ياسر: جدة مغنردش عليك حيث راسي غتيفرجع عليا...
نور: شطحتي.. !!على فين كنتو؟
ياسر(وضع كفيها فوق فروة شعرو): ديري خدمتك ودوي راه راسي غيتفرجع عليا...
نور:هاكة حسن
ياسر(براحة ): أحسن حاجة فيك هي هادي
جواد: زعما هي حسن من غيثة
ياسر: بجوجهم غير نور زايدة شويا
عماد(بدهشة)؛ وايلي هادي تفوقتي فيها على مك
نور: قول منين كان بابا كيخرج مع غيثة كيبقاو يلعبوا يصدعوا ليا راسي من بعد منين يسخفوا يجيو يعطيوني شعرهم نلعب بهم
ياسر: اصلا مكانوش عندك صحاب نحيدو آدم حيث تعاشرتي معاه في ايام ثانوي(في امريكا عندهم ٦ سنين في ثانوي لحنا مقسمينها اعدادي وتأهيلي في بلدنا ) وفي صباح كانت كتبقى شادة داك بيسي(نظر ليها بقرف) اش ديك اللعبة المزمرة لكنتي كتلعبي مافيها حتى زمرة من غير ارقام وحروف وكاينين شي حروف ماعرفتهم طلاسم ولا زمر...
نور: متفكرنيش نهار خسرتو ليا كلشي نتا وياسين حيث فضوليين وكتعداو خصوصية الواحد
ياسر(نظر لياسين لكان صامت ): قوليها اش كنا درنا اشمن خصوصية..
ياسين: بغينا نفهموا سيستيم اللعبة ولكن مفهمناش مكانتش حتى ورقة تعليمات أو طريقة اللعب..
ياسر:ليل كامل وهي كتبكي منين جا الواليد اش دار لينا عدنا الزهر الواليدة برداتو...
نور: اصلا ديك اللعبة زوينة غير نتوما عقلكم الصغير باش تفهموها ...
ياسر:اه نسينا أن الخوادرية ذكائها كيفوت الذكاء الطبيعي وانك نقزتي ربع سنين ديال ابتدائي وقريتي معانا في تالثة ثانوي شي حاجة أخرى؟
رياض: داكشي درتيه نتا...
ياسر: الواليد بنتك مهم مغنقولش مكلخة ولكن راه غبية واش همك غالحب
نور(زولات يديها بغضب ): ونتا مالك هامني الحب أو لالا؟ اه حتى انا بغيت شي حد يكون كيبغيني بحال كيف كيبغي بابا ماما واش عيب...وواااه واصلا كل واحد وعندو ميزة فشي حاجة يمكن ديك العزلة خلاتني متمكنة من الرياضيات والفيزياء...
ياسر:الله يزوجك بمن باغا غير رجعي يدك راه منبقاش نعاود هدرتي
رياض:كتهدد؟
ياسر:حاشة واليد ولكن راه فهمات...
غيثة(جلسات مابين ياسين و مجد): اه شحال عييت ولدي ياسر آخر مرة نمشيو على ذوقك
ياسر(غمزها): ولكن واليدة كيجاتك خرجة مخيرة
غيثة:هي صراحة زوينة مجد علاش مبغيتش تخرج؟
مجد(بكسل): مكانش مورال راشق على الخروج.. مرة أخرى...
غيثة: انشاء الله...(نظرات لنور)؛ شفتوها تعلمات حرفتي حتى تقناتها عليا...
آدم(جلس بقرب نور): أصلا نور ذماغها خفيف
نور(وضعات رأسها فوق كتفو): نتا الوحيد لكتقدرني نتا والواليد ...
ياسر(غمض عينيه ): منين نقرب نعس فيقني
نور: هه هي مكاين سهير
ياسر: مدوز نهاري مع زريقة ونسهر مجاتش..
نور: بعدا علاش حتى انا تعلمت هادي معقلتش علاش
آدم: كنتي كتبغي تكوني بحال خالتي غيثة
نور: انا كنقلد؟
آدم: عارفها غريبة ولكن كنتي كتقلدي خالتي غيثة في طريقة لبس والأكل وحتى الحركات
نور:نفهم علاش عدنا نفس الحركات!!!
آدم؛ وخالتي غيثة كانت معروفة بحركتها كتلعب في شعر عمي وحتى خوتك ومجد وبما أن الموضوع كان مرتابط بعمي ومجد بقيتي كتلعب في شعر عمي رياض ومنها تعلمتي
مجد(بعدم تذكر )؛ علاش انا ممتذكرش
آدم: معرفتش صراحة
عماد(كان كينظر لمروة): نور لعبتي في شعر مجد مرة وحدة منين كان مريض قبل الليلة لغنسافروا فيها ونتفرقوا...
نور(قطبات حاجبيها كتحاول تذكر ): وبابا خلاني حيث مكيخلنيش نقرب من شي حد مريض
عماد: أول مرة غتخاصمي مع باباك ديك ليلة
نور(بصدمة): انا وبابا تخاصمنا ميمكنش ؟
عماد:هه تخاصمتو وطلعتي كتبكي بقينا نقلبوا عليك ملقيناكش منين كنا انا ونجلاء(نظر لمجد بحدة) طالعين نشوفوه واش الحرارة باقا مرتافعة
الكل نظر الجو المكهرب بين عماد وابنو هاد الاخير كانت ملامحو هادئة مماثلة ملامح ياسين...
🖇" ولسحر عيونك لن أنحني"🖇
نور(نطقات برقة باش تخرجهم من الجو المشحون بالتوتر ): ايوا شنو وقع من بعد
عماد: لقيناك نعستي بعد ماكنتي حاضياه
نور(وسعات عينيها بتذكر ونظرات لصقريتاه لكيترقبوا ردة فعلها ):
FLASH BACK
مجد(اكتفى فقط يبتاسم ليها(
نور(وضعات يدها فوق جبينو): لاسك سوية سحون(راسك شوية سخون)
مجد:كنتسنى ماما تجي دير ليا ديك فوطة في راسي
نور:انديلها ليك (نديرها ليك انا )انا حالتي نزلاء(خالتي نجلاء ) مسغولة)
مجد:وخا شدي فوطة وخشيها في داك سطيلة صغير وعصريها
نور: كيف دارت حالتي(خالتي) صباح
مجد: اه
نور(وضعات فوط في دلو وعصراتها بجهدها صغير ووضعاتها فوق جبين مجد): يدك باقا كضلك؟(كضرك)
مجد: شوية
نور(وضعات رأسها بجانب رأسو كتنظر ليه بصمت وهو كذلك ): مزد نلحب(نلعب)في سعلك(شعرك ) بحال ماما
مجد:كتعرفي
نور: حسن منها
نور(صغرات مسافة بينهم ووضعات يدها القصيرة فوق شعر مجد): سفتي
مجد(بابتسامة واسعة ): زوينة
نور(بفرحة ):عزباتك (عجباتك)
مجد(بنوم):اه بزااف وخا ديريها ليا حتى نعس
نور(فرحات عليها): وحا
مجد غمض عينيه بوهن وبعد دقائق نام ولحقاتو نور نامت فوق صدرو صغير ويدها فوق كتفو غارقة في نعاسها
عماد: واش هادي نور
نجلاء: فين غتكون منين عيرها باها شوفها غتكون هي لدارت الفوطة لمجد
عماد:هه على الأقل مهلية فيه بلاتي نهزها نديها حدانا
نجلاء(قبلات جبين مجد):الحمد لله سخانة هبطات
نور: بحدو (بعدو)مني بغيت نحس (نعس)
عماد: مجد مريض
نور: مبغيتش نحس (نعس)بوحدي في بيتي كنحاف (كنخاف)
عماد: غادي تنعسي معانا
نور: بصح مزيان...
نجلاء:اوبلا بلاتي نور
نور:اي يدي يدي هئ هئ
نجلاء:غير شديتك
نور: كضلني يدي
نجلاي: سمحي ليا حبيبة
نور(ترمات فوق السرير على كرشها*:بابا ولا سليل(شرير) غوت عليا
عماد: ونتي خبيتي عليه بيسي فيه مشروع مهم شحال؟هو كيقلب خاف ليكون جاسوس في القصر يسرقك
نجلاء(ضرباتها مؤخرتها ): وعندك ت*رمة
نور(نظرات ليه بعبوس): حمالة (حمارة)
نجلاء:هه يلاه دوا معاك رياض
نور:متقوليهاس ليه صافي اصلا نتي لضلبتني
نجلاء: وخا لالة
نور:فيا نحاس(نعاس) فيقتوني خليوني نحس(نعس)
نجلاء(نظرات لعماد):واش متقدرش تمشي أمريكا نتا وفارس
عماد: لا دابا انا وجواد ومصطفى نفس مجال انا شاد بريطانيا وفرانسا مهم اوروبا ورياض وفارس عندهم نفس مجال دسيارات رياض شاد امريكا وفارس بريطانيا
نجلاء؛ فهمت
نور:واس غتمسيو (غتمشيو) ومزد؟
نجلاء:مال ولدي
عماد(غمز نجلاء): شش بغيتي هاد ليلة دوز بيضا في القصر ومنعسوش عفريتة منعستيش...ها
نور(كضحك): ههه حمو كتهلني بلاكة..
عماد: يلاه نعسوا راه فات حال
نور(دارت نحو نجلاء ): كحزي
نجلاء:سنو
نور: بحدي(بعدي ) حلني نحنق(نعنق ) حمو
ضمات عماد ووضعات رأسها فوق صدرو ونامت
عماد:اجي عندي راه نعسات
نجلاء:سليعفانة عزيزة عليك
عماد:هه راها بنت خويا ومراة ولدي المستقبلية وبحال مروى عزيزة عليا
نجلاء:الله يخليها فرحانة ديما..
BACK to PRESENT
هذا كادو من عندي بغيت اراءكم وكذلك بغيت تفاعلكم راه كنقرا كلشي