"အရှင်မင်းကြီး မိန့်ကြားတော်မူပါ။"
"သူ့ကို အနီးကပ် စောင့်ကြည့်နေပါ"
"ဒါဆို ဒီကိစ္စကိုဘယ်လိုလုပ်ရပါမလဲ မင်းကြီး...?"
သဲ့ကုန်းကုန်းက မရဲတရဲမေးလိုက်သည်။
ယွီ၀မ်ရှင်းက သူ့မျက်ခုံးတွေကို နှိပ်နယ်ပြီး အေးစက်စွာပြောလိုက်သည်။
"အခုလောလောဆယ်တော့ လျစ်လျူရှုထားလိုက်"
ကျွမ့်ချုံ ကို အခုချိန်မှာ သွားမထိချင်သေးပေ။ အရင်က ဖြစ်ပျက်ခဲ့တာတွေကို သေသေချာချာ တွေးကြည့်ပြီးနောက် မမြင်နိုင်တဲ့ အတားအဆီးအပြင် ဘယ်ကမှ ပေါ်လာမှန်းမသိတဲ့ ဓားတစ်ချောင်းရှိသည့် ဒီမိန်းမကို သွားရှုပ်ဖို့ မလွယ်ဘူးလို့ သူခံစားလိုက်ရသည်။
' သူတို့နှစ်ယောက်ကို တစ်ချိန်တည်းမှာ ဖယ်ရှားဖို့ နည်းလမ်းရှာနိုင်ရင် အကောင်းဆုံးပဲ...'
......
နန်းတော်တစ်ခုလုံးမှာ ကောလဟာလတွေ ပျံ့နှံ့နေပြီး ပြင်ပက သာမန်ပြည်သူတွေတောင် ဒီသတင်းကို ကြားသိကြသည်။
ဧကရာဇ်မင်း၏ မောင်းမမိဿံတစ်ဦးသည် တော်၀င်မင်းဆရာဘွဲ့ ခန့်အပ်ခြင်းခံရပြီးအခြားအမျိုးသားတစ်ယောက်နှင့် ဆက်ဆံရေးရှိနေသည်။
ဤကိစ္စက အတင်းအဖျင်းပြောဖို့ တောင်းဆိုနေတာ မဟုတ်ပေလား?
ကျွမ့်အိမ်တော်သည်လည်း အတင်းအဖျင်းထဲတွင် ပါဝင်လာခဲ့ပြီး ရှေးခေတ်က အမျိုးသမီးများဟာ ရိုးရာဓလေ့ကို မလိုက်နာပါက တံတွေးခွက်တွင် ပက်လက်မျောကြရလိမ့်မည်။
ကျွမ့်သခင်ကြီးသည် မကြာသေးမီက ဧကရာဇ်မင်းနှင့် စိတ်၀မ်းကွဲမှုမှပြန်လည်နာလန်ထူရန် မလွယ်ကူခဲ့ပေ။ ဤကိစ္စကို ထိပ်တိုက်ရင်ဆိုင်ရသည့်အခါ တရားရုံးတွင် သူ့ကို ဖိနှိပ်ဖို့ အခွင့်ကောင်းယူချင်သူတွေ ရှိလာခဲ့သည်။
အခြားတွေအားလုံးနဲ့ ယှဉ်လျှင် ကောလဟာလ၏ အဓိက ဇာတ်ဆောင်နှစ်ယောက်ဖြစ်သည့် ရှီရှန်းနဲ့ မင်ကျင့်တို့ဟာ ပိုပြီးငြိမ်သက်နေကြသည်။
မင်ကျင့်သည် အိမ်နေအကျယ်ချုပ်အချုပ်အနှောင်ခံရပြီး မည်သူမျှအပြင်မထွက်လာသလို မည်သူ့ကိုမျှလည်း အတွေ့မခံပေ။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
Arc 15.22
Start from the beginning
