أنت ملكي يا عنيدتي (ولسحر عيونك لن انحني )

PART134

فاسيلي: صافي ماات ياك غنبقاو حيين

سمر(هزات عينيها فيه ونظرات لشكلو كان تطوش ليه بعض من قطرات الدناء على بشرتو البيضاء بلعات ريقها وضعات يدها على قلبها كتنفس بعنف والدموع على طرف عينيها): الحمدلله الحمد لله باقة عايشة اول مرة نحس بالرعببب

فاسيلي: حتى انا خفت بزااف

سمر(جراتو امامها ونطقات بصرامة):خاصنا نخرجو من هنا وخاص تعاوني ولو غير بشويا

ڤاسيلي(نطق بعبوس): نبقاو هنا شغيوقع

سمر: عائلتها غيجيو يقلبو عليها وباينة هي لكتجيب ليهم فرائس وعاد غربان نسيتيهم هادي راه محمية داك مريض ومجاش ولاحنا حتى بغا يصفيها لينا غتعاوني باس نخرجو فهمتتتي

ڤاسيلي(حرك رأسو بخوف ): وخا انا معاك

سمر: مزيان دابا سمعني غنلووحك وجيب ليا شي غصن قااصح قلب عليهم في ارض ولا شي بلاصة غادي نتسلق هاد الحفرة بهم وبقا تلوحهم قبل مايشمو غربان ريحة لموت

ڤاسيلي(نطق بعزم): وخا صافي لوحيني وانا غندير داكشي لقلتي ليا

خرجات من الدوش بعد ما ساعدوها الخادمات المخصيين لهاد النهار بعناية ببشرتها وبنفسها، عفلها داخ عليها وهي تلقا بزاف البنات كيتحركو في الجناح لهي فيه ولعرفاتو انه ديال ياسين عطاه ليها وهو كاين في بيت خوه حيث الحفل تقام في قصر ارذوجان بما انه غير بين العائلة غيكون حتى يكملو شغالهم وتخرج من منظمة عادي ناوين يديرو عرس كبير ويعلنو على زواجهم

توجهات برفقة المساعدة نحو الكرسي وهنا انقاسمو البنات لجاة كل وحدة وكتقوم باختصاصها ها لكتصيب شعر واخرى مهتمة بالبينيكور واخرى كتقوم بمانيكور وميكاب ارتست مع مساعدة ديالها كتماكي ليها وجهها على حساب رغبة وطلب مريم

المساعدة: انسة مريم شنو اختارتي بين هاد الفساتين العرس لكاينين هنا هادي اختارتها مدام ارذوجان غيثة زوينة وسامبل بالييض وهذا سي رياض(كتوريها في طابليط): اختارها ييضة ولكن فيها هاد سميطات بالزرق وهادي اختارها مسيو ياسين باللون الابيض واختارهتدا مغطية من جهة رقبة

مريم(قهقهات في سرها ممتيقاش غيرتو): واش غير هادو لكاينين

مساعدة:كاين واحد فستان راه جابو سي ياسر وهو بذوق ديال انسة نور ارذوجان ومدام حسنا تجمعو بتلاثة وخيطو هاد الفستان عند خياط خاص ومعرفناش واش غيعجبك ولالا

مريم(بفضول نطقات): فين هو

مساعدة(شارت للخادمة باش تحضر كارطونة): جيبي العلبة الخاصة

مريم(رمقاتها باستغراب): الخاصة؟

مساعدة: مسيو ياسر عطاها هاد اللقب اه فيها واحد بكاقة يمكن رسالة مكتوبة تم