ရွှေအဆင့်နည်းပြ

Part 57

Chapter 57: မျက်နှာချင်းဆိုင် ပြန်လည်သုံးသပ်ခြင်း

TNG ကစားသမားများကြား လုကျင်းယွမ်နှင့် ကျန်းယွယ်တို့သည် လက်ရွေးစင်အသင်းထဲတွင် နည်းပြကျန်းအား မြင်ဖူးသူများသာဖြစ်သည်။ တခြားသူများမှာ ကျန်းရှောင်ယွီကို မသိပေ။ ထို့ပြင် ဤအသစ်ရောက်လာသူများသည် S3 ရာသီ၏ခေတ်ကို မတွေ့ကြုံခဲ့ရဘဲ နတ်ဘုရား Wing၏အမည်ကိုသာ ကြားဖူးသည်။ နတ်ဘုရားWingမှာ မည်သည့်ပုံစံရှိသည်ကို မသိကြပေ။ ဒုဥက္ကဋ္ဌကျွီနှင့် ဝင်လာသည်ကို သူတို့တွေ့လိုက်ကြပြီး လူတိုင်းမှာ သူ့အားလိဂ်၏ဝန်ထမ်းတစ်ဦးဟုသာ ထင်နေကြသည်။

သို့သော် ရှုချန်မှာ ကျန်းရှောင်ယွီအား မြင်လိုက်သည်နှင့် သူ့မျက်လုံးများ တောက်ပလာပြီး လက်သီးအား တင်းတင်းဆုပ်ထားခဲ့သည်။ အဲဒါ အစ်ကိုယွီပဲ။ တစ်ယောက်နှင့်တစ်ယောက် မတွေ့ကြသည်မှာ ငါးနှစ်ကြာပြီးနောက် သူသည် အစ်ကိုယွီအား တစ်ချက်တည်းမှတ်မိနေသေးသည်။ သူ့အားအစ်ကိုကဲ့သို့ ဆက်ဆံခဲ့သည့်ACE အဖွဲ့၏ ခေါင်းဆောင်ဟောင်းဖြစ်သည်။

ကျန်းရှောင်ယွီ၏ သည်းခံမှုနှင့် ACE၌ သူရှိစဉ်အတွင်း သူ့အားဂရုစိုက်ခဲ့သည်ကို မှတ်မိသောကြောင့် ရှုချန်မှာ စိတ်မပျော်မရွှင်ဖြစ်နေခဲ့သည်။ ဤကဲ့သို့အချိန်မျိုးတွင် သူဘာပြောရမှန်းမသိပေ။ သူမတ်တပ်ရပ်‌နေကာ စကားမပြောနိုင်တော့ဘဲ သူ့ဖြစ်တည်မှုကိုသာ လျှော့ချနိုင်ခဲ့သည်။ သူသည် တိတ်တိတ်လေးပုန်းပြီး ခေါင်းငုံ့ထားလိုက်သည်။

ကျွီဟန်သည် အမြဲတမ်း ဒေါသကြီးသည်။ သူ သည်ခုနကပင် တံခါးကိုကန်ခဲ့ပြီး ပြင်းထန်လွန်းသဖြင့် အသင်းသားများအားလုံး အံ့အားသင့်သွားခဲ့ကြသည်။

မန်နေဂျာကျောင်း၏မျက်နှာမှာ မည်းမှောင်နေသည်။ အခြေအနေအား သက်တောင့်သက်သာဖြစ်စေရန် ပါးစပ်ကိုမဖွင့်မီ ကျွီဟန်မှ သူတို့အား ဆူပူသံကြားလိုက်ရသည်။ "ဒါက မင်းရဲ့နေ့စဉ်လေ့ကျင့်မှုရဲ့ အခြေအနေလား။ စည်းကမ်းစစ်ဆေးမှုအတွက် TNGကို လာတိုင်း မင်းတို့က လေးနက်ပြီးလုံ့လရှိတယ်။ မင်းတို့ကကြိုတင်သတိပေးခံထားရတာဆိုတော့ ငါ့အတွက်ရှိုးလုပ်ပြတာပဲလား။ ငါ TNG လေ့ကျင့်ရေးခန်းရဲ့ တံခါးနံပါတ်ကို မကြည့်ဘူးဆိုရင် ငါ ဈေးထဲ ရောက်လာတယ်လို့ ထင်ခဲ့တာ"