[Unicode]
'ငါ့ကိုမလွမ်းဘူးလား'
ကီးဘုတ်တီးသူလည်း ဝမ်ချောင့်အကြည့်ကို သတိထားမိတာမို့ နောက်ပြန်လှည့်ကြည့်ပြီး သူ့မျက်နှာက ချက်ချင်းဆိုသလို မဲမှောင်သွားတော့သည်။
ဒီအချိန် နန်ကျင်းမှာပဲရှိနေသင့်သေးသည့်ရှဲ့ကျူရှင်းက အစောပြန်ရောက်လို့နေခဲ့သည်။
ဝမ်ချောင် ထိုင်ခုံပေါ်မှ အလျင်စလို ခုန်ဆင်းပြီး ကီးဘုတ်တီးသူကိုတောင် ခေါင်းထဲမထည့်နေဘဲ ဝင်ပေါက်ရှိရာကို အပြေးလှမ်းသွားပြီး တအံ့တဩပြောလိုက်သည်။ "မင်းပြောတော့ မနက်ဖြန်နေ့လည်အထိ ပြန်မလာဖြစ်ဘူးဆို? ဟမ်? မင်း ခရီးဆောင်အိတ်ကရော?"
ရှဲ့ကျူရှင်း မသိမသာလေးခေါင်းငုံ့လျက် သူ့မျက်ဝန်းများကို ဦးထုပ်ဖြင့် ဖုံးကွယ်ထားရင်း ပြန်ပြောလိုက်သည်။ "ငါ့အချိန်စာရင်းထဲ အပြောင်းအလဲနည်းနည်းရှိသွားလို့ အစောပြန်ရောက်လာတာ။ ငါ အိမ်ဝင်ပြီး အထုတ်တွေ ချထားခဲ့ပြီးပြီ။"
'အချိန်စာရင်းအပြောင်းအလဲရှိသွားလို့? အဓိပ္ပါယ်မရှိတာတွေ!' ဝမ်ချောင် ကျေနပ်မှုအပြည့်ဖြင့် ထပ်မေးတော့သည်။ "WeChat မှာ ငါတစ်ယောက်တည်း ညလယ်စာစားနေရတာကို မြင်လိုက်ရတော့ အထီးကျန်တာလေးတွေ ပျောက်သွားအောင် လာခဲ့ပေးတာလား။"
ရှဲ့ကျူရှင်း ဘာမှပြန်မဖြေဘဲ ခေါင်းမော့လျက် သူ့အနောက်ကိုလှမ်းကြည့်လိုက်သည်။
ကီးဘုတ်တီးသူကလည်း အနားသို့လျှောက်လာ၏။
သူတို့နှစ်ယောက် တစ်ယောက်ကိုတစ်ယောက် အကြည့်မလွှဲဘဲ ကြည့်နေမိကြသည်။ ရှဲ့ကျူရှင်းကတော့ ဘာခံစားချက်မျိုးမှ ထုတ်မပြလာပေမယ့် ကီးဘုတ်တီးသူမျက်နှာကတော့ မှုန်သုန်နေတော့သည်။
သူတို့က အရင်နှစ်ကတည်းက ကွမ်ကျိုးမှာတွေ့ဖူးပြီးဖြစ်သည်။ နောက်ပိုင်းမှာတော့ ကီးဘုတ်တီးသူ ပေ့ကျင်းသို့ရောက်လာပြီး ကုမ္ပဏီနှင့် စာချုပ်ချုပ်ဆိုလာခဲ့သည်။ ထို့ကြောင့်လည်း သူတို့တတွေ ကုမ္ပဏီနှင့်ပတ်သတ်သည့်ပွဲမျိုး၌ အကြိမ်ပေါင်းများစွာတွေ့ဖြစ်ကြပေမယ့် တစ်ခါမှတော့ စကားပြောဖူးခြင်းမရှိခဲ့။
YOU ARE READING
Bi De • Pan Yu Xin De Rui la ||Myanmar Translation||
FantasyIt's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119