راس في راس
ادم: منقدرش نمسها راه محلفني لواليد
نور:جواد عمي فراسو
ادم:اوفكورس
مروة:واش غتمشي... وساندو...
نور: انا غناكلوا في طريقي...يلاه خليتكم...
ادم: يلاه حتى حنا نخرجوا وخلي جدة ناعسة قبل ماتفيق مقطوعة علينا بلا دواها...
في مكان اخر. وتحديدا في اجتماع بين أعضاء منظمة الريجيس..
لادون: هاكرز ديالهم قوي وكنظن واحد من لهاكرز معانا في هاد المنظمة
المجهول٢: عندك الحق ولكن مكنظنش من طبقة V
هيدرا مكيدخل واحد هنا حتى وكيدير عليه ابحاث كاملة...
المجهول٣: وانا متأكد هيدرا عارف ان داك هاكرز كاين معانا هنا لكن بغيت نعرف لاش باغي يوصل
كراكن: كلنا باغين نعرفوا نفس حاجة لكن اهم هو خاص قبل مايكمل شهر نكونوا كملنا ابحاثنا ومغنبغيش نكون ضمن طبقة من غير طبقة V ....
المجهول٢: انتهى وقت الاجتماع من احسن نستغلوا الوقت كيف قالت كراكن
لادون: ايمسطا
عم صمت في اجتماع من بعد سمعات قهقهة صغيرة من داك مجهول٢ لتحت شاشتو مكتوبة اسم تيفون..
لادون(في نفسو )؛ كنظن الكل مأثر بشخصية هيدرا...
تيفون: صراحة عمر شي حد نطق هاد شعار مكان هيدرا..
لادون،: هيدرا كيقول هاد لقب باش يورينا مكانتنا...
كراكن: عندك الحق...
لادون(بابتسامة اسفل قناعه):ايمسطا (نحن)
البقية: ايدوكسيس (الأمجاد )...
وللتوضيح اكثر عند منظمة ريجيس
هناك سبع منظمات متحكمة في العالم
اولها منظمة لوفيس هادي لكل البعد انه توصل اي منظمة لقوتها...كما أن يوم خميس 28 سبتمبر كيعتابر يوم مميز لهاد المنظمة ولكن هو اليوم الشؤم العالمي..لدى الناس... بسبب ان هاد منظمة كتختار دولة لكتكون ضحية لجميع تجاربها قاتلة...
ثانيها منظمة الريجيس وهي منظمة كتجمع اقوى لهاكرز في عالم وعلى رأسهم سيدهم HYDRA..
تالثهم منظمة OFC هي منظمة لمكافحة الفساد
رابعهم منظمة سكيمرس اختصاصها صناعة الاسلحة النواوية والتجارة بأعضاء البشر
خامسهم سادسهم منظمة ارذوجان....(كلكم عارفينها ومن بعد غتعرفوا اعمالها بشكل مفصل
سادسهم منظمة الفا لكتملك اكبر مواقع اباحية المشهورة لصناعة المحتوى الجميل احم احم🌚)
سابعا واخيرا منظمة ركانون ( من بعد وتعرفوا. اختصاصها )
حيدت منظمة ماسونية وداك تخربيق اخر معندنا مانديرو به بما انها قصة خيالية نتخيلوا عالمنا كيف بغينا...
معاني اسماء
Hydra: هو أسطورة يونانية لثعبان عندو سبع رؤوس ويقدر ينمو رأس اخر لتقطع ليه اخر وغتعرفوا من بعد علاش رئيس منظمة الريجيس اختار هاد الاسم
كراكن: هو أسطورة يونانية لوحش البحر
لادون: هو تنين كيشبه لأسطورة هيدرا.
..
هادشي شخصية نور ولكن الحق تخيلوها كيف بغيتو...
هاد الاسبوعين غنغبر عليكم بحكم عندي وطني وشخال وانا غابرة ماشي حتى قرب ليكزاام ونضرب كلشي في زيرو كنبغيكم بزاااف وانشاء الله منين غنرجع اكيد غنعرضكم بخمسة اجزاء طوااال
اراءكم وتفااعلاتكم💛💛