Bi De • Pan Yu Xin De Rui la ||Myanmar Translation||

8

[Unicode]

'မင်းက သူတို့နဲ့ မတူဘူး။'

အပြန်လမ်းတွင် ရှဲ့ကျူရှင်းက ဝမ့်ချောင်အစား ကားမောင်းလိုက်သည်။ ဝမ်ချောင်ကတော့ ဘေးခုံတွင် ထိုင်လိုက်လျက် မြူးတူးပျော်ရွှင်လို့ ခေါင်းတယမ်းယမ်းဖြစ်နေလေသည်။

ရှဲ့ကျူရှင်း သူ့ကို မေးလိုက်သည်။ "မင်း ခုနက ဘယ်သွားနေတာလဲ။"

ဝမ်ချောင်း သူ့အား ကာမစိတ်ပြင်းပြနေသလို မျက်နှာအမူအရာဖြင့် ကြည့်ပြီး ပြောလိုက်သည်။ "ဒီတိုင်း —— လုပ်ကြတာပေါ့။"

ရှဲ့ကျူရှင်း : "..."

တစ်နေကုန် လေ့လာသင်ကြားရေးများ လုပ်ပြီးသည့်နောက် သူ အတော်လေးပင်ပန်းနေပြီးဖြစ်တာတောင်မှ ဘားသွားဖို့ကို ဆွဲခေါ်သွားခြင်း ခံလိုက်ရသည်။ အဆုံးသတ်မှာတော့ သူတစ်ယောက်တည်းကသာ ဆူဆူညံညံ ဘားအခန်းထဲ ဖျော်ရည်သောက်ရင်း တစ်နာရီမျှ ထိုင်နေခဲ့ရသည်။

သူ့မှာ စိတ်မပျော်မရွှင်ဖြစ်နေပြီးဖြစ်ကာ အခု ဒီတစ်နာရီအတွင်း ဝမ်ချောင်က အခြားသူတစ်ယောက်နှင့် အချိတ်အဆက်လုပ်ဖို့ ပျောက်သွားမှန်း သိလိုက်ရချိန် ထိုမပျော်မရွှင်ဖြစ်ရခြင်းက အဆတစ်ရာနီးပါး တိုးသွားတော့သည်။

သူ ဒေါသကို ချုပ်တည်း၍ပြောလိုက်သည်။ "မင်း အပြင်ထွက်ပြီး ဒီလိုတွေလုပ်မယ်ဆိုလည်း ဘာလို့ ငါ့ကို ဆွဲခေါ်လာသေးလဲ။"

ဝမ်ချောင်ကတော့ သူ စိတ်မပျော်မရွှင်ဖြစ်နေမှန်း လုံးဝ မသိ။ သူ ပြန်ပြောလိုက်သည်။ "မင်းကို အဆောင်မှာ တစ်ယောက်ထဲ ထားခဲ့လို့ သူတို့က မင်းကို ဝိုင်းအနိုင်ကျင့်နေရင် ဘယ်လိုလုပ်မလဲ။"

ရှဲ့ကျူရှင်း ပြောလိုက်သည်။ "အဓိပ္ပါယ်မရှိ မပြောနဲ့။ သူတို့က ဘာလို့ အကြောင်းအရင်းမရှိ ငါ့ကို အနိုင်ကျင့်ချင်မှာလဲ။"

"ပြောမရဘူးလေ၊ သူတို့က ငါ့ကို ကြည်တာမှ မဟုတ်တာ။ ဒါပေမယ့် ငါ့ကိုလည်း ဘာမှလုပ်မရဘူးဆိုတာ သိနေတယ်လေ။ ငါတို့နှစ်ယောက် ရင်းနှီးတာကိုလည်း သူတို့ သိတယ်။ ပြီးတော့ မင်းက သဘောလည်းကောင်းသေးတယ်။ သူတို့ မင်းကို အနိုင်ကျင့်ချင်ကြမှာ။"