The Only Hope for Me is You

Chapter 61 : En Passant

M A X E N E

Kakauwi lang namin at napagdesisyunan niyang sa condo ko na lang muna siya magpapalipas ng gabi, dahil na rin sa dito naka-park ang kotse niya na iniwan niya noong sinundo kami nila Alex noong nag-outing kami. Buong biyahe ata akong tulog kaya naman kahit papaano ay may energy pa ako pagkauwi namin.

Inayos muna namin ang mga dalahin namin galing sa trip at hiniwalay ang mga naiuwing pagkain at konting pasalubong. Naalala ko pa noong namili kaming girls, talaga namang nag-enjoy kami at kahit naman pa paano ay napagaan ko ang loob ni Sarah.

Bago pa kami bumalik noon, nag kape muna kami at nagkakwentuhan. Masaya sa pakiramdam na makabilang ka sa mga taong katulad mo rin. Though sometimes, I couldn't help to feel like Kathleen and Abby were still overwhelmed towards my presence because I'm a Maxene Campbell.

Ayoko pa man din ng ganung pakiramdam.

Hindi naman nila ako kailangang tingalain or malilang sa akin. Gusto ko rin naman sila maging kaibigan dahil kaibigan sila ng bestfriend ko.

Sarah did her best to be the bridge of different people, naging harmonious naman ang grupo kahit pa paano, lalo na at sobrang welcoming din naman si Stephanie sa akin na bestfriend rin ni Sarah.

Nakakahiya lang talaga na nakita niya ako noon na parang batang nagmamaktol dahil lang sa sampaloc.

Ang immature mo Maxene, napaka-isip bata mo. Napaka-topakin mo pa, alam mo ba iyon?

Yung ilang maduming damit namin ni Travis ay derecho ko ng nilabhan sa washing machine.

Dapat sana ay magluluto pa ako ng panghapunan namin, pero nag-order na si Travis ng pagkain namin. Ayaw daw niya kasing napapagod ako, to think kakauwi lang namin galing trip. Pero kasi wala si Natasha sa kabilang unit para mautusan ko ipagluto kami. Ang paalam ko kasi kay mommy bukas pa kami makakauwi, kaya pinag-leave niya muna si Natasha ng dalawang araw.

Sabay kaming kumain ng hapunan ni Travis at pagkatapos, ay siya na rin ang naglinis at nag-ayos ng pinagkainan namin.

Pinauna na rin niya ako maligo para daw makapagrelax na ako sa kwarto. Matapos kong maligo ay ipinaghanda ko na siya ng warm bath since relaxing ang mag-warm bath sa gabi.

I check the time and it's already past ten. I'm lying in bed browsing the photos we took with our friends together.

Nag-message sila Stephanie sa akin na sinasabing ipost ko na daw ang photos namin sa social media kasi kokopyahin daw nila.

Inayos ko muna ang photos namin dahil malaki ang sizes ng quality ng pictures na galing sa DSLR na iniregalo sa akin ni Ken noong birthday ko.

Nakakatuwa at may ilang videos kaming ginawa na magkakasamang magkakaibigan.

Baka next time ko na lang ayusin ang videos namin. Bibigyan ko rin ng kopya sila Martin dahil gagawan daw niya ng documentary ang outing namin.

Well, what could I expect from a future film director? I'm sure that the result will be awesome!

That thought made me smile.

Nakita ko rin naman yung iilang sample edited videos na pinost ni Martin sa Youtube account niya na mga random moments nilang barkada simula pa noong high school sila.

Hay, parang kailan lang.

Sayang lang at hindi ko sila nasubaybayan dahil na rin sa naging gap namin ng bestfriend ko.