The Only Hope for Me is You

Chapter 55 : Cause and Effect

T R A V I S

Kada nagising ako ng Lunes ng umaga, hinihiling ko agad na bumilis ang araw para makakasama ko na ulit siya.

Just this last weekend, doon ako sa condo niya umuwi. Naging ganun ang panibagong set-up namin, para na rin nagkakaroon kami ng oras sa isa't-isa.

Kada nauwi ako sa condo niya, todo ang asikaso niya sa akin.

Bawi-bawi din daw kasi nga hindi na siya sa penthouse nakatira at busy din naman siya minsan sa work, minsan kinikita niya si Sarah, minsan naman nagbobonding na rin sila ng mommy niya.

I'm just happy to see that she's happy with the changes that's happening in her life.

At dahil siya ang nagluto, ako ang naghugas ng pinggan namin. Ayoko naman na siya na lang ng siya ang kikilos at mag-aasikaso sa akin.

Sabi niya pa noong araw na iyon, hihintayin niya matapos ko yung paghuhugas ng pinggan, pero nang balikan ko siya, hindi ko rin naman siya naabutang gising.

Kadalasan, masandal-tulog si babae.

Hindi ko na siya gaano kinukulit at pinapabayaang makapaghinga siya, ayoko rin naman abusuhin niya ang katawan niya. Epekto ata ng gamot ang dahilan kung bakit siya laging inaantok.

Sapat na sa akin ang nakakasama ko siya.

Minsan pa, nagrequest siya na kantahan ko siya bago daw siya matulog dahil gustong-gusto daw niya na naririnig ang boses ko, buti na lang at nakapikit siya noong naglambing siya sa akin ng ganun.

Sadyang ang lakas ng epekto sa akin ni Mine.

Kaya lang hindi ko pa natatapos yung kanta, tapos bigla siyang humilik.

I can't get enough of her.

Natutuwa ako na makitang masigla at malakas siyang kumain.

Though, wala namang pinagbago ang katakawan niya. Pwera na lang siguro sa sobrang lakas ng cravings niya.

Na sa tuwing may nakikita siyang pagkain sa TV or sa social media bigla-bigla na lang siyang nag-cracrave ng kung anong nakikita niya.

Choosy man siya sa pagkain pero kapag sinabi niyang gusto niya, talaga namang kukulitin niya si Natasha para lang magpabili ng pagkain.

Ayaw niya akong utusan kahit na willing naman ako, may kotse naman ako, si Natasha mag-cocommute pa.

Minsan naaawa na ako sa maid niya, hindi ko naman akalain na ganito ka-demanding ang babaeng ito.

O baka naman paraan niya lang din iyon para masolo ako.

Kung ganun lang, bakit hindi na lang niya bigyang ng weekend leave si Natasha, para makapagpahinga yung tao?

Ang gulo rin minsan ng mood nitong babaeng ito eh.

May pagkakataon pa na kapag siya ang nangungulit, dinaig niya pa ang isang batang paslit, buti na lang at mahaba ang pasensya ko. Pero kapag ako ang nangulit ang bilis niyang mairita.

Minsan may oras na clingy siya, minsan hindi.

Ang hirap na niyang basahin; sala sa lamig, sala sa init.

Nagmistulang roller coaster ride ang ilang weekends na kasama siya.

Isang beses nanood kami ng movie sa condo niya, The Orphan, The Fourth Kind at Drag Me to Hell ang pinili ko dahil hindi ko pa naman napapanood iyon, nakita lang namin iyon sa USB niya na hiniram niya daw sa bestfriend niya.