أنت ملكي يا عنيدتي (ولسحر عيونك لن انحني )

Part144

مريم(وسعات عينيها بدهشة فيه خصوصا منين لمحات بعض رمقهم باستغراب ولكن تحركو بدون مايعلقو، عملاء كانو كيحتارمو خصوصية آخر عكس متدربين كياكلهم الفضول): اش كدير واش حماقيتي

ياسين(اختفاو ملامح العملية لكيخدم بها بصفتو الدوكس وظهرو ملامح الدفء كيف مولفة عليه): حماقيت بك

مريم(قلبات عينيها وربعات يديها بزعف): مدويش معايا

ياسين(فلتات قهقهة صغيرة من شفايفو وقبل رقبتها بطريقة خلاتها تبورش ومع ذلك باقة مصطانعة الغضب،وضعها على طابلة كيستلقيو عليه منين كيقومو بتمارين عضلات، لاحظ كيفاش معبسة ومربعة يديها وعرف انها تقلقات من معاملتو): مفروض عليا نعاملك هكذاك ،لاشافوني راخي معاكك يقدرو يترخاو ومياخدوش أمور بجدية اكبر ويلوحو عليا الحمل وهذا ماشي في صالحنا غير شهرين غنصبرو وغترتاحي من بعد
مريم: غنصبر انا نتا اصلا عايش لاڤي(الحياة): وكلشي محتارمك انا حتى شوفة محاشوهاش ليا من غير خالي ومرتو ونادر وعمران

ياسين(هز قميصها كيتفحص كدمات باصبعو بتركيز): كظني كيعجبني حال منين كنشوفك مقصحة ولكن هذا هو حل خاص تولفي قبل مانخسرك بين يدي دابا مبقى رجوع لائحة مشات منظمة اصلية ووقعت عليها وحتى هما معطلوهاش وافقو وعطاو اذن باش نستخدمو اسلحة وبداو كيوجدو حتى باقي عملاء لغيشاركو

مريم: واش باقي عملاء اخرين

ياسين (جبد مرهم كان وضعو في جيب سروالو هادي نصف ساعة منين كان شافها كيفاش كتقاوم تحت التدريب): هادو لشفتي غير العملاء النخبة لكيقودو العمليات،غادي يتقسمو وكل واحد عطغتكون عندو فرقتو وديك فرقة ثاني تابعينها فرقة وهكذا راه كثر من ميتين واحد راه أمة البشار غتشارك في هاد العملية

مريم(وسعات عينيها بدهشة من كمية الناس لغتشارك وتخيلات المشهد مصور امام عينيها): ياعني انا عندي زهر كاينة مع قائد كبير وهو لغيدربني(كتقصدو هو)

ياسين(مرر اصابعو الباردة على بطنها وحس بتبوريشة طالعة معاها بدا كيدهن ليها المكان ولشافو يحلف عليه ماهو لكان كيأمرها بحدة باش تحرك وتدرب هو نفسو لجالس دابا على ركبتو كيداويها برفق ): مزوجة به وقبل هاد كريشة تهز بيبي فيه

مريم: باش حتى بيبي يتكرفص معايا ههه لالا

ياسين(هز عينيه فيها ولاحظها كضحك وعينيها على سقف القاعة): اه قبل مانسى انتاظمي على حبوب منع الحمل باش ميوقعش شي مشكيل منظمة عارفها وخا تكوني في شهر تاسع غتخليك تشاركي خصوصا نتي مرتي

مريم: لالا راني محتاطة ان شاء الله ميكون والو .. (بقات صامتة مدة قصيرة وهي تنطق): دابا

ياسين: غير دابا حيث انا باغي نجيب معاك ثمنية ولاد

مريم (اختافت ابتسامتها ونقلات عينيها ليه ): نتا رك حماقيتي سحبتك غير كضحك باقي متيق هاد فكرة هي كرشس وانا نولد لبغيت حيث انا لغنزحم عليهم