Sa araw-araw ay di ko maintindihan Bakit ang ngiti mo ay di ko makalimutan. Ipikit man ang mga mata'y aking nasisilayan At patuloy na kumakatok sa aking kamalayan.
Sa bawat indak ng iyong katawan Hindi maiwasang ikaw ay hindi hangaan Pagkat tila isang mahika ang sa akin ay nanahan At ang puso ko ay inangkin mo ng tuluyan.
Kulang pa kaya ang mga bituwin sa langit Kung iaalay ko upang ikaw ay lumapit? Kulang pa kaya ang buwan at ang araw Upang ang paghanga ko ay hindi pumanaw?
Ang mga letra at titik na iyong inaawit Ang pumapawi sa aking mga sakit. Kung maririnig mo ang bawat kong pagtangi Ako kaya ay pakikinggan? Huwag naman sanang hindi.
Maligaya akong tanawin ka kahit sa malayo At pakinggan ang awiting mula sa iyong puso. Kalabisan ba kung ikaw ay aking hahagkan O naising mga kamay mo ay mahawakan?
Sa libo libong tao na sa iyo ay sumusunod Na tila ba alon na nagbabadyang umanod, Ako'y isa lamang tagahanga at ikaw ay aking idolo Isang katotohanang hindi magbabago ang titulo.
*I'm feeling generous today! Haha Here's a second poem... a gift if you may call it. Cheers to all fans to idols here! 💜 Borahae!
*fanart not mine
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
