She's an Exception [Revising] (Updated up to chapter 12)

Chapter 12 (BOOM!)

Kate's POV

Nandito na kaming pito sa mall. At pagkapasok na pagkapasok namin, lumipad kaagad kay Alex iyong paningin namin dahil bigla siyang pumunta sa harapan namin. "Mga pre, cr lang ako."

Tumabi bigla si Ren sa kaniya saka hinawakan ang laylayan ng polo nito. "Sasama na ako. Sasabog na rin pantog ko!"

Umalis na iyong dalawa pagkasabi ni Calvin na magtext na lang pagkatapos nila tapos naglakad lakad na muna kami para maghanap ng mapupuntahan.

"Bakla!" Sabi ni Mich na may kasamang paghampas sa braso ni Francine habang naglalakad kami.

"Aray naman, bakla!" Reklamo ni Francine, na napahawak sa hinampas na parte ng braso niya tapos bigla niyang ikinawit iyong braso niya sa braso ko.

"Samahan niyo ako." Sabay hawak sa braso namin ni Francine. "May bibilihin lang ako sa Pink Box!"

"Tara! G ako!" Sabi ni Francine saka bumitaw sa pagkakakawit sa braso ko."Hoy, bakla, sama ka?"

"Hindi, huwag na." Pagtanggi ko saka ako lumapit kina Calvin at Lance. "Itext niyo na lang ako kung tapos na kayo. Hindi ko naman puwedeng iwanan itong mga ito, hindi ba?"

"Sabagay. Sige, punta muna kami sa Pink Box." Sinabi ni Mich.

"Bilihan ka na lang namin ng kahit ano duon, ha?" Nagkibit balikat si Francine kaya tumango ako saka niya hinila si Mich paalis.

Naglakad lakad muna kaming tatlo hanggang sa may madaanan kaming stand na nagbebenta ng yogurt. Nakatitig talaga ako duon kahit na naglalakad ako kasi gusto ko nuon pero wala akong pera. Ang masama pa, nakabunggo ako kaya nagsorry ako sa nabunggo ko.

Biglang may humawak sa braso ko pagkaalis ni ateng nabunggo ko. Pagkatingin ko, si Calvin pala iyong humawak sa akin. Hinila niya ako pabalik sa yogurt stand saka niya tinawag si Lance.

"Miss, dalawa nga nuon." Itinuro ni Calvin iyong poster na may mga pictures nuong yogurt, specifically, iyong yogurt na may strawberry topping.

"Ayos, ha? Talagang dalawa lang?" Sabi ni Lance nang makalapit siya.

"Sa iniyo iyan." Nakangiting sinabi ko kay Lance. Nang ituon ko naman iyong tingin ko kay Calvin, nakasimangot siya pero nang magtagpo iyong tingin namin, ngumiti siya.

"Asa. Para sa iniyo iyan." Humarap siya sa vendor saka dumukot sa bulsa. "Isa nga rin po ng inorder nila."

Halata naman pero gusto ko pa rin magtanong just to be clear. "Para sa akin iyong isa?" Tumango si Calvin. "Okay lang naman ako. Bakit ka pa bumili ng para sa akin?"

"Dahil gusto ko?" Patanong na sagot niya. Napangiti tuloy ako't umiling. Ang cute kasi ni Calvin. I was about to say na babayaran ko na lang kaya lang inunahan niya ako sa pagsasalita. "Huwag na umangal. Nakabili na, e." Pinisil niya iyong ilong ko, which I have no idea why he did. Nag-iwas kaagad siya ng tingin tapos kinuha na iyong order na saktong katatapos lang iprepare. Binayaran niya na iyong para sa amin tapos iniabot niya sa akin iyong isang cup.

Wow, libre. I'm sure mas masarap ito kasi libre, e.

Naglakad na ulit kami nang naglakad habang kinakain iyong yogurt. Tinanong ko na rin si Calvin kung nasabi niya na ba sa dalawa, kina Alex at Ren, na pumunta na lang sa meeting place kapag natapos na sila sa cr. Nagtext naman siya sa dalawa kasi nakalimutan niya palang gawin iyon.

"Umupo na muna tayo duon." Suhestiyon ko pagkaturo ko sa vacant table sa labas ng KFC kaya napatingin rin sila duon. "Napapagod na ako sa kalalakad." Tumango silang dalawa saka kami naglakad palapit sa table at naupo. Katabi ko si Calvin tapos si Lance naman, sa harap namin.