[အလုပ်အကိုင်ရှာဖွေနေပါသည်]
အချိန်ကဥာဥ့်ဦးယံအချိန်ဖြစ်ကာ လမ်းဘေးနားရှိဘာဘီကျူးဆိုင်ထဲတွင်ဖြစ်သည်။
ယောကျာ်းကြီးအုပ်စုကအရက်ထိုင်သောက်နေပြီး သူတို့အကျ်ီတွေကိုလက်မောင်းထိလိပ်တင်ထားကာ အသံလေးလေးကြီးတွေနှင့်စကားပြောဆိုနေကြ၏။အရက်ပုလင်းခွံတွေက ကြမ်းပြင်ပေါ်မှာပြန့်ကျဲနေပြီး သူတို့ကအရက်ရှိန်ကြောင့်ရန်လိုနေကြသည်။
အရက်သောက်ထားသည့်အတွက် ခန္တာကိုယ်တစ်ခုလုံးကနီရဲနေကြကာ သူတို့အုပ်စုကိုမြင်လိုက်သည်နှင့် လူတိုင်းကဝေးဝေးကရှောင်သွားကြ၏။ဆယ်ကျော်သက်လေးတစ်ယောက်ကသာ သူတို့အနီးက,ဝိုင်းမှာထိုင်နေသည်။
ထိုလူငယ်လေးရှေ့မှာက အကင်တုတ်တိုးချောင်းတွေရှိနေပြီး သူကခြေချိတ်ထိုင်နေကာ ပေါင်ပေါ်တွင်ဦးထုပ်တစ်ခုတင်ထားပြီး သူ့ဆံပင်တွေကပင်လယ်ရေလိုပြာနေကာ လူတိုင်းရဲ့အာရုံကိုဆွဲဆောင်နေ၏။လတ်တလောမှာတော့ သူကအကင်စားရင်းဖုန်းပြောနေသည်။
"အရင်ကတည်းကငါမင်းကိုPlatformကပြန်ပြင်ဆင်နေတယ်လို့ပြောခဲ့တယ်မလား ဒါပေမယ့် ဒီလိုကြီးဖြစ်နေမယ်လို့တော့မသိလိုက်ဘူး" ရှစ်လျှို့ကခဏလောက်ရပ်သွားပြီးမှ ချောင်းအသာဟမ့်လိုက်ကာ "ငါတကယ်ကြီးမင်း၁၇နှစ်ပဲရှိသေးတယ်ဆိုတာကိုမေ့နေတာ"
ကျန်းရုန်အကင်ကိုမြိုချလိုက်ပြီး အမှန်ပြင်ပေးလိုက်သည်။ "၁၇နှစ်နဲ့တစ်ဝက်ပါ"
သူကမမျှော်လင့်ထားပဲအလုပ်လက်မဲ့ဖြစ်သွားခြင်းဖြစ်၏။သူ့အစာအိမ်ထဲကို အကင်အချောင်း၂၀လောက်ရောက်သွားပြီးတာတောင်မှ တကယ်ကြီးမယုံနိုင်သေးပေ။
"ဒါပေမယ့် ဒါကသိပ်မဆိုးပါဘူး မင်းအသက်ပြည့်တဲ့ထိလနည်းနည်းလောက်စောင့်ပြီးတော့မှ ပြန်လာstreamပေါ့ မင်းပရိတ်သတ်တွေကသစ္စာရှိတာပဲ အများကြီးတော့မဆုံးရှုံးလောက်ပါဘူး" ရှစ်လျှို့ကဆက်ပြောလာ၏။ "အနည်းဆုံးတော့ မင်းနားလို့ရသွားတာပေါ့ ခရီးတွေထွက်ပစ်လိုက်လေ ငါနဲ့အတူDisneyမှာအပျော်လေးတွေသွားရှာချင်လား?"
ရှစ်လျှို့ရဲ့သူ့ကိုညီလေးတစ်ယောက်လိုပြောဆိုလာသည့်အပေါ် အေးစက်စက်ပဲပြန်ပြောလိုက်၏။ "ကလေးကစားကွင်းကိုခေါ်သွားပေးမယ်လို့သာပြောလိုက်ပါတော့"
သူကလည်ချောင်းရှင်းရန် အရက်တစ်ခွက်ကောက်မော့လိုက်ပြီး ထပ်ပြောလိုက်သည်။ "ငါက Streaming အတွက်စိတ်ပူနေတာမဟုတ်ဘူး"
သူ ရုတ်တရက်ကြီး Streaming ဆက်လုပ်လို့မရတော့သည့်အတွက် သူလုပ်စရာဘာမှမရှိတော့လို့သာဖြစ်သည်။
"အလုပ်များနေအောင်လို့အလုပ်ဘယ်လိုရှာရမလဲ?" ရှစ်လျှို့ကသူတွေးနေသည့်အရာကိုခန့်မှန်းမိကာ ချင့်ချိန်တွက်ဆပြီးပြောလာသည်။ "မင်းကလူငယ်လေးဖြစ်နေတဲ့အတွက် အတွေ့အကြုံလည်းရအောင် အချိန်ပိုင်းအလုပ်တွေတော့လုပ်လို့ရတယ် နောက်တစ်မျိုးပြောရရင် မင်းစstreamကတည်းက အခြားအရာတွေလုပ်ဖို့အချိန်မရှိခဲ့ဘူးမလား ဒါမှမဟုတ် မင်းလုပ်ချင်တဲ့တစ်ခုခုရောရှိလား?"
ကျန်းရုန် ပုလင်းထဲကကျန်နေတဲ့အရည်တွေကို စိုက်ကြည့်နေပြီး တစ်စက္ကန့်လောက်တန့်သွား၏။ "ပိုက်ဆံရှာချင်တယ်"
"....." အစကတော့ ရှစ်လျှို့ "မင်းကဒီတိုင်းကလေးလေးပဲကို ဘာကိစ္စဒီလောက်ထိငွေမက်နေရတာလဲ" လို့ပြောချင်ခဲ့ပေမယ့် အဆဲခံရမှာလည်းကြောက်ပြန်တော့ ဒီတိုင်းသည်းခံလိုက်ဖို့ကိုသာ ကိုယ့်ကိုကိုယ်တွန်းအားပေးလိုက်ရသည်။
ရှစ်လျှို့ ခွန်အားအပြည့်နဲ့ချက်တင်ထိုင်နေကြတဲ့ Streamer groupကိုကြည့်လိုက်မိပြီး အတွေးတစ်ခုဝင်လာ၏။ "မင်းရည်းစားထားကြည့်ရင်ရောဘယ်လိုလဲ?ငါပြောတာယုံ လနည်းနည်းလေးလောက်ကတော့ဖျတ်ခနဲဆိုကုန်သွားမှာ"
ကျန်းရုန် : "?"
"ဒီကောကမင်းကိုမိတ်ဆက်ပေးမယ်" ရှစ်လျှို့ကမေးလာ၏။ "မင်းထက်အသက်ကြီးတာနဲ့ငယ်တာ ဘယ်ဟာပိုကြိုက်လဲ? မင်းထက်ငယ်တဲ့သူကတော့အတော်လေးရှာဖို့မလွယ်ပေမယ့်လည်းလေ ဒါမှမဟုတ် မင်းကြိုက်တဲ့ပုံစံပြောပြကြည့် တကယ်တော့ မင်းကိုစိတ်ဝင်စားနေကြတဲ့ မိန်းကလေး Streamerတော်တော်များများကို ငါသိတယ်"
"-တူ-"
ကျန်းရုန် ဖုန်းချပစ်လိုက်ပြီး အကင်စားနေရာတွင်သာအာရုံစိုက်လိုက်တော့သည်။
အကင်တွေအားလုံးကိုချေမှုန်းပြီးသွားသည့်နောက်တွင် ကျန်းရုန် ဖုန်းကိုထပ်ကိုင်လိုက်ပြီး ဝေးပေါ်ကိုဖွင့်လိုက်သည်။
ကျန်းရုန်ရဲ့စိတ်အခြေအနေက အရမ်းကြီးကောင်းမနေတာကြောင့် Streamingရပ်လိုက်သည့်အကြောင်း လိုရင်းတိုရှင်းပိုစ့်တစ်ခုသာတင်လိုက်၏။
[Soft : အထူးအခြေအနေ နောက်ထပ်Streamတော့မှာမဟုတ်ဘူး မကြာခင်ပြန်လာခဲ့မယ်]
ထိုပိုစ့်အောက်က ကွန်မန့်လေးထောင်ကျော်ကိုကြည့်ရင်း ကျန်းရုန်မျက်ခုံးလှုပ်လာသည်။အဲ့တာကကောင်းတဲ့အရာမဟုတ်မှန်း သူ့ရဲ့ဆဠမအာရုံကသေချာပေါက်ပြောနေတယ်။
သေချာတာပေါ့။
သူ့လိုမျိုးပဲ မသက်မပြည့်သေးလို့ ရပ်ဆိုင်းခံထားရသည့် အခြားStreamerတွေ၏ ပိုစ့်အောက်မှာတော့
"မွ မွ" "ခေါင်းလေးပုတ်ပေးနေ" "မင်းပြန်လာတာကိုစောင့်နေမယ်နော်" ထိုကဲ့သို့စာမျိုးတွေနှင့်ပြည့်နှက်နေပြီး....
ကျန်းရုန်ရဲ့ cmt boxကတော့-
[ဖာ့ခ် ငါယိုးပဲ ဒါဆိုစောက်ပိန်းလေးကတကယ်ကြီးစောက်ကလေးလေးပေါ့!]
[မင်းကအမွေးတောင်စုံအောင်မပေါက်သေးပဲနဲ့ တစ်နေ့တစ်နေ့ ကိုယ့်ထက်စီနီယာတွေကိုပြန်ခံပြောနေတာလား?]
[ဟူး~ ခုမှပဲ လောင်ဇီရဲ့နားတွေအေးအေးချမ်းချမ်းနေရတော့တယ်]
ကျန်းရုန်ဒေါသကြောင့်အော်ရယ်လိုက်ပြီး အရက်သောက်ရင်းနဲ့ကွန်မန့်အချို့ကိုရွေးပြီး စာပြန်လိုက်သည်။
[အချစ်ကလေးရေ ခုကစပြီးဘာလုပ်မယ်စဥ်းစားထားလဲ?]
[Soft:အကင်ဆိုင်ပဲဖွင့်တော့မယ်]
[Streamမလွှင့်ရရင်အဆာလွန်ပြီးများသေသွားမလားနော်? ဟန်ကျိုးကိုလာပြီးတော့ဦးသုံးကြိမ်ချရင် ငါမင်းကိုထောက်ပံ့ပေးထားပါ့မယ်]
[Soft:မပူပါနဲ့ ဒီအဖေကမင်းထက်ပိုက်ဆံရှိတယ်]
[Softအတွက်သီးသန့်ဖန်ကလပ် 1: ဝူးဝူးဝူး သားလေးရေ အရမ်းဝမ်းနည်းမနေနဲ့နော် မင်းကစီးပွားရေးနဲ့ပတ်သတ်ရင်ကံမကောင်းတတ်တာဖြစ်မယ် ဒါပေမယ့် အချစ်ရေးမှာတော့သေချာပေါက်ကံကောင်းမှာပါ [ပုံနှင့်တကွ] Softကိုကြိုက်တဲ့wfတို့ရေ Roadရဲ့ Weiboကိုlikeပေးဖို့နဲ့ "😉"လို့မန့်ဖို့ကိုသတိရကြပါ!]
ဒီပေါကြောင်ကြောင်ဖန်ကလပ်ကို ဟိုးအရင်ကတည်းက blacklistတင်ပြီးသွားပြီမဟုတ်ဘူးလား?
ကျန်းရုန်မျက်မှောင်ကျုံ့လိုက်ပြီး ထိုကွန်မန့်နဲ့အတူတွဲမန့်ထားသည့် ပုံကိုဝင်ကြည့်လိုက်သည်။
ထိုပုံက Roadရဲ့နောက်ဆုံးတင်ထားသည့်ပိုစ့်အောက်မှာမန့်ထားသည့်ကွန်မန့်ကို screenshotရိုက်ထားသည့်ပုံဖြစ်သည်။
[Softအတွက်သီးသန့်ဖန်ကလပ် 1: Softရဲ့ Livestream roomမပိတ်မခံရခင်လေးမှာ သူကRoadကိုဖွင့်ပြောခဲ့ပါတယ်! သူကတည့်တိုးပဲ "ကျွန်တော် TTCရဲ့ Junglerကိုအရမ်းကြိုက်တယ် သူကအရမ်းအံ့သြဖို့ကောင်းတယ်"လို့ပြောသွားတာ vd ကိုသီးသန့်မက်ဆေ့ထဲမှာဝင်ကြည့်လို့ရပါတယ် နတ်ဘုရားလုရေ PMကိုစစ်ကြည့်ပါဦး!!!]
အဲ့အောက်မှာပဲ ပြန်စာတွေကအများအပြားကိုရှိနေလေသည်-
[သူပြောသွားတာက "သူကအရမ်းချောတယ်"လို့မဟုတ်ဖူးလား?]
["သူကအရမ်းငြှို့ဓါတ်ပြင်းတယ်"လို့ပြောသွားတာပါ ဟုတ်ကဲ့ ကျေးဇူး]
[သူပြောသွားတဲ့တကယ့်စကားက "သူကအရမ်းအံ့သြဖို့ကောင်းတယ် ဖေဖေတို့ကျွန်တော့်ကိုကူညီပြီး Roadကိုရွှေလမ်းငွေလမ်းဖောက်ပေးဖို့ တောင်းဆိုပါတယ်" မဟုတ်ဖူးလား?]
ထိုကွန်မန့်က Like 6000ကျော်ဖြင့် ထိပ်ဆုံးကွန်မန့်နေရာကိုဗိုလ်ဆွဲထားပြီး ထိုအရေအတွက်က သူ့ပိုစ့်အောက်ကကွန်မန့်ထက်ပင်များနေသေးသည်။
ကျန်းရုန် နောက်ဆုံးကreplyကိုမြင်လိုက်ချိန်တွင်တော့ သောက်နေသည့်အရက်ပါ သီးသွားတော့၏။သူခေါင်းကိုငုံ့ချလိုက်ပြီး ပါးတွေပါနီရဲလာသည်အထိ ချောင်းဆိုးနေတာကြောင့် အနားကဝိုင်းမှာထိုင်နေသည့် အစ်ကိုကြီးတွေအုပ်စုကပါလှည့်ကြည့်လာကြတော့သည်။
ကျန်းရုန်လက်သုတ်ပုဝါနှင့် ပါးစပ်ကိုခပ်ကြမ်းကြမ်းသုတ်လိုက်ပြီး အံကြိတ်ကာစာရိုက်တော့သည်။
[SoftမှSoftအတွက်သီးသန့်ဖန်ကလပ် 1 ကိုစာပြန်လိုက်ပါသည်: လစ်လိုက်တော့ မင်းအဖေကဝေးပေါ်ကိုဖျက်ပစ်တော့မှာ 88]
(88-bye bye, 8ကbāဆိုတော့အသံတူလို့ slangအနေနဲ့သုံးကြတာတျုတ်မှာ)
နောက်တစ်နေ့မှာတော့ StarTV၏ကိုယ်စားလှယ်က သူ့ကိုလာရှာလေသည်။
ထိုသူပြောလာသည်က လတ်တလောမှာ အထက်ကအုပ်ချုပ်ရေးပိုင်းက အလွန်အမင်းကိုစည်းကမ်းတင်းကျပ်နေပြီး အသက်မပြည့်သေးသည့်ကလေးတွေကို Streamမလွှင့်စေဖို့ StarTVကိုအမိန့်ပေးလာကာ သတိပေးစာကလည်း နောက်ဆုံးကပ်ရက်လေးမှရောက်လာခြင်းဖြစ်သည်။ထို့ကြောင့် မပြောမဆိုနဲ့ Livestream roomတွေကို ရုတ်ချည်းထိန်းသိမ်းလိုက်ရခြင်းဖြစ်သည်ဟူ၍။
ကျန်းရုန်ကဖုန်းခေါ်သံကြောင့် နိုးလာခြင်းဖြစ်ကာ မျက်လုံးပိတ်ထားရင်းနှင့်ပင် "ခင်ဗျားတို့ရည်ရွယ်ထားတဲ့ဖြေရှင်းနည်းကိုပဲ ကျွန်တော့်ကိုတိုက်ရိုက်သာပြောလိုက်ပါ"
"....ဒီလိုမျိုးလေ ကိုယ်တို့platformနဲ့မင်းနဲ့ အရင်ကစာချုပ်ချုပ်ထားတာက ၂နှစ်စာအတွက်မလား ဒါဆို နောက်လဆိုရင်ပဲစာချုပ်သက်တမ်းကကုန်ပြီ ကိုယ်တို့ဘက်ကတော့ မင်းနဲ့အတူဆက်ပြီးအလုပ်တွဲလုပ်ဖို့ကို စိတ်ဝင်စားတယ်"
ကျန်းရုန် "အို့"ဟုရေရွတ်လိုက်ပြီး စက္ကန့်အနည်းငယ်အကြာမှပြောလိုက်သည်။ "ကျွန်တော်လစာကိုတိုးချင်တယ်"
လွန်ခဲ့သည့်၂နှစ်က သူကပိုက်ဆံကိုအပူတပြင်းလိုအပ်နေကာ ပရိတ်သတ်ဆိုတာလည်းမရှိသည့် အသက်မပြည့်သေးတဲ့ကလေးလေးသာဖြစ်တာကြောင့် Platformက အလွန်အမင်းနည်းသည့်လစာကိုသာပေးခဲ့ပြီး လက်ဆောင်ခွဲဝေသည့်ရာခိုင်နှုန်းကလည်း သေချာပေါက်မမြင့်ချေ။
ယခုမူ သူကထိပ်တန်းStreamerထဲကတစ်ယောက်ဖြစ်ကာ အတော်လေးနာမည်ကြီးသော်ငြား သူနဲ့လယ်ဗယ်တူသည့်အခြားStreamerတွေနှင့်ယှဥ်လျှင်တောင်မှ သူ့ရဲ့ဝင်ငွေကအတော်လေးနည်းသည်ပင်။
တစ်ဖက်လူကအံ့သြသွားဖို့မပေါ်။
"ဟုတ်ပြီ စာချုပ်ပြန်ပြင်ဆင်တဲ့နေ့မှပဲ အဲ့အကြောင်းပြောကြတာပေါ့ မင်းရဲ့တောင်းဆိုချက်ကို အထက်ကိုပြန်ပြီးတင်ပြလိုက်ပါ့မယ်"
ကျန်းရုန်ပြောလာ၏။ "ဟုတ်ကဲ့ ဒါဆိုဖုန်းချလိုက်တော့မယ်"
"ခဏလေး" ကိုယ်စားလှယ်ကသူ့ကိုအလျင်အမြန်ပဲတားလိုက်သည်။ "အခြားကိစ္စကျန်သေးလို့ပါ"
"ကိုယ်တို့Platformက မကြာခင် LOL team အသစ်တစ်ခုထုတ်ဖို့ပြင်နေတာလေ လတ်တလောတော့ အရည်အချင်းရှိတဲ့Playerတွေကိုလိုက်ခေါ်နေတာ မင်းများစိတ်ဝင်စားသေးလား? လေ့ကျင့်ရေးကတော့ နောက်လတွေလောက်ဆိုစတော့မှာ နှစ်ပတ်လောက်တော့ကြာ...."
"စိတ်မဝင်စားဘူး"ကျန်းရုန်ဖြတ်ပြောလိုက်သည်။
"ကိုယ်တို့ရဲ့အဖွဲ့က LPLမှာတိုက်ရိုက်ဝင်ပြိုင်လို့ရမှာ ဒုတိယအဆင့်leagueကနေလည်း စပြိုင်နေစရာမလိုဘူး ဘောနပ်စ်ကလည်းညှိနှိုင်းလိူ့ရတယ်" ကိုယ်စားလှယ်ကြီးကတော့ ကျန်းရုန်စိတ်ယိုင်လာဖို့အတွက် အကောင်းဆုံးကြိုးစားနေဆဲပင်။ "ပြီးတော့ မင်းအတွက် Streamingစာချုပ်ဘက်မှာလည်း အချို့လိုက်လျောမှုတွေပေးဦးမှာ"
"စိတ်မဝင်စားဘူး ဖုန်းချပြီ"
ကျန်းရုန်သွားတိုက်နေသည့်အချိန်မှာတော့ ရှစ်လျှို့ကဖုန်းခေါ်လာပြီး အသင်းကိုJoinဖို့ပေးလာတဲ့အခွင့်အရေးကိုဘာလို့ငြင်းလိုက်ရတာလဲဟု မေးလာသည်။
"သတင်းရတာမြန်လိုက်တာ" ကျန်းရုန် သွားတိုက်ဆေးအမြုပ်တွေကိုထွေးထုတ်လိုက်သည်။ "သူတို့အသင်းကိုစိတ်မဝင်စားလို့"
"မင်းက proကစားဖို့ကိုစိတ်မဝင်စားတာလား?" ရှစ်လျှို့ကပြောလာ၏။ "ငါမယုံပါဘူး ထိပ်တန်းကစားသမားတိုင်းကတော့ pro playerအနေနဲ့ကစားနိုင်ဖို့ အနည်းနဲ့အများတော့တွေးဖူးကြတာပဲ မင်းလည်းအရင်တုန်းကသေချာပေါက်စဥ်းစားဖူးမှာပဲ"
ကျန်းရုန်စပီကာဖွင့်လိုက်ကာ မျက်နှာသစ်လိုက်သည်။ပြန်တော့မဖြေလိုက်။
"ဖြစ်နိုင်တာက အတိတ်မည်းတွေများရှိခဲ့လို့လား?" ရှစ်လျှို့ကလျှောက်ခန့်မှန်းနေသည်။
"မဟုတ်ပါဘူး"
တကယ်ပဲမဟုတ်ချေ။သူအစတုန်းက ထိုအကြောင်းမတွေးဖူးတာမဟုတ်ပေမယ့် သူ့ရဲ့ဝင်ငွေကတော့အလွန့်အလွန်ကိုရှက်ဖို့ကောင်းလေသည်။သင်တန်းသားတစ်ယောက်က တစ်လမှာယွမ်800လောက်သာရပြီး စားဖို့သောက်ဖို့နှင့်အိမ်ငှားခပင်မလောက်ချေ။ထိုပိုက်ဆံလောက်က သူ့အဖိုးရဲ့တစ်လစာဆေးဖိုးအတွက်ပင်မလုံလောက်။
"ဒါဆိုဘာလို့မစမ်းကြည့်တာတုန်း?အခုဆို စာချုပ်တွေကလည်း ၂နှစ်စာလောက်အတွက်ပဲ အချို့ဆိုတစ်နှစ်အတွက်ဆိုတာတောင်ရှိတယ် မင်းကောင်းကောင်းကစားနိုင်ပြီး ရလဒ်ကောင်းတွေရမယ်လို့ငါယုံတယ် တကယ်လို့အဆင်မပြေတော့လည်း အနားယူလိုက်တာပေါ့ အဲ့လိုသာဆို Streamingဘက်မှာမင်းရဲ့အောင်မြင်မှုကလည်း အခုထက်နှစ်ဆဖြစ်သွားတော့မှာ"
ရှစ်လျှို့ကခဏရပ်သွားပြီးမှ "တကယ်တော့ မင်းနဲ့စာချုပ်,ချုပ်ချင်နေတဲ့အသင်းတစ်သင်းကိုငါသိတယ် အရင်ဆုံးမင်းသူတို့နဲ့သွားလေ့ကျင့်ကြည့်ပြီး အဆင်ပြေခဲ့ရင်တော့ သူတို့အတွက်ကစားပေးလိုက်ပေါ့ အဲ့လိုမဟုတ်ဖူးဆိုရင်လည်း ဒီတိုင်းပြန်လာရုံပဲ ဘယ်လိုပဲဖြစ်ဖြစ် ဒီလတွေမှာမင်းကလည်းလေလွင့်နေဦးမှာဆိုတော့ အပိုပိုက်ဆံရှာတယ်လို့ပဲသဘောထားကြည့်လိုက်ပါလား"
"မလိုဘူး ကျေးဇူးပဲ" ရေကျနေသံကအရမ်းကိုကျယ်လွန်းသည်မို့ ရှစ်လျှို့ပြောသွားသည့်နောက်ဆုံးအပိုင်းကို သေချာမကြားလိုက်ရချေ။သူပုဝါတစ်ခုကိုဆွဲထုတ်ကာ မျက်နှာကိုသုတ်လိုက်ပြီး သူ့လေသံကတော့မပီမသနှင့်။ "အဲ့လိုအသင်းတွေကိုမသွားချင်ဘူး"
ရှစ်လျှို့ကနောက်ထပ်အခြားအကြောင်းတွေကိုလည်းပြောသွားသေးသည်။ဖုန်းမချခင်ခဏမှာ သူကမေး၏။ "မင်းသွားချင်တဲ့အသင်းရောမရှိဘူးလား?"
ချက်ချင်းဆိုသလိုပဲ သူ့မှတ်ဥာဏ်တွေရဲ့အနက်ရှိုင်းဆုံးတစ်နေရာက ပုံရိပ်တစ်ချို့ကခပ်ရေးရေးပေါ်လာ၏။လူတစ်ယောက်ရဲ့မျက်နှာနှင့်အတူ ထိူလူသူ့ကိုပေးခဲ့သည့်လက်မှတ်တစ်စောင်က ကျန်းရုန်စိတ်အာရုံကိုဖြတ်တိုက်သွားသည်။
လတ်မှတ်ကထိုသူရဲ့အိတ်ကပ်ထဲမှာ အချိန်အကြာကြီးရှိနေခဲ့ပုံပေါ်ကာ အရေးအကြောင်းတစ်ချို့ပင်ပေါ်နေပြီဖြစ်သည်။
ဖုန်းချပြီးသည်နှင့် ကျန်းရုန်သူ့မျက်နှာကိုပုဝါနှင့် ထပ်ပွတ်မိပြန်၏။အချိန်အကြာကြီးနေမှပဲ သူ့အိပ်ရာရှိရာဆီဝင်သွားနိုင်သည်။
ထို့နောက်မှာတော့ သူကမနက်စာစားရန် သူ့ရဲ့တိုက်ခန်းဆီကနေထွက်လာခဲ့သည်။
နေရောင်ခြည်ကဖြာကျနေကာ ကျန်းရုန် သူ့စွပ်ပြုတ်ကိုခေါင်းငုံ့ပြီးသောက်ရန်ပြင်လိုက်ပေမယ့် သူ့ဘေးကဖြတ်သွားသည့်တစ်ယောက်က စားပွဲခုံကိုဝင်တိုက်မိသည့်အတွက် စွပ်ပြုတ်အရည်တစ်ချို့က သူ့ဦးထုပ်ကိုလာစင်ကုန်တော့သည်။
တစ်ဖက်လူက သူ့ကိုအကြိမ်ကြိမ်တောင်းပန်နေကာ ကျန်းရုန်ဦးထုပ်ကိုချွတ်၍ မျက်လွှာချကာကြည့်လိုက်တော့ သူ့လိုပဲစွပ်ပြုတ်ရည်တွေပေနေသည့် Roadကိုမြင်လိုက်ရလေသည်။အချိန်အကြာကြီးနေပြီးမှ နောက်ဆုံးတော့သူပြောလိုက်နိုင်သည်။ "ရပါတယ်"
___
ညနေခင်းမှာ တင်းကောbaseကိုပြန်လာပြီး ဆိုဖာပေါ်ထိုင်ကာဂိမ်းကစားနေသည့်လူဆီကို တည့်တည့်လျှောက်သွားလေသည်။
"သတင်းဆိုးနှစ်ခုရှိတယ် ဘယ်ဟာအရင်နားထောင်ချင်လဲ?"
လုပေါယွမ်က ကျွမ်းကျင်ပိုင်နိုင်စွာဂိမ်းစက်ကိုထိန်းချုပ်နေရင်း မော့မကြည့်ပဲပြောလာသည်။
"အဆိုးဆုံးတစ်ခု"
"SaviorကPUDကိုရွေးသွားတယ်" တင်းကောကပြောပြလာသည်။ "PUDရဲ့သူဌေးကရူးသွားပြီးတော့ အဲ့လောက်များတဲ့ပမာဏကိုပေးလိုက်တာလေ ငါတို့ကတော့ Saviorကအဲ့ပမာဏနဲ့မတန်ဘူးထင်လို့ လက်လွှတ်လိုက်ဖို့ဆုံးဖြတ်လိုက်တယ်"
လုပေါယွမ်က သဘောတူကြောင်းအသံပြုပြီး ရှောင်ပိုင်ငါးကြိမ်ကြိမ်တိုင်တိုင် တိုက်ခိုက်လို့မရခဲ့သည့် final bossအား လှလှပပချေမှုန်းလိုက်သည်။ "နောက်တစ်ခုကရော?"
"ငါတစ်ယောက်ကိုသွားမေးခိုင်းတာ Softကpro playerအနေနဲ့ကစားဖို့ အစီအစဥ်မရှိဘူးတဲ့"
လုပေါယွမ်မျက်လွှာချကာ ဘာမှထပ်မပြောတော့။
ဂိမ်းထဲကကာရိုက်တာလေးက ခဏရပ်သွားကာ နောက်ထပ်checkpointတစ်ခုကို ခုန်ကူးသွား၏။
"ငါကအစကတည်းကသူ့ကိုသိပ်မမျှော်လင့်ထားတာ သူသာကစားချင်တယ်ဆိုမှတော့ လွန်ခဲ့တဲ့၂နှစ်လောက်ကတည်းက ဒီလောကထဲရောက်နေလောက်ပြီပေါ့"
တင်းကောကသူ့ဘေးမှာထိုင်ချလိုက်သည်။ "ငါနည်းနည်းပါးပါးလျှောက်မေးကြည့်သေးတယ် အရင်တုန်းက သူကငွေလိုနေတော့ StarTVနဲ့အတော်လေးမမျှမတနိုင်တဲ့စာချုပ်,ချုပ်ထားတာ ဒီတစ်ခေါက် သူသာစာချုပ်ပြန်ပြင်မယ်ဆိုရင် သူ့ရဲ့ဘောနပ်စ်ကထိုးတက်သွားလောက်တယ် ပြီးတော့ အဲ့တာကမှ pro playerအနေနဲ့ကစားဖို့ လမ်းကြောင်းပြောင်းတာထက် ပိုကောင်းတယ်လေ ဘယ်လိုပဲသူကောင်းကောင်းကစားနိုင်ပါစေ သူကလူသစ်တစ်ယောက်ရဲ့စာချုပ်ပဲချုပ်ရမှာ"
သူ့ရဲ့ဖုန်းကအသံမြည်လာ၏။လုပေါယွမ်နည်းနည်းလောက်ထပ်ကစားပြီးမှ ဂိမ်းကိုရပ်ကာသွားကြည့်လိုက်သည်။
ထိုအရာက QQမှဝင်လာသည့်emailတစ်စောင်ဖြစ်နေသည်။
တင်းကော: "မေ့လိုက်တော့ သူ့ကိုရွေးမယ်ဆိုရင်လည်း စွန့်စားလွန်းရာကျတယ် pro arenaမှာ သူ့ပုံစံကမသင့်တော်ဘူး"
အစကတော့ လုပေါယွမ် email notiကိုဖယ်လိုက်တော့မလို့ပေမယ့် မတော်တဆနှိပ်မိသွားသည်။သူဖြတ်ခနဲကြည့်လိုက်တော့ emailရဲ့အကြောင်းအစာက စာနှစ်လုံးသာပါ၏။
[အလုပ်အကိုင်ရှာဖွေနေပါသည်]
သူ့ရဲ့ inboxထဲမှာ spamတွေကအများအပြားမို့ လုပေါယွမ် "select all"ကိုနှိပ်ကာ အားလုံးကိုရှင်းပစ်တော့မည့်အချိန်မှာပဲ ထိုemailတွေထဲကတစ်ခု၏ previewကိုမြင်သွားတော့သည်။
တင်းကောကသက်ပြင်းချလိုက်၏။ "ရှောင်ပိုင်ပြောတာတော့ သူကမင်းပရိတ်သတ်တဲ့ အဲ့တော့ ငါတွေးလိုက်တာက သူအနည်းဆုံးတော့စဥ်းစားပေးလောက်တယ်ပေါ့ မထင်ထားပဲ သူကငါတို့ကိုတိုက်ရိုက်ကြီးငြင်းချလိုက်ပြီး ဆွေးနွေးဖို့တောင်အခွင့်အရေးမပေးဘူးလို့လေ ထားလိုက်ပါတော့ နောက်ဆိုလျှောက်ခန့်မှန်းတာတွေကိုလျှော့လိုက်တော့မယ်...."
"မလိုဘူး" လုပေါယွမ်ကသူ့ကိုဖြတ်ပြောလိုက်သည်။
တင်းကောခေါင်းရှုပ်သွားပြီး လှမ်းကြည့်လိုက်တော့ လုပေါယွမ်ကခေါင်းငုံ့ကာ အီးမေးလ်တွေကိုဖတ်နေသည်။
အောက်ဆုံးထိဖတ်ပြီးသွားချိန်မှာတော့ လုပေါယွမ်ကမသိမသာပြုံးလာသည်။သူက သူ့ဖုန်းကိုတင်းကောဆီပေးလိုက်ပြီး ဂိမ်းစက်ကိုပြန်ကိုင်ကာဆက်ကစားနေလေ၏။
တင်းကောဖုန်းကိုအမြန်ဖမ်းလိုက်ပြီး သိချင်စိတ်ကြောင့်ကြည့်လိုက်မိတော့-
[အလုပ်အကိုင်ရှာဖွေနေပါသည်]
အမည်:ကျန်းရုန်
လိင်:ယောကျာ်း
အသက်:၁၇
အရပ်:၁၇၅စင်တီမီတာ
အလေးချိန်:၅၇ကီလိုဂရမ်
....
ID: Soft
ကျွမ်းကျင်မှုအဆင့်:Korea Server ၏ Challenger tierတွင် Ranked 4အထိရဖူး၊ နိုင်ငံတွင်းဆာဗာ၏ Challenger tierတွင် နံပါတ်တစ်ဖြစ်ဖူး။
လျှောက်ထားလိုသည်က:TTC Esport Club's LOL branch - Mid Laner
___
ဒီနေ့လည်းအိပ်ချင်မူးတူး againပါပဲ🙏🏾
ရှေ့အပိုင်းတွေမှာနည်းနည်းလွဲနေတာတွေရှိမှန်း ဒီအပိုင်းမှသတိပြုမိတယ် သွေ့ပုချီခ ပြန်ပြင်မှာပါနော်!
ပြီးတော့ ရုန်ရုန်က5'9"ပါလို့ cmနဲ့ဆိုအချို့ကလည်သွားကြလို့♡