ရွှေအဆင့်နည်းပြ

Part 103

103 01

Chapter 103 : လူထုအမြင်ကမောက်ကမ

လက်ရွေးစင်အသင်း၏တရားဝင် Weibo မှတရားဝင်ကြေညာချက် ထုတ်ပြန်ပြီးသည်နှင့် ကျွမ်းကျင်ကစားသမားများသည် ၎င်းအား အမြန်forwardခဲ့ကြသည်။

"ဆဋ္ဌမအကြိမ် လက်ရွေးစင်အသင်းမှာ ပါဝင်ခွင့်ရလို့ အရမ်းပျော်ပါတယ်"

ပရိတ်သတ်များက ပန်းများကြဲဖြန့်ကာ ချီးကျူးကြသည်။ သူတို့သည် သူ၏အောင်မြင်သောရွေးချယ်ခံရမှုအတွက် ချီးကျူးဂုဏ်ပြုကြသည်။

Laolin : "ကျွန်တော့်IDက လောင်လင်း ဆိုပေမယ့် အသက်မကြီးသေးသလို လောင်ဆိုတဲ့နာမည်လည်း မရှိပါဘူး။ လင်းဟောင်ရန်က ကျွန်တော်ပါပဲ ဟားဟား"

ပရိသတ်များ: "ဘာလို့လောင်လင်းကို ရွေးချယ်မှု မလုပ်ခဲ့လဲလို့ မေးချင်ခဲ့တာ။ နောက်တော့ လင်းဟောင်ရန်လို့ခေါ်တဲ့ လူတစ်ယောက်ကို တွေ့မှ ဓားကိုလက်ထဲက ဖယ်လိုက်တာ။

YY-Leaf: လကုန်ကျ ဆိုင်းငံ့ထားမှုကို လုံးဝရုတ်သိမ်းခံရပြီး လေ့ကျင့်ပြီးကစားဖို့ လက်ရွေးစင်အသင်းသို့ ကျွန်‌တော်သွားနိုင်ပြီ။ ကျွန်‌တော့်ကိုသတိရလား"

ပရိသတ်များ: "ထောင်ထဲကလွတ်လာလို့ ယယ်ကျီကို ဂုဏ်ယူပါတယ်"

"ထောင်ဒဏ်နှစ်ဝက် သက်တမ်းကုန်သွားတော့ ယယ်ကျီပြန်လွတ်လာပြီ။ ဂုဏ်ယူပါတယ်"

ယယ်ကျင်းမင်: "......"

သူ့အားဆိုင်းငံ့ထားခြင်းသာဖြစ်ပြီး ထောင်မချ‌ပေ။ ဘာလို့သူ့ကို ရာဇ၀တ်ကောင်ပုံပေါက်အောင် လုပ်ရတာလဲ။

မိုဟန်တျန်းသည် အလွန်စိတ်လှုပ်ရှားသွားသည်။ သူရိုက်ပြီးဖျက်ကာ ရိုက်ကာထပ်ဖျက်သည်။ နောက်ဆုံးတွင် သူသည် စာစီစာကုံးလေးတစ်ခုကို လေးလေးနက်နက် ရေးခဲ့သည်။ "ကျွန်တော့်ကို ဒီဆဋ္ဌမအကြိမ် လက်ရွေးစင်အသင်းမှာ ပါဝင်ခွင့်ရစေခဲ့တဲ့အတွက် နည်းပြဝန်ထမ်းတွေကို ကျေးဇူးတင်ပါတယ်။ ပြီးခဲ့တဲ့ ကမ္ဘာ့ဖလားစီးရီးတွေမှာ ကျွန်တော် ကောင်းကောင်းမကစားခဲ့ပါဘူး။ ဒီတစ်ကြိမ်မှာတော့ နည်းပြဝန်ထမ်းတွေရဲ့ ယုံကြည်မှုနဲ့ လူတိုင်းရဲ့မျှော်လင့်ချက်အတိုင်း ကြိုးစားလုပ်ဆောင်သွားမှာ သေချာပါတယ်"