Bi De • Pan Yu Xin De Rui la ||Myanmar Translation||

2

[Unicode]

"ကျွန်တော့်မျက်နှာကို မရိုက်နဲ့ .. အကိုကြီး!!"

သူတို့ ကလပ်ထဲမှ ထွက်လာချိန် ကောင်းကင်ထက် ကြယ်များ ပတ်ပတ်လည်နှင့် လမင်းက ထိန်သာနေလျက် ပုစင်းရင်ကွဲ အော်သံများကိုလည်း ကြားနေရ၏။ ဂျူလိုင်လ၏ အပူလှိုင်းက သူတို့ထံ အပြေးအလွှားရောက်လာတော့သည်။

"အခုတလော သောက်ရမ်း ပူတာပဲ။" ဝမ်ချောင် သူ့လက်မောင်းကို ရှဲ့ကျူရှင်း ပခုံးပေါ်မှ ဖယ်ရင်း ညည်းညူလိုက်သည်။ သူ ကားသော့ကို နှိပ်ရင်း ကားလော့အား ဖွင့်လိုက်သည်။

ရှဲ့ကျူရှင်း ထိုကားက အဝါရောင် Ferrari ဖြစ်ကြောင်း တွေ့လိုက်ရသည်။ ခမ်းနားထည်ဝါမှုနှင့် ကရော်ကမြည်နိုင်မှုနှစ်ခု ဒွန်တွဲနေသည်မှာ အရှေ့ရှိ စက်သေနတ်ဘုရင်ပုံစံနှင့် ကိုက်ညီလွန်းလှသည်။

စက်သေနတ်ဘုရင်က သူ့အား မေးလာသည်။ "ကားမောင်းလာတာ မဟုတ်ဘူးလား။ တစ်ယောက်ယောက်ကို လာကြိုခိုင်းတော့မှာလား။"

"ငါ မြေအောက်ရထား စီးလာတာ"

ဝမ်ချောင် အံ့ဩသလို အမူအရာပေါ်လာပြီး — "Damn, ပါတီကို မြေအောက်ရထားစီးပြီး လာတဲ့သူ တစ်ခါမှ မမြင်ဖူးဘူး။"

ရှဲ့ကျူရှင်း ကျောပိုးအိတ်လွယ်ရင်း ပြောလိုက်သည်။ "ငါ ဒီကို ပါတီ လာတက်တာ မဟုတ်ဘူး၊ ဖျော်ဖြေဖို့ လာတာ။ ပါတီအစက ဖျော်ဖြေပွဲလေ၊ အဲ့မှာ ငါက အကသမား။"

ဝမ်ချောင် သူ့ခေါင်းနောက်ကို ပွတ်ရင်း ရှဲ့ကျူရှင်းကို ခေါင်းအစခြေအဆုံး ကြည့်လိုက်သည်။

ရှဲ့ကျူရှင်း တွေးလိုက်သည်။ 'အခုတော့ မင်း ငါ့ကို မှတ်မိပြီ မလား?'

သို့ပေမယ့် ဝမ်ချောင်ကတော့ အပေါ်၊ အောက် ဆက်ကြည့်နေဆဲ။ "မင်း ခြေထောက်တွေက တော်တော်ရှည်တာပဲ။ ခန္ဓာကိုယ် အချိုးအစားလည်း ကောင်းတယ်၊ ... ဝေါင်း!! မင်းတင်ပါးတွေက တကယ် ကြည့်ကောင်းတယ်!!"

"ကျေးဇူးတင်ပါတယ် .. ငါ့တင်ပါးကိုယ်စား"

ဝမ်ချောင် ရယ်လိုက်သည်။ "မင်း ဘာလို့ ယဉ်ကျေးနေတာလဲ။ တအားလည်း မယဉ်ကျေးပါနဲ့။ အကကို မင်းဘာသာ လေ့ကျင်သင်ထားတာလား။"