Kaaga-aga, kinikilig ako
Tumunog na naman kasi itong cellphone ko.
Aba may message galing sa'yo
Ano na naman kaya ang laman nito?
"Good morning, pretty," bati mo.
Kaya 'yun, bumilis na naman pintig ng puso ko.
Uwian na, kasabay kita.
Mga kamay ko'y hawak hawak mo pa.
Sino ba naman ang di magfi-feeling maganda
Kung ang taong gusto nila ay laging kasama?
Haba ng hair ko diba?
Kasi araw-araw nakikita at nakakausap ka.
Dumadaan sa paboritong tambayan
At kakain ng bananacue at iinom ng gulaman,
Sabay makikinig sa mga awiting madaling sabayan
At iindak na akala mo'y nasa sayawan.
Mag-uumpisa ng walang katapusang kwentuhan
Atsaka pag gabi na'y saka maghahatiran.
Ngunit kahit anong gawin? Di ko mapigil
Na hindi umasa at puso ay manggigil.
Damdamin para sa iyo ay di ko masiil.
Pag-ikot ng mundo ko sa iyo ay di ko maitigil.
Kasiyahan kasama ka, luha ko ang siningil
Sariling isip at kilos ko sa akin ay nagtataksil.
Oo, ito na nga ang buong kwento
Kung paanong sa presensya mo, ako ay kuntento.
Nahulog na nga ang marupok kong puso.
Huwag lang sanang mga pangako ay mapako
At sa panaginip ay magising ako
Na ang totoo ay magkaibigan lamang tayo.
*Hello! I noticed people are still reading and supporting my poems. For that, I would like to express my sincerest gratitude. Salamat po!
Moving forward, what do you think about these "pa-fall" people we have in our lives? Haha! May na-encounter na ba kayong ganito? Oh, and don't forget to say hello to Tata!
About the song... I am not sure what to put here, but here's Moonstar88. :)
YOU ARE READING
Kalipunan ng mga Salita ng Pusong Sugatan
PoetrySa malayo nakatanaw Hawak ay iyong kamay; Mahal, nakikita mo ba ang bukas? Sa wakas, tayong dalawa'y gagawa ng ating bakas. © Please, DO NOT copy without the author's permission. Let's practice respect and ethics here.