أنت ملكي يا عنيدتي (ولسحر عيونك لن انحني )

part82

مريم (نظرات ليديها لكانت مشابكاهم وواضعاهم على فخضيها): غير حيث هو يمكن سباب باش تآذيت

طبيبة(هزات مرآة صغيرة مع أحمر الشفاه ونظرات لمريم بعدم تصديق): دوكس مكيقرب حتى شي بنت ومكيحملش يقيس شي بنت في اطار غير تدريب نتي وحيدة لتقرب منك

مريم (رمشات بعدم استيعاب ووقفات من على باياص ): وعلاش

طبيبة(هزات كتفيها دلالة على جهلها بالسبب): منعرف مهم راه كتبت ليك هنا هادو مصكنات الألم باش لمجاكش نعاس في ليل شربيهم وهاكي مرهم بقاي دلكيه بعد تمرين وقبل تمرين يعين منين تفيقي في صباح باش يختافيو ضربات راه وجهك زوين قرب يختافي

مريم(ابتاسمت ليه بامتنان): شكراا بزااف وسمحي ليا لصدعتك

طبيبة: ماشي مشكل غير حيتاش بريئة انا مسامحاك وحاولي تقولي دوكس يدربك على اقل تولي دافعي على راسك ومتجيش ليا شي نهار ميتة خاص تعرفي مرات كيوصل حتى حالة القتل

مريم: مكنظنش غيبغي زيدي مخاصمين بجوج

طبيبة: واش فهمتي شنو قلت ليك قبيلة ولالا وضبري راسك انا نصحتك حيث مافيا ليشرحك جثة ديالك مبغاش قلبي يتروع

مريم: شكرا بزاف نمشي باش منصدعكش قربات وجبة العشا

طبيبة: سيري سيري مكتسمعيش هدرة

التافتت مريم باش تخطو ولكن سمعات شي حاجة لشوكاتها

طبيبة(كتنظر لظهر مريم. وهمسات ): هادشي علاش مستهدفة من المنظمة

خرجات وافكارها كلها مخربقة من جملة لقالتها طبيبة، هي حاسة بعدة أمور ماشي تالهيه كتحيك داخل جدران المنظمة لكن ملقات ليها حتى سبب مثلا راجين لكتخرج كل ليلة مع عشرة ومكتجي حتى ربعة صباح وقبل ماكتجي كانت كتشوفها كدخل معاها شي حاجة كتخفينا في خزانتها ومن بعد كتشوف مريم واش ناعسة ولا فايقة، أكيد هي كانت كتبقى فايقة ولكن ماشي باش تجسس عليها غير الارق. والتعب الجسماني كانو كيأرقوها نعاسها..
مفهماتش شنو علاقتها هي بالموضوع ولو كانو مستهدفين شي حد خاص تكون روبي ولا خديجة حيث والديهم قويين بزااف علاش هي لمستهدفينها لبلا حول ولا قوة حتى باباها معندو حتى علاقة بالمنظمة، فطرات رأسها بحيرة وتوجهات ببطء داخلة صالة طعام وعقلها كيفصل ويخطط

خديجة: فاش ساهية

مريم: والو غير كنفكر مع راسي فين هو صهيب

خديجة(شارت ليها عليه): كان جالس معايا ولكن غير عرضو عليه شي مدربين يجلس معاهم وهو يمشي قال ليك حتى مرة جاية ويجي

مريم: اه يقدر تكون عندو شي خدمة

خديجة: اممم خدمة في وقيتة ماكلة اصلا انا ممرتاحاش لديك علاقتهم وخصوصا منين كنشوفك شحال مرغمة على راسك