ရွှေအဆင့်နည်းပြ

Part 65

Chapter 65 : CIPကလပ်

နောက်တစ်နေ့မနက်တွင် ကျန်းရှောင်ယွီသည် ယွီမင်ကျန်းအား သူသည်CIPကလပ်သို့ သွားတော့မည်ဟူသည့်သတင်းကို ပို့လိုက်ကာ ယွီမင်ကျန်းက ချက်ချင်းစီစဉ်ပေးခဲ့သည်။ CIP တည်ရှိရာမြို့သည် တော်ဝင်မြို့တော်နှင့် မဝေးသောကြောင့် လူတိုင်းမှာ မြန်နှုန်းမြင့်ရထားကို အစားထိုးစီးခဲ့ကြသည်။ သူတို့ရောက်ရန် တစ်နာရီခန့်ကြာသည်။

ကားဖြင့် ကလပ်သို့သွားရာ လမ်းတွင် ကျွီဟန်က မိတ်ဆက်ပေးသည်။ "TNG နဲ့တူတဲ့ CIP ကလပ်နောက်ကွယ်မှာ ချမ်းသာတဲ့ ကျောထောက်နောက်ခံရှိတယ်။ သူတို့အားပေးချင်တဲ့ ကစားသမားကတော့ မိုဟန်တျန်းပဲ။ မှတ်မိလား"

ကျန်းရှောင်ယွီသည် ဂရုမစိုက်ဘဲ ပြန်ဖြေလိုက်သည်။ "ငါအလိုအ‌လျောက် မှတ်မိတယ်။ နောက်ဆုံးသေနတ်ဘုရင် ပုံရိပ်သံတမန်နဲ့ ဘူးသီးလေးများအဖွဲ့ရဲ့ အကြီးဆုံးသားလေ"

ယွီမင်ကျန်းသည် ရယ်ချင်စိတ်ကို မထိန်းနိုင်ပေ။ "အဟမ်း၊ ရှောင်းမိုမှာ ခေါင်းစဉ်အများကြီးရှိတယ်"

ကျွီဟန်သည်ပြုံးပြီး နှာခေါင်းကိုထိလိုက်သည်။ "တကယ်တော့ ရှောင်းမိုရဲ့ အရည်အချင်းက မဆိုးပေမယ့် သူ့ရဲ့ စိတ်ဓာတ်ကတော့ တော်တော်ညံ့တယ်။ ကြယ်ငါးပွင့်အခက်အခဲမြေပုံဖြစ်တဲ့ Pirate Baseကို လက်ရွေးစင်အသင်းလေ့ကျင့်ရေးပွဲကို နောက်ဆုံးအကြိမ်ကစားတုန်းက ဆရာစီစဉ်ခဲ့တာလား။ သူတစ်ချိန်လုံး နည်းနည်းပစ်ထားတာပဲရှိတာကို ကျွန်တော်မှတ်မိတယ်။ သူက အိပ်ရင်းလမ်းလျှောက်နေသလိုမျိုး ဂိမ်းကို ကစားတယ်"

ကျန်းရှောင်ယွီ ခေါင်းငြိမ့်လိုက်သည်။ "ဟုတ်တယ်။ သူ့မှာဖန်နှလုံးသားနဲ့ မင်းသမီးရောဂါရှိတယ်။ ငါဆူပြီးရင် သူကကွန်ပျူတာကို ဘယ်လိုစာရိုက်ရမှန်းမသိသလို ကွန်ပျူတာကိုပဲ ကြောင်ကြည့်နေတော့တာပဲ"

ကျွီဟန်ရယ်လိုက်သည်။ "အမှန်ပဲ။ သူက အယ်လ်ဖာတစ်ယောက်ဆိုပေမယ့် ထိတွေ့မိတဲ့အခါ ကွဲအက်သွားတဲ့ ဖန်ခွက်လို နုနယ်တယ်"

အစပိုင်းတွင် မိုဟန်တျန်းသည် အွန်လိုင်းဂိမ်းတွင် ကျန်းရှောင်ယွီနှင့် တိုက်မိခဲ့သည်။ အသတ်ခံရပြီးနောက် လူတစ်စုကို တန်းစီရန်ဆွဲထုတ်ကာ သေဆုံးခဲ့သည်။ ထို့အတွက်ကြောင့် သူသည် လက်ရွေးစင်အသင်း၏ ဘူးသီးလေးများအဖွဲ့၏ အကြီးဆုံးသားဖြစ်လာခဲ့သည်။ သူ့စိတ်ဓာတ် လုံးဝပြိုလဲသွားသည်။ ထို့နောက် ကျန်းရှောင်ယွီသည် ရုတ်တရက် လေ့ကျင့်ရေးပွဲကို စီစဉ်ခဲ့သည်။ သူ၏စွမ်းဆောင်ရည် ညံ့ဖျင်းပြီး သူ၏အနုပညာရှင် Wing ဆီမှ ထပ်အပြစ်တင်ခံရသည်။ နှစ်ထပ်ကွမ်းဒဏ်ချက်ကြောင့် သူသည် လေ့ကျင့်ရေးခန်းမှ မျက်ရည်များဝဲကာ ထွက်လာခဲ့သည်။