အမျိုးသားရဲ့အသံက အရမ်းကောင်းပေမယ့် စားပွဲပေါ်ကို ဒရမ် စည်းချက်လိုမျိုး ခေါက်သံကို ကြားနေရတော့ ကောင်းကျွင့်ရှန်း စိတ်သက် တောင့်သက်သာဖြစ်တယ်လို့ မခံစားရပေ။ထို အစား သူ့ဆီ အရှိန်ပြင်းစွာ တိုးဝင်လာသော ဖိအားများကိုသာ ခံစားရသည်။
ကောင်းကျွင့်ရှန်း က သူ့ခံစားချက်တွေကို ချောမွေ့အောင် ကြိုးစားရင်း ခေါင်းခါကာ ပြောလိုက်သည်။"ကျွန်တော့်ကောင်မလေး ဘယ်မှာလဲဆိုတာ မသိပါဘူး၊ ဒါပေမယ့် မြောက်ပိုင်းအခြေစိုက်စခန်းမှာရှိတဲ့ နတ်ဘုရားက ဘာမေးခွန်းမေးမေး သိနိုင်တယ်တဲ့ " ကောင်းကျွင့် ရှန်းရဲ့မျက်လုံးများ ကြည်လင်တောက်ပလို့လာသည်။
နီးယန်က မျက်မှောင်ကြုတ်လိုက်ပြီး လုရှီမင်နဲ့ တစ်ယောက်ကိုယ်တစ်ယောက် ကြည့်လိုက်၏။
"ဒီလိုမျိုး နင်ကြားဖူးလား"
"မကြားဖူးဘူး"
သူတို့နှစ်ယောက် မျက်လုံးချင်းဆိုင် စကားပြောပြီးနောက် နီးယန်က မေးလိုက်သည်။"ရှင် ဘယ်လိုသိခဲ့တာလဲ?"
"အရင်နေ့က တောင်ပိုင်းအခြေစိုက်စခန်းကနေ မြောက်ပိုင်းအခြေစိုက်စခန်းကို ပြောင်းရွေ့နေတဲ့ လူတွေနဲ့ ဆုံခဲ့တယ်၊ သူတို့ ပြောခဲ့တာ"
ဆိုတော့ ဒါက မြောက်ပိုင်း သို့မဟုတ် တောင်ပိုင်းအခြေစိုက် စခန်းဖြစ်စေ လူအများကြီး ဒီအကြောင်းကို သိပြီးလောက်ပြီပေါ့။
အခုထိ မသိသေးတာဆိုလို့ သူတို့သာ။
နီးယန်က ခဏလောက်ချင့်ချိန်တွေးတောလိုက်ပြီး ခြံဝင်းထဲမှာ ပါကင်ထိုးထားတဲ့ ကောင်းကျွင့်ရှန်း ကားကို ကြည့်လိုက်ကာ ပြုံးလိုက်၏။" ဟုတ်ပြီလေ၊ ငါတို့လည်း မြောက်ပိုင်းအခြေစိုက်စခန်းကိုသွားမှာ "
ကောင်းကျွင့်ရှန်း က ချက်ချင်းပဲ ထရပ်လိုက်ကာ ပျော်ရွှင်စွာ ပြောလိုက်၏။"ကောင်းတာပေါ့၊ အတူသွားကြရအောင်လေ"
သူ ယနေ့ထိ အသက်ရှင်နေနိုင်သည်မှာ ကံကောင်းခြင်းကြောင့် ဖြစ်သည်ကို ကောင်းကျွင့်ရှန်း သိပါသည်။
YOU ARE READING
ကမ္ဘာပျက်ကပ်၌ ကျောင်းကျောင်း နေ့တိုင်း ရုန်းကန်နေရတယ် 🍀ဘာသာပြန်✓✓✓
RomanceI don't own this story. Credit to Original Author/s and English Translator/s. Title-In the Apocalpyse,Jiao Jiao Struggled Every Day [JJSED] Author - Tián Yuán Pào English translator - winter_yanyan Status in COO - 50 Chapters+ 6 Extras ( Complete...
