ထို့ကြောင့် နည်းပြကျန်းသည် သူ၏ဆိုးရွားစွာပြောတတ်သည့်ပုံစံကို စတင်ခဲ့သည်။
"ဒါကလက်ရွေးစင်အသင်းမှာရှိတဲ့ ကစားသမားတစ်ယောက်ရဲ့အဆင့်အတန်းလား"
"မင်းတို့နဲ့ကစားဖို့ ဇာတ်ညွှန်းတွေတောင် လိုသေးရဲ့လား။ ပေါ့ပေါ့ပါးပါးဆော့ရင်တောင် ငါမင်းတို့ကိုနိုင်နိုင်တယ်"
"မင်းတို့အားလုံး ကိုယ့်သေတွင်းကိုယ်တူးနေတာလား။ တစ်ယောက်ပြီးတစ်ယောက် အလကားသေပေးနေကြတာလား"
"မင်းတို့အခြားသူတွေကိုမနိုင်နိုင်ရင်လည်း ဂိမ်းကိုသာဖျက်လိုက်တော့"
အခြားသူများအား လေ့ကျင့်ပေးသောအခါ ဘယ်သောအခါမှ ကျိန်ဆိုလေ့မရှိတတ်သော စကားပြောချိုသာသည့် နည်းပြကျန်းသည် သူတို့၏စိတ်အခြေအနေများ မပြိုလဲမချင်း တစ်သင်းလုံးကို ဆူပူခဲ့သည်။ ဤသည်မှာ သူတို့သည် နည်းပြကျန်းမှ သူ့ကိုယ်သူအိုမီဂါတားဆေးများ တိတ်တဆိတ်ထိုးသွင်းနေသည့်မြင်ကွင်းအား မြင်တွေ့ခဲ့သည့်တစ်နေ့မတိုင်ခင်အထိပင်ဖြစ်သည်။
အားလုံးမှာ တစ်စုတစ်စည်းထဲမှင်သက်သွားခဲ့သည်။ "အဲ့ဒီကြမ်းတမ်းပြီးရက်စက်တဲ့နည်းပြက တကယ့်ကိုအိုမီဂါလား"
"သူကအိုမီဂါဆိုရင်တောင် အသင်းလိုက်တိုက်ရင်တောင် အနိုင်ယူလို့မရနိုင်တဲ့ သူဌေးမျိုးပဲ"
ဂိမ်းနတ်ဘုရား: "အကူအညီတောင်းချင်လို့ပါ။ ကိုယ့်ကိုယ်ကို ပြန်လည်သုံးသပ်တဲ့ စာစီစာကုံး စာလုံးရေ 1000ကို ဘယ်လိုရေးရမလဲ"
ကျော်ကြားသည့် တိုက်ရိုက်ထုတ်လွှင့်သူ: "ဒီနေ့ ကျွန်တော်တိုက်ရိုက်မလွှင့်ဘူး။ နံရံကိုပဲ မျက်နှာမူနေပြီး ကိုယ့်ကိုယ်ကို သုံးသပ်ကြည့်မယ်"
အပျော်တမ်းဘုရင်တစ်ပါး: "ငါဘယ်သူလဲ။ ငါဘယ်မှာလဲ။ ငါ ဘာလို့ ဂိမ်းတွေကို ကစားနေရတာလဲ။ ငါ့ဘဝကို တကယ်သံသယဖြစ်မိတယ်"
အယ်လ်ဖာလူငယ်: "အိုမီဂါဆီက မျက်ရည်ကျရလောက်အောက် အဆူခံရတဲ့အတွေ့အကြုံက ဘာလဲ။ ငါတို့ ပိုငိုလေလေ ပိုပြီးနေသားကျလေလေပဲ"
YOU ARE READING
ရွှေအဆင့်နည်းပြ
Romanceဘာသာပြန်သူ - စွဲညို့အသင်း Esport ဇာတ်လမ်းတစ်ပုဒ် ဖြစ်ပါတယ်။ "ဘက်စုံတော်တဲ့ အလယ်လမ်းကစားသမားလေး" ဆိုတဲ့ တစ်ပုဒ်နဲ့ World အတူတူ ဖြစ်ပါတယ်။ ABO World ဖြစ်ပြီး ဖယ်ရိုမုန်းနဲ့ ဆိုင်တဲ့ ကိစ္စဝိစ္စလေးတွေ ပါပါတယ်။ အိုမီဂါလေးက အယ်ဖာလ်တစ်အုပ်ကို ဘယ်လို လက်...
Description
Start from the beginning