Bi De • Pan Yu Xin De Rui la ||Myanmar Translation||

41

[Unicode]

'အတန်းဖော်ဟောင်း'

ဝမ်ချောင် သူ့အင်္ကျီကို အဝေးပြန်တွန်းထုတ်ပြီး တစ်ဖက်လူကို စူးစူးစိမ်းစိမ်းကြည့်လိုက်သည်။ "မင်း ဘာဖြစ်ရပြန်တာလဲ! တစ်ခါလည်း မဟုတ်၊ နှစ်ခါတောင်။ ပြီးတာနဲ့ တန်းမျက်နှာလွဲခဲပစ်လုပ်နေတာ! မင်းဟာက ပြီးဦးမှာလား။"

ရှဲ့ကျူရှင်း သူ့စိတ်ထဲပြောလိုက်မိသည်။ 'တစ်ခါလည်း မဟုတ်၊ နှစ်ခါတောင်။ လုပ်ပြီးတာနဲ့ မဟုတ်တရုတ်တွေ စပြောလာတာ မင်းပဲလေ!'

"မင်းအတွက် အရာရာတွေးပေးနေမိတာ ငါ့အမှားလား။" ဝမ်ချောင် ထထိုင်ရင်း မတရားခံရသလိုပြောလာသည်။ "ငါ မင်းအပေါ် လုံလုံလောက်လောက်ကြီး ကောင်းပေးထားတာ။ မင်း အပေါ်နေချင်တယ်ဆိုတာတောင် ငါ မငြင်းဘူး။ မင်းက ဘာများထပ်လိုချင်သေးတာလဲ။"

'သူကပဲ မကျေမနပ်ဖြစ်ရသေးတယ်!?'

ရှဲ့ကျူရှင်း ခက်ထန်ထန်ပြန်ပြောလိုက်သည်။ "ငါ လုပ်ချင်ရုံသက်သက်ပဲဆို ဘာလို့ မင်းဖြစ်နေမှ ရမှာလဲ။ အခြားလူသွားရှာလို့မရဘူးလား။"

ဝမ်ချောင် သူပြောချင်တဲ့အဓိကျအချက်ကို မဖမ်းမိဘဲ နောက်ဆုံးစာကြောင်းကိုသာ ကြားလိုက်ပြီး ချက်ချင်းမေးခွန်းပြန်ထုတ်တော့သည်။ "မင်းက ဘယ်သူ့ကို သွားရှာချင်တာလဲ။"

ရှဲ့ကျူရှင်း ဒေါသတကြီးဖြစ်သွားရသည်။ "မင်း လူစကားပြောတာကို ဘယ်လိုနားထောင်ရမလဲရော သိရဲ့လား။"

ဝမ်ချောင်က သူ့ထက်တောင် ပိုဒေါသထွက်နေသေးသည်။ "မင်းသိထားဖို့! ငါ မင်းအတွက်နဲ့ ငါ့အစ်ကိုကိုတောင် ရုပ်ရှင်တစ်ခုခုမှာ နေရာတစ်ခုရှာပေးဖို့တောင်းဆိုခဲ့တာ။ ဒါ မင်းကောင်းဖို့မဟုတ်ဘူးလား။ မင်း စကားကောင်းကောင်းလေးတောင် ပြန်မပြောပေးဘူး။ ငါ့ကို နှင်ထုတ်ဖို့ကြိုးစားတာ အသာထားပါဦး။ မင်းက အခြားတစ်ယောက်ရှာမယ့်ကိစ္စပါ ပြောနေတယ်။ မင်းရှာရဲရင်ရှာကြည့်လိုက်စမ်းပါ!"

ရှဲ့ကျူရှင်း : "... ငါ တကယ်သွားရှာရင်ရော?"

ဝမ်ချောင် တွေးတောင်မတွေးနေဘဲ တန်းခြိမ်းခြောက်လိုက်သည်။ "ဒါဆို ဇာတ်လမ်းအကြောင်းတွေးမနေနဲ့တော့။ ဒီစုတ်ပြတ်သတ်နေတဲ့အဖွဲ့ထဲမှာတောင် နေရာရဖို့ မတွေးထားနဲ့။ မနက်ဖြန် ငါ ခွန်းကောကို သွားပြီး မင်းကို အလုပ်ထုတ်ပေးဖို့ ပြောပြီးတာနဲ့ backup dancer အဖြစ် ပြန်နေဖို့ပြင်ထား!"