[Unicode]
'တီတီတာတာအချစ်စကားများ'
ရှဲ့ကျူရှင်း ဝမ်ကျင်းစီ့ယွမ်ကို ပြန်မသွားဘဲ ကိုယ့်တိုက်ခန်းကိုသာ ပြန်သွားလိုက်သည်။
သူ ကျောက်ကျင်းရိနှင့်အတူ အိမ်ငှားနေဆဲ,ဖြစ်ပေမယ့် အလုပ်များနေသည်ဟူသည့်ခေါင်းစဉ်ဖြင့် မကြာမကြာဆိုသလို ဝမ်ချောင့်နေရာမှာပဲနေဖြစ်နေသည်။
သူ အိမ်တစ်လုံးလောက်ဝယ်ဖို့စဉ်းစားနေမိပြီး နှစ်ကူးအိမ်ပြန်စဉ်ကလည်း သူ့မိဘများက ပေ့ကျင်းတွင် အိမ်ဝယ်ဖို့အစီအစဉ်ရှိလားနှင့် လိုအပ်ပါက စုဆောင်းထားသည့်အချို့ ထုတ်ပေးလို့ရကြောင်း ပြောလာခဲ့သည်။
ပွဲဦးထွက်ပြီး နှစ်ဝက်အကြာတွင် သူ ပမာဏတစ်ခုအထိတော့ စုဆောင်းမိထားပေမယ့် ပေ့ကျင်းတွင် အိမ်ဝယ်နိုင်ဖို့အတွက်တော့ အနည်းငယ်မျှကျပ်နေသေးသည်။
သူ့တစ်ယောက်တည်းအတွက်ဆိုရင်တော့ အိမ်အသေးတစ်လုံးလောက် ဝယ်လိုက်ခြင်းက ပြဿနာမဟုတ်လှ။
ပြဿနာက သူ ဘယ်လိုအိမ်မျိုးဝယ်မှ ဝမ်ချောင့်မျက်ဝန်းထဲ အဆင်ပြေနိုင်မလဲဆိုတာပင်။
ဝမ်ချောင် သူ့အစ်ကိုထံမှ ကြုံရာအိမ်တစ်လုံးတောင်းပြီးနေလျှင်တောင် ထိုအိမ်များက မီတာ ၂၀၀ ကျယ်သည့် နှစ်ထပ်တိုက်များဖြစ်သည်။ ဝမ်ချောင့်အိမ်ကလည်း အာ့ဟွမ်လမ်း အစွန်အဖျားနားတွင်ရှိပြီး ဗီလာနှင့် ခြံဝန်းပါဝင်သည့် ထိုခြံဝိုင်းက မီတာ ၁၀၀၀ ကျော်ကျယ်ဝန်းသည်။ သူ ဝမ်ချောင့်ကို နှစ်ကြိမ်မျှ အိမ်လိုက်ပို့ဖူးပြီး အထဲမဝင်ကြည့်ဖူးတာတောင် ခြံစည်းရိုးအပြင်ကနေ ဘယ်လောက်ထိဈေးကြီးမလဲ ပြောပြလို့ရနေသည်။
ထိုအချက်က သူ့ကို တုန့်ဆိုင်းစေ၏။
တရုတ်နှစ်ကူးပြီးသွားချိန် icedream ရဲ့ ဒုတိယမြောက် album ကလည်း အသေအချာပြင်ဆင်နေသည့်အဆင့်သို့ရောက်ရှိသွားပြီး သီချင်းထွက်လာမည့်အချိန်က နွေဦးနှင့်နွေအကူးအပြောင်းကာလဟု ခန့်မှန်းထားကြသည်။
အဖွဲ့သား ၆ ယောက်လည်း အစည်းအဝေးအတွက် ကုမ္ပဏီကို ရောက်လာခဲ့ကြပြီး အချင်းချင်းမတွေ့ကြတာ ရက်အနည်းငယ်မျှရှိနေပြီမို့ ဆူဆူညံညံစကားဖောင်ဖွဲ့နေကြတော့သည်။
YOU ARE READING
Bi De • Pan Yu Xin De Rui la ||Myanmar Translation||
FantasyIt's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119