ကမ္ဘာပျက်ကပ်၌ ကျောင်းကျောင်း နေ့တိုင်း ရုန်းကန်နေရတယ် 🍀ဘာသာပြန်✓✓✓

/41/

ဝဝကစ်ကစ်ခွေးက ဖရုံသီးခွေးကို ဆက်ဟောင်နေ၏။ ဝဝကစ်ကစ်ခွေးက အစ်ကိုကြီးလက်မောင်းကြားဖက်ထားခံရပြီး မသိမိုက်မဲစွာ တဝုတ်ဝုတ် ဟောင်နေသည်။

မထင်ထားစွာ အစ်ကိုကြီးက ရုတ်တရက် လွှတ်လိုက်တော့ ဝဝကစ်ကစ်ခွေးမှာ မြေပြင်ပေါ်ပြုတ်ကျသွားပြီး ဖရုံသီး ခွးရဲ့ ဖိကြိတ်ခံလိုက်ရသည်။

ခဏလောက်ကြာပြီးနောက်။ အခြေအနေက ကိုးယိုးကားယားနိုင်နေ၏။

အစ်ကိုကြီးက ပုဆိန်ကို ကျယ်လောင်သော အသံနဲ့ ရိုက်ခတ်လိုက်ပြီး စုရွမ်ရွမ်ကို စိုက်ကြည့်ကာ ပြောလိုက်သည်။"မိန်းကလေး၊ အစားအစာနဲ့ပိုက်ဆံကို ငါ့ကိုသာ ပေးလိုက်..ဒါဆိုမင်းကို အသက်ချမ်းသာပေးမယ်!"

ညီငယ်လေးက သဘောတူထောက်ခံလိုက်၏။ "ဟုတ်တယ် ဟုတ်တယ် ဟုတ်တယ်၊ ငါတို့ အစ်ကိုကြီးရဲ့ နာမည်ကို မင်းမကြားဖူးဘူးလား၊ ဘာမှ ဂရုမစိုက်တဲ့ ခေါင်းဖြတ်နတ်ဆိုး ဆိုတာ ငါတို့ အစ်ကိုကြီးပဲ!"

စုရွမ်ရွမ် ထိတ်လန့်တကြား မျက်လုံးပြူးသွားပြီး တုန်တုန်လှုပ်လှုပ်ဖြင့် သူမလက်ထဲက ခရီးဆောင်အိတ်လေးကို ချက်ချင်း အစ်ကိုကြီးဆီ ပစ်ပေးလိုက်သည်။

"ကျွန်မကို မခုတ်ပါနဲ့၊ ကျွန်မကို မခုတ်ပါနဲ့၊ အားလုံးပေးမယ်၊ ကျွန်မ ရှင်တို့ကို အားလုံးပေးမယ်။"

အစ်ကိုကြီးမှာ လျှပ်စစ်ဆိုင်ကယ်ပေါ်မှ ပစ်ကျသွား၏။

အလွဲလွဲအမှားမှားကိုယ်ဟန်နဲ့ ကျသွားတာကြောင့် ခေါင်းကို ရိုက်မိသွားချိန်တွင် သတိလစ်မေ့မျှောသွားတော့သည်။

ညီငယ်လေးများမှာ ခဏလောက် မှင်သက် အံ့ဩသွားကြပြီးနောက် မှုန်ကုပ်ကုပ် အမှုအရာတွေနဲ့ ချက်ချင်းပဲ သူတို့ကို ဝန်းရံလာကြသည်။

ရှင်တို့ ကျွန်မရဲ့ စွမ်းအားကိုကြောက်သင့်တယ်နော်၊ ရှင်တို့ ကျွန်မကို လေးစားသင့်တယ်နော် ဟု စုရွမ်ရွမ် ပြောလိုက်သည်။

စုရွမ်ရွမ်သည် သူမရဲ့ ရှိခိုးကောင်ပုံစံ၊ ပျံသန်းနေသော နဂါး၊ အမူးသမား ဆရာသခင်ကိုယ်ဟန်တွေ ပြသရင်းဖြင့် သူမရဲ့ စွမ်းအားပြည့်ဝသော ကွန်ဖူးကို ပြသလိုက်သည်။