ဘာသာပြန်သူ - Erata Team
အပိုင်း (၆၂) သခင်ကျို့ ပါးဖြတ်ရိုက်တော့မယ်
ဖူကျို့က တစ်ဖက်လူမှ သူမကို ခေါ်နေသည် မဟုတ်ဘဲ အခြားတစ်ယောက်ကို ခေါ်နေသည်ကို သိပေသည်။ ထို့အပြင် သည်လူကြီးက သူမက မိသားစု၏ အရှက်ရဖွယ်ဖြစ်ကာ ဖူမိသားစုနှင့် သက်ဆိုင်မှု မရှိတော့သည်ကို တစ်ကမ္ဘာလုံးကို သိစေချင်ဟန်တူသည်။
ဒီလိုဆိုရင် ငါလေးကို ခေါ်နေတာမဟုတ်ရင် ဖြစ်နိုင်တာက ဟိုတစ်ယောက်များလား။
ဖူကျို့က သူမ မျက်ခုံးကိုပင့်လိုက်ပြီး အသံကြားရာဘက်သို့ လှည့်လိုက်သည်။
သူမ အသက်နှင့်ရွယ်တူလောက် ရှိမည့် လူငယ်တစ်ဦးက အဖြူရောင်ဝတ်စုံကို ဝတ်ထားသည်။ ရုပ်ချောသော်လည်း အရပ်အမြင့်ကိုတော့ သူ့အမေဆီမှ အမွေရဟန်တူသည်။ ထို့ကြောင့် သိပ်မမြင့်ပေ။ သူ့ကို ကြည့်ရသည်မှာ စကားနည်းသည့်သူနှင့် တူသော်လည်း သူ့မျက်လုံး၌ စိတ်မရှည်မှု အတိုင်းသား ပေါ်လွင်နေသည်။ တစ်ချက်ကြည့်လိုက်ရုံမျှဖြင့် ထိုလူငယ်က အလိုလိုက်ခ ရ၍ ပျက်စီးနေသည့်လူငယ် ဖြစ်သည်ကို သိနိုင်သည်။ သည်သခင်လေးမှာ ဖူကျုံးရီ၏ တရားမဝင်သားဖြစ်သူ ဖူရှီမင်ပင်ဖြစ်သည်။
ကွန်ပျူတာအစိတ်အပိုင်းများ ဝယ်ရန် သူ့ကို အဖော်ပြုပေးနေသည့် လူနှစ်ယောက် ရှိနေသည်။ သူတို့အထဲမှ တစ်ယောက်ကို ဖူကျို့သိသော်လည်း သိပ်မရင်းနှီးပေ။ သာမန် အသိအဆင့်ရုံမျှသာ ရှိသည်။
ဟိုအရင်အချိန်၌ သူမက ပုံစံမကျသည့် အဝတ်အစားများဝတ်ကာ ဟယ်ဟုန်ဟွာနှင့် အမြဲလိုလို ရန်ဖြစ်လေ့ရှိသည်။ ထိုလူအထဲမှ တစ်ယောက်က သူမတို့ဘေး၌ အမြဲရှိနေပြီး ရန်ဖြစ်သည့်အချိန်တိုင်း ပြပွဲတစ်ခု ကြည့်နေရသလို ခပ်ရွဲ့ရွဲ့အပြုံးတစ်ပွင့် အမြဲ ဆင်မြန်းထားသည်ကို သတိထားမိသည်။ ဖူကျို့မှတ်ဉာဏ်ထဲ၌ သည်လူ၏ မနှစ်မြို့ဖွယ်ကောင်းသည့် အကြည့်များကို ယခုအချိန်ထိ ရှင်းရှင်းလင်းလင်း မှတ်မိနေသေးသည်။
ဖြစ်နိုင်သည်က သူမ ဒေါသထွက်ကာ ပေါက်ကွဲလေတိုင်း ထိုအကြည့်များကို အမြဲ ကြည့်ခံရလေ့ရှိကာ ထိုအကြောင်းကြောင့်သာ သူမနှင့် ဟယ်ဟုန်ဟွာတို့ သေးသေးမွှားမွှား ကိစ္စအတွက် အမြဲ ရန်ဖြစ်ကြရတာဖြစ်သည်။
သည်လူမှာ သူမအမေကို အမြဲ ဒုက္ခပေးလေ့ရှိသည့် တုဇဲ ပင်ဖြစ်သည်။
ဖူကျို့က စုပ်လုံးကို ငုံထားရင်း သူမ နှုတ်ခမ်းထောင့်က အပေါ်သို့ ကွေးညွတ်သွားမိသည်။
အိုး လူတိုင်းက ဒီမှာ ရှိနေတာပဲ။
ငါလေး ဒီမျက်နှာတွေကို သေချာပေါက် မှတ်မိတာပေါ့၊ ကဲ တွေ့ကြပြီဆိုမှတော့ ဒီတိုင်း အလွတ်ပေးလိုက်လို့ ဘယ်ဖြစ်မလဲ။
တုဇဲလည်း ဖူကျို့ကို မြင်ပေသည်။ သူက ဖူကျို့အပေါ် ကောင်း ဟန်ဆောင်ပြသည်မှာ ဟယ်ဟုန်ဟွာကြောင့်သာ ဖြစ်သည်။ ဖူကျို့ကို သခင်လေးဖူဟုပင် ခေါ်ခဲ့သေးသည်။ သို့သော် အမှန်တကယ်တွင် သူက ထိုသားအမိကို အတော်မျက်မုန်းကျိုးနေတာဖြစ်သည်။ အမေက တောသူမဖြစ်ပြီး သားက လက်ကြောမတင်းဘဲ ပျက်စီးနေပေရာ သူတို့နှင့်အတူ ရှိသည်က သူ့အဆင့်အတန်းကို နိမ့်ကျစေနိုင်သည်။
သို့သော် သူ ယခု သူတို့နှင့် ပတ်သက်စရာအကြောင်း မရှိလေရာ ဂရုစိုက်နေစရာမလိုပေ။ ယခု သူလက်ရှိ အလုပ်လုပ်ပေးနေသည့် သည်လူငယ်ကတော့ ဖူကျို့တို့နှင့် မတူပေ။ ထိုလူငယ်က ပေါင်းသင်းဆက်ဆံရေး ကောင်းမွန်ပြီး ဂိမ်းကစားရာ၌လည်း တော်ပေသည်။
သူတို့နှစ်ယောက်လုံးက ဖူမိသားစု၏ သားများ ဖြစ်ကြသော်လည်း ထိုလူငယ်၏အနာဂတ်က ဖူကျို့ထက် ပို၍တောက်ပပေသည်။ ထို့ကြောင့် တုဇဲက ဖူရှီမင်ဘက်ကို ရွေးချယ်ခဲ့ဖြင်းဖြစ်သည်။
"သခင်လေး"
တုဇဲက ဖူရှီမင် ဘက်သို့ မလှည့်ခင် ဖူကျို့ကို တစ်ချက်ကြည့်လိုက်သည်။
" ဟိုနေရာကို သွားပြီး တစ်ချက် ကြည့်ကြည့်ကြမလား၊ ဟိုမှာလည်း ပစ္စည်း တော်တော် စုံတယ်ဗျ၊ အမှိုက်လို လူတစ်ယောက်အတွက်နဲ့ သခင်လေး ပျော်နေတဲ့စိတ်လေး ပျက်သွားမှာစိုးလို့ပါ"
ဖူရှီမင်ကလည်း ဖူကျို့ကို သတိထားမိသည်။
အဲဒီတော့ကော ဘာဖြစ်လဲ။
သူ့လို သောက်ရူးနဲ့တူတဲ့ကောင်ကို ငါက စိတ်ထဲ ထည့်စရာ လိုလို့လား။
အရင်တုန်းက ငါ ငယ်ငယ်တုန်းက အခြားသူတွေလက်နဲ့ မယားငယ်သားလို့ အခေါ်ခံခဲ့ရပေမဲ့ အခုတော့ ငါက တရားဝင်သား ဖြစ်နေပြီလေ။
သူ့လို ကောင်မျိုးက ငါနဲ့ ယှဉ်စရာကို မရှိဘူး။ အမှိုက်ကောင်က ငါ့အာရုံစိုက်မှုနဲ့ မထိုက်တန်ဘူး။
ဖူရှီမင် မေးငေါ့ပြလိုက်ပြီး မာနကြီးစွာ ပြောလိုက်သည်။
" သူတောင် မသွားသေးတာ ငါက ဘာလို့ ထွက်သွားပေးရမှာလဲ၊ ခင်ဗျားပြောတော့ ဒီနေရာက ပစ္စည်းကောင်းတွေတော်တော်များတာဆို၊ ကီးဘုတ်အသစ် တစ်ခုလည်း လိုနေတော့ ဒီမှာပဲ ကြည့်ကြတာပေါ့"
" သေ..သေချာတာပေါ့ဗျာ"
တုဇဲက ပြုံးလိုက်ပြီး
"သခင်လေးပြောတာမှန်တယ်၊ သူတောင်မှ မထွက်သွားတာ ကျွန်တော်တို့က ပိုလို့တောင် မထွက်သွားသင့်ဘူး"
နောက်လူတစ်ဦးကလည်း ရယ်လိုက်ပြီး
"သခင်လေးဖူက တကယ် အမြင်ကောင်းကောင်းရှိတာပဲ၊ သခင်လေးဖူ ချင်ကုမ္ပဏီရဲ့အသင်းထဲ လွယ်လွယ်နဲ့ ဝင်လို့ရအောင်လို့ ကျွန်တော် အခွင့်ထပ်ကြုံရင် တချို့အချက်အလက်တွေ ပြောပြပေးပါဦးမယ်"
တုဇဲက ဖူရှီမင် အစား ၀င်ပြောသည်။
" ဒီလို ကူညီပေးတဲ့အတွက် မန်နေဂျာလီကို ကျေးဇူးတင်ပါတယ် ကျွန်တော် ကြားတာကတော့ မန်နေဂျာဖုန်းက ကံကြမ္မာကို တကယ်ယုံကြည်တယ်လို့ ကြားတယ်၊ ချင်ကုမ္ပဏီအသင်းထဲ ဝင်ချင်ရင် လူတစ်ယောက်က ဂိမ်းကစားရာမှာ ပါရမီပါရုံသာမက ရုပ်လည်းချောနေဖို့ လိုတယ်လို့ပြောတယ်"
မန်နေဂျာလီက စကားဖြတ်ပြောလိုက်သည်။
" ဟုတ်ပဗျာ၊ ဒီအရာတွေက အခုနောက်ပိုင်း ဈေးကွက်တွေမှာ လိုအပ်လာတဲ့အရာတွေပဲလေ၊ ရုပ်ချောတဲ့သူတွေ live streaming လုပ်ရင် အွန်လိုင်းပေါ်မှာ ပရိသတ် အများကြီးရတာက အမှန်တရားပဲဆိုတော့၊ ဥပမာဗျာ ကျွန်တော်တို့ စီအီးအိုချင်ကိုပဲ ကြည့်၊ သူ live streaming လုပ်တာကို လူတိုင်းက စောင့်နေကြရတာ၊ ဒါပေမဲ့ မစိုးရိမ်ပါနဲ့၊ သခင်လေးဖူရဲ့ရုပ်ရည်နဲ့ဆို အသင်းထဲဝင်ဖို့ ဘာပြဿနာမှ ရှိမှာမဟုတ်ပါဘူး"
...
ဘာသာျပန္သူ - Erata Team
အပိုင္း (၆၂) သခင္က်ိဳ႕ ပါးျဖတ္ရိုက္ေတာ့မယ္
ဖူက်ိဳ႕က တစ္ဖက္လူမွ သူမကို ေခၚေနသည္ မဟုတ္ဘဲ အျခားတစ္ေယာက္ကို ေခၚေနသည္ကို သိေပသည္။ ထို႔အျပင္ သည္လူႀကီးက သူမက မိသားစု၏ အရွက္ရဖြယ္ျဖစ္ကာ ဖူမိသားစုႏွင့္ သက္ဆိုင္မႈ မရွိေတာ့သည္ကို တစ္ကမာၻလုံးကို သိေစခ်င္ဟန္တူသည္။
ဒီလိုဆိုရင္ ငါေလးကို ေခၚေနတာမဟုတ္ရင္ ျဖစ္နိုင္တာက ဟိုတစ္ေယာက္မ်ားလား။
ဖူက်ိဳ႕က သူမ မ်က္ခုံးကိုပင့္လိုက္ၿပီး အသံၾကားရာဘက္သို႔ လွည့္လိုက္သည္။
သူမ အသက္ႏွင့္႐ြယ္တူေလာက္ ရွိမည့္ လူငယ္တစ္ဦးက အျဖဴေရာင္ဝတ္စုံကို ဝတ္ထားသည္။ ႐ုပ္ေခ်ာေသာ္လည္း အရပ္အျမင့္ကိုေတာ့ သူ႕အေမဆီမွ အေမြရဟန္တူသည္။ ထို႔ေၾကာင့္ သိပ္မျမင့္ေပ။ သူ႕ကို ၾကည့္ရသည္မွာ စကားနည္းသည့္သူႏွင့္ တူေသာ္လည္း သူ႕မ်က္လုံး၌ စိတ္မရွည္မႈ အတိုင္းသား ေပၚလြင္ေနသည္။ တစ္ခ်က္ၾကည့္လိုက္႐ုံမွ်ျဖင့္ ထိုလူငယ္က အလိုလိုက္ခ ရ၍ ပ်က္စီးေနသည့္လူငယ္ ျဖစ္သည္ကို သိနိုင္သည္။ သည္သခင္ေလးမွာ ဖူက်ဳံးရီ၏ တရားမဝင္သားျဖစ္သူ ဖူရွီမင္ပင္ျဖစ္သည္။
ကြန္ပ်ဴတာအစိတ္အပိုင္းမ်ား ဝယ္ရန္ သူ႕ကို အေဖာ္ျပဳေပးေနသည့္ လူႏွစ္ေယာက္ ရွိေနသည္။ သူတို႔အထဲမွ တစ္ေယာက္ကို ဖူက်ိဳ႕သိေသာ္လည္း သိပ္မရင္းႏွီးေပ။ သာမန္ အသိအဆင့္႐ုံမွ်သာ ရွိသည္။
ဟိုအရင္အခ်ိန္၌ သူမက ပုံစံမက်သည့္ အဝတ္အစားမ်ားဝတ္ကာ ဟယ္ဟုန္ဟြာႏွင့္ အၿမဲလိုလို ရန္ျဖစ္ေလ့ရွိသည္။ ထိုလူအထဲမွ တစ္ေယာက္က သူမတို႔ေဘး၌ အၿမဲရွိေနၿပီး ရန္ျဖစ္သည့္အခ်ိန္တိုင္း ျပပြဲတစ္ခု ၾကည့္ေနရသလို ခပ္႐ြဲ႕႐ြဲ႕အၿပဳံးတစ္ပြင့္ အၿမဲ ဆင္ျမန္းထားသည္ကို သတိထားမိသည္။ ဖူက်ိဳ႕မွတ္ဉာဏ္ထဲ၌ သည္လူ၏ မႏွစ္ၿမိဳ႕ဖြယ္ေကာင္းသည့္ အၾကည့္မ်ားကို ယခုအခ်ိန္ထိ ရွင္းရွင္းလင္းလင္း မွတ္မိေနေသးသည္။
ျဖစ္နိုင္သည္က သူမ ေဒါသထြက္ကာ ေပါက္ကြဲေလတိုင္း ထိုအၾကည့္မ်ားကို အၿမဲ ၾကည့္ခံရေလ့ရွိကာ ထိုအေၾကာင္းေၾကာင့္သာ သူမႏွင့္ ဟယ္ဟုန္ဟြာတို႔ ေသးေသးမႊားမႊား ကိစၥအတြက္ အၿမဲ ရန္ျဖစ္ၾကရတာျဖစ္သည္။
သည္လူမွာ သူမအေမကို အၿမဲ ဒုကၡေပးေလ့ရွိသည့္ တုဇဲ ပင္ျဖစ္သည္။
ဖူက်ိဳ႕က စုပ္လုံးကို ငုံထားရင္း သူမ ႏႈတ္ခမ္းေထာင့္က အေပၚသို႔ ေကြးၫြတ္သြားမိသည္။
အိုး လူတိုင္းက ဒီမွာ ရွိေနတာပဲ။
ငါေလး ဒီမ်က္ႏွာေတြကို ေသခ်ာေပါက္ မွတ္မိတာေပါ့၊ ကဲ ေတြ႕ၾကၿပီဆိုမွေတာ့ ဒီတိုင္း အလြတ္ေပးလိုက္လို႔ ဘယ္ျဖစ္မလဲ။
တုဇဲလည္း ဖူက်ိဳ႕ကို ျမင္ေပသည္။ သူက ဖူက်ိဳ႕အေပၚ ေကာင္း ဟန္ေဆာင္ျပသည္မွာ ဟယ္ဟုန္ဟြာေၾကာင့္သာ ျဖစ္သည္။ ဖူက်ိဳ႕ကို သခင္ေလးဖူဟုပင္ ေခၚခဲ့ေသးသည္။ သို႔ေသာ္ အမွန္တကယ္တြင္ သူက ထိုသားအမိကို အေတာ္မ်က္မုန္းက်ိဳးေနတာျဖစ္သည္။ အေမက ေတာသူမျဖစ္ၿပီး သားက လက္ေၾကာမတင္းဘဲ ပ်က္စီးေနေပရာ သူတို႔ႏွင့္အတူ ရွိသည္က သူ႕အဆင့္အတန္းကို နိမ့္က်ေစနိုင္သည္။
သို႔ေသာ္ သူ ယခု သူတို႔ႏွင့္ ပတ္သက္စရာအေၾကာင္း မရွိေလရာ ဂ႐ုစိုက္ေနစရာမလိုေပ။ ယခု သူလက္ရွိ အလုပ္လုပ္ေပးေနသည့္ သည္လူငယ္ကေတာ့ ဖူက်ိဳ႕တို႔ႏွင့္ မတူေပ။ ထိုလူငယ္က ေပါင္းသင္းဆက္ဆံေရး ေကာင္းမြန္ၿပီး ဂိမ္းကစားရာ၌လည္း ေတာ္ေပသည္။
သူတို႔ႏွစ္ေယာက္လုံးက ဖူမိသားစု၏ သားမ်ား ျဖစ္ၾကေသာ္လည္း ထိုလူငယ္၏အနာဂတ္က ဖူက်ိဳ႕ထက္ ပို၍ေတာက္ပေပသည္။ ထို႔ေၾကာင့္ တုဇဲက ဖူရွီမင္ဘက္ကို ေ႐ြးခ်ယ္ခဲ့ျဖင္းျဖစ္သည္။
"သခင္ေလး"
တုဇဲက ဖူရွီမင္ ဘက္သို႔ မလွည့္ခင္ ဖူက်ိဳ႕ကို တစ္ခ်က္ၾကည့္လိုက္သည္။
" ဟိုေနရာကို သြားၿပီး တစ္ခ်က္ ၾကည့္ၾကည့္ၾကမလား၊ ဟိုမွာလည္း ပစၥည္း ေတာ္ေတာ္ စုံတယ္ဗ်၊ အမွိုက္လို လူတစ္ေယာက္အတြက္နဲ႕ သခင္ေလး ေပ်ာ္ေနတဲ့စိတ္ေလး ပ်က္သြားမွာစိုးလို႔ပါ"
ဖူရွီမင္ကလည္း ဖူက်ိဳ႕ကို သတိထားမိသည္။
အဲဒီေတာ့ေကာ ဘာျဖစ္လဲ။
သူ႕လို ေသာက္႐ူးနဲ႕တူတဲ့ေကာင္ကို ငါက စိတ္ထဲ ထည့္စရာ လိုလို႔လား။
အရင္တုန္းက ငါ ငယ္ငယ္တုန္းက အျခားသူေတြလက္နဲ႕ မယားငယ္သားလို႔ အေခၚခံခဲ့ရေပမဲ့ အခုေတာ့ ငါက တရားဝင္သား ျဖစ္ေနၿပီေလ။
သူ႕လို ေကာင္မ်ိဳးက ငါနဲ႕ ယွဥ္စရာကို မရွိဘူး။ အမွိုက္ေကာင္က ငါ့အာ႐ုံစိုက္မႈနဲ႕ မထိုက္တန္ဘူး။
ဖူရွီမင္ ေမးေငါ့ျပလိုက္ၿပီး မာနႀကီးစြာ ေျပာလိုက္သည္။
" သူေတာင္ မသြားေသးတာ ငါက ဘာလို႔ ထြက္သြားေပးရမွာလဲ၊ ခင္ဗ်ားေျပာေတာ့ ဒီေနရာက ပစၥည္းေကာင္းေတြေတာ္ေတာ္မ်ားတာဆို၊ ကီးဘုတ္အသစ္ တစ္ခုလည္း လိုေနေတာ့ ဒီမွာပဲ ၾကည့္ၾကတာေပါ့"
" ေသ..ေသခ်ာတာေပါ့ဗ်ာ"
တုဇဲက ၿပဳံးလိုက္ၿပီး
"သခင္ေလးေျပာတာမွန္တယ္၊ သူေတာင္မွ မထြက္သြားတာ ကြၽန္ေတာ္တို႔က ပိုလို႔ေတာင္ မထြက္သြားသင့္ဘူး"
ေနာက္လူတစ္ဦးကလည္း ရယ္လိုက္ၿပီး
"သခင္ေလးဖူက တကယ္ အျမင္ေကာင္းေကာင္းရွိတာပဲ၊ သခင္ေလးဖူ ခ်င္ကုမၸဏီရဲ႕အသင္းထဲ လြယ္လြယ္နဲ႕ ဝင္လို႔ရေအာင္လို႔ ကြၽန္ေတာ္ အခြင့္ထပ္ႀကဳံရင္ တခ်ိဳ႕အခ်က္အလက္ေတြ ေျပာျပေပးပါဦးမယ္"
တုဇဲက ဖူရွီမင္ အစား ၀င္ေျပာသည္။
" ဒီလို ကူညီေပးတဲ့အတြက္ မန္ေနဂ်ာလီကို ေက်းဇူးတင္ပါတယ္ ကြၽန္ေတာ္ ၾကားတာကေတာ့ မန္ေနဂ်ာဖုန္းက ကံၾကမၼာကို တကယ္ယုံၾကည္တယ္လို႔ ၾကားတယ္၊ ခ်င္ကုမၸဏီအသင္းထဲ ဝင္ခ်င္ရင္ လူတစ္ေယာက္က ဂိမ္းကစားရာမွာ ပါရမီပါ႐ုံသာမက ႐ုပ္လည္းေခ်ာေနဖို႔ လိုတယ္လို႔ေျပာတယ္"
မန္ေနဂ်ာလီက စကားျဖတ္ေျပာလိုက္သည္။
" ဟုတ္ပဗ်ာ၊ ဒီအရာေတြက အခုေနာက္ပိုင္း ေဈးကြက္ေတြမွာ လိုအပ္လာတဲ့အရာေတြပဲေလ၊ ႐ုပ္ေခ်ာတဲ့သူေတြ live streaming လုပ္ရင္ အြန္လိုင္းေပၚမွာ ပရိသတ္ အမ်ားႀကီးရတာက အမွန္တရားပဲဆိုေတာ့၊ ဥပမာဗ်ာ ကြၽန္ေတာ္တို႔ စီအီးအိုခ်င္ကိုပဲ ၾကည့္၊ သူ live streaming လုပ္တာကို လူတိုင္းက ေစာင့္ေနၾကရတာ၊ ဒါေပမဲ့ မစိုးရိမ္ပါနဲ႕၊ သခင္ေလးဖူရဲ႕႐ုပ္ရည္နဲ႕ဆို အသင္းထဲဝင္ဖို႔ ဘာျပႆနာမွ ရွိမွာမဟုတ္ပါဘူး"
...