ရွှေအဆင့်နည်းပြ

Part 35

Chapter 35

အမှတ်အသားပြုခြင်း ပြီးပြည့်စုံသွားပြီး‌နောက် ကားမှာတိတ်ဆိတ်နေခဲ့သည်။ သူတို့၏ ကမောက်ကမအသက်ရှူသံအား ရှင်းလင်းစွာ ကြားရနိုင်သည်။

ပိုင်ဖန်း၏နားများ နီနေကာ သူသည်သူ့ဆရာအား ရင်ဆိုင်ရန် ရှက်နေသည်မှာ ထင်ရှားသည်။ ကျန်းရှောင်ယွီ၏ အမူအရာမှာလည်း အလွန်သာမန်မဟုတ်လှပေ။

အေဘီအိုကမ္ဘာတွင် ရင်းနှီးသော 'လိင်ပိုင်းဆိုင်ရာ လုပ်ဆောင်မှု'သို့ ရောက်သောအခါ စေ့စပ်သောအမှတ်အသားထက် ယာယီအမှတ်မှာ ဒုတိယနေရာတွင်သာဖြစ်သည်။ ရိုးရာအယ်လ်ဖာများနှင့် အိုမီဂါများအချို့သည် သူတို့စေ့စပ်ပြီးမှသာ ယာယီအမှတ်အား ပြီးမြောက်နိုင်လိမ့်မည်။ ထိုစဉ်သူတို့နှစ်ယောက်မှာ ကားထဲဤပထမဆုံး လုပ်ဆောင်မှုကို အမြန်ပြီးမြောက်ခဲ့သည်။

သူတို့ဘဝထဲ အရေးကြီးသော ပထမအမှတ်မှာ အလုံပိတ်ကားထဲ ပြီးသွားလိမ့်မည်ဟု မည်သူကမျှ မထင်ထားခဲ့ပေ။

ကျန်းရှောင်ယွီသည် သူ၏ပြင်းထန်သော နှလုံးခုန်သံကို တည်ငြိမ်စေရန် အသက်ပြင်းပြင်းရှူခဲ့သည်။ သူ၏ဖယ်ရိုမုန်းများ အနည်ကျသွားခဲ့သည်။ သူ၏အံ့ဩသွားသော တပည့်အား ရင်ဆိုင်ရသောအခါ ကျန်းရှောင်ယွီသည် စကားပြောရန် အနည်းငယ်ရှက်သွားခဲ့သည်။ သူသည်နားထင်များကိုပွတ်ကာ တိတ်ဆိတ်မှုကို ချိုးဖောက်ရန် တီးတိုးပြောခဲ့သည်။ "ငါနမော်နမဲ့ဖြစ်သွားတယ်။ ငါတားဆေးတွေပိုပြီး ယူလာသင့်ခဲ့တာ"

ပိုင်ဖန်းသည် နောက်လှည့်ကာ တီးတိုးပြောခဲ့သည်။ "ဒါ... ဒါဆို ဆရာစခန်းကို သွားချင်သေးလား"

ကျန်းရှောင်ယွီသည် ပြတင်းပေါက်အပြင်ဘက်ကို ကြည့်လိုက်သည်။ ၎င်းသည်တကယ်ပင် နှင်းကျနေသလား။

နှင်းပွင့်များ လေထဲလွင့်မျောနေသည်။ နွေးထွေးသော မီးအလင်းရောင်များ သရုပ်ပြမှုအောက် ကောင်းကင်ပေါ်မှ ရွှေရောင်အမှုန်များ ကျနေသည့်ပုံပေါ်သည်။ မြို့တော်ထဲ ဆောင်းရာသီအစကတည်းက ပထမဆုံးနှင်းဖြစ်ကာ အပြင်ဘက်မှ အပူချိန်မှာ အလွန်အေးသည်။ ကျန်းရှောင်ယွီသည် ဤအကြောင်းတွေးကြည့်ကာ ပြောလိုက်သည်။ "နှင်းကျနေပြီး လမ်းကအရမ်းချော်နေတယ်။ ကားမောင်းတာ ပြဿနာများရှိမလား"