Bi De • Pan Yu Xin De Rui la ||Myanmar Translation||

20

[Unicode]

'နည်းနည်းတော့ ချစ်စရာကောင်းသား'

ည ၈ နာရီ၌ ကုမ္ပဏီရဲ့ Weibo နှင့် တရားဝင် Website များမှတစ်ဆင့် IceDream ရဲ့ ပထမဆုံးအဖွဲ့ဝင်ဖြစ်သည့် Tomas နှင့် ပတ်သတ်တဲ့အချက်အလက်များနှင့် ဓာတ်ပုံများကို တစ်ချိန်တည်း တင်ပေးလာသည်။

Tomas ဆိုတာ ရှဲ့ကျူရှင်းဖြစ်သည်။ အဖွဲ့ထဲ လူများစွာ ပါဝင်တာမို့ တရုတ်နာမည်များထက် အင်္ဂလိပ်နာမည်အတိုကောက်များကသာ ပရိတ်သတ်များ၏မှတ်မိခြင်းခံရဖို့ ပိုလွယ်ကူတာမို့ လူတိုင်းတွင် ရိုးရှင်းသည့် အင်္ဂလိပ် stage name များ ရှိနေကြရသည်။ 

သူတို့နာမည်များမှာ ဤအတိုင်းပင် ; Tomas သည် ရှဲ့ကျူရှင်း၊ Able က ကျိကျဲဖြစ်ကာ Beson ဆိုတာ ကောင်းစီယွမ်အတွက်ဖြစ်ပြီး Leo သည် ဝမ်ချောင်၊ Carl က ယန်ရှောင်းမူနှင့် Cute က ချန်းယောင့်တို့ဖြစ်ကြသည်။

သူတို့ခြောက်ယောက်သား သီချင်းအတွက် လေ့ကျင့်ပြီးတာနှင့် အိမ်ပြန်မသွားကြ။ သူတို့အကုန် ကုမ္ပဏီတွင် ကျန်ရစ်နေခဲ့ကြပြီး ဝိုင်းစုထိုင်ကာ Weibo အတူသုံးလျက်ရှိနေသည်။

ကုမ္ပဏီက Promotion အတွက် အစွမ်းကုန်ကြိုးစားပေးထားသည်။ မိနစ်ပိုင်းလေးအတွင်း ပြန် share သူမှာ ထောင်ကျော်သွားပြီး မှတ်ချက်များလည်း တစ်ရာကျော် ရှိနေလေသည်။

သွမ့်ယိခွန်းက သူတို့ကို ကြိုတင်သတိပေးထားပြီးသားပင်။ အိုင်ဒေါအဖွဲ့အသစ် ထွက်ပေါ်လာတာနှင့် လူထုက အလျင်အမြန် လက်ခံ၊ ဝိုင်းချီးကျူးပေးဖို့ လုံးဝ မဖြစ်နိုင်။ ထို့ကြောင့် မှတ်ချက်များထဲတွင် ပါလာမည့်မကောင်းပြောခြင်းများအတွက် သူတို့ကို စိတ်အခြေအနေ ပြင်ဆင်ထားစေသည်။

မည်သို့ပင်ကြိုပြောပြထားပါစေ မကောင်းသည့်မှတ်ချက်များကို မြင်ပြီးနောက် စိတ်ထိခိုက်ရဆဲ။

'ဒီရုပ်ရည်နဲ့ ဘယ်လိုများ အိုင်ဒေါဖြစ်လာရတာလဲ။'
'သူ့မေးစေ့က တစ်မျိုးကြီးပဲ။'

'ပွဲဦးမထွက်ခင် သွားပြင်ထားတာနေမှာပေါ့။'

ရှဲ့ကျူရှင်းရုပ်ရှည်က အတော်လေးကြည့်ကောင်းပြီး ၁၀၀% ပြုပြင်ထားခြင်း မရှိ။ သူ့အကစွမ်းရည်လည်း အလွန်ကောင်းမွန်လှသည်။ သူ့လိုလူကိုတောင် ဝေဖန်ကြတယ်ဟုသည့်အသိက နောက်ဆက်တွဲကြေငြာခံရဖို့စောင့်နေတဲ့လူတိုင်းကို စိုးရိမ်ကြောင့်ကြနေစေတော့သည်။