ياسين(وضع يدو على رأسها كيربت عليه بحنان باش يهدأ ويد ثانية مزال كيتلمس بها اناملها واظافراها): بجهائي الله يرضي عليك هذا قرار وانا مضطر نديرو حيث بنفسي وقعت على وثيقة العملية وانا لغنقودها وهي آخر وحدة كنواعدك حيث من بعد (صمت قليلا كينظر لدموع لواقفين على طرف عينيها): غنتولى قيادة المنظمة وغتكون خطوة ماشي ساهلة ونتي اكثر شخص محتاجو في هاد المهمة
مريم(زحزحات عينيها نحو الطاولة لفصلاهم ونزلات عينيها بحزن كتحاول تمنع دموعها ولا شهقتها من انها تخرج وهمسات بخنق): كذاب،
سحبات يدها من على خاصتو بغات تضمها لحضنها ولكن زير على اناملها ومسك يدها ها المرة بين يديه بجوج، وصع قبلة قوية على اناملها ومقلتيه متبثين على جسدها
ياسين: مريم ميمكنش عليا نتراجع فهميني وقعت وثائق وعطيت كلمتي من فوق غير شهر ديال مهمة وغنجي عندك
مريم(رمقاتو بصدمة):شهر!! شهر كــــامل
ياسين(زفر هواء بعنف من فمو ونطق بهدوء): مريم هادي ماشي اول عملية ليا غنقوم بها ولكن غتكون لخرة ومعندك لاش تخافي حيث لغيآذيوني راهم دابا كيحاسبو معاهم وتبثو عليهم شحال من تهمة وأخطرها دابا مبنى لاكتاشفتي في الفرع،
مريم:وخا هانتا ومشيتي وانا كيفاش بغيتيني نمشي المنظمة ونتا مكاينش غيها
ياسين: لكن منين غنمشي نأدي المهمة غتبقاي في دار مع والديا باش منبقاش مبرزط معاك وخا خالك تولى منصب رئاسة مؤقتا ولكن حتى نجي انا
مريم(ببحة متألمة): وسكميرس ديك المنظمة نسيتيها ولابغات تنتاقم شنو غدير انا هادشي مداخلش ليا راسي ومبغيتوش
ياسين(تنهد تنهيدة عميقة ومرر يدو على خصلات شعرو الفحمية): دابا واش غنبقاو هكا مغمومين ، خرجت معاك باش نقضي وقيتة زوينة معاك
مريم: انا غير خايفة عليك من دوك ناس غير معركة لدازت شحال كانت صعيبة وخصوصا وانهم خططو يقتلوك مع (عضات على شفايفها بقوة مانعة لسانها يفلت قنبلة عن حقيقة الفوكس):
ياسين: هاد المرة ماعندهم منينن يدوزو علينا حيث سالا كلشي ولو كانت شي حاجة مترصادني مكانش الواليد غيسمح ليا نرجع المنظمة ولا نشارك فيها بعدا علاش كان باغيك في المكتب نتي وبنت خالتك
مريم(هزات عينينها كتنظر لخاصتيه ونطقات بهدوء مزيف): غير باش يتعرف علينا
ياسين(نظر ليها بنظرة مليئة بالعشق الشسء لخلاها توقف عن اهتزازها ): واش مزال مقلقة مني
مريم: انا ممقلقاش منك راه مقلقة عليك وخايفة لتوقع شي حاجة
ياسين: راني دوكس مريم ودزت من مهام خطيرة وعمليات الموت وهاني نجيت حتى هادي مغنطوش ونرجع عندك
YOU ARE READING
أنت ملكي يا عنيدتي (ولسحر عيونك لن انحني )
Romanceليس بالضرورة قراءة الجزء الاول مسك يدها النحيفة وقبل اصابعها الرفعية برقي بعد ما انحنى ليها بطريقة نبيلة ابتاسمة جانبية شقات ثغرها الناضج وهي كتمعن في شكله الجذاب والهالك في نفس الوقت هي: اخيرا حضرة الشيطان شرفنا بحضورو رفع صقريتيه الحادة لاف...
