Sa harap ng salamin, ako ay nakatayo
Minamasdan ang mga braso mo'ng sa akin ay nagkukulong
Mga kamay mong unti unting nanlilingkis
Na tila ba bumubuo ng isang matibay na bigkis.
Iyong mga mata'ng sa akin ay matamang nakatingin
Na nagpapaalala ng nakaraang nagdugtong sa atin;
Mga matang minsang tumawa at humagikgik,
Mga matang nilunod ng luha't pighati.
Saan nga ba natutunan ang salitang paalam?
Kailan nga ba ang mga damdamin ay naparam?
Sa aking pag-iisa, ang maalala ka'y di ko mapigilan
At syang gumugulo sa aking katahimikan.
Sa iyong mga kamay, puso ko'y nangungulila
Na tila ba sa pagkawala mo'y nilisan din ng hininga.
Sa iyong pag-alis, ako'y nilamon ng lumbay
At magpasahanggang ngayon damdamin ko'y ngalay.
Sana'y kaya kong hawakan ang aking nakikita;
Imahe mong aking isip ang may likha.
Natatakot akong bukas ay muling maglaho
Ang ating kahapong nakakulong sa aking ilusyon.
Mahal, maaari bang sa panaginip ako'y iyong dalawin
At iukit sa hinagap na ako'y iyong hihintayin?
Sabay tayong uuwi sa ating bagong paraiso
At di na muli hahayaang paghiwalayin dahil sa iyong pagyao.
*What happens when your beloved dies? This poem expresses the persona's grief and longing for his or her love.
Enjoy the music!
YOU ARE READING
Kalipunan ng mga Salita ng Pusong Sugatan
PoetrySa malayo nakatanaw Hawak ay iyong kamay; Mahal, nakikita mo ba ang bukas? Sa wakas, tayong dalawa'y gagawa ng ating bakas. © Please, DO NOT copy without the author's permission. Let's practice respect and ethics here.