[Unicode]
Warning : This chapter contains drugs, kidnapping and rape.
'ဖြတ်သွားဖြတ်လာတစ်ယောက်'
ဖိနပ်အသစ် ဝတ်ပြီးနောက် ဝမ်ချောင်က ရှဲ့ကျူရှင်းထက်တောင် ပွဲထုတ်ပြဖို့ စိတ်အားထက်သန်နေလေသည်။ သူတို့အတူ စျေးဝယ်ထွက်ကြဖို့ အတင်းအကျပ်တောင်းဆိုပြီး ဖိနပ်အသစ်ဝတ်ထားတာမို့ အပြင်ထွက်ကာ နည်းနည်းကြွားလုံးထုတ်ရမည်ဟု ပြော၍ ရှဲ့ကျူရှင်းကို မရမက အပြင်ခေါ်ထုတ်သွားတော့သည်။ သူတို့အောင်မြင်မှုက လူသွားလမ်းလာများ ဝိုင်းတားဆီးကြသည်အထိ မရောက်သေးတာမို့ မှတ်မိခံရမည်ကို မကြောက်ဘဲ လူကြားထဲ သွားလာလို့ရနေသေးသည်။
သူတို့ စျေးဝယ်စင်တာထဲ ဝင်သွားပြီးတာနှင့် ဝမ်ချောင်က အပြာရောင်တီရှပ်လေး စမ်းဝတ်ကြည့်ပြီး ရှဲ့ကျူရှင်းကို မေးလာသည်။ "ကြည့်ကောင်းလား။"
"ကြည့်ကောင်းတယ်။" ရှဲ့ကျူရှင်း ပြန်ဖြေသည်။
ဝမ်ချောင် ဆိုင်ရှိအရောင်းသမားလေးကို လှမ်းခေါ်လိုက်သည်။ "ဒါ နှစ်ထည်ထုတ်ပေးပါ။"
"ပုံစံတူနှစ်ထည် ဘာလို့ဝယ်မှာလဲ။ မင်း ပိုက်ဆံဖြုန်းချင်နေတာလား။"
ဝမ်ချောင် ရယ်လျက်ပြောလာသည်။ "တစ်ထည်က မင်းအတွက်လေ။"
ရှဲ့ကျူရှင်း ငြင်းဆို၏။ "ငါမလိုချင်ဘူး။ ငါ့အတွက် မဝယ်နဲ့။"
ဝမ်ချောင် ဘာမှမကြားလိုက်သလို ငွေသွားရှင်းပြီး ဒီဇိုင်းတူပြီးအရောင်ကွဲသည့်တီရှပ်နှစ်ထည်နှင့် ပုံစံတူဘောင်းဘီနှစ်ထည်ကိုပါ ထပ်ယူလိုက်သေးသည်။
ရှဲ့ကျူရှင်းလည်း သူ့ကို ထိန်းမနိုင်မှန်းသိတာမို့ ထပ်ပြောမနေတော့။ ဝမ်ချောင် အခြားအဝတ်အစားတွေ သွားစမ်းမဝတ်နိုင်ခင်မှာပဲ ရှပ်အင်္ကျီနှင့်ဂျင်းဘောင်းဘီအတွက် ကျသင့်ငွေကို စုရှင်းလိုက်တော့သည်။
စျေးဝယ်စင်တာအနှံ့ လျှောက်ပတ်ပြီးချိန်မှာတော့ ဝမ်ချောင်က နေ့လည်နေ့ခင်းလက်ဖက်ရည်သွားသောက်ချင်ပေမယ့် ရှဲ့ကျူရှင်းက မသွားချင်တာမို့ ပြောလိုက်သည်။ "ငါ မသွားတော့ဘူး။ ငါ နည်းနည်းအိပ်ချင်နေတာ၊ အိမ်ပြန်ပြီး အိပ်ရေးဝအောင်နားဦးမယ်။"
YOU ARE READING
Bi De • Pan Yu Xin De Rui la ||Myanmar Translation||
FantasyIt's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119