[Unicode]
'ထိုးလို့ရလား'
'ရှောင်ရှဲ့က သူ့ကို ဒီမှာစောင့်နေတာလား။'
"မင်း ငါ့ကိုစောင့်နေရဲသေးတယ်ပေါ့!" သူ ချက်ချင်းအော်ပြောလိုက်သည်။ "မင်း ငါ့မျက်နှာပေါ် ဘယ်လိုတွေလုပ်သွားလဲ ကြည့်! အခု ငါ့ကိုတောင်းပန်စမ်း!"
သူ တစ်သျှူးနှင့် ဖြစ်သလိုသုတ်ခဲ့တာမို့ သူ့မျက်နှာထက်တွင် ခရင်အကြွင်းအကျန်များရှိနေသေးသည်။ ထိုအချိန်မှာပဲ သူ့မျက်လုံးများက ပြူးကျယ်လို့အော်ဟစ်လာတာမို့ ဒေါသတကြီးပုံစံပေါက်ရမည့်အစား အနည်းငယ်မျှရယ်ချင်ဖွယ်ဖြစ်နေတော့သည်။
ရှဲ့ကျူရှင်း သူ့ထံမှ ဒီလိုတုန့်ပြန်မှုမျိုးရလိမ့်မယ်လို့မျှော်လင့်ထားပြီးသားမို့ ပြန်ပြောလိုက်သည်။ "ငါ မင်းကိုတောင်းပန်ပေးမယ်။ မင်း ထောင်းထောင်းကိုရော တောင်းပန်ပြီးပြီလား။"
ဝမ်ချောင် ဒေါသတကြီးပြန်ပြောသည်။ "ငါ ဘာလို့သူ့ကိုတောင်းပန်ရမှာလဲ။ ငါ သူ့ကို စကားတစ်ခွန်းတောင် သွားပြောတာ မဟုတ်ဘူး။"
ရှဲ့ကျူရှင်း ဆက်ပြောသည်။ "ခုနလေးတင် လူတွေအများကြီးရှေ့မှာ မိန်းကလေးတစ်ယောက်ကို ရစရာမရှိအောင် ပြောလိုက်တာ ဘယ်သူလဲ။"
ဝမ်ချောင် မတရားစွပ်စွဲခံရသလိုပြောတော့သည်။ "ဘာ လူအများကြီးအရှေ့မှာ ပြောတာလဲ။ ငါ မင်းကိုပဲ ပြောတာလေ!"
ရှဲ့ကျူရှင်း : "ဒါဆိုရင် ငါ မင်းကို အသံလျော့လို့ပြောတုန်းကရော မင်းနားထောင်လား။"
ဝမ်ချောင် ခဏမျှဒေါသတကြီးလေရှူထုတ်နေပြီးမှပြောလိုက်သည်။ "မင်းကရော ကောင်းကောင်းပြောလို့မရဘူးလား။ လူတိုင်းအရှေ့မှာ ငါ့မျက်နှာကို ကိတ်မုန့်နဲ့ပစ်ပေါက်တယ်။ ငါက ခေါင်းဆောင်ကွ။ ငါကရော မရှက်ရဘူးလား။"
ရှဲ့ကျူရှင်း သူ့ရဲ့တည်တည်တံ့တံ့မျက်နှာသေကို မထိန်းနိုင်တော့မလိုဖြစ်သွားတာမို့ ချောင်းဟန့်ရင်းပြောရတော့သည်။ "တောင်းပန်တယ်ကွာ"
ဝမ်ချောင် သူ့တောင်းပန်စကားကို မလိုချင်လှ။ သူက တစ်ဖက်လူနှင့်အိပ်ချင်ရုံသာဖြစ်ပေမယ့် 'တောင်းပန်တယ်' ဆိုတဲ့စကားကြားချိန်မှာလည်း အတော်လေးခံစားရအဆင်ပြေသွားတော့သည်။ သူ ဘဝင်ခိုက်နေတဲ့မျက်နှာအမူအရာဖြင့် ကားသော့ကိုပစ်ပေးရင်း ပြောလာသည်။ "ငါ အရက်သောက်ထားလို့ မောင်းမရဘူး။ မင်း ငါ့ကိုအိမ်ပြန်ပို့ပေး။"
YOU ARE READING
Bi De • Pan Yu Xin De Rui la ||Myanmar Translation||
FantasyIt's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119