Loving My Brother #2: Who's Thrizel?

Chapter 148:

Thrale's POV

Puno ang puso ko ng kaba. Lahat ay nakaabang sa kaniya. Ito ang isa sa pinakamasayang araw ko, ang pakasalanan ang babaeng matagal ko ng mahal. I could not lose my sight to the church door. We were all excited to see her. I looked at dad. He smiled at me. His eyes were happy because this is what he wanted to happen to me, to be happy.

Lahat ay napatingin sa pintuan nang bumukas. Ang mga tingin ko ay nag-umpisa sa sahig, tinungo ang puting tela na ibaba ng kaniyang wedding gown. Mula paa hanggang ulo, sinuyod ko siya. I will never tire of admitting to myself that the woman I am going to marry today is so beautiful. Kahit hindi ko masyado maaninag ang kaniyang mukha dahil sa layo, alam kong masaya ang kaniyang mga tingin.

Agad siyang nilapitan ni dad, kumapit siya sa braso nito para sabay maglakad. Sa kantang nangingibabaw, agad na nagtubig ang aking mga mata. Habang papalapit siya sa akin, hindi ko maiwasang tumingin sa kawalan dahil sunod-sunod ang pagtulo ng aking mga luha. Tinapik ako ni Kein sa aking balikat, ngumiti siya.

"Congratulations again, bro." Gumilid na siya ng p'westo.

Halos lahat ng kaibigan ni Thrizel ay nandirito, ganoon din naman ako. Muli ko siyang tiningnan, nakangiti siya sa akin habang may luha sa mata. Nang maihatid siya ni dad sa aking harapan, agad kong pinuwesto ang braso ko na agad niyang kinapitan.

"I'm so happy for you two." Tumango si dad sa amin bago pumunta sa p'westo ni mom na umiiyak din.

Nakaharap na kaming dalawa kay father. Ngumiti siya bago magsalita. "Bago tayo mag-umpisa, wala na bang tututol sa kasal?" Ang iba ay nagtawanan sa tanong nito. Walang sumigaw kaya muli siyang nagsalita. "Wala? Osig-"

"I was just a little late, itigil ang kasal." Napatingin kaming lahat doon sa nagsalita. Nangunot ang aking noo nang makita ko si Blue. Nakatayo lamang siya. Kumurba ang ngisi sa kaniyang labi. "Charaught, HAHAHAHAHAHAHA! Try lang kung anong feeling. Tuloy na, father. Sorry po."

Nagtawanan ang aking mga kaibigan doon lalo na si Elkhurt. Nakahinga naman ako nang maluwag. Tiningnan ko si Thrizel na nakatingin din pala sa akin. Parehas naming nginitian ang isa't isa. Doon na nag-umpisa ang panunumpa naming dalawa.

DUMIRETSO kami sa reception hall nang matapos ang kasal. Kakatapos lang magpasalamat ng aking asawa sa lahat ng kaniyang bisita, kasama rin naman ako roon. Ngayon, naglalakad kaming dalawa. Todo bati sa amin ang mga dumalo.

"Wahhhhhh! I miss you, huh! Congratulations ulit! May paiwas-iwas ka pa kay Thrale, kayo rin pala magkakatuluyan, sus!" Napangiti ako sa tinuran ni Aevie. Bahagya pa namang siniko ng asawa ko ang kaniyang kaibigan para tumigil ito sa pang-aasar.

"Salamat." Ako na ang nagpasalamat.

"Congratulations din, Thrizel. Masaya akong masaya ka na. Siguro kung nandirito si lolo, matutuwa iyon sa 'yo." Mahinhing wika ni Z dito na agad niyang tinanguhan at yinakap.

Lumapit sa amin ang isang lalaki habang kasunod niya ay si Amira na palaging nakangiti. Itong lalaki, sa amin agad ang tingin. "Chef Wrent or Mrs. Wrent?" Nakapamulsa siya. Siya si Chef Sanchez. "Congratulations daw sabi ni Tita Celine, masyadong busy ang manager. Maaga siyang tatanda kung ganoon. Good luck sa pagiging nanay. Haha." Natawa siya ng bahagya. Pinasalamatan siya ni Thrizel.

"Uy, uy, uy, hindi ba kayo kakain?" Sumulpot sa aming gilid si Amira. May malawak na ngiti. "Doon tayo sa chocolate fountain, masarap doon."

"Makita mo riyan si Redelyn na natutuwa sa chocolate fountain." Malalim ang kaniyang boses kaya sabay-sabay kaming napalingon sa nagsalita. Si Phryx. "Thrale, nice wedding." Iyan lang talaga sasabihin niya? Ngumiti siya sa asawa ko. "Good luck sa honeymoon, Thrizel."