أنت ملكي يا عنيدتي (ولسحر عيونك لن انحني )

part131

البستاني: سمح ليت مقصدتتش كنت بغيت نحيدها وطاحت ليا يمكن من عربة سمحو ليا

عم(صرخ عليه بغضب): بنت خويا كانت غضررب في رجليها وتوعق وكلب سماحة نتا خاص

بغا يجبد سلاحو يتخلص منو وهي تقاطعو اليزابيث

اليزابيث: صافي عمي موقع والو خطأ دار وآخر مرة يتعاود غير حيث عدنا ضياف

حفصة مفهماتش شنو قالت وصممات داخل نفسها انها خاصها تعلم الايطالية مفهماتش علاش كلشي كيتكلم بهاد لغة وخا هما في دولة مختالفة ولكن داك ألفا كان زاارع احترام مخيف عن الكل حتى اس واحد كتشوفو معاه كيكون كيتكلم الايطالية وهو قليل ثم قليل فين كيتكلم إنجليزية حتى بغات هي تسمعها من فمو أما آخرين فعمرهم

هزات عينيها في السما كتذكر نفسها ان هذا غير اتبلاء وكلشي غيمر من بعد على خير وهو ميستاهلش حتى دمعة من عينيها ولا حتى انه يشغل تفكيرها

تابعت سيرها وبقات تابعاهم حتى وصلو ليخت كبير باللون الاسود عجبها كلون ولكن طيح عليها الضيم باكتئاب لفيه

صعد الفا هو الأول وقبل مايكمل سير كان نداه العم ، التافت ألفا ولمح اليزابيث لكانت لابسة كعب عالي وباش تصعد لليخث خاصها تنقز داكشي علاش الفا مد يدو ليها باش تمسكها وتستاند عليه،وهادشي بالضبط لقامت به اليزابيث تبعها كل من عمها وخوها

عمها: شكرا مسيو الفا خفت عليها حيث رجلها ضربات مع حجرة مغتقدرش تنقز

الفا(عينيه على حفصة لوقفات باش دخل اليخت ): لعفو

التافت الرجل العجوز للخلف رامق حفصة بسخط خصوصا من شكلها لجاه عادي ولا مقارنة مع بنت خوه لفاتنة في جمالها وحتى في شخصيتها وحكمتها ميمكنش ضاهيها، قبل مايتقدم عندها خادم باش يساعد حفصة كاانت نقزات بنفسها داخل اليخت ، تاركة الخادم لواقف أمامها كينظر ليها بصدمة، نثلات عينيها ليه وقلباتهم بغرور رامية طرف شالها للخلف وداخلة بدون ماتعيرهم اي انتباه تاركة جميع كيارقبها بصدمة من حرأتها من غير ألفا واليزابيث لكانت نظراتهم هادئة،،،
تقدمو للداخل بسباب الجو البارد وهما ركبو في اليخت غير باش يوصلو طرف ثاني للمدينة والبحر كيعتابر طريق مختاصرة

جلسو متقابلين معاها وهاد المرة الكل كان كيناقش من غيرها هي لكانت واضعة راحة يدها اسفل ءقنها ومرفقها على فوطوي لخلفها كتنظر للبخر بشرود

كتشعر بوحدو فظيعة مستولية روحها، تخيل نت في مجمع مكتفهم حد وكلشي متجاهلك كأنك مرئي وكاين معاهم من لفوق راجلك لمعطاك حتى قيمة قدامهم كيف مولف، عارفة انها رفضاتو وقالت ليه يديرو حدودو ولكن داكشي بيناتهم لا ظاعي بيبن ناس ان علاقتهم شفافة وكلشي كيشوف فيها على اساس الشريرة لفرقات قصة حبهم المثلحة كيف لقباتها هو بارد والاخرى بحالو ، هو رزين واخرى حكيمة هو وسامتو خشنة والاخرى جمالها حاد ومثير وبجوجهم طوال ماشي بحالها